Lucky Smash (已結業)

唔知大家有冇食過burgerjoys，真係超級好食🤩，而依間位於荃灣嘅Lucky Smash就係Burgerjoys嘅副線，價錢方面親民好多，不過就冇堂食位主要做外賣生意，試試佢係咪真係做到Burgerjoys嘅質素先😉• 芝士牛肉漢堡+鮮炸薯條+汽水 $78由買完到行到返屋企大約十分鐘路程，可能就係依十分鐘嘅關係，令到個包皮濕咗😟，所以買完真係要盡快食，而貨源亦都唔係Burgerjoys嗰種鬆軟型，不過牛油味都幾香嘅，Patty牛肉味濃郁，但調味可以落返多啲。薯條同我印象中嘅M記薯條分別不大，汽水就係罐裝汽水，唔係汽水機糖水感覺都幾好😜

#luckysmash #行運漢堡🍔雙層芝士牛肉漢堡餐 $98跟餐有漢堡包，薯條，🥤汽水🔹雙層咬落勁滿足😋牛肉調味同肉味都足夠，芝士同配料都好味🔹🍿薯條普通，同埋由於係我自己再氣炸鍋炸所以都唔知即食會唔會好味d 🙈🔹外賣拎到返屋企(40mins左右)，個包同薯條都浸住油🥲 搞到包面,包底同薯條都係濕濕地同淋所以我放左佢哋入氣炸鍋度烘下，焗完個包面仲脆脆地添呀🤤💬漢堡包同薯條既包裝有待改善，可以有d洞通風，同埋用吸油紙墊住(依家果個包裝唔太吸油，浸住左.. 好可惜）*味道: ❤️❤️❤️❤️賣相: 🌸🌸🌸🌸環境: 🎪🎪🎪服務: 👍🏻👍🏻👍🏻..............................價錢: 💸💸人均消費~$100* 無堂食剩係做外賣

荃灣出名多美食，經過聞到好香既burger味，本身無打算食，都忍唔住要返轉頭食個門口一望就有紅運當頭既感覺塊漢堡係即叫即煎的呢塊手打漢堡果然好香芝士牛肉漢堡今次無叫雙層，擔心會好飽但叫完之後又後悔，因為塊漢堡比較薄，雙層就會岩岩好漢堡質感好軟滑，牛味都算突出，不過調味方面重手左，味道偏咸，麵包係我鍾意既軟熟質感半溶既芝士融入到都麵包&漢堡，食到一體既感覺行運熱狗跟餐加$10就有一個熱狗超抵呀呢個熱狗既蛋黃醬好好食鮮炸薯條即炸薯條特別好味薯條屬幼身，不過可能幼身既關係，吸油方面亦比較多，所以食落有啲油膩！

逛街經過門面，上網看到這裡是Burger Joys的姊妹店，質素有保證，決定買個外賣回家試試～🍔 芝士牛肉漢堡套餐 $78材料豐富，牛肉是現場即煎～ 漢堡包吸收了芝士味和牛肉汁，生菜和番茄新鮮爽口😍牛肉鬆厚多汁，肉味濃厚，滲透至其他的材料🤤🍟 鮮榨薯條薯條份量頗大，足夠兩個人分享。薯條也是即叫即炸，外脆內軟，配上酸甜的番茄🍅醬🥤 汽水這裏採用自助形式，自己在汽水櫃中取。🍔 芝士牛肉漢堡 $58漢堡包好吃，所以再單點一個😂🌭️ 行運熱狗 +$10見到價錢便宜，可以一試！性價比高，香腸香脆，配上洋蔥、生菜和芝士，口感豐富！食物都是即叫即製，全程可以看到製作過程，令人食指大動😋 值得推薦💯

只做外賣，沒有堂食，即叫即整而且不會等很久，非常新鮮～透明玻璃可以看到他的製作過程～～ʕ •ᴥ•ʔ已經第二次食了，個人喜歡女店員整得好食啲，因為她整的漢堡扒不會變well-done ˆ •͈ ·̫ •͈ ˆ ♪ 嫩滑很多#芝士牛肉漢堡 $58 漢堡由甜甜的麵包配上生菜、蕃茄、秘製醬料和手作牛肉漢堡扒等組成，足料，熱騰騰的，好吃😋套餐加$20可以有薯條和汽水～好抵食。他們包住的外賣薯條🍟也很用心，留了一個空位散熱，不會焗着變得濕軟林林，趁熱食脆卜卜～汽水有：可樂、Zero、忌廉、雪碧等選擇另外加$10有 #熱狗 #🌭️麵包鬆軟，配合生菜及秘製醬料，仲有熱狗腸～ᶘ ᵒᴥᵒᶅ個人口味評分：8/10

