Little Tipsy Restaurant & Bar (已結業)

之前同姊妹黎呢到食過一次，環境同食物勁高質，同男朋友提過下，佢竟然記得，帶我黎食。淡雅色調，好柔和好舒服，燈光比之前調暗左啲，如果枱上有埋小蠟燭點綴就perfect。【焗北海道帶子配蟹肉】$108帶子輕輕煎過下，外熟內生，鮮甜肥美。鋪上芝士同菠菜去焗，郁香芝士味，菠菜又中和芝油膩感。不過就吾系好食到蟹肉。岩岩焗起，好燙熱，侍應留意到我地好笨拙，過左黎幫我地，用叉一下夾起放系我地隻碟到。【烤安格斯肉眼扒配蕃薯條及田園沙律】$268牛扒份量十足，size仲大過我塊面，不過就冇上次果塊美國牛柳甘好食，撞正系筋位，切得有Ｄ費勁，但食落吾韌，好濃郁既牛油味香。最正系炸蕃薯條，勁香甜！【慢煮西巴牙黑毛豬配大蒜伴薯蓉】$198黑毛豬內裡粉紅嫩肉，肉質爽脆，薯蓉奶滑，仲有香濃芝士伴薏米，食落有Ｄ似意大利飯甘。