M3 Italian (已結業)

今次叫咗一個蕃茄煙三文魚意大利粉， 佢上面有蕃茄粒，加埋蕃茄汁，成個意粉好重蕃茄味 ，而且意粉上面有芝士，同蕃茄好夾！三文魚都唔鞋，熟度啱啱好。整體都幾好食。另一個係肉眼排，佢好大塊，而且熟度大概5成。去到無叫我哋選擇熟度，所以如果想生啲或熟啲可以嘗試提早要求。個牛排熟度一致，唔會中間太生而外面太熟，牛味亦重。個汁係黑椒汁，辣辣哋，同牛排都夾。而跟餐就簡咗薯蓉，同樣份量好大，都幾滑同有薯味。每個餐都有湯或沙律，今次簡咗南瓜湯，個湯南瓜味可以更加濃，不過不失。總結，食物中上但價錢相宜，幾抵食！

平時好少去大圍,今日就因有要事到大圍,搞掂左左就連同一班朋友係大圍覓食,上OPENRICE睇完之後大家都想食西餐既情況下,就決定去食M3 ITALIAN去到見到場地係一間酒吧,我地去到都8,9點左右好彩都有位呂洗等,入到去有LIVE BAND,座位之間都好寬敞唔會迫,大家好肚餓關係,就即刻發板叫野食沙律(唔記得左個名)薯條配黑松露辣雞翼  一般般無咩驚喜黑松露PIZZARIB EYE 5成熟  OK既,不過唔算話好好食,可以接受呢間餐廳黑松露既食物好好食睇返餐牌發現平日有生蠔優惠即叫即開 10蚊隻,同埋友人講話呢間黑毛豬排好食,不過當日就好似賣哂,下次有機會要再試下先呢到人均消費唔洗200蚊,係唔錯既選擇唔知點解OPENRICE話我要原圖唔俾我UPLOAD相,唔貼相了

去開依到食lunch,貪佢西餐夠大份，又好食！而家因為疫情關係，好細心地為顧客桌之間 加上左膠板。令大家食得安心又健康。叫左佢地個意粉同埋漢堡。薯條勁脆口！好味勁一流。食完根本飽哂！同埋佢地杯咖啡好掂好好飲！

整個星期沒有出去吃好東西了，放工又想找間餐廳跟另一半浪漫一下，這次我們來到位置大圍有點穩密的M3 Italian，離火車站只有3分鐘，立刻有一種安靜舒服又浪漫的格調。事關我地都被外面的超優惠生蠔吸引了哈哈哈！凡食夠200hkd就可以以優惠價食10hkd/ 1pcs 指定生蠔（法國聖馬天尼生蠔），超愛生蠔的我倆，急不及待就去試了！入到去, 覺得燈光好柔和好有情調，每張枱還有小燭光 ！這家餐廳在非常時期還設有屏風相隔兩邊客人座位，樓底很高，食客可以食得放心啦！悶悶地還可以和朋友chill以下，玩後面的飛標機。我們點了4只法國聖馬天尼生蠔，一份意大利傳統四式芝士薄餅和一份卡邦尼意大利粉。這家的生蠔非常非常鮮甜，海水味淡，裙邊爽脆，配上檸檬汁口感更是幼滑易入口，平常不太吃蠔的另一半也吃了2只。Pizza賣相非常好呢 ，餅底很脆口！我們這個四式芝士薄餅上面有四款不同的芝士，料非常足！大廚放上適量配料，所以不會出現過膩的情況，薄餅都是即叫即製的，質地香脆、柔韌兼備，超級推介！4款芝士濃味程度不同，口感亦不同，芝士迷必試呢！先唔說食物的味道，意粉一上枱已令人覺得驚艷！擺盤好靚呢！上面還有半熟的溫泉蛋

