M3 Italian (已結業)

幾年前同朋友慶祝生日吃過一次沙田店，知到搬了來大圍，今日就又同朋友吃一餐。裝修比舊店有特色，樓底高夠光猛，有點酒吧風格，坐得比較舒服。鮮帶子龍蝦湯$58濃郁嘅龍蝦味，飲得出用蝦頭煮過，果然係真材實料，好味!驚喜就係有成10粒鮮帶子，成個湯都好creamy。😋😋櫻花蝦龍蝦汁意大利粉配原隻龍蝦尾$188龍蝦肉比想象中有驚喜，好鮮味，焗過d好彈牙，雖然係龍蝦尾 ，但肉都唔少，yummy!每條意粉都沾滿龍蝦汁，而且份量比一般意大利餐要多。奧地利🇦🇹蘋果🍎卷配意大利雪糕$68賣相已經不得了，外層鬆脆，裡面粒粒🍎粒，酸酸甜甜，最正係個雪糕，果然係意大利🇮🇹雪糕。最有驚喜係可以吃到美味生蠔，消費滿$200就可以每人叫一打法國🇫🇷生蠔，重點係$10一隻，超級超級抵吃，而且十分鮮味，重點推介👍👍👍

大圍真係有好多餐廳架 今次我地就去左呢間意大利餐廳食晚餐啦😊我哋今次就試咗傳統西西里島肉醬意大利粉配日本溫泉蛋同黑松露野菌意大利飯配香煎法國鵝肝👅 呢到星期1-4加$68就可以upgrade 做套餐 可以有餐湯 甜品 餐飲三揀二✌🏻 我地就upgrade 左1個 揀左餐湯同甜品 餐湯我地就揀左鮮帶子龍蝦湯🤤 入面有好多帶子 龍蝦湯好濃味好飲👍🏻傳統西西里島肉醬意大利粉配日本溫泉蛋既肉醬材料豐富 食到啖啖肉粒 加上意粉口感不錯😋 黑松露野菌意大利飯配香煎法國鵝肝既鵝肝煎得好香 意大利飯略為硬左d 不過黑松露味好香😆最後揀埋個甜品 我地就試左Coffee Cream Brûlée 🤩 面頭滿滿既焦糖好正 食落都幾香咖啡味架🌟

一間西餐廳冇餐包就。坐底咗水都冇杯。比咁貴，個set乜都冇。性價比好底。坐入去後，好後悔，好想走。係只有食物搭夠翻小小囉，但質素都係一般。同價錢成翻啤正比嘅。但食物出得好慢。

大圍的消費力都好高，今日同老公拍拖，撞咗入去一間意大利高級餐廳，服務唔錯，一個侍應睇兩張枱，所以落柯打換碟加水速度快。鮮帶子龍蝦湯，認真唔錯，好香龍蝦味，有十隻八隻帶子，只可惜細碗小小。肉醬意粉配溫泉蛋，都ok的，肉醬幾有咬口。西班牙燒乳豬，睇落細細份，只得三件乳豬，但係食落都幾飽，乳豬骨好幼煮得好淋，唔覺意食咗幾條魚豬骨，配以 大大份的忌廉芝士薯蓉，都幾飽肚。我見到好多枱客都有爱生蠔 可能因為係特價 $10一隻 不過因為我狀態唔好，下次先叫啦。

最近周圍都唔去得 唯有收工後返大圍搵食去左呢間經過好多次 一直想試既M3食西餐一入門口已經有盞大吊燈燈光明亮 環境都幾舒服話說唔算太肚餓 叫左一個Pasta同Pizza同小胖男友share溫泉蛋肉醬意粉 係小妹既心水之選意粉硬度適中偏硬身 連埋肉醬食就剛剛好而將溫泉蛋拌勻就更加可以增加意粉既creamy口感Pizza既款式都頗多 心大心細之下揀左意大利辣肉腸PizzaPizza既餅底好脆好薄Pizza上除左辣肉腸,青椒,紫洋蔥同黑橄欖 仲有小妹鐘意既菠蘿 食落即刻多汁juicy d 同脆卜卜嘅餅底相映成趣係同區黎講 算係比較高質素既一間西餐廳 岩晒情侶撐枱腳

大圍有兩大多，第一多就係髮型屋，差不多每一兩間舖頭就有一間髪型屋；第二多就係茶餐廳。不過今日呢兩個地方都唔去，去試下西餐。平日Lunch人不是太多，唔駛等位好快可以入座。lunch set menu都多選擇。每一個餐可以選擇湯或沙律，再配主菜，最後有杯餐飲同甜品。雖然餐牌都多選擇，但我每一次都係揀煎雞扒意粉 由細到大都對雞扒有種情意結❤️ 雞扒配以用香草煎香，每一啖雞扒都係好juicy! 可以選擇意粉、飯或薯菜，意粉口硬適中，配以橄欖油，yummy!!

