Little Tipsy Restaurant & Bar (已結業)

自從公司搬咗嚟觀塘之後，先至發現原來觀塘都有很多餐廳！ 而我就經常可以享下午時間或者晚飯時間去發掘一啲又好味又抵食嘅餐廳。今次到王子大廈嘅Little Tipsy食晚餐，餐廳裝修以現代風格為主調，畀客人有溫暖舒適的感覺！看見餐牌上的菜式都很多選擇，本身想叫生蠔的但是餐廳還未攞牌所以要下一次了！今次我們點了凱撒沙律配海蝦$98，法式炒薯仔配辣肉腸及火箭菜$98，廚師推介意大利飯$138，西班牙烤雞配烤薯仔$188，意大利芝士蛋糕$48。法式炒薯仔配辣肉腸及火箭菜 ~ 有一隻溫泉蛋可以撈埋薯仔和辣肉腸及火箭菜一起吃， 味道控制得很好，有少少辣又惹味。凱撒沙律配海蝦 ~ 海蝦爽口又新鮮，除了新鮮的沙律菜之外還有炸麵包和炸煙肉，如果沙律醬可以再多一點就更加好。廚師推介意大利飯 ~ 喜歡意大利飯的原因是因為口感煙韌，這一道菜又香又creamy，還有爽口大蝦值得推介！西班牙烤雞配烤薯仔 ~ 用香草烤的雞特別香， 雞髀肉相當嫩滑，但是雞胸位置比較鞋口。 但很欣賞烤薯仔感覺健康又好味。意大利芝士蛋糕 ~ 就算食到幾飽都一定要吃甜品，這件蛋糕的甜度適中，味道不錯吧!Little Tipsy的菜式味道不錯

星期六，同女女去完APM行街 出左APM轉個圈就上左黎呢間坐得舒服服的餐廳 呢度地方大，枱椅又坐得舒服 最重要係黎到既客人都係斯文客為主，細細聲傾計， 可以安安靜靜食一餐，唔使嘈到頭都暈~ 呢度仲有OYSTER SET 同HAPPY HR 任飲時間 價錢都幾實惠~ 雖然係星期六，仍然有午餐套餐~ 午餐價錢包湯，飽，主菜及飲品 前菜的湯同飽估唔到咁有水準 飽係外脆內軟的法包 而湯竟然係法式洋蒽湯，湯頭非常甜 湯內仲有好多洋蒽添~ 女女叫的 牛肉漢堡松露蛋醬配炸蕃薯條同田園沙律 漢堡是非常厚的，足足有成吋唔止 因為係小朋友食，所以特別煮熟D，雖然未算好JUICY 但非常有肉味~ 那個炸蕃薯條真真不得了，比平時食的薯條更香甜，更有口感 唯一係那個菜有點兒厚和硬，有少少影響了口感~ 而我就點了這個 香煎海鱸魚甘筍汁及田園沙律 魚是很大的一塊，加上堆得滿滿的沙律，份量比想像中大呀~ 估唔到食魚都可以食到咁飽 海鱸魚外皮煎得非常香脆，和魚肉的軟滑成了一個強烈的對比~ 那個甘筍汁尤其甜美，令整個菜生色不少~ 最後，當然要個來個咖啡為整餐飯作個完滿的句號。

又黎到觀塘搵野食真係發覺呢度越黎越多高質餐廳😮一間間去食都有排試😂😂今次就輪到試下呢間little tipsy restaurant and bar🤔—我地兩個人去食點左一個小食，兩個主菜，一個甜品同埋兩杯酒總共$691埋單唔算貴性價比幾高—先講下個炸蕃薯條唔油呢樣已經抵讚而且食到好香既蕃薯味推薦👍🏻—烤雞配薯角係一份雞脾加雞胸好香口雞胸就稍為乾身左啲但個雞脾連皮真係好食—牛臉頰煮得好入味好腍好好食好想encore多碟伴碟薯蓉都好有牛油味👍🏻—手工啤就由店員推薦試左兩款Samuel Smith Organic Pale 唔錯可以試下易入口又幾香👍🏻

舊同事相約午餐敍舊，地點選在觀塘Little Tipsy。餐廳在商業大廈內。一入餐廳，環境不錯，清淨，有格調。午餐有多款選擇，平均每款約佰餘元，在觀塘算貴。最後點了三文魚拿破崙意粉。待應立刻上餐湯及麵包。咬一口麵包，非常硬，不合格。湯應是蕃茄南瓜湯，鮮中帶甜，好渴。意粉亦到，賣相好。意粉有咬口及彈牙，味道亦不錯，但三文魚份量略少。整體來說，水準不錯。同事們分別點了大蝦意大利飯及煎鱸魚沙津，賣相及味道亦好。從餐廳環境及食物水準來說，值得再來。

