Lime Café (已結業)

星期四早上要出外辦點事才回公司, 所以可以衝出九龍塘又一城在旺角吃個午飯.下車時不知自己身在何處, 就在尋覓出路的時候被它的門面吸引著, 不知就裡的躍躍欲試. 餐廳的格局還算不賴, 因時間尚早的關係(12:30pm還未有), 全店就只有我這一個客人! 舖面乾淨企理, 現場還有now.com收看, 就投放在白牆上而已, 睇波應該會是一流吧?? 可惜小女子並唔係好波之人...睇睇餐牌, 是雜國的格局...有港式西餐的, 也有港式日餐的...價錢都唔算平0架, 是中上的價錢, 因此對佢0既質素自然有一點點的期望.薯仔湯和主菜---炒磨菇雞肉配紅米飯---一起來!! 下?? 我那一刻著實呆了一下...不應該是湯先上而主菜後來的嗎...??? 算了算了...唯有快快的把熱騰騰的薯仔湯KO, 去品嚐一下那主菜吧...薯仔湯都唔錯, 唯是佢唔太杰身, 又食到佢真係用薯仔磨茸而成0既~不過附送的迷你BAGUETTE就...嗯...看到它被烘燶了的外邊, 面層也脆...但...外邊吃著是軟軟的!?!?!? 很詭異呢...到主菜, 實是抓爆頭...色: 倒是沒甚麼問題的, 只是跟我初初想像的有出入而已,

一行六日去左呢間LIME@T5 食晚飯，點左2 人餐+ 散叫。佢D 意粉，天使麵，飯，全部統統都是咸，個大廚肯定落左好多鹽，全部只是得個樣，果晚飲左好多水。套餐個PIZZA 幾好，好大份，夠我地咁多人食，這是整晚唯一令我滿意的。其實去果日已經星期六晚，估唔到咁少人，d 野食貴而且超咸，唔值得去。

果然如食評所言，環境非常清靜，晚市七點只有五六桌人，與西洋菜街附近食肆大排長龍成強烈對比。餐廳名為sport cafe，有投影機播放英超足球頻道，估計有球賽的晚上應該有捧場客。食物標榜以橄欖油煮食，材料亦有健康餐廳的影子。飲品亦提供鮮果汁及smoothie選擇。與男友各選一晚餐。南瓜湯－－有一絲的南瓜蓉，是有心機的製作！凱旋沙律－－蔬菜新鮮，但略嫌芝士太多。主菜羊鞍紅糙米飯－－羊鞍份量不少，羶味不重，燒汁送飯可口。烤雞配小米＋鴨胸沙律－－烤雞係印度Tandoori版本，少辣。小米係黃色一粒粒，好似一粒鹽左右大細，食落有一陣特殊的米香，好有驚喜。鴨胸份量亦足，味道不過不失。客人實在不多，多坐侍應亦沒有趕客意思，旺角難得少有可以唔駛等位又可以詳談的地方。食物水準不俗，而且菜單種類繁多，有機會會再去。

陪龍到旺角買東西，到食飯時間再一次進退失據。不過是晚隨意揀了Lime@T5，覺得還不賴。　Lime@T5位於熱鬧波鞋街樓上，樓上樓下絕對是兩個世界，上面清靜得很，當晚入座率只有一成!兩人吃了意粉晚餐，售價才$68起，內容卻算有心機：　南瓜湯-較清較淡，一般但比前一晚的Casa Nostra咸湯要好；伴碟的蒜茸飽又香又熱，很好吃!　薯仔沙律-圓形賣相有點心思，加入滋味的沙律醬，味道比預期中好~　Spaghetti Carbonara-受人影響，近來想試不同口味的Carbonara，是晚又返炒。首先意粉夠熱抵讚，然後意粉口感適中，煙肉份量頗多令人滿足；不過白汁有點過漏，龍吃多兩啖就叫救命，而且意粉中加入mushroom有點怪。　軟殼蟹天使麵-炸軟殼蟹是原隻上，很香脆不過也油，少吃就好滋味；然而天使麵味淡如水，我覺得毫無吃頭。　餐後一杯凍檸茶、一杯熱咖啡，水準都不錯的；還想叫甜品，可惜櫃內多款芝士餅望上去都乾爭爭，算數。　最後，店內播著球賽，人少時還可以同侍應講轉台，龍睇得很開心。整體來說，算是旺角一個不錯的開飯地點；經開這頭又無頭緒的話，可以一試。

Environment isnt quiet, but with cozy couches n FREE wifi so itz quite suitable for some IT maniacs like me.For the food it provide is so so, comparing to the price itz worthy.Overall this restaurant I can say is a nice place to spend time juz like other cafes in MK, it gave me quite good impression n I'll definitely visit there again with friends.

