Lucky Smash (已結業)

早排係網上睇到burger joy開左間副線係荃灣，作為荃灣友當然要去試下啦。結果次次都排大隊，肥仔又唔肯等。上星期OT完，行過終於冇咗人龍啦，咁梗係要試吓啦。佢個裝修好香港，顏色配搭成個利是封咁，希望食完會行運一條龍🤣🤣肥仔最近要戒牛，佢同我講要食3個熱狗😅Fine, 反正買個餐加$10可以多一個熱狗，就豪比佢！落完單就見到店員開始整，無論係包，肉定係薯條都係即叫即整，即刻加分👍🏼👍🏼睇住佢夾個包，無論牛油同醬汁都非常足料，又加分熱辣辣薯條，薯條個味道好懷舊，有啲似細個食嘅快餐店熱狗用廚師腸，不過呢個價錢用廚師腸都正常吧！漢堡包好軟身，輕煎至脆邊，係我鍾意嗰種😋有蕃茄洋蔥生菜等等配料，牛肉都係煎到脆邊，入面juicy，再配上大量醬汁，正。總括價錢幾抵，而且即叫即整，包保熱辣辣。味到懷舊，又夠飽，值得一試！

先前已經食過不少次Burger Joys, 亦是忠實擁，每次過灣仔都會食佢嘅漢堡包。當知道原來呢間 lucky smash 行運漢堡係佢嘅副線。而且位置亦非常方便，緊係要試一試。餐廳只做外賣，而鋪位面積對於一般傳統外賣漢堡店都要大，廚房位更加簡潔，一眼望哂!除此之外每個漢堡都是即叫即做，亦可以觀賞整個製作過程。雙層牛肉芝士漢堡店舖所主打的牛肉就是整個漢堡靈魂所在，據講會採用同BurgerJoys 相同的美國安格斯牛，每日手打而成。入口是明顯感受到肉粒都分明，有咬口，而且牛肉味濃又Juicy!!因為手打牛肉是掃上牛油後再煎香，咬開後油份會相對飽滿，夠滋味!另外配搭芝士超芝味，加埋濃厚牛肉，整體感覺就超邪惡!!~~~牛肉漢堡上面提及芝士會令整個包有所變化，呢一款單純只有牛肉漢堡就最能夠體驗得到安格斯牛肉口感同味道。牛肉汁味道會比起牛肉配上芝士後更濃厚，更膩。薯條新鮮即叫即炸，炸得香脆，可以套餐加配!以$48就試到真正的美國牛肉漢堡及唔洗過海都食到Burger Joys質素，可以話係超值。PS: 因為店內不設堂食，加上夏天，而且漢堡放置太耐亦會影響口感，建議買完就快啲食啦!!

呢間係荃灣外賣漢堡包店，放假好想獎勵自己便叫了兩個雙層芝士漢堡套餐外賣拎返屋企同家人分享裝修似美式快餐店面積不大，只提供外賣但佢係開放式廚房所以可以睇到店員整漢堡既過程重點係製作過程乾淨外賣包裝方面非常貼心，打開包裝紙就可以享受。不用用手接觸到食物值得一讚 雙層芝士漢堡套餐，套餐包薯條、汽水$98 價錢都合理雙層芝士漢堡係即叫即做的，雙層厚身的牛肉好多汁好香，頭尾都夾住了香軟芝士配搭新鮮嘅生菜及番茄，咬第一口已經覺得好好食薯條係幼薯炸得剛好金黃色亁身、外脆內在鬆軟十分推介 整體來講份量好足價錢合理，即叫即做既漢堡包好好食

幾次揸車經過荃灣發現依間門面紅檔檔嘅burger外賣, 由於下午太趕時間, 所以試下買去沙灘做午餐, (反正大型連鎖店都要近四五十蚊一個餐)😁餐牌非常簡易明白，單點或套餐亦可點左個最基本嘅牛肉漢堡$48 一落單職員就拎牛肉岀來煎, 現場睇住佢地整起碼知道衛生先包都係即烘, 所以個包咬落仲脆邊。本來對漢堡包都無咩大期望，不過依間真心不錯, 洋蔥蕃茄生菜爽口, d醬恰到好處唔會濃味, 最讚係塊牛無酥味同幾Juicy, 絕對對得住價錢, 以後會多多幫襯小店 👍🏻