是晚落大雨，個人唔係咁想郁，但都係餓到想搵好餐廳！見到呢間幾好氣氛就決定入去！原來間中會有樂隊表現，但今晚就唔合時啦！疫情嚴重，餐廳多了間板，覺得有少少格格不入，但覺得老闆都為左香港人著想，值得一讚喔！點左一份四色芝士薄餅，個餅底好香脆，食落索索聲，仲有啲芝士，絕對同友人食到Lam Lam 脷，十分鐘內KO晒成份薄餅，仲以為係自己太誇張，點知友人都同樣食得咁快！太有趣！之後仲叫左份黑松露菇配鵝肝，嘩！一邊食一邊啲鵝肝油勁爆出嚟，味道簡直就係滋味豐富無窮！完全係食到勁唔夠喉，好想單配多件鵝肝囉！但其實件鵝肝真係夠大夠厚身，只係我哋都係鵝肝同芝士嘅發燒友！食到停唔到口！不過覺得飯有點硬身，都真係幾接近正宗意大利飯！友人形容有少少濕得濟，似福建炒飯，我笑左！

今日午餐時間來到大圍食lunch，呢間餐廳叫M3 Italian，係吃意大利菜的餐廳，店內環境好大呢，座位亦都好多，位置寬躺，佈置亦很美觀。當日店內客人都幾多的，但上菜速度都很快，這個非常好呢！點了午市套餐，烤美國特選穀飼肉眼配眼椒汁，配上薯蓉，價錢$105，有餐湯加飲品。是日餐湯為南瓜湯，味道濃郁，湯有南瓜蓉，好足料的感覺，好味。烤美國特選榖飼肉眼扒更是大讚，肉質鮮嫩無比，牛肉烤得有紋路，烤得香口味美，非常有驚喜，而且形狀有點像心形呢～配上的薯蓉好香好滑，而且夠曬飽肚。這一個午餐實在是正！一試難忘，原來大圍有間咁好吃西餐，下次要再來吃！

朋友話佢上次黎大圍食左間好野，又捉左我去再戰下，發現大圍竟然收埋左間咁高質既西餐！餐廳環境唔錯，位置闊，樓底好高，見到四人枱中間會有個隔板，我就覺得幾好，兩個人黎食，同隔離既人之間可以有啲私隱～（而家黎講仲係一種保險lol）近來好鐘意食沙律, 於是叫左個parma ham salad, 真係剩係食個沙律已經覺得呢度好高質!! 上面啲柑勁juicy勁甜，啲沙律醬同菜種全部勁岩心水，加埋啲火腿更加唔洗講，有咬口，鹹香味，仲要勁大份，放得又靚，不得了！之後仲叫左好多隻蠔一齊share，10蚊一隻既蠔但係又大又好味，cp高到爆，可以係邊度揾？然後我地仲叫左個鵝肝Risotto一齊食，D risotto 米粒外軟內脆，控制得岩啱好，勁有咬口，啲汁調製得勁香口，食落會上癮不停咁食，鵝肝味道好濃好香，同啲飯既汁勁夾，整得勁出色！如果以後經大圍，都會想黎食個飯！

大圍有條街有幾多好野食 ig睇到佢前個輪凈係接待香港人同有派口罩 所以今次就黎呢間M3 Italian 同朋友食個lunch 裡面環境幾好 燈光幾光猛大玻璃又透光 餐廳樓底幾高下酒杯餐具調味料全部都擺放得好整齊坐坐位幾寬敞 坐落梳發質地幾舒服🤩同旁邊位置仲有塊板隔住 旁邊客人一離開就清枱拎支消毒酒精清潔枱面 有特別做好衛生措施 服務幾好💛👍🏻跟午市套餐仲可以自選要湯餐定田園沙律沙律一點都唔求其 裡面有去衣既橙 蕃茄 沙律菜醬汁好夠 撈好全碗勁足料 食落好新鮮夠脆口個醬汁幾惹味之後黎到既係我地跟餐加既小食芝士條 味道好鹹香 幾惹味 內軟外脆 仲勁拉絲 叫左個意粉份量超足料 蕃茄龍蝦汁意粉 意粉條條掛汁 食落味道好濃郁 仲要係地盤佬都食得飽既份量 大滿足

