Lime Café (已結業)

今日我哋第一次去呢間餐廳度食嘢, 環境唔錯, 氣氛真係好好, 全餐廳的人(包括waiters)睇得好興奮不過真係唔係好夠冷氣, 我哋有問過waiter點解唔夠冷氣, 原來係大廈的問題, 希望快d修好佢啦食物方面都幾好呀, 餐牌都幾有創意, 中西合璧, 強力推介芝士pizza,  d芝士好濃, 大大份, 我哋3個人都夠食, 另外, 杯山區特飲好有驚喜, 我最初以為佢係蔬菜汁, 原來仲有薄荷味!

我地一行5人 去睇波, 又係响openrice 搵到呢間好似ok, 點知....1. 冷氣嚴重唔夠, 好熱, 要開座地風扇, 但吹我唔到, 睇到一身汗2. d野食好一般, 又超唔抵食, 個pizza$180 但十分十分普通又唔熱; 個意粉似一人食tea既份量,盛惠$98. 最後, 我地計好剛剛每人$110 (10% service charge 不計入最低消費內), 一完場即piss. 同場有過一半人同我地一樣一完場即彈起走人。呢間野完全無誠意, 已入blacklist, byebye!

朋友一行4人想睇世界杯加食晚飯, 大家都冇乜心水, 其中一位睇過openrice話呢間cafe可以喎~~~ 咁就訂左4位, 點知去到.....1. 睇openrice 話有啤酒, 去到d waiter話冇酒牌..... 點知我中途見到後面張檯飲緊啤酒... (唔通我個樣似唔夠 18 歲??? )2. 開波時order 食物, 完半場之前先至同我地講話賣晒..... (不如你完場先話我知啦~~~)3. order 第2樣, 點知整錯左, 仲要拎左去研究一輪都話冇整錯.... 最後都係要cancel 再叫第3樣, 終於有得食~~4. 除左最後的海南雞飯, 其餘食品都唔得.... 意粉唔熱 + 冇味, 三文魚柳唔熟 (仲要已經係好細件, 朋友返到屋企要再煮面食...), 牛扒算煮得ok, 不過又係冇味.... 叫檸茶, 結果係冇檸味, 冇茶味, 只係特甜糖水5. 可能全部侍應都係part-time, 好亂, 每次take左order 都會拎住個menu攪一餐, 就算你食西餐都只會比筷子你, 問佢拎刀叉, 一定要再叫先會攞比你....講真, 我真係唔會再去......

I am totally Holland Fans and I went to this Cafe last night with a few close friends. Actually, we were late for 15 mins and the Cafe is very crowded!We wait for a while as we didnt have booking at all. The menu is interesting as it combines of both Chinese and Western food (to be precise, they have food from different countries). I ordered 海南雞飯套餐 and my friends order pizza and some snacks. I reallu enjoy the food as the chickens are so soft and pizza is great, especially the cheese ( I am a hu

約埋三五好友一齊食飯睇波, 本來諗住開開心心, 但都俾這餐廳掃興了 1. 冷氣不足2. 服務不佳- 我地四個人叫左四個餐, 其中有二個45分鐘之後先到.- 有一個餐40分鐘之後先講俾我地聽話"賣晒" - 再來一個pizza, 不過做錯款式- 餐具唔啱, 永遠得筷子... 食意粉? 豬手同pizza??? 叫左好多次先有刀叉- 可能服務員係part-time, 佢地落單, 跟order都好似好有"阻礙"...3. 食物質數- 意粉唔夠熱- 凍o茶冇茶味, 仲超甜- 三文魚唔熟最後, 差唔多完場先黎齊野食.我地全部人都好冇癮. 唯有轉場再睇日本隊...

第一次在cafe睇波，本應開開心心，但點了食物一個鐘後還未上，實在有點說不過去。8點鐘上到去點左4碟食物、一jar西瓜汁，諗住一邊睇波一邊食野。但去到9點幾，場波都踢完，最後只來了一jar西瓜汁+一碟pizza。即使再等下去，我地都無信心在10點前等到d野食出黎，故完波後即刻埋單走人。但我地意想不到，該餐廳竟然想收足我地4碟食物的錢。最後我地惟有同老闆說，老闆才收已到食物的錢。如果唔係有波睇，相信D客一定嘈到拆天。我相信我唔會再去第二次。但公平D講句，D pizza係幾好食既。希望佢地係食物安排方面可以得到改善。