今天到荃灣辦完事，便順道到聞名已久的行運漢堡帶些外賣回家與家人分享。這店子不大，但用上了喜慶紅做主色，非常搶眼。再加上這店的名字，真給人一種喜悦好運的感覺。這店各款漢堡包套餐已包括了自選漢堡包🍔一個，鮮炸薯條🍟一盒和自選汽水一罐。～芝士牛肉漢堡一口咬下，漢堡的質感鬆軟多汁。手打安格斯牛肉果然零舍不同，煎得外脆內軟，肉汁豐富。加上一片半溶芝士，新鮮惹味的洋蔥、蕃茄和生菜絲，味道變得多層次。微微煎熱了的鬆軟麵包，加上優質餡料和秘製醬汁，真是滋味無窮。～鮮炸薯條🍟新鮮炸的薯條，外脆內軟，雖然較為熱氣，但又怎能抗拒？用生薯仔連皮切條炸成的薯條，與一般漢堡包連鎖店的製成品立見高低。～行運熱狗🌭️買任何漢堡，只要加$10，可有埋熱狗，非常化算。這店絕對不會將貨就價，熱狗也是即塲做的。熱狗內的秘製醬汁、富口感的生菜絲和啖啖肉的腸仔配合得宜，味道也不錯。這店的食物全是即叫即製，非常新鮮。整間店舖都充滿了煎牛肉的香氣，令人垂涎欲滴。能用親民價錢食到優質的漢堡，真教人滿足。

上星期中午跟大小姐在荃灣吃Burger 。Lucky Smash舖頭只做外賣，採用開放式廚房，所有食物，即叫即整，保証新鮮...漢堡麵包會烘過，芝士味道濃郁，牛肉多汁夠juicy，又香又不油膩，好好味，有肉香，配生菜絲同傳統蕃茄醬，兩者都可以讓牛肉的味道提升，一口咬落去見到半溶芝士流出嚟，非常美味~~漢堡挺身，個包微微烘過有少少脆，厚厚的牛肉煎得很香口，有彈性且肉汁豐盈，一路食一路漏汁，令人吃不停口....$10 加配行運熱狗，腸仔炸過，烘過麵飽微脆，加上生菜絲同醬汁，抵食👍再喝個凍凍的汽水，超爽~~這裡的漢堡用料十足!! 份量超大之餘，味道極之出色，下次encore！❤今次食Burger ，小孩就最開心，開心就好~~.❤️💛🧡

完全冇睇過食評，純粹行過諗住支持下小店，叫咗個$58 凈芝士漢堡，即叫即做全程睇到佢個製作過程，煎緊牛肉，再擺個包輕輕煎一煎……咦，個包咁細個嘅🤔重好熟口面添….咪係嘉頓麵包嚟嘅😱唔係呀化，$58 食個嘉頓麵包，重要細過麥當勞果個！個漢堡就係得嘉頓麵包上面搽少少千島醬、一汁生菜、一圈洋葱、一片蕃茄、牛肉再加少少芥辣，個包細到呢...，返到屋企心諗呢間嘢一定比人閙爆冇返轉頭，查下openrice 個食評…160個好評😱…好多人排隊、好好味、好多配料、好平、好抵…唔係呀化？凈係得果6個負評係真，可想而知openrice 食評有幾可信！！🤬

