Little Tipsy Restaurant & Bar (已結業)

今日午餐理到e間近排新開既餐廳地方唔算大，但環境舒服有自助沙律bar 款色就唔算多 但都係新鮮沙律菜 不錯主菜都有五款我揀左鱸魚，煎得好香，薯蓉牛油味好重，好食，但份量好小同事就揀左慢煮牛扒，牛扒食落去都香口，牛味較重，但略嫌老，唔太嫩口，都係個句，份量好小總括係好食，但價錢較貴，主菜份量小，如果想食飽d就唯有食多d沙律

話說早兩日睇雜誌，見到介紹一間樓上餐廳sell健康，咁岩我約左Partner係觀塘傾生意，我就火箭咁快打去book位啦！我地暫時1:30去到，可能平日，好多人，好彩book左唔係一定無位。餐廳裝修好靚，比人好高貴、好整齊既感覺，又光猛又舒服。坐企就揀左個主菜先，我爐左「香煎海爐魚配薯蓉伴意大利香草汁」，Partner仔揀左「慢煮西冷牛扒配香烤薯仔及田園沙律」。揀就就出去睇下有咩沙律食，沙律吧選擇都多，而且都好有營養，有菜有菜，肉都有，Menu上有得只揀沙律吧，$88。Parma Ham同Cold Cut都好薄，一d都唔咸，加上沙律菜一齊食剛剛好，另外有個西蘭花都好好食，其他沙律都係乾身的，呢個有沙律醬，但係味道唔甜唔濃，唔係一般既好膩既沙律醬，係類似白汁咁既汁。Partner仔就好欣賞個紅菜頭，餐廳都好有心思，我見一般都係會用薯仔作沙律吧，但紅菜頭都係第一次見！紅菜頭又有營養，又夠澱粉質，又甜又飽肚。我既鱸魚先到，賣相真係好靚，先試下個魚，完全無骨，亦全無雪藏味，我膽敢講，用鮮魚不太大分別！一般人鱸魚都是用來清蒸，就可以知道鱸魚本身的魚味已經好清甜，鱸魚魚質好嫩滑，配上青草醬更加滋味，

大坑型格西餐Tipsy的姐妹店。新店以粉色系佈置為主，地方闊落舒適👍🏼套餐百多元，有大愛的紅菜頭芝士沙律做頭盤👍🏼主菜油封鴨脾做得出色，皮脆肉嫩😋另一款燴羊膝夠大份啖啖肉😬對比係apm西餐廳，同一個價錢呢度抵食好多～

今日同男友班朋友食飯～因為又係朋友話哩間好出名就黎j了！一入黎，個環境真係好靚，好適合女孩子狂影相打卡～整個環境好整潔但係一坐低見到菜單就嚇親了...仲貴過酒店平日一餐buffet既價錢！除了個南瓜燉飯餐係最平既之外，其他不予置評我地四個人除了牛排之外，三個餐都叫曬！點知最平既南瓜燉飯最好食（雖然男朋友啲朋友都話佢啲燉飯燉得太過軟身），其他都唔好食，勁怪！三文魚柳其實個菜無問題，但係隔離既薯蓉好大問題，唔知係唔係打jor好多foam係入邊，食落去毫無「實在感」羊膝200幾蚊但係食到金寶湯既味道，唯一欣慰係佢個薯蓉都叫薯蓉～食到「實在感」南瓜燉飯我個人好鍾意！南瓜味非常濃！我食得最多既一碟菜小菜份量小得可憐，雖然味道唔差，但係佢sell緊既已經係高級西餐廳既路線結論：如果係為氣氛同餐廳內觀，高分！但係食物質素就一般啦同樣既價錢可以食到更好食更好feel既餐廳

