LOST STARS LIVEHOUSE BAR & EATERY (已搬遷) 新店位置

聽講大角咀近排開左間live band restaurant, 好chill, 今日就同女朋友黎呢度慶祝記念日。7點左右到既時候見隊band仲set緊野, 個場無乜人, 仲有少少擔心。個場都幾大, 幾潮, 主打沉色格調，岩晒飲野chill下!!band show大約係8pm開始, 趁未開show緊係叫定野食醫肚先啦!!紅酒煮薄切石爪章魚 配椰菜花蓉 豬面油醋汁 鮮果沙律 - 幾特別既配搭, 未試過食章魚做前菜, 好薄片, 但好好咬口, 加左D醋汁幾開胃豚背油薯條 - 睇show點可以少得薯條慢慢嘆!!薯條炸得好香口, 唔知係咪因為用左豚背油關係, 有陣特別既肉香味, 搞到我食唔停!九龍城雞翼 - 叫呢個雞翼都係貪個名幾得意, 辣汁唔算太辣, 雞翼炸得幾好火候, 岩晒送酒紙包紅油魚 - 有少少似平時食開D鱈魚, 但係D肉質實少少, 幾鮮大蝦意粉 - 食左咁多肉緊係要食返D飽肚野, 大蝦幾幾甜，意粉唔算太乾身，但係幾入味

星期五當然happy下～relax下～一邊嘆住美食一邊聽到live Band好正啊。 Happy hour時間先來一杯易入口的啤酒1664，前菜是半打精選生蠔，非常新鮮，入口清甜，唔使加任何醬料更加可以吃到原來的鮮味，質感屬於爽甜，海鹽鹹味。接着食咗菠菜奶油意粉，飽一飽肚。音樂開始了，主音開始唱第一首歌，等到第一道主菜美國USDA prime 牛腹肉配墨西哥餅，味道很不錯有濃厚嘅肉味，肉質彈牙有口感，配上特製醬汁加墨西哥餅好惹味亦提升了口感。唱到中段，第二道菜上了， 火炙自家煙三文魚配清爽沙律及墨西哥薄餅。 煙三文魚肥厚肉嫩，甘香可口，濃郁嘅魚香再配上薄餅吃，口感非常可口，清爽嘅沙律去除咗魚嘅飽滯感，幫助消化。吃完飯我一過嚟聽完整場表演才離開，除了美食嘅視覺同味覺享受，再配合音樂環境嘅聽覺感覺享受，拭去為咗身心靈嘅疲累，心情放輕鬆！

🧚‍♀我會比氣氛100分嘅餐廳🙆‍♀首先介紹下我最中意嘅幾款菜先啦💁‍♀🍕蟹肉及蝦肉墨西哥式薄餅🍕呢個加咗我最愛嘅牛油果蓉🥑仲有切到細碎嘅蝦🦐蟹肉🦀面頭仲有大量大量大量康堤芝士碎🧀芝士薄餅真係唔一定要拉絲先好食㗎‼️以為會好寡但係有辣椒蛋黃醬調味😋口感豐富味道好濃郁而且墨西哥餅底感覺比較輕盈👯‍♀🐂美國牛腹肉佐暖墨西哥餅🌮呢塊牛腹肉真係不得了超級嫩口🤯用餅包住蛋黃醬同青醬☺一啖放落口🤭幸福感upupup⬆總括嚟講呢間餐廳菜式都好有創意👏🏻但最吸引我嘅都係佢嘅環境同氣氛🎶有好大嘅舞台又咁啱有artist表演🎙20分鐘表演時間會暫停落單❌客人可以一路enjoy音樂一路摸下酒杯底🥂每枱都有盞小蠟燭真係好有feel㗎