自從搬左去大圍附近後，成日四圍揾有咩好野食，今日朋友同我講大圍有間好好味既意大利餐廳有10蚊蠔食，我緊係即刻衝去試下啦！呢間M3位置都幾好，就係麥當勞對面果邊行入一兩個街口咁，好方便。入到去感覺好有格調，估唔到大圍都有幾有feel既餐廳。Menu都好多選擇，我叫左黑松露醬薯條、十隻蠔同埋鵝肝意大利飯。首先黎既係蠔，放得好靚，啲蠔既size仲幾大，蠔身修長，有淡淡既海水味，蠔味香，幾清甜，10蚊但係咁好味！好抵！黑松露薯條勁高質！！首先佢份量已經係可以比三四個人食，而佢啲薯條真係炸得勁完美，無論切既粗幼度，鹽嘅份量，仲有佢嘅口感全部都啱晒我心水！食落去係爽脆，我真係食到上晒癮，都仲未講佢啲黑松露醬真係整得超好味，好香嘅黑松露味，鹹鹹地又酸酸地，真係超級惹味！之後仲有個鵝肝意大利飯，其實因為食完薯條已經好飽，真係有少少驚食唔晒，但係呢個意大利飯同埋鵝肝又係超香超好味，所以就算我都飽飽地，我都堅持要食晒佢。鵝肝好香滑，外面脆脆地入邊好軟稔，啲risotto既調味又好夠濃，所有野都好好好味。杯無酒精Mojito都好飲，清新，淡淡薄荷味，涼涼地咁真係隱世係大圍既美食，勁推薦！

閒日去食晏就飯，餐廳唔算多人，我就叫左lunch set～ 餐廳裝修得好靚，有個好大嘅酒吧位，同埋一排靚酒，成個設計幾有feel有南瓜湯同埋沙律揀，揀咗沙律～加錢叫咗個小食，炸芝士棒炸得幾鬆脆，芝士味唔算好濃郁，不過都幾香口揀咗美國牛扒配意粉，賣相好靚，但冇乜牛肉味，不過份量都幾多，夠飽有突反而意粉唔錯，軟硬適中，不過唔夠調味。另外仲有餐飲餸，點左凍咖啡冇乜特別所以冇影相整體覺得好普通，計埋+1要百幾蚊，相信區內有更好選擇

在這疫症蔓延的時候，人還是要進食的，但是我會選擇一間以港人福祉優先，敢於保護港人健康和良知的食肆。與其說這是一間意式餐廳，不如說他更像一家Irish pub,這裏有wild的鹿角燈，有stylish的吧檯，空氣中彌漫着Adele的Hello...當政府對於時代的疫症束手無策，民間就用自己的方法康復香港。店家為防止飛沫亂噴，特登安裝了屏風，保障了衛生，亦變相增加了私隱。set lunch有頗多選擇，價格不算便宜，但在可接受範圍。點了香煎龍脷柳意粉，加炸薯條，配沙律和熱檸水。先上檯的是沙律，以鋼杯乘載，頗為別緻，但食用就不那麼方便。沙律菜分量多，以胡麻醬調味，再佐以一片橘子，非常醒胃。main dish及side dish亦陸續來到。龍脷柳有好多件，吃極都還有，烹調手法非常好，做到魚肉滑，但外層仍然脆口。意粉沿用歐式處理，將一批意粉預先煮好，攤凉，待食客叫餐時便取一部分擺盤裝碟。但港人吃下去，便會嫌不够熱，及稍嫌太乾芝士忌廉汁够滑亦够濃，好味。薯條用一個篱裝載，但同樣取吃時會較為狼狽，所以我索性將薯條倒在碟上，慢條斯理地品嚐。薯條每一條都炸得通透，每一條都是脆卜卜的，加了黑椒和盐稍為調味，