Little Tipsy 最近在觀塘開新店，今天剛好跟朋友去APM行街，順便試下Little Tipsy 既lunch. 地理位置都幾方便，好快就搵到王子大廈。餐廳環境舒適，佈置得幾靚，很優雅。雖然是星期六，都很多客人，大部分都訂了枱。有營沙律吧+$88 可享自助沙律吧，雖然有點小貴，但見沙律吧食物豐富，而且很多人食，所以我們也升級了。巴拿馬火腿、莎樂美腸唔洗講，火腿同美腸係必食。好快比人拎哂，不過都換得好快，所以一定夠食。識食之人就知，餐廳選料不錯。藜麥沙律、西蘭花沙律、薯仔沙律呢款藜麥沙律出面比較小食，聽講是中東藜麥，食落口感幾特別，有點像小米，但不會覺硬。西蘭花沙律很新鮮，薯仔沙律混合香蔥及煙肉，食落很香口。南瓜湯今天的精選餐湯是南瓜湯，一飲便知足料，南瓜磨得很滑，味道夠濃，不錯！烤春雞配蘭度豆及藤茄外脆內嫩，雞肉很嫩滑，有點像慢煮的感覺，雞皮也很香脆。餐廳特意使用了蘭度豆，我記得蘭度豆是世界5大健康食品，但平時很少會自己買黎煮。蘭度豆煮得夠粉，食落入口即溶，幾特別!慢煮西冷牛扒配香烤薯仔及田園沙律果然是慢煮！沒想到牛扒可以咁嫩滑。牛扒的熟成掌握的很好，雖然店員沒有問我需要多少成

平時係附近返工都冇咩點為意公司附近嘅餐廳。 今日同事話有間好嘢要介紹畀我哋，諗都唔使諗識衝啦😂一嚟到見到佢哋嘅環境非常之舒服而且又開陽，仲要有啲係好似有自己空間既area，可以俾幾個人坐，幾舒服嫁一黎到，同事話要俾錢試埋佢地既buffet - 原來係自助沙律吧呀!!唔好以為俾D好HEA既野你呀!!佢地既沙律吧好多食客都好棒場，而且選擇多仲新鮮同好食。唔講咁多，俾大家睇下D相先~!可能大家覺得好似好小野食，俾人夾哂就冇。其實佢地fill得好快!所以唔洗擔心呢頭俾人夾完，果頭就冇得食呀!!睇下佢menu有咩食先~店員極力推介呢個消暑涼品，蜂蜜苿莉。味道都幾清香嫁再黎個餐湯同餐包，呢個南瓜湯，夠哂creamy仲好滑，味道夠香濃，好好味!而呢碟燒雞，如果燒雞可以再大隻D就好喇，不過塊PI夠香脆，而且雞肉夠juicy。夾埋佢下面既豆，真係好岩我口味呀呢個香煎鱸魚，表PI夠脆，金黃色，魚肉嫩滑，愛魚之人值得一試呀!最後再黎多個chocolate brownie，入面有提子,紅莓"干"仲有D橙味TIM..一個lunch可能食得咁豐富真係好開人心呀!!

雖然鍾意食，但都算係一個健康生活者，日常都會注重飲食習慣；作為朝9晚6打工仔，日日午餐已經外食，有得選擇嘅時候都會想多菜少肉。最近知道公司附近新開左一間西餐廳，特別在於佢嘅餐點都會注重到食客嘅健康，主菜份量都唔會好大，但設自助沙律吧，提供多種沙律冷盤比食客。餐廳裝潢舒適，燈光傢私都營造到一個「家」嘅感覺。餐牌設計好貼心，比食客知道邊d屬於高蛋白質等等嘅營養小資料。而我點左香煎海鱸魚配薯蓉伴意大利香草汁。.點選主菜都可享用沙律吧，沙律有5-6款，一d都唔馬虎，當中最鍾意薯仔南瓜沙律，幾款唔同嘅薯仔搓爛，食得出唔同嘅甜味，另外仲有2款凍肉片比食客選擇。主菜前先享用餐湯南瓜忌廉湯唔會好重忌廉味，反而會飲得出佢南瓜足料，打得香滑；配埋烘得香脆嘅餐包，突然有種休閒貴婦嘅感覺..香煎海鱸魚配薯蓉伴意大利香草汁 $138海鱸魚外皮煎得微脆香口，肉質唔乾；香滑嘅薯蓉墊底，加上吸取埋煎魚嘅汁，味道更上一層樓！意大利香草汁似乎係用左香草整出黎，青青綠綠，食材本身嘅顏色往往都幾吸引既.最後黎個甜品-自家制chocolate brownieBrownie份量絕對唔似+$20，大大件其實2個人share都絕對可

