Lucky Smash (已結業)

這天我外帶了宵夜給在趕功課而廢寐忘餐的家人。吃漢堡包很方便，可以一手執鍵盤；一手執包。兩款漢堡包大致相同。其中一個多一片芝士，味道會濃郁豐富一點。雖然有芝士會比較開心，我覺得其實漢堡包多一款、少一款配料都不會影響整體味道，因為只要漢堡扒出色，漢堡包自然亦會非常優秀。我覺得這裡的漢堡扒質量很高，漢堡肉肉質結實，有肉類的口感，但它不會感覺粗榎及過靭。漢堡扒裡頭肉汁亦很豐富，當然是不是咬開會爆漿，但肉扒整體來說是水潤的！比較可惜的是外賣薯條會軟掉。自己稍微翻熱才吃會比較好；但無奈我是懶惰🐷，所以這天就湊合一下！吃完漢堡包，家人充滿電可以繼續做功課，而我亦充滿電可以抱著肚子睡覺。

見呢排疫情緩和返少少就同老婆一齊出去買外賣返屋企食 咁啱行過荃灣落到勁大雨 見到呢間舖頭即刻被紅色店面吸引目光 亦都只有外賣冇堂食 於是就諗住買少少嘢食就番屋企 而呢間舖頭主打就係安格斯牛肉漢堡 好好彩咁同到老細傾兩句發現原來佢哋每日都係手打牛肉 舖頭衛生情況十分良好 而且價錢亦都係超值 買完之後店員盡好好心咁問我哋需唔需要叉 今次叫咗一個牛肉芝士漢堡 睇得出手打牛肉再加埋牛油芝士係幾咁夾嘅一件事 成個感覺超級邪惡 而因為舖頭採用手打牛肉令到牛肉令每一粒肉粒都好分明 係普通出面市面係屬於好難食得到既一種質感 一咬落去成個包嘅肉汁就出晒嚟 全個包都好Juice 薯條就新鮮即叫即炸 十分香脆 亦都可以用套餐加配 買完之後店員都溫馨提示我哋要盡快食晒佢如果唔係就會影響口感 真係又抵又好食 臨走仲見到好多人排隊 再有機會一定會再嚟試一試 唔使$100就可以試到美國手打牛肉漢堡 下次一定會帶埋朋友一齊嚟食

Lucky Smash (荃灣)荃灣享和街43-59號都城大樓地舖荃灣一向都當美食，搵食搵到來荃灣，找來一間漢堡店。沒有堂食，需要外帶。在等外帶的時候，看到店員把新鮮的牛肉即製漢堡扒，可以確保牛肉新鮮。外賣拎到返屋企已經有點涼，但質素仍然keep得非常好相信即場吃的話味道會更佳。芝士牛肉漢堡餐$78漢堡扒的牛肉味非常鮮甜，牛肉味粥，我是看到職員即場把新鮮牛肉粒制成的牛堡扒的。麵包上搽上酸酸甜甜的蛋黃醬，麵包也是看烤過的。牛肉漢堡餐$68薯條滿滿的一大筒，揸得非常香脆可口，外賣拎到回家還是熱烘烘的。

雖然疫情持續都keep住要返工，但每日都依然有外出食lunch～新到步荃灣寫字樓，今日逛到這間漢堡度剛開門，見它好有外國即叫即做小度既感覺便打算試試店入面只有一個開放式小廚房，但整個漢堡的制造過程都一清二楚～～～點了的芝士牛肉漢堡和薯條都是即叫即做，一份份食物包裝好的外賣拿回辧公室還是熱烘烘的！芝士牛肉漢堡選用的是軟軟的麵包，最喜歡它芝士不會太多蓋過其他味道～～～牛肉不是機製厚厚實實的口感，而是又多汁又有牛味的漢堡

早排行開荃灣，打算周圍捐窿捐罅搵嘢食，點知係條橫街度見到一間新開嘅漢堡包店，佢嘅裝修好似Five Guys咁嘅設計，而且仲見到佢嘅漢堡全部都係即叫即做，所以就買咗個套餐嚟醫下肚。雙層芝士牛肉漢堡$78（加薯條及汽水$98）漢堡包兩邊都有塗上牛油煎香，而兩塊漢堡扒就本身係肉球嚟，再壓扁煎香，做法相當美式🇺🇸，漢堡配上千島醬、芥末醬、洋蔥、蕃茄及生菜絲，食落相當有層次。而佢哋嘅薯條係即叫即炸，兼且係連皮嘅薯條，唔係啲薯仔打爛晒再做返個形出嚟果啲，真係薯味十足!!!

