Lucky Smash (已結業)

今日天氣非常熱，唔想煮飯，個人又冇乜胃口食好多澱粉質，於是簡單響屋企附近買漢堡包外賣做晚餐。呢間漢堡包店嘅菜單好簡單，有三款牛肉漢堡，薯條同埋熱狗加汽水，就係咁簡單。今晚我同爹哋兩個人食，要了一個芝士牛肉漢堡套餐，另外再加多一個芝士牛肉漢堡同一個熱狗。全部即點即整，保證新鮮。外賣帶到家依然熱辣辣，而且包裝得很整潔，保證唔會啲嘢飛晒出嚟流到周圍都係。芝士牛肉漢堡套餐包括了一個芝士牛肉漢堡，一盒薯條同一罐汽水。芝士牛肉漢堡呢間價錢走親民路線嘅漢堡包店，出品嘅牛肉漢堡一啲都唔馬虎，配料十足，有炒香過嘅洋蔥，生洋蔥，生菜絲，蕃茄，芝士，芥末醬，當然唔少得漢堡扒啦，雖然漢堡扒唔係非常之厚，但係煎得十分香口，牛味香濃，肉質亦都唔乾，都幾Juicy。麵包是鬆軟的，稍為烘香咗。熱狗凡買任何漢堡包，加$10就有一個熱狗，非常之抵食。熱狗嘅麵包都有烘香過，加入煎香嘅雞肉香腸，生菜絲，千島醬，簡單而美味。薯條套餐中入邊嘅一盒薯條份量亦都好大，這裏的薯條是幼身的，薯條連埋少許薯皮，炸得金黃色，充滿牛油香氣，唔會話好油，沾上茄汁，一條接一條，好快就食晒，呢個時候飲一啖冰凍嘅可樂，簡直是一大樂事。