Le Viet

營業中

休息中

同朋友嚟食lunch，Lunch set幾抵食，+$8可以轉做特飲，兩個都嗌左椰汁紅豆冰，紅豆冰都可以揀少甜，椰汁味濃幾好飲!! 海鮮炒檬粉，炒得幾乾身，平時通常食湯檬或者撈檬，估唔到炒檬粉都幾好食，而且海鮮配料都幾多!!大蝦菠蘿飯，炒飯粒粒分明，如果加埋提子乾炒就更加好，炒飯份量好多幾抵食!! 另外仲order左炸蝦餅同串燒兩個小食，炸蝦餅雖然得四件但每件都好大塊夠晒真材實料，串燒分別有雞牛豬各兩串，點沙嗲醬食好食，但一定要趁熱食，有兩串我哋食完炒飯先再食就已經冇咁好食了!!

沙爹串燒 ($56)$56有三串 雞豬牛各一串 呢個串燒好有驚喜！燒得好好食 d肉都好嫩 -滿載椰青海鮮飯 ($103)一見到真係嚇親😂真係好大個飯 有好多椰汁淋上面 個飯入面有raisin 估唔到又幾夾😳 仲有蝦同墨魚！好好味 仲可以打包做多一餐😂-火車頭 ($78)以為平平地 個麵會好細 點估都咁大碗! 一開始係生牛肉 再浸一浸就變熟 咁就唔會太老喇！仲有好入味既羅白丫🤤🤤-越式拼盆 ($98)有豬頸肉 蝦餅 春卷 仲有舊唔知叫咩但有d似腸粉皮包肉既野😂 豬頸肉都有大約10塊 好抵？而蝦餅都炸得好香 又好厚 好正丫😚

帶位迅速，職員有禮貌，又沒急追落單。佢哋亦好細心，不時加水後。上菜速度都夠快，只係等咗十分鐘到就有得食。食物都大大碟，兩個人叫三個餸就好夠食。越式拼盆： 蝦餅一上好夠熱 絕對唔係事先炸口感好脆加彈牙 但炸粉適中 唔太油春卷 夠曬脆 同樣唔太油豬頸肉 煎得夠香 加上甜酸醬一流扎肉蒸粉包 好大個 食完已經飽飽地串燒沙爹: 肥瘦啱啱好 不油膩 啖啖肉 配上沙爹醬更野味 超好食海鮮炒檬粉：炒得夠乾身 但海鮮又唔會太乾 海鮮夠多 有好多蝦 魷魚 蜆肉香芒糯米飯：芒果夠甜 白糯米比較軟身 紫糯米 比較硬身 加埋一齊食又得 好味

之前嚟過幾次食飯，覺得幾抵食而質素亦唔錯，所以再約朋友嚟呢度食。午市套餐由$62元起包咖啡或茶，係高級商場入邊環境都唔錯，坐得舒服。咖喱牛腩撈檬牛腩份量多，亦有牛筋等，整體算好淋，咖喱唔會太辣一隻辣椒🌶️辣度左右。香茅燒豬頸肉撈檬亦有水準，撈檬酸甜汁用樽仔上幾得意，如果個樽大啲份量多啲會更加好。生牛肉湯河都唔錯。反而小食蔗蝦水準高，炸得香脆，蝦肉結實彈牙，甘蔗鮮甜多汁，水準之作。香芒糯米飯亦有泰式風格。最難得係升級特飲只要加$8就得，所以帶咗一杯越南滴漏咖啡，慢慢享受一下。

原本打算食拉麵🍜，但要人齊才能入坐，門口又非常曬🌞，所以立即改為去The one ,因為接近lunch hr,我行快兩步去4/F,見到有位就坐低！Lunch set 有九款選擇，➕ $8可以選擇特飲！海洋炒檬粉：賣相不太好😅，宣傳單張靚啲！但味道OK!大蝦波蘿飯：好👍而且有湯送！

