Lime Café (已結業)

朋友生日一班人去呢間食，共五個人，款式唔多，環境唔錯，人流唔算多，我地散叫食物，（ｄ名唔記得）有ｄ包餐湯，不過朋友話好難飲，食物份量同服務都一般，埋單果時，好在朋友多眼望一下，至發覺佢吔計多左一個set dinnar A $168，跟住我同服務員講，叫佢check吓，過左一陣，服務員攞過張新既賬單俾我，咩都無講，我見佢唔出聲咪再問佢，頭先係咪計多左？咁依家係咪改左？佢目無表情咁答：係呀！呢度既服務認真唔得，連唔好意思一句都無，好在朋友睇到單啫，如果唔係，咪要俾多成二佰？都唔知係咪黑店黎架，我唔會再去幫襯架啦！

本人是樓下katsumoto的女友，當時一同用餐，現想補充一下。第一道菜是芝士焗車厘茄西冷牛扒紅米飯，並不是牛柳，幸好西冷尚算鮮嫩，切成小方塊後竟似牛柳，芝士味道頗香，同意這道菜整體不俗。只於那個鱸魚飯嘛...我們其實是沒有吃鱸魚飯的，恐怕是我男友因多款食物未到晚上七時便從缺而奈何侍應們處理「缺貨」問題時又不夠專業，導致心情受影響，腦袋不大靈光，記錯了。我們本想叫鱸魚，但由於沒有鱸魚，我們改叫三文魚飯，它類似生三文魚和煙三文魚，剁成粒粒，混tartar汁，「撈飯」吃，有點像日式魚生飯。同意katsumoto所說，三文魚裡那些醃過的欖實在太酸了，對，再更正一次，是三文魚，不是鱸魚。環境光潔亮麗、設計簡約，是區內罕見的直播球賽而禁煙的餐廳。

環境(Environment)：地方寬敞，不過椅子坐得不太舒服，還未開始播足球賽事時播的台灣音樂節目，頗吵耳。味道(Taste)：點了一客芝士焗牛柳紅米飯和一個記不起名的鱸魚飯，芝士味道幾特別，至少之前未試過的。而那個鱸魚飯味道一般，混入一些醃過的欖...... 欖太酸。返而是餐前的菜湯不錯。服務(Service)：先是沒有清水供應（及後才知因為今晚有足球賽事，為免有人「淨飲」......），而因為這個問題部份侍應處理問題不夠專業。時間晚飯時段尚早但餐牌上已經有數款食物從缺。抵食(Price)：這個價位似乎是在食環境，只有過百的扒餐的份量才有點兒像樣。乾淨(Cleanliness)：不錯。埋單時發生了一段小插曲，一位口齒伶俐的年青人為著因為沒有一杯清水而向前後三位侍應發表「偉論」，出過風頭後便起身離開，在下覺得用不著為了一杯清水而令這麼多人難堪吧。

Went to Lime for the 1st time in April for late lunch. The ambience is quiet, yet casual. The food is tasty and simple, which is my personal favourite. The choice, for others, may be a bit limited: mainly pasta and rice. (Because it is late lunch?) The healthy fresh juice suits perfectly with the main course -it dilutes the heaviness of pasta dishes. Satisfied. Last month, went there for dinner again. Main course: Duck meat pasta and mussels. 1) The pasta looks a bit too small at first glanc

平日去旺角都不知吃什麼，因我很怕食那些集團經營「港式美食」，中意法日韓都一般味道的食店。數月前給我找到這Cafe。入到去才知是間Sports Cafe，本來以為都唔好得去邊。打開餐牌，居然見到香港很難找到的Modern European菜色。他們的Salad真的不錯，在香港很少有這水準。主菜我最喜歡煎魚，煎得恰到好處，保留魚的鮮味。仲有個意式生牛肉(Beef Carpaccio)，真係其他地方找不到如此水準。甜品都很好食有特色。(唯一係有次食了個好似叫Apple Compote的，酸了點。) 加上餐前一杯果汁，餐後一杯herbal tea，簡直係Perfect！(不過咁食真係好重皮)他們的菜色都很健康，最正是全場禁煙，環境乾淨舒適。我怕油膩和鹽或味精太多的地方，所以現在到旺角差不多都一定到這兒或樓上的Lafuma Outdoor Cafe。Lunch比較平。晚飯冇波睇時會去，因可以清靜地品嚐我喜歡的食物。侍應們其實很有禮貌，有幾次客人不多時都和他們有講有笑。(但他們大都不會廣東話)