又有朋友生日 搵間餐廳聚下腳 揀左大圍第一次黎li 間餐廳唔錯喎顧住傾都冇乜點正經食輕輕點評鮮帶子龍蝦湯超香的龍蝦味 而且鮮西班牙乳豬肉嫩皮脆 好好味黑松露野菌Pizza香濃黑松露批底脆餡料豐富肉眼扒少少鞋 都有牛味偏熟左少少 薯條脆龍蝦意粉龍蝦好香意粉入味 偏油香橙朱古力慕絲好好味 好好味 好好味咖啡焦糖燉蛋超香濃 好好味蘋果卷拼意大利雪糕蘋果酸酸甜甜 還可以朱古力梳乎里鬆軟 還可以原來li 度仲有駐場歌手仲可以點唱好有氣氛

在附近探朋友後搵野食，在積富街由街頭行到街尾，發現都有超過10間餐廳，最後選了外表好似最高級及西式格局的意大利餐廳。裝修有格調，坐位亦闊落舒服，坐在窗口邊，望住外街食飯，好寫意。鮮帶子龍蝦湯都好似有成10隻帶子，份量算多，龍蝦味濃郁，有層次感。肉醬意粉配日式溫泉蛋配搭幾好，除了肉醬外仲有煙肉及碎腸仔，份量豐富，亦唔覺油膩。西班牙燒乳豬好似有¼隻，燒得好皮脆肉嫩，亦煮得入味，看落唔係好多，但食完後會覺得肚將脹晒，好滿足。

一直都想食呢間 經過好多次 今次終於食到啦 周埋老公去左大圍呢間位置都近地鐵站 行多一兩條街就到了是日晚餐套餐 HK$598 + 10% 服務費有兩碗湯有前菜兩道有飯/意粉/薄餅有肉先黎兩碗湯: 鮮帶子龍蝦湯 & 黑松露野菌忌廉湯 鮮帶子龍蝦湯 有一粒一粒既細細帶子 龍蝦味唔係太濃 黑松露野菌忌廉湯 好濃郁既黑松露 正呀…前菜: 帶子配凱撒沙律 & 辣肉腸花甲蜆煎香了帶子一人一隻辣肉腸花甲蜆 新食法都幾好味意粉叫左--卡邦尼意大利粉配日本溫泉蛋--好CREAMY 我都幾鍾意食日本溫泉蛋 所以都好岩口味既再黎就係 --炭燒美國肉眼扒配黑椒汁-- 7 成熟都唔會話好熟 肉質夠口感 而且餐廳亦另配多個芥末醬濃厚肉味配一D芥末醬 **GOOD**再配埋杯啤酒**正**最後啦 --甜品餅盤—雪糕配鬆餅 & 焦糖燉蛋 & 朱古力蛋糕喜愛食生蠔 *必推介****精選生蠔***好抵食 只要每位惠顧滿HK$200就可以以優惠價HK$10/1 隻 無錯係HK$10 就可以食到啦 (每位限購12隻)

今天來到大圍覓食 就來嘗嘗開飯好評頗多的西餐廳先點了個海鮮作前菜 白酒忌廉煮美國波士頓活藍青口 0.5kg青口新鮮脹卜卜 配上白酒忌廉 雖然很邪惡 但很creamy很搭 如果有麵包提供沾白酒忌廉汁就更好意大利傳統四式芝士薄餅薄餅用上四種芝士 金文畢芝士 車打芝士 水牛芝士 藍芝士 芝士烤得半溶 帶點拉絲的效果入口啖啖芝士 薄餅底很薄很脆 吃完也不會覺得很膩 頗推薦星期一至四 加$68 就可升級至套餐是日餐湯 甜品 餐飲 三選二餐湯可選 鮮帶子龍蝦湯 或 黑松露野菌忌廉湯鮮帶子龍蝦湯 入口濃濃龍蝦味 挺滑溜 但稍微有點腥 湯中真的有粒粒的小帶子甜品可選主餐牌任何一款奧地利蘋果卷配意大利雪糕 蘋果卷新鮮岀爐 外皮很脆 蘋果粒不會煮得太軟冧 帶點爽口 酸酸甜甜 熱的蘋果卷配上雪糕 冷熱交融 很滿足餐廳還有一個螢幕播放電影 好像一個迷你影院店員頗細心 會經常加水 還會不時換碟環境舒適 頗有氣氛 是情侶約會的好地方