Lost Stars live house bar & eatery絕對係比香港人放鬆嘅好地方，皆因佢地每個禮拜都有唔同嘅本地創作音樂人黎表演，每個都有自己獨特嘅風格，令到每個食客除咗食嘢之外仲可以享高質素音樂🎧表現開始時不會接受落單，以免騷擾表現者同其他觀眾，可以見到呢間餐廳對音樂嘅重視👍🏽-餐廳嘅主廚之前係米芝蓮餐廳過，食物質素當然有保證，性價比高🙂 西柚泡沫北海道帶子 ($128)好有驚喜😍 帶子新鮮，加上微酸嘅泡沫同用柚子餣製過嘅蟹子增加口感同清新嘅感覺。-熱熔蜂蜜芝士配法包($78)嘅芝士模仿左韓國蜂蜜薯片嘅味道，有淡淡嘅蜜糖香，雖不太出眾，但芝士味同拉絲效果滿分🤤🍯-我地仲叫左蕪菁蟹卷，食物嘅presentation 好吸引，醬汁分別係仙人掌醬，雞尾酒蛋黃醬同紅菜頭醬，創新之餘，味道仲好夾👍🏽-整體黎講呢間嘢好值得再去，有美食之餘仲可以支持本地音樂，大家食之前記住上佢哋facebook check定有邊位音樂人會上台表演喇😉

今次同一位朋友嚟左大角咀呢間餐廳食晚飯，雖然位置唔近地鐵站，但係一入到去見到有live music show setting 就覺得抵返曬！食物方面我地嗌左四樣野，首先到既係白雪莉酒煮蜆同香腸拼盤。每一隻蜆都大大隻無沙，淡淡既酒味亦唔會掩蓋曬原來應有既鮮味，值得一讚！香腸就有雞肉同豬肉腸，唔會太咸，點埋醬汁嚟食就幾開胃！食到一半途中咁岩就有表演嘉賓上台表演，而侍應們亦都暫時停止上餐，呢段時間非常舒服，可以聽下音樂，唔洗下下咁急食曬d野。而當表演完一段之後，跟住好快就上埋兩個主菜，鮮奶油波菜長通粉同USDA prime牛腹肉配墨西哥餅。長通粉口感creamy，清清地，我朋友好怕濃味野所以就岩曬佢。而我自己就好欣賞個牛腹肉，用墨西哥餅夾住再蘸一蘸青醬，成個味道好fresh好滿足！一邊享受美食再一邊欣賞live show真係呢間餐廳既最大特色，岩曬約齊情人或三五知己一齊嚟！

呢間餐廳位於大角咀既西餐廳, 地點雖然有點偏遠, 但地方勝在夠大, 如果唔想同人地迫都係一個唔錯既選擇架!!首先我地叫左個蒜片卡拉布里亞意粉, 味道唔錯, O岩曬重口味既我之後, 再叫多個墨西哥薄餅, 望落幾特別, 個餅皮超級薄脆, 非常適合那些輕食的朋友餅上面舖滿曬蟹肉同蝦肉同康提芝士，伴以墨西哥辣椒蛋黃醬，蛋黃醬的味道屬微辣，另外仲配合左牛油果蓉同阿根庭青醬，整體感覺幾特別!!法國熱融蜂蜜芝士配法包好香濃郁既芝士味加左蜜糖之後甜甜地, 又鹹鹹地, 配埋個法包,真係無得頂呢間真係要必試既~酥炸軟殼蟹配沙律-醬汁係配香草沙律檸檬香蒜蛋黃醬, 醬汁幾厚同結~軟殼蟹炸得好夠鬆脆! 最後都要叫返杯甜品啦, 黎個整個晚餐既一個Happy Ending la

因朋友食過，得知呢度係有LIVE BAND既餐廳，所以就突登過黎覓食啦～正門用上落地大玻璃，不過表演期間會鎖上，遲來就記得要係側門出入。呢度每晚既表演姐都唔同，可以上返Facebook你睇有冇你心水再book，而今晚係EDUHK 爵士樂表演，全場坐無虛席，感覺好有氣氛。餐牌原來會每月更新，而且特色既食物都唔少。🦑真空慢煮墨魚寬麵配燒香蔥沙律及濃縮魷魚汁 $178呢度既墨魚寬麵原來係廚師用精湛刀工將墨魚切成薄薄一片片，底層再以濃縮魷魚汁調味，係一道好有創意既冷盤前菜。🦀🦐蟹肉及蝦肉墨西哥式薄餅配燒墨西哥辣椒蛋黃醬及康堤芝士 $188好多蟹肉、蝦肉、芝士碎鋪滿係面，選用左墨西哥脆餅做餅底，非常香脆，整體味道好夾，令我食唔停口丫。🍗嫩烤半雞配續隨子乾蔥汁佐薯蓉及雜蔬沙律 $208一上碟香味四溢，食後更是不得了！整個部位連雞胸肉都非常滑嫩多汁，好耐無食過甘滑既烤雞，連埋皮同食更加邪惡美味，推介一定要試下。底層仲有綿滑既薯蓉墊底，真係好滿足。🍊橙汁 $36橙汁好多果肉，唔會好酸好好飲，一路聽歌一路美食相伴，為今晚完美作結。