好高興可以係旺角找到間全場禁煙的食肆, 仲有佢地d 食物全部用Olive Oil o黎煮, 真係食得健康. 尤其佢地d 沙律幾新鮮, 仲用意大利黑醋做dressing, 口味非一般港式食肆可以媲美.雖然佢地有卡位坐, 但數量唔多, 大部份椅子都係用導演凳o黎當凳坐, 唔係坐得好舒服.Set dinner 送既cheesecake (圓形的) size 有成直徑7cm, 味道仲出乎意料之外好味, 真係想order 多一件o黎食.Service 都唔差, 可能唔係好多人o既關係.

Overall, the service and good were okie... 環境算唔錯... 唔係太嘈... 野食okie.... price..not too expensive 係聖誕期間可以散叫... 唔駛一定要套餐... (本人覺得set dinner 份量太多) ... 值得推介

食品都幾新鮮，尤其是湯由新鮮材料做成，伴湯的麵包都幾軟熟。不過略嫌份量夠少，款式有時未必岩香港人口味。同埋waiter 通常以英語對話，係落單既時候有d困難。餐飲選擇都不錯，值得試下。學生價$25 蚊貴唔貴就見人見智，我就喜歡果度的環境。在旺角係好難找到咁舒服的環境。p.s: LUNCH price

今次係我第一次黎呢度食SET DINNER上個兩次都只係飲野下面個牌寫明SET DINNER 四十八蚊起但個派傳單就一直話食晚飯都係四十八蚊有點誤導成份不過見佢俾左幾張COUPON話LUNCH同DINNER送鮮榨果汁就去試下啦D WAITER同埋工作人員都唔知係度做什麼成日圍埋一齊討論有個重好似收工咁見到都唔理最後要等大約兩個字先有個好似收銀的女仕係水吧走出來同我地落單我地叫左兩個SET一個係豬頸肉燴長通粉一個係牛柳拼紅米飯嘩PORTION 真係好細喎D湯同埋MAIN COURSE味道都OK但係對於一個好似我呢D正常男人真係唔夠喉喎送既果汁只可以選擇西瓜汁或FRUIT PUNCH都係細細杯兩啖飲哂最後加多20蚊食個CHEESE CAKE係NEW YORK CHEESE CAKE味道不錯推介大家不妨試下埋單時記得用返張VIP CARD有九折每人都係68蚊度OK啦

食到一肚氣…話說佢賣哂廣告, 有足球睇, 咁我先等到10點幾食晚餐, 為左可以睇埋波…入到去都覺得有少少奇怪, 正常有波睇應該好多人幫襯, 但係佢不單坐不滿, 仲有好多空位, 奇怪.. (因為呢場波正常係應該好多人睇的) 坐左一陣, 有個講英文既人同我地落單, 門口寫$38 up, 個menu 得一樣$38, 其他都係60幾–90幾蚊…不過, 想睇波, 冇辦法啦…之後, 佢仲好快咁比張單我地找數, 話方面我地慢慢睇波wow~~場波係2230 開始的, 我等左15分鐘都未開始播, 有點奇怪…到了2300, 有個鬼佬開始不耐煩, 去投訴, 我見佢嬲到嘈左一輪走左, 到左2310左右, 佢宣佈話因為有點關係, 不能播放該場賽事…oh my god.. 在場人仕非常不滿, 最不滿是錢就比左, 波就睇唔到…好嬲…搞左一輪, 佢先比番個85 折我地…唉~~最後, 佢既技術問題終於可以播放到半場賽事.. 不過, 有好多客已經不滿地走左.. 他們處理得好失敗, 事發的時候, 話事人全部失蹤左~~食物質素--- 一般, 係旺角用呢個價錢可以食到更好食的食物. 環境其實不錯, 光猛, 乾淨…