這間只限外賣的漢堡包店，在公司附近，最記得第一次路過的時候，未看到餐廳已聞到陣陣煎漢堡味，非常吸引，由於只限外賣，家的距離又相對遙遠，但今天終於決定要試一試。它是Burger Joys的副線，由於幾年前曾經與朋友吃過，所以對這間店更加產生興趣。由於是開放式廚房，可以看見漢堡的制作過程。漢堡扒是先由一個球狀壓成扒狀來煎，之後再放上芝士令它溶化，麵包亦會塗上牛油再煎，每個步驟都絕不馬虎。漢堡亦有生菜，蕃茄及洋蔥。提取後真的急不及待趕回家，很怕交通時間長會影響食物品質。上到地鐵後，我聞到濃烈的薯條香味，應該會令身邊的乘客覺得很肚餓。 我自己吃份量相對較少的芝士牛肉漢堡($58)是一塊芝士及一塊牛肉，適合比較細食的女士們。漢堡很Juicy，牛味亦很豐富，醬汁與漢堡也很夾，配菜亦非常新鮮，麵包與牛油經煎過後果然特別香。雙層芝士牛肉漢堡($78)這份是買給家人吃的，不過我也有試一口。雙層芝士牛肉的口感非常豐富，是由兩塊芝士和兩塊牛肉組成，完全是昇華版。芝士味濃郁，溶化的芝士非常棒，雙層就是雙倍的美味，這麼遠買你回家也是值得的，家人亦覺得非常美味。薯條是跟餐配的，加$20有薯條及汽水，職員是即場炸薯

前排同同事在荃灣搵野食，行左陣都是覺得太熱，買番office食算。呢間Lucky Smash位於享和街，行入大約七八個鋪位就見到，唔算難搵。鋪頭唔算太大，同埋只做外賣。(原諒我影果陣部機lag左，鬆郁蒙)食物款式都幾多。落單後可以見到餐廳職員即刻製作漢堡。雙層芝士牛肉漢堡餐 ($98)一番到去就幫啲食物影大合照，都幾架勢。漢堡配料唔算好多，醬汁適中，塊漢堡扒都幾juicy，唔會煎到太乾身。跟餐有薯條同一罐汽水，我就揀左肥仔水可樂。至於啲薯條就類似老麥果隻幼身薯條，都唔錯，不過可能距離公司太遠，隔得有啲耐，稔左少少。熱狗 ($10)由於太肚餓，所以再叫多左隻熱狗。有任何惠顧都可以加$10叫多隻熱狗，幾抵食。不過條腸仔就有少少乾，還可以啦﹗

今日天氣非常熱，唔想煮飯，個人又冇乜胃口食好多澱粉質，於是簡單響屋企附近買漢堡包外賣做晚餐。呢間漢堡包店嘅菜單好簡單，有三款牛肉漢堡，薯條同埋熱狗加汽水，就係咁簡單。今晚我同爹哋兩個人食，要了一個芝士牛肉漢堡套餐，另外再加多一個芝士牛肉漢堡同一個熱狗。全部即點即整，保證新鮮。外賣帶到家依然熱辣辣，而且包裝得很整潔，保證唔會啲嘢飛晒出嚟流到周圍都係。芝士牛肉漢堡套餐包括了一個芝士牛肉漢堡，一盒薯條同一罐汽水。芝士牛肉漢堡呢間價錢走親民路線嘅漢堡包店，出品嘅牛肉漢堡一啲都唔馬虎，配料十足，有炒香過嘅洋蔥，生洋蔥，生菜絲，蕃茄，芝士，芥末醬，當然唔少得漢堡扒啦，雖然漢堡扒唔係非常之厚，但係煎得十分香口，牛味香濃，肉質亦都唔乾，都幾Juicy。麵包是鬆軟的，稍為烘香咗。熱狗凡買任何漢堡包，加$10就有一個熱狗，非常之抵食。熱狗嘅麵包都有烘香過，加入煎香嘅雞肉香腸，生菜絲，千島醬，簡單而美味。薯條套餐中入邊嘅一盒薯條份量亦都好大，這裏的薯條是幼身的，薯條連埋少許薯皮，炸得金黃色，充滿牛油香氣，唔會話好油，沾上茄汁，一條接一條，好快就食晒，呢個時候飲一啖冰凍嘅可樂，簡直是一大樂事。

每日收工都經過附近，留意到日日都有長長嘅人龍，仲有濃濃嘅香氣撲鼻，忍唔住今日收工要買返個試試超養眼招牌美式嘅裝修擺設雙層芝士牛肉漢堡餐真係要極之推介，見到啲Staff超落力逐個逐個即叫即整，熱辣辣，材料非常之新鮮，漢堡非常Juicy，芝士味極重，麵包非常之鬆軟一啲都唔濕知道自己一個一定唔夠食，另外叫多咗個大家都推薦牛肉漢堡，果然冇令我失望，兩個包各有各特色，牛肉漢堡牛味比較重，因為少咗芝士味蓋住雙層芝士漢堡餐配個即炸既原隻薯仔薯條，超級好味重薯仔味以後有多間必食嘅選擇啦，一定會再食！