之前行過聞到好香，停低望左下係賣啲乜嘢，原來係漢堡包！今日突然間諗起特登過去買，呢度一眼望落都係廚房，無座位只可以外賣！開放式廚房可以望到成個整漢堡餐製造過程，不過相對油煙味都較大🤣今次叫左佢哋排行第一嘅 雙層芝士牛肉漢堡餐 $98！漢堡包🍔個包都有熱一熱所以成個包都係熱辣辣，而且個漢堡扒仲好淋好多汁一啲都唔會覺得乾！啱啱去到嘅時候咁啱見到佢哋整緊肉碎，見到一塊肥肉較多嘅扒攪碎緊，呢個可能應該係個漢堡扒唔乾嘅原因，唔係淨係得瘦嘅肉！漢堡扒煎好兩面後唔係即刻攞起反而加上一片芝士順便可以令佢有少少熔化，完全黐實咗係個漢堡扒上面😆！雙層芝士漢堡另外再加上新鮮生菜、蕃茄同洋蔥圈仲有啲千島醬可以減少太多肉嘅油膩感！其實個包都幾大個，只係包裝後返到去會扁咗少少🤣個薯條都係新鮮即叫即炸，而且份量都唔少，完全係夠晒飽！住得近嘅好處攞到返去仲可以食到熱辣辣嘅👍🏻！

因為工作關係 我成日都要黎荃灣 亦都試左好多唔同嘅餐廳曾經享和街有間西餐廳個burger做得超好食 個burger上嘅流心蛋簡直一試難忘😍😍😍 可惜後來佢執左笠 輾轉變左而家人龍黃店No Boundary呢日食無可食 見冇人排隊 就試左呢間Lucky Smash佢成間鋪嘅design都好賀年feel😂 甚至連burger個packaging都好似中國年曆張紅噹噹嘅封面咁🧧🧧🧧我叫左芝士牛肉漢堡餐 加$10試埋個熱狗睇住入面兩個員工即叫即整 所以個burger份外熱辣辣！塊牛堡係極極極juicy 一咬落去啲汁係咇哂出嚟！💦💦💦 仲要調味調得勁好食 唔會好似而家好多burger咁過咸另外啲生菜、蕃茄得全部都好fresh好多汁 (即刻諗起某連鎖快餐店啲變啡嘅生菜...)成個burger份量十足 係好食嘅！亦係暫時荃灣食過最高質嘅burger!!!薯條反而一般啦 可能我拎得太耐佢已經淋左啲

這間只做外賣的burger 店原來是burger joys的副線，漢堡的配方聽聞跟burger joys一樣，味道出色 環境：就外賣店一家，不過也算乾淨服務：不錯呀！ 雙層芝士牛肉漢堡 很好吃！看著店員親自把漢堡牛排煎熟，加上芝士，碎生菜跟洋蔥圈，番茄，漢堡稍稍煎香，口感鬆軟入口又清新，兩層芝牛會比一層更富牛肉香，超正點！ 芝士牛肉漢堡 比雙層少一些油膩，但依舊油香十足！適合想輕食的朋友 熱狗 只要+$10！超抵的熱狗吃起來鬆軟不過咸，千島醬下得毫不手軟，超creamy！

Finally here to try this 紅到爆burger place 💥💥💥 And I was happy that I did☺️ We had the combo 1 & 2, which came with fries and a can soda. The double cheese burger I had was really delicious! The patty was so juicy and tender that every bite would squeeze out some juice of the meat! The seasoning was amazing as well as I didn’t even feel thirst after eating the burger 🍔 We added $10 each for the hotdogs and we auite luke the grilled buns as well. The edges were crispy and they weren’t selfish at all

呢間喺荃灣眾安街後面咁搶眼嘅一間burger店lucky smash，店面好簡單，唔做堂食，只做外賣，一眼望晒個open kitchen，所有burger都係即叫即整。先講個總結，價錢來講，同five guys有得比，以快餐黎睇算唔平，但以質素來講的話無論薯條定burger本身都一定好食過佢😀Double cheeseburger set $98睇住佢整嘅時候已經充滿住肉嘅香味，麵包亦係我鍾意食嘅種類，嚿肉大約7成熟，又嫩又juicy，一路咬一路滴肉汁🤣薯條少咁d調味但夠脆，亦都不錯👍🏻Cheeseburger $58女仔的話淨係食呢個都夠晒，用料同上面一樣，只不過係一嚿肉同芝士。