返公司時發現呢度有早餐\食,即管去試一試.價錢比我食開Ｄ茶餐\貴咗８蚊.我叫咗蕃茄牛肉通粉和凍奶茶,Ｄ通粉原來係長通粉,牛肉係碎牛肉.整體都幾好食.Ｄ湯同一般餐\廳有Ｄ唔同,清淡Ｄ.但杯凍奶茶就好多冰茶味好淡又好甜.份量我就０Ｋ但如果我男朋友就一定唔夠食.地方唔嘈幾舒服.

average lunch set 要$78, 但假日lunch就$48, 都ok, 但杯奶茶味道很差, 完全似一杯糖水, 無茶味. 另外個南瓜湯都超弱, 稀到無人有. 但main course肉醬意粉同薯仔牛肉飯就味道不錯. 係旺角黎講, 環境算好ok. 仲有, 佢d侍應係講英文, 可能係尼泊爾人.

喺旺角兜左幾條街, 終於搵到一間唔係咁起眼既餐廳, 因為見佢Dinner唔係好貴, 都係大約$30-$50, 就上去試下. 一上到去冇咩人客, 可能因為9點幾啦!! 之後叫左個Set Dinner.南瓜湯- 好稀, 感覺上溝水.雜菜奄列配沙律- 賣相唔錯! 奄列入面有紅蘿蔔, 白蘿蔔, 沙律配黑醋, 味道幾好!!呢度食物質數唔差, 仲有全場禁煙, 有機會下次再嚟!

今晚去了這家餐廳, 9點多, 想不到我們竟然"包了場", 只有我們一枱客. 好奇怪.... 正常呢種情況, 我應該會走, 因為覺得唔會好食. 不過, 由於拿著很重的東西, 所以便坐下.一看MENU, 發現晚餐很便宜, 30餘元起至50餘. 很難想像旺角有這麼便宜的餐廳, 茶餐廳不算. 而且環境很舒服, 簡約. 給人一種很自在的感覺.餐牌上的食物還很健康, 女孩子看到了一定十分開心!!!晚餐到了, 一看便知道味道一定不俗, 因我點的是意粉, 一般粗製濫造的餐廳, 個沒有茄的"茄汁"一定已淹沒了全部意粉, 但這個並不是.味道很好, 但為何這裡只有我們光顧呢?? 發現原來大部份的侍應只說英文. 另外, 晚上9點前原來貴很多, 一般晚餐約$100餘元...怪不得啦! 希望這家餐廳可以改善一下價錢及多用本地侍應, 否則係旺角似乎不大合適.後記: 原來呢間餐廳係nike旗下的, 都好d. 應該有方法改善的. 我真希望這家餐廳可以好好經營下去. 我便有多一個健康的食事處啦!!!

呢度原來o係lafuma 下層, 四點半上o黎tea, 得一檯人. tea set有沙律, 三文治, 意粉, 甜品, or 小食俾你揀, 加咖啡, cappuccino, 茶, 綠茶or 萍果綠茶, 每個set 分高中低能量. 我地揀左低能量o既巴馬火腿百吉包(可揀pita bread)三文治, 同中能量o既mozzarella芝士條. 前者o係凍食, 百吉包口感中挺硬同煙韌, 巴馬火腿鹹香肥美, 加上蕃茄椰菜中和下肥膩感, 唔錯. 但更好食o既o係芝士條, 熱辣辣, 芝士半溶, 一切開炸o既脆皮, d 芝士絲一路食一路難捨難離耦斷絲連, 點上茄汁或沙律醬, yummy. 老實講d野唔難整, 但食得開心就得啦! 熱綠茶成壺上, 但綠茶味好淡, 似飲中國茶多d, 凍萍果綠茶好萍果味! 侍應好有禮, 但o係只會講英文~一個似Filipino, 一個似whereever born o既Chinese, kitchen o既crew 都o係鬼. 環境好現代, 簡約, 洗手間非常乾凈, 整間餐廳禁煙. 總括o黎講. I am impressed!