同事係咁話王子大廈開左間新餐廳，叫我地一齊去試下。一入門口，個裝修設計好華麗，一啲都唔似工業大廈會出現ge餐廳Lunch 1 點已經全場滿座...可能我地book jor枱，佢地預留左一張咁舒服咁靚ge位置比我地Menu上面雖然得5款揀，但樣樣都好吸引。佢地個Lunch set 包自助沙律吧，都有好多野揀，而佢地亦都會不斷refill前菜係南瓜湯，好香好好飲！而餐包好香軟主菜我揀左慢煮西冷牛扒配香烤薯仔及田園沙律 $168份量適中，牛扒叫左6成熟，煮得岩岩好，肉質唔會太硬，而且上枱時切好哂一塊塊，夠哂體貼細心！飲品方面叫左凍蜂蜜茉莉花茶 +$10好香茉莉花味，帶有淡淡的蜂蜜味總括黎講呢間新開餐廳真係有驚喜，環境舒適，服務態度好好！食物質素高，值得推介！

觀塘區在活化之後，出現了很多新景象，尤其是餐廳食市，以嶄新面貌源源不絕地呈現於這個舊區之中！這間位於王子大廈9樓的西餐廳，裝修簡約清新，附有很大的Bar檯位置，坐位亦不局促，令人帶種優閒之感。$88可以無限任食有營沙律吧的食物，相當實惠，主要有7款有營蔬菜沙律，如：紅菜頭、生菜、青豆、薯仔、再加不同款式的火腿，以及2款醬汁3款配料, 這個價錢單是食火腿已經值回票價了！沙律菜樣樣都好新鮮，感覺清新健康，非常適合追求體態美的OL。只需加多少少價錢，便可以享有一個十分豐富的午餐，包括有一個主菜，餐湯、餐包和餐飲。主菜點了一個慢煮西冷牛扒配薯仔田園沙律，賣相美觀，因為是慢煮，所以就算全熟肉質都不會硬，外表少少脆，內裡不見血，而且富有牛肉味，具水準之作。食客如仍有空間可以加$20點一個飯後甜品，不過小妹就無福消受了，因為已太飽了！

星期六約了朋友去觀塘某大型品牌開倉，瘋狂掃貨後身心疲累，朋友就帶了我去附近這間Little Tispy。餐廳午餐有多款，可以只要任食沙律吧加餐湯，如果不夠的話可以再加錢配主菜。沙律吧有約十款美食，包括幾款意大利風乾腸及巴馬火腿等。其他的有羅馬生菜、西蘭花、南瓜等沙律，除了沙律外，其他都全部加了沙律醬調味。餐湯是粟米湯，質感濃稠，很香的粟米味道，帶點清甜，配上軟熟的牛油麵包。香煎海鱸魚伴薯蓉意大利香草汁鱸魚外皮煎至微脆，魚肉雪白嫩滑，下面墊著幼滑的薯蓉及豆角，旁邊淋上香草汁。慢煮西冷牛扒配香烤薯仔及田園沙律牛扒略煎兩面後再真空包裝慢煮，之後取出再煎香兩面，外面有焦香但裏面呈粉色，保留了豐富肉汁，而且肉味濃郁，另外還配上焗薯角及黑醋沙律，平衡油膩感。

今日去完apm睇戲，見到呢間新開既餐廳幾特別就黎試下。雖然餐廳新開張無耐，但未到12點半已經有唔少人入座。呢到既餐牌好貼心，會有營養標記，無論係想練大隻補充蛋白質既男士/瘦身既女士一睇呢個餐牌就可以揀到適合自己既餐😎呢到每個餐都會包括自助有營沙律吧，一開始以為任食既質素未必好好，但Little tipsy既沙律吧真係好高質👍🏻絕對拍得住出面啲酒店自助餐既質素，甚至更好xd 沙律吧既選擇好多，有藜麥沙律、紅菜頭、薯仔沙律等等。款款又健康又美味🤤減緊肥唔想食得太heavy既女士們絕對可以考慮呢個有營沙律吧😎$88有埋餐湯。Parma ham 既鹹香真係令人流晒口水🤤而且香而不膩今次同朋友都有追加主菜🙈牛扒可以自己揀幾多成熟，今次就叫左7成熟，牛扒嫩滑有肉汁✨香煎海鱸魚配薯蓉伴意大利香草汁，鱸魚煎完好香，無腥味，連唔中意食魚既我都被佢吸引到😎總括黎講都啲食物都好有心思，又有「營」又好味，有機會會黎試下晚餐😇