肥Glor前排去左荃灣掃街 行到享和街附近發現哩度開左間以新鮮手打安格斯牛肉同即叫即製馳名嘅漢堡外賣店！上網一查先知原來哩間行運漢堡係肥Glor最愛嘅Burger Joy姊妹店 絕對係信心保證👏🏻店內裝修以紅色為主色 門口有大大隻字寫住「行運漢堡」店內有美食漢堡posters作點綴 好eye catching👍🏻員工亦非常有效率 一收到order就馬上開始製作新鮮漢堡 真係睇見都流哂口水🙌🏻•Set 1: Double Cheese Burger Combo $98(Double Cheese Burger, French Fries, Coke)漢堡包一打開已經令肥Glor食指大動 漢堡排非常厚身 加上夠熱 所以芝士已經完美地同漢堡排「溶」為一體 好邪惡啊！漢堡排肉汁豐富 一啖咬落去即刻爆汁 芝士味濃但唔會蓋過牛肉香味 加上麵包有烘熱過 所以食落勁香脆👍🏻薯條份量多 幼身方便食用 口感外脆內軟亦唔會過鹹🙌🏻另外 店舖係半自助嘅 大家點完餐之後就可以喺雪櫃到攞自己想要嘅嘢飲喇！•Hamburger $58(+$10 Hotdog)朋友單點左一個牛肉漢堡 再加10蚊就可以有多個熱狗 真係

知道Burger Joys係荃灣開咗間新嘅burger店，叫Lucky Smash。價錢比較親民，同樣用USDA Prime級安格斯牛肩肉，cp值高啲👍平日夜晚去到已經見到門口企左好多人排隊等外賣，又有好多foodpanda 外賣單，人氣好高wo🧚Burger得三款：牛肉漢堡、芝士漢堡、雙層牛肉芝士漢堡，選擇少啲但係就可以控制品質🧞‍♂️落單嘅時候已經聞到煎漢堡既香氣，好吸引，不過餐廳暫時只係做外賣冇堂食。漢堡拎到返屋企嘅時候，包雖然淋左啲，但仲好香！如果有得堂食就好啦🧞‍♂️ 漢堡肉味好濃，食落唔會覺得好肥膩🧚 簡單用鹽同黑椒調味，加上半溶嘅芝士，真係好好食！最欣賞嘅係佢將漢堡煎到脆脆地，咬開而又好鬆軟。薯條🍟都好脆，有啲似麥XX🤣 不過份量足好多🧞‍♂️ 下次會再幫襯🤤

前陣子個個都愛上食burger除咗連鎖大牌子外呢一間位於荃灣嘅Lucky Smash可謂平靚正之選餐廳主要都係外賣居多即叫即整 open kitchen可以望到入面嘅衛生情況相當滿意呢度嘅牛肉漢堡採用新鮮嘅牛肉即叫即煎我就叫咗最基本嘅芝士牛肉漢堡$58溶化咗嘅芝士配上香脆嘅牛肉漢堡加埋大量嘅洋蔥粒以及生菜增加爽脆口感厚切嘅蕃茄非常juicy由於太香 忍唔住喺店舖裏面即刻食熱辣辣相當好味另外加十蚊有一隻香腸熱狗廚師腸加上大量嘅千島醬和生菜留返用嚟做早餐十蚊大大隻夫復何求

好耐冇食過漢堡包，咁岩行過聞到幾香就試吓，試左個芝士漢堡套餐，一個漢堡, 一份新鮮炸薯條＋一罐飲品 （$78）。由於只做外賣, 就拎左番屋企食, 個包裝幾靚幾特別, 有小小中式Feel, 主要用左紅色同黃色, 有小小中國新年FEEL, 配合番個招牌名, 行運漢堡.除咗飲品，所有野都係新鮮即造。漢堡係即煎，漢堡扒帶有很香濃的牛肉味，配新鮮蕃茄，菜＋芝士。再將漢堡包用剩餘的油輕輕烘香烘脆，十分香口。薯條都係即炸，有小小鹽，十分惹味

Lucky Smash行運漢堡唔想煮飯，落荃灣盪一盪，想食多 d 肉，見到呢間漢堡包就試下啦。原來佢地只做外賣，就係街邊一邊攞住一邊食。叫左個普通漢堡包同熱狗，即叫即整，新鮮製作，幾十蚊仲想點。回想當年係出面讀書，飲完酒，叫 d takeaway 就係呢個感覺。等下等下，就有得食。漢堡包份量 ok，味道 ok，覺得下次要加芝士，先再好食 d，食漢堡要一味肉肉肉，唔係唔夠高興。薯條 ok，少香脆脆地。熱狗加 10 蚊就有，好平！最好加多 d 調味醬，搵返想當年既外國有少少醉意再叫 mid night snack 既風味。