星期六晚喺旺角搵食,本來諗住去波鞋街大Nike樓上間Lafuma餐廳,可以坐得舒服d傾下計.點知去到發現佢樓下間Lime Cafe變左打邊爐(我記得好耐之前黎過睇波)~第一日開張! 咁就試下啦~佢形式係一人一鍋,有成20個湯底揀! 好多好特別的,例如雞煲翅","肉骨茶"...最後我地揀左"Sawadi"同"天麻魚頭",4個人share.我好中意個"Sawadi"呀! 但我唔係好食得辣,所以叫左佢少辣~ 野食方面,大部份都係普通打邊爐料啦,價錢$18/$28/$38/$48咁.其中比較特別0既係"手打芝士蝦丸"~好正!!牛有"肥牛","牛頸脊"(唔知即係乜...不過幾好食!),同"安格斯牛柳粒~友人不嬲係"肥牛怪",打親邊爐都重點食肥牛~今次見到咁多款牛好開心! 佢話d牛好靚喎~其實野食環鏡都OK,不過冇野飲,淨係得茶! 我地同老細反映左,希望有D"竹蔗矛根"之類"邊爐飲品~(果日新開業,得幾枱客,老細走黎"睇場",問下我地意見咁,仲免左我地加一添^^)

八月初五‧炎熱又係踢完波，很火燥，想跟杯啤酒降降火，但原來行了幾條街都找不到一間餐廳有生啤供應的，唯有這裡，就上來坐下。 生啤四款，反璞歸真的要了生力，大杯的才賣30蚊，相當抵飲。喝起來仍然冰凍，但不知何解，好像是有一點酸味的。始終生啤來說，也是來路的對口味，當然東洋來的，更新鮮； 也來點下酒小吃，隨手點了炸芝士條。芝士條一客六件，炸得夠乾身，吃起來也脆口，用墊底的沙律菜捲著吃，是下酒良品。 兩位女侍應似聚在一起遊魂，總是站在客人見不到的「死位」，幾次也是我出去揚手叫她們過來的。 埋單每人60蚊有找，幾經濟。 這裡有不少的大電視，如果真的來睇波，是不錯的。

今次因為發生左件奇人奇事所以寫左我第一個食評其實行過呢間野都幾次見個餐牌標榜健康所以吸引左我終於上個星期六上左去試下個下午茶上到去個環境的確幾好 幾靜幾闊落 冇乜人我地兩個人叫左兩個下午茶餐 腸蛋面 同埋 牛肉烏冬叫野食個陣都覺得個waiter 好似唔係好熟手好似放筷子咁都有d 亂之後等左一段時間d 野食都未到咁叫d waiter 埋黎跟進 都要叫左一段時間先搵到個人有反應之後黎左啦 奇事發生啦 係碗腸蛋面入面 搵來搵去.. 唔見左條腸 最後當然叫佢補番啦 但係一間茶餐廳都唔會發生ge 事竟然係呢度發生左..整體上 d 野食都算幾好味 比一般茶餐廳好 ~但係d 服務唔係好專業 唔係好值得平均$40 一個tea set lor..

昨天晚上和朋友吃晚飯聚舊．．．諗住西餐都唔會差得去邊．．點知真係幾．．．唔得囉．．我地叫左個西冷鐵板．．要六成熟．．上桌時已經全熟．．又無汁．．同落ｏｒｄｅｒ個小姐反映番．．佢答我地話個鐵板太熱．．所以ｄ汁乾晒又熟左ｄ．唔好意思甘話．跟住佢同個好似主管既人講．．佢都無話黎講聲唔好意思，係服務方面真係．．另外上左個招牌菜─芝士釀雞胸，都ｏｋ，講番個餐湯真係抓頭架，我地ｏｒｄｅｒ個陣話得一款湯，係忌廉栗米湯，點知上桌個陣變左蕃茄湯，重係用茄膏開水既，一ｄ湯渣都無但係又無人同我地解釋番。甘樣搞法，真係好難留客下次再番去幫襯囉．

之前試過上o黎食lunch，o係旺角波鞋街，搵到個坐得咁舒服，價錢又唔算太貴，味道又ok既地方實在幾難，所以對呢度好有印象。前幾晚又路過旺角搵飯食，又係上番o黎呢度...嘩.....個場好大，但係冇乜幾個人.....都幾慘淡3個人....叫左南瓜汁帶子意大利飯，忌廉番茄汁意大利飯仲有一個扒我覺得最好食，就係餐前既沙律，雖然份量少少，但係d菜好新鮮，個汁又好開胃。之後到主菜上台....嘩.....我個南瓜飯......點解咁架.....都好.....精緻o下wor!?!...有片薄左既帶子幾塊....雖然意大利飯好滯口，一定食得飽.....但係...感覺好單一，同埋唔多好味...同事個茄飯.......都有茄味既.....其他仲有乜我就唔見啦..仲有個扒....好hea好求其....影到廢事影....下次晚飯....我都唔會再o黎囉....lunch可能好d既...