如標題一樣，真係未去到好驚豔，但都不過不失！外賣店，都知道一定冇位坐！點知連企位都冇，買咗都唔知去邊度食好！好在冇乜人，算啦，喺佢舖頭門口食啦叫左之後，佢係即叫即整嘅，見到佢拎舊漢堡扒出嚟煎，佢會壓扁晒塊扒，唔怪得知食嘅時候係脆既，但塊扒就好薄成個過程睇住佢整，都可以話食得幾安心不過味道，我始終覺得以呢個價錢，可以好食啲！漢堡扒係脆邊，但係整到咁薄，一啲都唔Juicy, 而且牛味唔濃蕃茄生菜係新鮮嘅，麵包搽咗牛油即刻烘，都係好味嘅！但一個漢堡包，最重要嘅靈魂就係塊漢堡扒，扒唔得，真係唔會高分得去邊

今次就嗌左套餐加熱狗。落完單要自己係雪櫃拎汽水，下晝去唔係特別多人好快就拎得！漢堡扒配料好多，食到好飽但又唔會好漏。漢堡扒好好味好juicy，而且個醬超夾成個包，好開胃。最最最重要係包身乾 口感軟熟 加埋真係一百分。仲要唔會滴到成手汁。估唔到100蚊內既SET都可以食到令人驚喜既burger～薯條高質 因為～好少食burger係配幼薯條係唔食m記情況下搵到幼薯條好驚喜，好多茄汁好好！套餐加十蚊有個熱狗，腸仔好好食，加埋個醬汁好夾個包，好抵食

friday 黎荃灣搵食新開burger 店感覺不錯嗌左兩個雙層芝士牛肉漢堡套餐($98)加熱狗。落完單汽水就自己係雪櫃拎～有得睇住佢哋整 Burger幾好 佢哋都整得好快手大概五分鐘就拎得～Burger個包底係嘉頓個隻口感軟身啲包 相比起某啲burger既全麥包依種無咁乾得黎又易咬 包底有烘過 唔會好濕～漢堡包既牛肉側邊會煎到有少少跪身 但中間都係咁多肉汁 芝士都好足 融左同牛肉mix埋一齊好好食！ 包入面嘅蛋黃醬唔會太酸又唔會太甜 好開胃 係少數唔會食到一半就濟既漢堡包 入邊嘅生菜係條狀唔會好難咬得開 啲料會唔會食食吓跌晒出嚟 同埋個包裝個底係痴實 食個陣唔會成手肉汁 十分friendly 薯條係好似M記既幼薯條 幾新鮮～重口味人士表示如果多少少鹽更好～鋪頭姐姐好好會俾好多茄汁我哋！套餐加十蚊就有個熱狗～大食人士啱晒入面係腸仔配生菜～不過食完burger再食會被比下去🤣🤣

新聞話病毒又再變種了，令我盡量都不會出外堂食。而荃灣的Lucky Smash 就有多一個選擇，可以外賣自取。芝士牛肉漢堡（$58）芝士十分足夠，漢堡扒的肉汁豐富。只是短短的十幾分鐘時間，就流出了很多的肉汁。如果可以堂食一定會更加好食。雙層芝士牛肉漢堡（$78）牛肉份量比芝士牛肉漢堡更多，另外還有蕃茄酸瓜，味道上更為豐富。如果選擇跟餐就可以用$20加著條同汽水，不過我選擇自取回家就沒有點跟餐。反而，我選擇了加一個熱狗。熱狗（$10）本來要$18，如果有買漢堡就可以平$8。熱狗用的醬是接近巨無霸的醬汁，再加上生菜，十足一個細巨無霸。加野飲都不算貴，$8就有汽水。門口有一個露天街錶停車場，如果有車人士可以來到個Drive-through外賣。