經過半天的工作，獎勵自己，莫過於吃一個又飽肚又滿意的午餐！今次是我第一次到這餐廳，餐廳內裝修簡約而優雅，又具特式，加上侍應親切的招呼，已留下一個良好的印象，而食材方面亦非常新鮮。今次點了自助任食沙律吧餐($88)，因食材新鮮的關係份外覺得美味，而沙律吧的款式亦不少，令我吃得飽飽，奈何午餐時間到了，未能慢慢享受這舒適環境喔，不過可以帶著滿足的離開，都是一種幸福喔！下次會再來試食其他套餐呀！沙律吧部份美食

觀塘上樓食市店舖店舖林立，路經此地，上網尋找新餐廳，發掘新滋味！這間位於開源道王子大廈的新餐廳，裝修時尚，喜歡試新東西的我當然因環境而被吸引，七時許餐廳仍然是空無一人，我和朋友膽粗粗一於試試。韓國生蠔：經理介紹的韓國生蠔，口感豐富，肥美鮮甜，海水味淡，清新淡味的生蠔是我的最愛，日本蠔有食過，但韓國蠔都有驚喜。煙三文魚配烤紅菜頭及橙肉伴意大利黑醋啫喱自家製黑啫喱醋，紅菜頭及鮮橙肉，配上咸香味濃的煙三文魚，味道很夾！啫喱醋及橙肉令人開胃非常。椰菜花忌廉湯真材實料的椰菜花忌廉湯，沒有一點麵粉的成分，十分健康！蟹肉意大利飯配露筍洋蔥及檸檬皮蘆筍跟蟹肉原來是絕配，再加上檸檬皮的清香，完全沒有膩的感覺，原因是廚師用傳統意式烹調方法，只少許牛油及芝士去煮意大利飯而沒有忌廉。法式紅酒燴雞肉配煙肉香菇及薯蓉雖然賣相不太好，但份量十足，雞肉非常嫩口，沒有說謊，真的入口即溶。吃到這裡，肚子已經沒有一點空位了。全晚只得兩枱客，但服務到位，經理會將每一道菜仔細介紹，酒店級水準，所以要介紹給大家。

本人偏喜好食西餐，而對食物水準及質素都有一定要求，最近朋友介紹試了一間真心認為唔錯的西餐！首先要讚的是：服務周到)入到埸時感覺裝修幾靚想影張相，估唔到個經理即刻走過黎教我邊個角度影最好，仲幫我影咪相👍廚師用心)我點了牛扒,意外驚喜係佢烹調方法竟係用慢煮，這種煮法很少餐廳會用,因為需要很好技巧、很好食材及心機時間才能煮得好，懂烹調的人懂的！總括嚟講，我覺得自己係食緊中環D高級西餐（雖然佢喺觀塘）最後我哋兩個人埋單都係$4xx,個人認為一餐這種水準的晚餐來講係好抵食！值得推介俾識食嘅人！

喺官塘多年，有好多餐廳都食過，睇住好多餐廳結業，又睇住好多間餐廳排長龍(但試過味道普通，都唔明點解會排長龍）。近日喺街收倒呢間little tipsy傳單，新開張試業期間出示傳單有九折，$88起仲有任食沙律吧，聽落都幾值得試，加上地點都幾方便，就喺HSBC樓上，去完銀行順便上去食lunch。第一眼睇倒呢間餐廳比我感覺好fresh，係高級嘢，入到去坐抵侍應就比餐牌我睇，解釋比我聽，叫我可以出去自助任食沙律吧，之後會有+餐湯+包包+主菜+咖啡茶+甜品，睇一睇價錢，都係百幾蚊，個人覺得真係超抵食，而且沙律吧啲沙律一食就知係五星級酒店水準，仲有ham 可以任食，真抵。平時對食牛超有要求既我，都覺得呢度主菜牛肉好好味，我同事就叫咗個魚，佢都話好好味。賣單後，我立即book位聽日帶老公嚟食我好相信遲啲呢間餐廳一定會好爆