呢次係小女既第2篇食評, 岩岩見返呢間cafe, 就忍唔住要寫返篇食評......呢件事發生係今年6月尾, 話說當日有朋友生日, 我地一行4人就去呢間cafe食飯, 打算同佢慶祝生日, 事前一早就打去book位, book左位同佢講我地會買cake上去, 佢話ok無問題, 到當日我再我同另外2個朋友早15mins上去放底個cake, 落返去等埋壽星出現, 大家就一齊上左間cafe....我地叫左1個pizza, 2個set dinner一齊食, pizza 唔錯, set dinner 一個係燒雞飯, 一個係牛扒意大利飯, 味道唔錯, 意大利飯比較好食, 雞就唔夠入味, 大家成餐晚飯都覺得唔錯, 環境又清靜, 地方都幾舒適, 食哂成餐飯後當然就到cake 啦, 我同個朋友扮去toilet, 途中叫個侍應轉頭可以幫我地拎個cake出黎, 之後我同朋友返埋位坐.......坐左差不多15mins, cake未出現, 我地已經你眼望我眼, d侍應路過我地都有望下佢, 佢又望下我地...等多一陣, 個侍應走埋黎叫我行出去有野傾, 咁我朋友坐側邊位, 佢就行出去睇下發生咩事啦, 到朋友返黎後,

是日跟女友到旺角尋找今晚的"幸運兒"，來來去去，穿插在女人街之間，無論怎樣也找不到合心水的食店。後來想起了美而廉這家"老店"，但在步行過去的途中卻被另一家食店"攔途截劫"了。這間食店其實很早已留意到了，大都是跟它刷身而過。既然今天終於經過了，那就不放過這次機會，上來試試這裡的食物吧~這店的舖面很闊落，在食店正中間有一排可坐二十多人的長檯，而檯也是亮著燈的，頗特別的。 這裡一直都在播放體育節目，還好聲浪不大，不至於嘈雜。入座後便開始看菜牌，發現這裡標榜著天然味道，盡量不添加化學物，而且都是以橄欖油來烹調，看到這裡仍是滿心歡喜的。因為同樣是西式餐廳，又剛在午飯時吃過了很不錯的意大利飯，自己最後選了來一塊紐西蘭牛柳，女友則要香煎鱸魚配菠菜意大利飯。無獨有偶，這裡的餐湯也是南瓜湯來的，所以我倆也放棄了而改要沙律。跟餐沙律是為薯仔沙律，加入了一點點蔬菜的它，層次和口感也豐富了一點。雖然調味只用上了很普通的醬料，但因為冷藏至甚冰凍的地步，在這炎熱的日子中，帶來一點點清新的感覺。不一會，我的牛柳便出場了。它的賣相還算不錯，不知道味道又如何呢﹖先說左邊的牛扒，它是一塊全熟welldone的牛柳....

如果平時係為左食, 我係會選擇留返係 尖咀 或者返去香港島搵野食, 幾時都唔太願意落黎旺角食, 人多之餘, 通常間間店都嘈到嘔, 但好在呢間店咁多年都仲未執!!!!~!!! 今晚黎開行街先有餐安落茶飯食下~! 記得第一次黎幫襯既時候, 香港仲未正式推行食店禁煙, 但呢度已經獨自推行呢個行動, 而且當大家仲講緊要求每餐要食得健康既時候, 呢間店已經做緊 全用 olive oil 黎煮食, 而且佢地賣既飯, 仲有紅米, risotto 等等... 佢既價錢仲一d 都唔算係貴, 只係佢個地點無咁好, 同服務質數比較無咁注重, 但我覺得係老旺呢個咁既地方, 搵到一間咁既食店, 真係執到~當大家走返過去另一邊既朗豪坊, 難道呢類餐廳唔洗排隊等位?! 一間店開左咁多年, 仲會上黎幫襯既人我相信顧客真係buy 呢間店, 唔洗迫, 唔洗排, 食既野又唔係差, 比上一百元呢個中等價, 食西餐我覺得絕對係值.咸既味道又真係可能見人見至, 我朋友都話覺得咸左d, 不過我唸下次再黎食, 我都會提一下佢輕手少少, 少咸唔該~!

成日經過佢樓下,過門而不入, 星期五約左舊同事聚舊, 佢提議黎呢度, 終於有機會試下上到黎, 一入門口, 見呢度同想像中爭好遠,地方好大,但佢地擺放枱椅既格局似乎浪費左咁大既地方, 最要命係好嘈, 佢地本身播既電視已經好大聲,攪到d客亦好大聲講野, 於是成個場都好嘈, (但當時唔係好多客) 如果唔係同事提議黎呢度, 我諗我會即刻走望下餐牌,選擇都ok多,同事叫左pizza同意粉,我自己要了鐵板燒鷄扒, 同事話pizza好淋好濕,no good, 意粉一般,而我既鷄扒望落去好正常,食落去先知塊扒係去左鷄皮(oh my god, 我至愛既鷄皮無左!!) 不過都好好食整體黎講,呢度既野食作為一間cafe黎講真係幾掂ga, 仲好健康tim, 但係個環境真係唔掂（市場定位唔清楚，佢都攪唔清自己既目標客人係咩人），星期五晚ｍｋ咁難搵食既地區佢都可以得３成客滿，咁都未執粒真係奇蹟！