來這裡多次，每次都很自在。老實講，這裡服務不太欣勤，很多人可能接受不來，但我很怕太欣勤服務，反而覺得很自在，靜靜地跟朋友傾吓計幾好。食物幾好，比較喜歡紅米飯、黑糙米飯、沙律.....環境幾好。價錢合理，比快餐店貴少少，但好得多。如果想靜靜地傾吓計，在旺角算是較好的選擇。

來這裡多次，每次都很自在。老實講，這裡服務不太欣勤，很多人可能接受不來，但我很怕太欣勤服務，反而覺得很自在，靜靜地跟朋友傾吓計幾好。食物幾好，比較喜歡紅米飯、黑糙米飯、沙律.....環境幾好。價錢合理，比快餐店貴少少，但好得多。如果想靜靜地傾吓計，在旺角算是較好的選擇。

話說上個星期的一天，我地一家大細5個人在旺角行完街，經過一間餐\廳樓下有個待應正在拉客，咁我地都停下來睇下啦，個待應同我講上面有位仲有足球睇，咁我地咪上去睇下囉，上到去一入門口，咁大間野只係得一檯客，咁其實係好的，唔洗等位，但我地企左係門口幾分鐘都無人帶我地坐，咁我地咪自己揀位囉，首先我要同大家講我唔係坐在死角，諗住睇下波，但係係無得睇的，我地坐左大約10分鐘完全無人理個我地，過多陣終於有一個著黑衫的男仕走過來問我地幾位，心諗你睇唔到咩？我地都坐滿左張檯啦，仲洗問？如果唔夠坐我地會搵張大d啦，大把空位又無客....，你應該比幾杯水我地飲住先都要掛！咁我就叫佢\比幾杯水我地啦，最後佢\都比左但無意識要比menu！你叫我地食乜？我地叫左兩個雞扒飯和兩個肉眼扒餐\，開頭來個湯和蒜蓉包先，湯味道好似水咁.... 蒜蓉包淋到好似比BB食咁，之後主菜到了，一心諗住快d食完走人，點知雞扒和肉眼扒係史無前例地鹹到阿媽都唔認得！我同老婆商討過叫唔叫佢\換，老婆話怕佢\地落手腳，但最後我叫左個待應來同佢\講d野鹹到阿媽都唔認得啦，佢\比左一個超乎想像的答案我！(佢\話:咁我比杯水你啦。) 我從未食過d野鹹

我同兩個鬼佬一齊行入間餐廳, 侍應問我幾多位, 我答一位, 佢做佐個歡迎內進既手勢, 就冇再理我地喇, 對我身後既鬼佬都一樣, 我地自己行入去, 係中心企佐一陣, 望下d侍應, 都係冇人理, 就各自選擇佐一張檯坐低.....見到餐牌寫住, 所有扒類都唔會醃(好大期望), 原本想食西冷, 晚餐價$88, 牛柳同肉眼都要$128, 問侍應肉眼同西冷質素係唔係差好遠, 佢答我係, 咁我就叫肉眼啦一黎杯凍咖啡, 嘩, 咁甜既, 同佢講, 佢話幫我加多d咖啡, 我同佢講, 加多d咖啡都係甜架, 佢答, 加多d咖啡應該冇咁甜, 我見佢冇想過整過杯俾我, 就話算啦唔洗換啦湯黎啦, 一上檯已經聞到好香既磨菇味, 正呀, 好唔錯, 但個蒜蓉包就好唔掂, 凍都唔係問題, "淋"架, 唔脆, 冇蒜香只覺得好油, 好似一早整定放佐好耐, 但佢個湯唔錯, 希望個肉眼都會好正, 點知.....第一口, 已經覺得有問題, 冇肉味既? 仲有d咸味添, 冇醃過只係表面有d黑椒同鹽, 點解入面都會有咸味, 食真d, 我估計塊牛扒放佐係雪櫃好耐, 但又不至於變壞, 因為佢冇俾野"拿"過, 所以更食得出d味同人地(又係冇"拿