大圍M3似乎在區內都幾出名，今日黎食個晚餐，叫咗兩個主菜，一個意大利三色薄餅（$128），另一個慢煮野菜芝士龍脷卷配黑松露野菌忌廉汁（ $168 ）。Pizza係薄批，有六塊，有幾款芝士、蕃茄、香草等等，批邊有香烤味，夠脆，食嘅時候會聞到香草味，加埋芝士就好好味了，感覺傳統。龍脷卷係兩伴黃色嘅魚肉捲起，我估佢係用野菜慢煮所以令到魚身染左菜嘅顏色，面頭有一層火灸芝士，魚本身味道偏淡，所以要配埋個黑松露野菌忌廉汁來吃，另外仲有一大pat薯蓉，幾條蘆筍配搭，都OK。仲有一塊紅色嘅脆片，係用紅菜頭汁整成嘅，幾特別又幾好味。叫主菜可以加$78 （星期五、六、日要加$88 ）升級做套餐，可以有餐湯、甜品或飲品三選二，都幾好。

依度係酒吧嘅格局，但除咗酒吧，呢度都係一間意大利菜餐廳，主要係唔同嘅意大利菜。今日見唔係幾肚餓，所以就只係叫咗一個Pizza，同埋意大利粉。Pizza方面揀咗一個意大利傳統四色芝士薄餅，意粉方面就選擇咗，黑松露野菌意大利粉配日本北海道帶子。先講個pizza，份量啱啱好，唔會太大，唔會太細。真係只有，芝士味道十分濃厚，餅底趣卜卜，夠薄。10分好味。至於個意大利粉，黑松露味道夠香，啲菇嘅味道都好好食，帶子就出邊煎到香脆，入邊鮮嫩。總體來講，呢間餐廳質素十分高特別係喺大圍，冇乜其他類似嘅選擇。如果喺大圍嘅話，絕對值得一試。

朋友經常盛讚大圍呢間M3，今晚就來幫襯下，佢其實係餐廳酒吧二合一，門口有兩張椅可作呼吸位置，裡面就西餐廳格局，仲有兩部飛鏢機。我見呢度有生蠔供應，配埋餐酒黎傾吓心事應該好舒服，不過飲酒一向都唔啱我，今晚諗住簡單食個晚餐算了。餐牌選擇豐富，揀咗一個「卡邦尼意大利粉配日式溫泉蛋」（ $128 ），同埋「意大利黑松露野菌雲吞配黑松露野菌忌廉汁」（ $168 ），可以加$78升級做套餐，有埋餐湯、餐飲和甜品（三選二）。卡邦尼意粉有 al dente的感覺，加上芝士粉、煙肉條、火腿絲，最重要當然有隻溫泉蛋啦！我將溫泉蛋打均撈來食，蛋味濃郁，感覺好Rich，好味！黑松露雲吞個汁好好味，有黑松露嘅芳香，質感creamy，配上雜菜、雜菇和紅色脆片，每粒雲吞裏面都有小小涵，但我食唔出係乜嘢，反正點左個汁就好好味了！

情人節去M3 Italian, 攞位時18:09分，說明要20:00點交檯，(心諗，對我們這種食飽就埋單走人既人嚟講，您比1小時我，都綽綽有餘。)，坐低落單是18:19分(張收據有顯示落單時間)，叫了一份情人節套餐，亞女叫了寶雲酥羊架，再叫了1打生蠔，食物上檯超慢，先上生蠔，再等...等了半小時，便問店員，可否先給餐湯及沙律比我們，(這些一嗶就係，照道理應該唔駛咁耐吧？)，好喇，湯上了，飲完，又等....沙律，前後坐了快1小時，情人節的兩份主菜才上檯，等我們都吃飽了，又要三催四請追亞女的羊架及我們套餐甜品，前後催了5次，等到19:55分(即已落單後的1小時36分鐘)，亞女的羊架才上檯，亞女由18:19分等到19:55才有得食，真係痴線!!我明白大節日廚房好忙，主力做套餐，但、如果散叫的，真係做唔切，可以暫停的嘛，唔係叫客一直等，一直催，大家都無癮喇!! 等亞女食飽，我再追，情人節套餐的甜品才上檯，食完即埋單走人，本來心情超好，都被M3搞到心情差，坦白講，咁既時勢，真係唔想在餐廳坐咁耐。食物雖好，但食一頓飯，要不停追，不停等，要這樣貼錢買難受，真係嬲到一肚氣。自問不是西客(可以睇番我