今次晏晝同朋友黎到呢間好近觀塘地鐵站既餐廳食lunch🤤超滿足 因為佢每份午餐除左有主菜之外 仲包埋餐包 餐湯同飲品😻都幾抵食架 仲要讚下呢度既staff好友善😚會同我地傾下計 又好有禮貌 同埋好岩同朋友黎傾下計 環境好舒適☺️講返食物 有🍝煙三文魚拿破崙意粉 咁岩想食啲開胃啲既野🤤就一於叫左呢個食 好足料架又大大碟 味道唔錯 另外個大蝦意大利飯配烤蘋果蓉 哇😍呢個有三大隻蝦🍤好正 而且味道一流 個意大利飯夠哂濃味 仲有呀 身邊好多食客都叫左呢個食！推介大家試下

隱藏於商廈的寧靜高質西餐廳☺️ 黑松露意粉拌靈芝菇及溫泉蛋.意粉充滿黑松露香氣 忌廉汁充份包裹著每一條麵! 意粉的口感如果再煙韌點就更好了~ 份量都頗大 二人分享都可以😌 蒜香白酒煮蜆.蒜香白酒煮蜆香氣十足😍 蜆肉新鮮無沙 煮得剛好 蜆肉juicy不會老😋焦糖啤梨蛋糕.最後的甜品 水準也不錯! 焦糖的部分很幼滑 濃濃的焦糖香氣 但不死甜! 底下的啤梨餅底有咬口☺️ 在旁的frozen raspberry像雪葩般 入口即融 酸酸甜甜的可解膩!

Little Tipsy Restaurant & Bar，一間朋友介紹既觀塘區西餐廳。夜晚來到餐廳，人客唔多，簡單裝修和擺設另有一番寧靜感覺。店員服務非常好和貼心，晚餐在浪漫環境下用餐。店員先送上餐包，摸上手仲暖，好細心啊！法包香脆香口，加上半溶牛油非常暖胃！焗帶子伴蟹肉菠菜，帶子非常驚喜，半生熟帶子中間好爽嫩夠爽甜，帶子大大隻伴上豐富忌廉汁，蟹肉和菠菜份量都好足夠！主菜叫左黑松露意粉！必點！賣相好靚好吸引啊！加上菌味非常濃郁，忌廉汁調得非常出色，每條意粉都比忌廉汁包圍住，入口仲保持彈牙！slow cook pork belly伴上南瓜蓉，我超欣賞啊！豬肉入口非常軟腍，唔會油膩，南瓜蓉香甜幼滑！欣賞豬肉燒得剛剛好，唔會鞋唔會乾！觀塘區又有出色餐廳！

觀塘而家越開越多新穎而又有特色嘅食肆，所以今日搵食就去咗開源道王子大廈嘅Little Tipsy。餐廳裝潢時尚雅緻， 我最like就係呢個特色卡位，舒服又隱蔽，可以三兩知己坐喺度慢慢歎餐好嘅。呢度嘅set lunch都有好多款選擇，而且仲好細心咁加埋label表示，邊道菜式有優質蛋白、健康脂肪、穀麥類咁，睇得出係一間有heart嘅食肆。先嚟香脆麵包配羅宋湯，然後主菜上場。香煎海鱸魚配甘筍汁及田園沙律，一上枱賣相已經好吸引，配菜入面有紫薯、番薯、紅菜頭、羅馬生菜、紫椰菜等，林林總總，式式俱備；入口新鮮爽脆，係優質嘅好貨色。餐廳經理話呢個海鱸魚係每日返貨，保證新鮮。外皮烤得香脆，內裡肉質仍然保持到滑嫩，加埋個甘筍檸檬汁，特別惹味。讚！👍烤羊架配烤蔬菜及炒薯仔，羊架七成熟，火候掌控得啱啱好;羊味濃郁，肉質鮮嫩，加埋秘製日式照燒汁，異常滋味，不俗之作。最後歎返杯餐茶就夠曬寫意。而家食餐晏仔百零蚊好common，但呢度嘅服務態度同埋食物質素都有相當水準，我一定會再幫襯。