難得happy Friday ，返左成個禮拜正，點都要輕鬆一下。之前黎過一次呢間餐廳已經好中諗中意。中意呢度既環境、中意呢度既氣氛、中意呢度既服務。所以，今日帶左老婆黎感受一下、輕鬆一下。呢醋間餐廳有live band，live band既時候，一切落單、上菜既活動都會停止，一黎食客可以好好咁享受20分鐘既音樂，二黎對表演者亦都係一個尊重。。， 西班牙豚背油炸薯條薯條好大份，好香豬油味，唔會太油，而且面頭加左d香草，再多一份香味，食落停唔到口， 不過其實都幾熱氣法國熱融蜂蜜芝士配法包好香芝士醬味，加埋蜜糖後，鹹鹹甜甜，配埋發包食，味道一流。岩哂芝士控食！！！不過要食得好快，因為d芝士一變凍左之後就會硬，無咁好食。三道風味小食同侍應所講一樣都係細細碟，但確係好有風味同特色，有三文魚墨西哥餅， 八爪魚等，配搭一流👍🏾Seafood platter海鮮全部都好新鮮，而且款類多，份量都比想像中多

朋友說這間LIVE BAND的餐廳, 晚上用餐氣氛極佳, 我選擇了週日的中午試餐。餐廳一室燈光亮潔, 一邊配一大落地玻璃窗, 環境適舒寛敞。我與老公各點一客午餐, 分別為: 照燒汁鮭魚柳配薯蓉及香烤雜蔬、嫩烤半雞配續隨子乾蒽汁佐薯蓉及雜蔬沙律。餐湯為番茄蓉湯, 鮮製番茄味道, 味道天然清香。烤雞皮脆內軟, 啖啖雞味, 火候尚精準, 份量亦足, 雜蔬沙律翠綠油潤,混合青檸汁, 清怡可口。鮭魚柳肉質肥美, 梅漬味濃, 酸甜適中, 微微梅醬香, 津津有味而不膩, 雜蔬特色清甜,重視細節, 非常美味。餐飲選了混合花茶:La Vie En Rose, Energinger, 芳香柔順, 飯後一杯, 完美飽足。主菜烹調稍需時間, 但值得等待, 服務員用心放置餐具。 餐廳無論環境、服務、衛生、味道整體質素皆高, 價錢合理, 下次必定嘗試晚上光顧並享受LIVE BAND。  

大角嘴地方就腳，同朋友唱完K行完街順便想搵地方食野，於是去左lost star livehouse & bar食晚飯。店內裝修好有格調，坐底一下子就覺得有feel，無論係牌定小舞台都好有特色。西班牙豚背油炸薯條，每一條都炸得好均勻，顏色差唔多，口感有鬆脆有柔軟，熱辣辣，火喉十足。加拿大保濕嫩豬鞍配青蘋果醬及抱子甘藍。聽個名咁長已經嚇左一跳，上菜時賣相好靚，豬鞍真係又嫩又軟，完全冇overcook，咬落仍有大量肉汁，青蘋果醬酸酸甜甜，配得好。另外有酥炸軟殼蟹配沙律，醬汁係香草沙律檸檬香蒜蛋黃醬，質感好厚，同軟殼蟹絕配，而沙律菜可以吸下油，感覺冇咁膩。今晚lost star livehouse非常高興，食物上乘環境舒服，性價比高，如果有下次會預先訂位再黎！