149之後, 大家仲未散住, 過來了這邊食宵夜.第一選擇太多人, 十點仲有排等, 免了, 馬上過來這裡. 人不多, 放著現在台, 說真的, 有點ESPN Sports Bar的味道. 這棟大廈係三合一, 下面係運動舖頭, 中間那層係我們惠顧的店, 上面係酒吧. 都係以運動作主題.要了個宵夜分吃, 另再叫飲品.巴馬火腿百吉包: 5分, 巴馬火腿基本上係咬唔開的, 肉質好差. 當然, 這價位又可以期望甚麼? 都係自己笨, 叫甚麼火腿蛋已經可以, 係要挑戰. 唉! 反而百吉包熱熱脆脆的, 幾好.凍蜜桃綠茶: 4分, 太甜, 無乜蜜桃味.據亞妹同姊妹J講, 她們的食物都係麻麻. 大家都一致認為飲品太甜, 點解? 今期糖水平? 侍應們的衣服係著給鏡子看的, 而他們的服務水平亦跟我們保持一定的距離.這裡的最大賣點係坐得舒服, 環境好適合一班人好好地傾計. 但係如果連飲品都搞得唔好, 點叫人來?

環境清靜冇乜人//正!!其實d野食真係幾康即係幾清淡...雞扒蔬菜沙律挪威三文魚紅飯味道其實ok不過份量對男仔黎講算少最後送左個藍莓cheese cake..但係有陣怪味...=[呢個笑面.我係俾個環境既!!其實,都值得再去=]

5/26/2007 5:00pm做完運動bf黎接我食tea, 唸黎唸去最後唸到波鞋街有幢café building, 上次我都試過ok, 今次再去.2/f 既lime @ t5. 入到去不過10人左右. 畢竟tea time 已過, dinner又快到既尷尬位, tea set 選擇多, 都係$24-30左右, 仲係有焗飯/通粉/ 沙律之類. 我點左雞脾肉長通粉(黑椒汁) $26. 本身menu寫意粉, 但我要求改長通粉, 口感更好呢~ 份量不算大, 但下午茶黎講好夠了. 長通粉夠al dente, 而且黑椒汁流進中空既通粉好正, 但係就愈食愈辣, 哈哈~ 雞脾肉夠嫩滑, nice.Bf的鮮茄雞翼意粉+煙肉炒蛋, 多士($26) 鮮茄雞翼意粉賣相不太討好, 味道一般. 煙肉炒蛋有點老, 但野味~p.s 鍾意佢環境闊落, 人唔多, 同朋友飲下野, 傾下偈, 不失為一個好地方.( dinner 仲正!)

如果想人少, ok. 如果想好味, 睇彩數啦. 冇必要唔會再去...

假日的下午, 跟朋友來旺角, 人多擠迫, 實在有點不情願. 行累了, 朋友要找個地方休息, 結果來了這裡. 地方比想像中舒適, 人客亦只有3數檯, 鬧市如旺角中竟然有一個靜靜地的地方坐低傾下計, 有點意外.另一個驚喜是檯上的墊紙, 白底加一株綠色香草, 還印著一句全店食物用橄欖油烹製, 好清, 仲好似好有"心".都係o個句, 旺角少見.講番食物. 是日叫了2個tea set, 我點了奄列配蒜茸包+ 凍檸茶. 奄列賣相似煎蛋包煙肉, 看樣子也不期望蛋會滑, 煙肉還香口, 不過就有好多泡泡在上面, 有點嚇人. 蒜茸包不夠脆, 沒有蒜香, 也沒有牛油香. 食物以這一頓下午茶來說, 談不上好. 不過要是再來附近要坐的話, 還會有下次的.

店子以白色及青綠色為主調,食物及環境也很清新.全個meun items都註明卡路里,good!去過幾次也不是全場滿座,可能我不是看足球比場的時段呱.試過鱸魚飯,幾好食的.亦試過?? salad,有些米混合,應該唔太合港人口味.呢款salad食完都飽咗七成.