上星期又賣甩大帝約左先生去觀塘食lunch, 經朋友大力推介有間新開餐廳就去試下，餐廳位於王子餐廳9樓，搭地鐵係開源道出口行一陣就到，好方便。set lunch 有9款，款款都好吸引，每個餐都有特別註明'健康脂肪，優質蛋白質，蔬菜類，穀麥類'俾關注均衡飲食既健康一族參考。我地最後揀左烤羊架，慢煮肉眼扒同心太軟配雪糕餐湯係洋蔥湯味道濃郁，洋蔥柔軟帶甜餐包係小法包有嚼勁烤羊架配烤蔬菜蕃薯沙律，羊架肉質呈粉紅，軟嫩可口，連伴碟既烤蔬菜，蕃薯沙律都好好味。慢煮肉眼扒配香烤薯仔及田園沙律，油脂豐滿既肉眼扒經過慢煮後肉質軟嫩有汁，香烤薯仔外皮帶焦香內鬆軟帶薯仔香甜味，連伴碟都好好味。心太軟配雪糕，朱古力濃郁唔會過甜，加埋雪糕一齊食雪糕入面帶d果仁增加口感，2人分食有點意猶未盡既感覺，下次要自己一個食晒。餐廳環境舒服有氣氛，我見有位男經理?定老闆?同客人打成一片，同班OL姐姐有講有笑。餐廳裝修，碗碟都睇得出經過精心設計，每個碟都好靚。

這天突然心血來潮好想吃西餐，又想選一家精緻一點的，又不會十分貴的西餐廳用膳，剛巧聽聞觀塘有不少舒適環境優美的樓上餐廳，於是經過多翻搜索下找到這家西餐廳，我被它的環境吸引來餐廳裝飾很有特色和設計感，坐位整齊有序，整體格局給人一種和諧的感覺，光鮮亮麗一開始，服務員禮貌地向我們遞上麵包，麵包有熱度，外面烘得十分脆，內裡鬆軟水牛城雞翼 （$68）雞翼醬汁酸酸帶點微辣，對不能吃辣的我來說真的恰到好處，也十分開胃，外皮香脆，內裡肉質入味而且嫩滑多汁，沒有雪藏味安格斯西冷牛扒配蕃薯條 （$298）服務員稱這牛扒經過慢煮一小時，所以沒有什麼血水，令我這些怕「生」的人吃得更安心這裡的牛扒較特別，表面帶微焦，所以吃下去多了一份焦香，表面亦帶點脆，口感好特別，連同表面醬汁一起吃，感覺更Juicy，好滿足。牛扒配蕃薯條感覺更健康，油膩感比薯條大大減少西班牙烤雞配薯仔 （$188）上枱的時候嚇一跳，烤雞好大份，店員稱這份量只有半隻調味料十分惹味，帶點香草和孜然香，雞脾肉同樣十分嫩滑多汁，而雞胸不會乾會孩口，反而也充滿肉汁，向來不愛吃雞胸的我也覺得非常不錯 這裡的食物和環境都很有水準，用餐過程令人心情愉快

Blue Monday 又到啦！昨天跟同事一齊食午飯，上openrice 搜尋一下見到呢間餐廳裝修好modern,就上左去食番個靚靚lunch! 佢餐廳地點係HSBC旁邊都近MTR, 一出lift 就見到間餐廳，臨近聖誕節，所以門口都擺放左一棵聖誕樹🎄做裝飾，好靚！😍店員安排左位置我地坐，睇完menu後就叫左2個lunch set! 首先是日餐湯（青豆忌廉湯）配餐包登場先，個湯充斥住香濃既青豆味道，飲完都會有益腸胃，再將餐包點一下個湯吸晒青豆湯味道更match!😋 主菜牛漢堡配松露蛋黃醬（配炸蕃薯條/田園沙律🥗），一切開個漢堡牛肉汁流晒出黎，肉質好唸、好juicy，個漢堡包🍔身好脆口，配埋松露蛋黃醬更加惹味，個炸蕃薯🍠條唔太油，食番一啖salad味道更fresh! 之後到個煎海鱸魚🐟配甘荀汁/Salad 上碟啦，鱸魚🐟肉身都好厚，好有口感，有少許魚骨要小心啊！個魚皮煎得好香脆，配埋甘荀汁salad 味道更加一流！😋 最後叫左餐茶熱洋甘菊，好香濃既菊花味道飄噗埋黎，因我地2人叫既餐茶一樣，所以店員比左一壺我地自己倒，好窩心，飲完又可以清一清熱氣！😊+++++++++++++++如果大家喜

觀塘雖然多餐廳，但係精緻西餐廳就唔多啦， 上網見到有一間評分高嘅餐廳，所以就試下啦！一入到去餐廳裝修好靚而且有格調環境舒適乾淨，廚房就擺咗一支支嘅美酒， 吸引我嘅眼簾！ 餐前小麵包， 這個麵包不是平時的冷冰冰的麵包而是有溫度有質感的餐包！現在我哋揀咗白酒煮蜆， 顯佢哋係採用馬來西亞，蜆肉好大粒而且沒有沙，蜆鮮甜好吃肉眼扒配番薯薯條我揀咗五成熟，肉眼扒重牛味而且鮮嫩多肉汁，番薯薯條香脆， 而且每條都漲卜卜，內裹充滿番薯！ 配上新鮮爽甜沙律菜，減去油膩感！黑松露溫泉蛋意粉意粉彈牙，黑松味香濃。 醬汁creamy不黏口， 配上香菇和嫩滑溫泉蛋。成為一碟出色的意粉！朱古力心太軟呢個係我食過最好食嘅心太軟， 真正內暖外熱～加埋焦糖雪糕，簡直係絕配呀！House wine 他們選用澳洲的cabernet sauvignon 品質不錯, fruity 高酸高tannins house wine來說是非常不錯！今次在觀塘發現這間高品質嘅小店，價錢不貴而且服務，食品質素都優秀！ 絕對性價比！