離開左舊公司都已經2年有多，難得舊腦細仲記得我就生日，請我出去食好西。🤗一如既往，我地揀左最就腳既大角嘴。一入到餐廳就見到有隊Live Band練習緊，個感覺超正，好有氣氛！聽住音樂，當然要叫d好野食夾番個mood啦，因為仲係Happy hour時段，所以先每人黎2杯白酒🍸，再另加半打法國生蠔！生蠔既texture好爽口，好creamy，仲有淡淡既海水味👍🏻食完頭盤就叫左2個main dishes！呢個菜驟眼睇以為係刨蘿蔔絲，但其實佢係墨魚寬條麵🦑，真係估你唔到！認知入面既墨魚麵一定係用黑色既墨汁掛意粉的，呢個寬條麵就唔同啦，佢係用一條新鮮既墨魚刨成寬條麵咁，所以咬落口係鮮味，而且又唔會好似食擦膠咁咬唔開，反而係幾爽口既！呢個烹調手法真係好創新👍🏻👍🏻第二道就叫左厚燒五花腩🐖我認為五花腩係成只豬最好食既部分，因為佢肥瘦適中，又充滿住油香。呢個五花腩竟然用左類似東坡肉既煮法，濃濃既醬汁包裹住嫩滑既豬肉，真係好正！食飽飽又慢慢enjoy音樂！呢度真係夾環境，氣氛，食物於一身！留意番，音樂停左大家先可以離座，呢種規則都好值得欣賞，係對音樂人既一種尊重！

一間用心良苦提供真正本土音樂平台的西式餐廳，也許是一間尊重自己尊重別人的音樂餐廳，期待你們更進一步更上一屏樓，更加凸顯你們對香港社會的音樂精神，誠意和真心愛音樂的初心，下次再見啦

坐低點左杯咖啡，個拉花拉得幾靚。九龍城雞翼，上枱熱辣辣，剛剛炸起，幾鬆脆，上枱時亦都會配埋茄汁。卡拉布里亞香辣腸炸薯球$88，辣肉腸已經切碎,釀左入去薯球入面，外層脆皮，裡面係薯蓉。酥炸軟殼蟹配香草沙律檸檬香蒜蛋黃醬及新鮮蔬菜棒$158餐牌上的菜名比較長，炸物配搭新鮮菜，減卻油膩感。蟹肉及蝦肉墨西哥式薄餅配燒墨西哥辣椒蛋黃醬康提芝士$168再一個長長菜名既菜式，好多蟹肉，鋪滿芝士碎係面，特別之處選用左墨西哥脆餅做餅底。

Visited Lost Stars Livehouse for the first time this month after much recommendations from my friends. We ordered claypot clam in wine, fried chicken, tomato pasta. The claypot clam was very tasty and the portion was really generous! The fried chicken wings were really tasty and is my personal favourite! I love it! However, apart from the delicious meal, we feel that what really made the experience so enjoyable is the ambience that the restaurant has. The interiors were especially classy and ele

係大角咀搵野食, 見到好多新建築物, 岩岩又見到呢間門面幾靚, 又有人現場唱歌, 就入去試下啦, 內部裝修唔錯, 都幾又氣氛, 約會同聚會都好合適<蟹肉蝦肉墨西哥式薄餅 配 燒墨西哥蛋黃醬>薄餅好脆好香口, 蟹肉蝦肉同牛油果份量充足,  芝士味唔太濃,  而且可以配埋辣椒蛋黃醬, 辣辣地更加好味<湯霜火炙精選鮮魚 配 鰹魚汁佐 茴香青瓜沙律>唔鐘意食生野嘅人唔好點, 因為會覺得有D鯹, 入口有好濃魚味, 配埋青瓜一齊食, 一流<美國USDA prime牛腹肉 佐 暖墨西哥餅 配 士拉差蛋黃醬及阿根廷青醬>牛肉夠軟而且牛味濃, 加埋墨西哥餅一齊食真係冇得彈, 仲有2種醬可以點, 增加味道層次, 一份夠2-3人食, 非常推介 食物質素好, 又有live聽, 8點開始, 每次唱15分鐘就休息一陣, 安排非常好