放實習心血來潮要搵返個地方放鬆下，呢間餐廳西餐距離大圍地鐵站5分鐘路程，好中意佢地裝潢同佈置，我地叫左2個晚市套餐，主菜加68蚊就有埋甜品同餐湯或飲品，首先超級推介餐湯，龍蝦湯同野菌湯都好好飲，超香濃，有驚喜！主菜我地叫左辣肉腸薄餅同有4個手指公既西西里玉子意粉，喜歡薄餅微烤既薄脆邊，啖啖都食到配料，甜洋蔥出奇地易入口，意粉有口感而且份量好多，醬汁都好足夠有埋肉粒，加芝士粉仲好味，甜品係香橙朱古力慕絲，好smooth，朱古力同橙味balance, 丹麥蘋果批好多蘋果餡料，配雲呢拿雪糕一流啊

在大圍BOOK左位，一去到就可以安排入座~餐廳裝修好浪漫，燈光柔和，好適合聚餐~情侶慶祝活動~睇左陣餐牌太多選擇，最終決定叫2人套餐~首先有2款前菜，上左凱撒帶子沙律，D菜好新鮮配微酸醬汁食落好夾好清爽，最出色粒帶子~好鮮甜美味~好讚﹗另一款墨西哥辣醬雞亦，炸到好香口，食落辣辣地好野味餐湯有2款，各點一個可以試晒味道，一個海鮮龍蝦湯，好足料入面有好多帶子粒，味道超濃郁~另一款是黑松露野菌忌廉湯，黑松露的香味加濃郁菇菌，2款湯都做到好出色非常鐘意~主食叫左一款傳統四式芝士PIZZA，喜歡芝士朋友一定唔可以錯過， PIZZA夠薄又脆口配上唔同味道口感芝士，所以我食左2片都唔覺膩口~真心推介主菜點左六成熟炭燒美國肉眼扒，開頭怕太生，好欣賞廚師可以燒到岩岩好，完全無血水，切開可以見到好靚粉紅色肉質，食落唔鞋口，唔洗點黑椒汁已經好好味。最後結尾甜品拼盤，三款份量少少，食客可以試多D款，可見餐廳用心，抵讚~

原定用餐時間一個半鐘我哋遲咗大概10分鐘左右8點15需要交枱冇問題但係...7:15上完生蠔然後7:37”同時間”上前菜同意大利飯跟住7:55先上巨型T骨扒時間上係咪有少少問題呢？我哋呢頭先食緊個扒就已經催我哋買單交枱嘢食係幾好食但唔會再嚟

沙田果間M3無左，發現大圍有一間，所以今晚去左試下。入到去覺得舖面幾大，環境少少暗，但暗得黎好舒服。整體裝修不錯。叫左晚餐既main course 法式紙包比目魚配香草牛油沙律菜（$198）。加餐有配餐湯同甜品。餐湯係帶子龍蝦湯，賣相吸引，亦好夠味。值得一贊係帶子有好多，基本上每一啖都食到（帶子細細粒，但勝在份量夠）。佢個湯都幾濃味，可能有人會覺得咸左少少，但我接受到。主菜比目魚加沙律。份量都係大既，雖然菜多，但一個人食哂都幾飽肚。沙律十分開胃，個sauce好好食，酸酸甜甜。兩塊比目魚配上檸檬汁好清新，肉質鮮嫩，好適合唔想食得太重口味既人。個法式紙包係唔食得架下，雖然佢個樣好似酥皮咁想令人咬一啖😂。甜品係法式焦糖燉蛋，上脆下軟，係一般西餐廳既甜品水準，燉蛋暖暖甜甜，上面層焦糖都唔會話太硬，品質中上。連加一差唔多300到。環境舒服，可以坐好耐，見到好多人都選擇黎呢到聚餐。

今日放工，獨自去大圍買一點東西。買完後四圍逛，隨便找了間餐廳吃晚飯。看到這間餐廳的門面不錯，大玻璃，裝修有品味 ，擺設花了點心思，覺得很美。去到這間意式餐廳，當然要點一個意大利飯，然後再加了一個套餐，套餐是3揀2，有餐湯，甜品及餐飲。餐湯是黑松露野菌忌廉湯，入口滿是黑松露的味道及淡淡的忌廉味，濃結適中，我很喜歡。飯是黑松露野菌意大利飯配香煎法國鵝肝，每一啖都充滿黑松露醬，裏面有蘑菇及車厘茄等配菜。法國鵝肝煎得很香，入口有一點點油滲出，非常肥美。 意大利飯軟硬適中，不會過硬，口感不錯。我是黑松露fans，所以特別喜愛這類菜式。甜品時間又到，是法式咖啡焦糖燉蛋。燉蛋的咖啡味很濃，上面焦糖燒得脆脆的，蛋很滑。估不到燉蛋跟咖啡的味道原來是perfect match，超like，很美味。