「酒飲微醉；花看半開」，「Tipsy」可解作「微醉」。凡事要適度，恰到好處、不偏不倚。本人是第一次花這麼多時間寫食評，也希望能做到不偏不倚，以下是本人兩次光臨微醉餐廳的小小意見：-幾個月前的Pre-birthday dinner 選了這間微醉餐廳，當時餐廳新開沒多久，一坐下經理有禮貌地給我他的名片，還介紹這間餐廳是大坑進駐觀塘的。set dinner 由$158-$288，有頭盤+主菜+咖啡或茶，額外加$40有甜品，最美味嘅食物是頭盤法式炒魷魚，及主菜蘑菇清湯底麵䜴三文魚，湯底很清甜。而特別吸引我的是主菜慢煮豬柳配菊芋蓉雞蛋布甸，因名稱鹹中帶甜，但可惜豬柳煮得太靭過了火，慢煑不是用恆溫方式把食物烹調得恰到好處嗎？第二次光臨環境優雅的微醉餐廳，這次是和另一友人約會，現在晚餐只提供 a-la-carte，相約的價錢，但只有主菜，雖然食物保持美味，但以這地區來說價錢略貴，這點我向經理反映，他送了我們熱騰騰的美味甘筍湯, 另友人對肉質軟腍剛好的燴羊膝讚口不絕。在察顏觀色下，感覺waitress 趕著收工，歸心似箭，我們也識趣地10點前離開，沒有咖啡或茶感覺很不完美。整間餐廳只有我和朋友二人，可

同舊同事黎個Lunch二人世界，梗係要去D有情調，又好坐GE地方先可以大吹突吹嫁嘛。觀塘D工廈不嬲都臥虎藏龍收埋唔少好西，今次BB就帶左我去Little Tipsy Restaurant & Bar。咦咦，BB果然識簡，呢度燈光通明，環境亮麗，俾人GE感覺乾淨企理舒服，又有D氣派。坐低拿拿聲同BB叫左Set先，我叫左長通粉配燉牛肉及Parmesan 芝士($98)，BB就叫左個牛肉漢堡配松露強黃醬、炸蕃薯條及田園沙律($128)，另外，我地再各自加左$18食沙律吧GE野，果Set會跟個餐湯同 $40以下的餐飲，野飲選擇比較多元化。沙律吧整齊咁擺放左6-7款調好GE菜蔬，比如洋蔥煙肉薯仔沙律、藜麥沙律配烤椰菜花、紅菜頭俾食客簡，仲有D生果，同埋Ham食！而右邊再有幾款自製醬汁俾你自行調配，呢度GE沙律吧任調，只係加$18都抵食GE。食緊DIY沙律無耐，我地叫GE Main就登場啦！長通粉配燉牛肉及Parmesan 芝士($98)，牛肉切到一口一粒，都俾得幾多牛俾我地，燉得好軟綿而入味，長通粉係大大條果種，呢款通粉煮得剛好軟硬適中，上面再撒上Parmesan 芝士，一啖一口通粉同牛，正呀！

知道觀塘有間主打健康既餐廳開左 今次特登請半日假黎食個Semi lunch buffet! 可以慢慢食食多啲😂 黎到第一個感覺好modern 仲有梳化位坐 坐得好舒服細食既朋友淨係食salad bar只係$88，黑洞胃當然唔夠，一坐低店員有介紹下個menu 揀左兩個main就出動食buffet喇 Salad bar雖然唔算好多選擇 但質素仲非常好 除左salad 仲有幾款salami同cold cut選擇佢個餐包同湯都好好味！甘筍湯仲飲到粒粒甘筍蓉，鮮甜又健康叫左個medium rare既牛扒 黎到雖然熟左少少 但佢本身塊扒靚同埋佢係slow cook 所以都好軟腍同好多肉汁 完全唔使sauce都好夠味另外叫左個羊架 都係偏熟 但味道唔錯 平時食羊架太熟好易好乾同埋鞋 呢個都仲保持juicy 不過就冇乜驚喜 伴碟仲有好多燉菜同薯蓉🤤呢間餐廳坐得舒服 啲salad又好食 一定會再返黎！