難得來到荃灣，突然想食漢堡，上網查一下搵到呢間漢堡外賣店，決定來試下好無食來到店舖，店面以紅色裝修，是一間價錢親民的小店，jo單店了三個芝士牛肉漢堡（$58），店舖開房式廚房設計，睇住店員整漢堡，真係愈睇愈肚餓！拎到番屋企開動了！漢堡入面都好足料，安格斯牛肉真心不錯，好濃厚的牛味，咬落口juicy多汁好正，再配上新鮮的洋蔥、蕃茄和生菜絲，食落一d都唔肥膩，再加上半溶芝士和特別的醬汁，層次豐富呢個價錢性價比好高！如果醬汁再多d就好了哈哈😄包都好鬆軟，如果咁岩係附近可以買一個番屋企試下

Lucky Smash 位於荃灣享和街，主打即叫即制漢堡包，以外賣為主。餐廳餐牌超級簡單，只有牛肉漢堡，芝士牛肉漢堡，雙層芝士牛肉漢堡，可配薯條，另加$10就有熱狗。牛肉，漢堡包，薯條，餐廳全部即叫即制，所以制作需時。漢堡牛肉超厚，牛肉味濃而且肉汁非常多，漢堡包同時配有蔬菜及蕃茄。有別於其他漢堡包店，Lucky Smash 漢堡芝士屬於半溶狀態，配上餐廳特制醬汁，好食。餐廳連麵包都會煎一煎，實在非常用心制作的漢堡包店。

今日去咗荃灣 遠處就見到有間好搶眼嘅店近睇先知原來呢間店係Burger Joy嘅姊妹店🍔呢間外賣店主要係賣三款牛肉漢堡包🐮🍔可以散叫/跟餐叫 (跟餐就有薯條🍟同汽水🥤)除咗呢啲之外 仲有賣熱狗嘅🌭️今次我就叫咗2個餐牛肉漢堡餐(💰$68) & 芝士牛肉漢堡餐(💰$78)漢堡包係即叫即做 製作需時⏰所以要等一陣~拎到個外賣 聞落好香 好想快啲返屋企食🤣呢間店嘅薯條🍟係幼身 食落幾香脆😙😙而且薯條連住少少薯皮 睇得出真係用薯仔做👍🏼唔似得有啲舖頭溝粉整薯條嘅😗😗配上茄汁一齊食 冇得輸😋😋😋嗰餐包咗汽水 我就要咗雪碧同芬達🥤除咗呢兩款之外 仲有得揀可樂同忌廉嫁~漢堡包先塗上牛油🧈再烘熱而牛肉就係新西蘭安格斯手打牛肉黎嘅店員會將牛肉球壓扁再變成成漢堡扒食落味道幾濃郁 而且唔會好乾身😆再加上蕃茄、洋蔥、生菜絲同醬汁 食落幾豐富😃至於芝士牛肉漢堡就比起普通牛肉漢堡就多咗一浸芝士嘅香味🧀味道再豐富啲😆

We had 4 cheese burgers there and the people queuing could tell how tasty it is, there are literally over 40 people there!For the food, there are not much to say but their juicy meat and tomato and lettuce. The price is fair yet quite pricy in Tsuen Wan area.

早排係網上睇到burger joy開左間副線係荃灣，作為荃灣友當然要去試下啦。結果次次都排大隊，肥仔又唔肯等。上星期OT完，行過終於冇咗人龍啦，咁梗係要試吓啦。佢個裝修好香港，顏色配搭成個利是封咁，希望食完會行運一條龍🤣🤣肥仔最近要戒牛，佢同我講要食3個熱狗😅Fine, 反正買個餐加$10可以多一個熱狗，就豪比佢！落完單就見到店員開始整，無論係包，肉定係薯條都係即叫即整，即刻加分👍🏼👍🏼睇住佢夾個包，無論牛油同醬汁都非常足料，又加分熱辣辣薯條，薯條個味道好懷舊，有啲似細個食嘅快餐店熱狗用廚師腸，不過呢個價錢用廚師腸都正常吧！漢堡包好軟身，輕煎至脆邊，係我鍾意嗰種😋有蕃茄洋蔥生菜等等配料，牛肉都係煎到脆邊，入面juicy，再配上大量醬汁，正。總括價錢幾抵，而且即叫即整，包保熱辣辣。味到懷舊，又夠飽，值得一試！