全球排第32位嘅香港burger joys副線lucky smash登陸荃灣啦！當然急不及待要去食，舖頭細細可以望到廚房製作過程，好多人排隊，不過舖頭得3款選擇，芝士牛漢堡，雙層芝士牛漢堡，同熱狗三款，牛魔王嘅我當然要試佢個手打牛，我寶就叫雙層芝士餐！一啖咬落去先講口感好實唔鬆散👍 醃製過嘅牛肉好夠味，簡單配上蕃茄同芝士已經好juicy，至於鐘意更爆汁嘅朋友仔可以選擇雙層，不過我自己覺得普通嗰個已經好夠餐跟幼薯條同汽水🥤兩個餐$170左右

Lucky Smash只做外賣，舖面一眼眼曬，紅當當勁喜慶。Burger工作枱，乾淨企理。✨雙層芝士牛肉漢堡套餐（$98）落左Order後店員就即時準備，烹調中既手打安格斯肉牛漢堡扒香氣西溢👄令到本身打緊鼓既肚肚打得更響⚡️兩塊牛扒粉嫩微紅，厚身唔鬆散，仲好Juicy tim! 配埋芝士帶出更香濃既肉味！傳統burger 配料洋蔥、蕃茄、酸瓜、西生菜，連埋豐富醬汁，滋味到暈👅薯條係幼身的🍟因為takeaway 既關係焗左一陣，去到公園坐低食既時候，大部份已經淋左lu，不過冇咩多餘油入滲出黎算係唔錯了😇汽水🥤有可樂、雪碧、Zero、芬達等可以揀，order完可以自己拎🤙🏻✨芝士牛肉漢堡（$58）相比之下，呢一款比較適合胃口細啲既女士。牛肉就有一塊，其他同雙層漢堡大同小異🐵🐵整體黎講，如果想食個有質素既快餐做QuickLunch，會推介呢間。

我真系好鐘意食Burger🍔 所以試過好多間唔同既Burger店😁試食吾同既Burger ~ 呢間之前行街經過見到好特別既紅色鋪面 ~ 行過門口聞到啲味巳經好吸引🤤 原來系Burger店一直想試嫁拉 ~今日又比我再次經過呢到，咁緊系一定要試下拉🙌🏻order左個🤭芝士牛肉漢堡套餐！$78 💯包埋薯條同🥤汽水 ~加左$10 仲可以試埋隻熱狗🌭 ~ 價錢真系好親民🤩🤩呢到開放式廚房 , order 完 Burger 可以現場望住佢即整~ Burger上層同埋底層既包係烘過既, 好脆口 ~ 👍🏻大約等候10分鐘左右就有得食啦，🍔漢堡肉厚身，🐮牛味都幾重，食落去好juicy，一咬就爆曬啲汁出嚟，芝士都爆哂出黎，一邊咬一邊滴汁💧，邪惡嘅選擇😈 薯條🍟都係新鮮炸起，食落好重薯仔味~ 真係十個滿足😋之後試埋隻🌭熱狗 ~ 佢地加左千島醬 ~ 仲有菜🥬 ~ 食落個配搭好有特色。口感有層次，味道豐富！好夠飽🤤抵比個like佢👏🏻

荃灣開咗一間只限外賣嘅漢堡包舖，而且個名好好意頭喎，叫Lucky Smash。我叫咗一個雙層芝士牛肉漢堡套餐，當然有鮮炸薯條，同可樂。另外仲買咗一個牛肉漢堡。所有食物都係即叫即整，仲可以睇住佢煎漢堡炸薯條，非常新鮮。雙層芝士漢堡非常足料，返到屋企之後芝士已經同漢堡溶埋一齊，每一口都有融化緊嘅芝士同埋滿口嘅牛肉。而且仲有新鮮嘅生菜同埋蕃茄，估唔到一間外賣漢堡店都可以做到咁高質嘅漢堡包。而鮮炸薯條亦都唔失禮喎，返到屋企薯條仲係硬身嘅，唔會變咗薯蓉。

今天路過荃灣享和街，聞到陣陣肉香味，原來是一間漢堡包店傳出來的。「行運漢堡」只做外賣，主打牛肉漢堡，看到廚師哥哥在細心地煎漢堡牛肉，香味四溢，不禁使人食指大動。我於是便買了一份“牛肉漢堡”套餐（包括漢堡包、薯條和罐裝飲品），再加10元多買一隻熱狗回家慢慢品嚐。“牛肉漢堡”的漢堡肉，肉質鬆軟，入口有質感，不太鹹，牛肉味濃郁。由於是即叫即造，新鮮熱辣，絕非快餐店可比。再加上爽口的生菜和千島醬，非常美味。“炸薯條”份量不少，薯條有鮮味，外脆內軟，原味不鹹。 “熱狗”也不錯，美味的熱狗腸，肉質有彈性，加上蛋黃醬來吃，口感很好。家人也說這家手工漢堡的味道不錯，值得再幫襯。