每次行the one,，上電梯一定經過le viet，佢既招牌咁鮮明，咁出眾。今日終於試左佢。環境: 坐得絕對舒服，唔迫，佢既枱十分清潔，場內裝修亦好高格調。服務: 侍應好好笑容，有禮貌，到時到候會自動幫我地補滿水杯既水。食物: 酸辣海鮮湯，有大蝦，墨魚仔，大蜆，再加上番茄同大量菠蘿仲有南薑褒成，湯底絕對一鮮味，同埋會酸酸甜甜，辣味反而好輕微。全部海鮮都好新鮮。我係海南雞飯既忠誠fans, 呢間既海南雞飯算高質，雞好新鮮，呢間會比好多菜，好健康。酸辣醬配得好出色，酸 辣 甜match得岩岩好。串燒好好味，佢可以比你揀雞牛豬隨便配搭，我就每樣一串。3串中我最鐘意牛，其次雞，加上佢沙嗲醬同岩岩燒起既炭火燒香，好野味。最後重點推薦牛油雞翼，必點之選。雞翼十分大隻，好脆但唔會厚粉，咬落去牛油味超香，後勁會開始有少少咸咸甜甜既味攻出黎，岩哂香港人口味。

-#小肥尖沙咀遊遲來的2020新年快樂🍾️🎆🎉🎊😆滾動地有朋友仔趁我放假R小弟出黎吃好西🤪都幾耐無食東南亞菜既小肥🙇🏻‍♂️🐷慶幸小肥晏啲啲黎先避開排隊入位等食既Lunch Hour🙉但連閒日兩點後都幾爆場🙉記得預少少時間等位啦🙇🏻‍♂️小肥叫左至愛既香茅燒豬頸肉撈檬🐷🤤豬頸肉配以茅香醃製燒得夠香夠入味之餘🤤肉質嫩滑脂肪比例均勻食落唔會太油膩🤤🐷灑上烤蔥蒜增添增多口感之餘😋配合秘製越式醬汁拌以檬粉食落更有風味🤤另外朋友叫左牛味濃郁肉質鮮嫩既生牛肉湯河😋🐮雖然黎到牛肉已經差唔多全熟咁制分數打啲折扣🙉但味道還不錯的😆🍜而黎到必食豐富既小食拼盤同埋串燒三拼😋即叫即整夠哂熱鮮熱辣亦係吸引之處🤩👨🏻‍🍳🔥東南亞菜小肥之推薦😋🐷🙇🏻‍♂️

剛剛出trip去完越南工幹，放工經過the one呢間越南餐廳，同事就想回味下越南美食，見walk in有位當然要滿足下吧！睇睇menu，價錢幾親民！兩個女子不是十分肚餓，簡單order 了飲品、拼盤、炒檬粉和鮮蝦卷！椰汁綠豆冰椰汁味香，綠豆份量唔算多剛剛好唔會太甜！青檸疏打是泰國既疏打水黎喎有驚喜呢，夠冰涼！坐左一陣小食拼盆就端出來了！炸蝦餅、春卷豬頸肉及紮肉蒸粉皮！個人較喜歡吃豬頸肉！豬頸肉肥瘦平均，香口帶有小小麻油味好夠香。不過另外三款小食都很美味呢！蝦餅熱騰騰食最好味，蝦餅啖啖肉，皮脆脆都幾入味。而春卷就炸得酥脆的，皮不厚面包著菇及肉碎。紮肉蒸粉皮入面有鮮味紮肉、面層有麻油、䓤及蒜香。蝦卷蝦幾新鮮大大粒，有花生、粉絲及麻油既香，幾野味，可以點埋個甜酸醬幾醒胃！海鮮炒檬粉海鮮料也廷多的，材料豐富加了蛋絲，幾香口野味！個人認為熱食較好味呢！

Was having lunch with an India friend, she doesn’t eat pork and beef, so thought this Vietnam/ Thai restaurant has good options. We went for lunch and the lunch set is a good deal!.Bun Cary Bo ($65)Beef and noodles in curry soup. With 4 big pieces of beef, the portion is good. Every bit of noodle is full of curry, bravo!.Fresh Coconut ($48)Entire coconut is yours! And I think the layer of flesh inside the coconut. .Com Xao Khom Tom ($78)This is the best one in lunch menu. Fried rice with season

Le Viet 位於尖沙咀彌敦道100號The ONE 4樓L402舖 又名越南仔越南餐廳。呢個商場有個好得意嘅地方就係你要坐扶手電梯上好多層先至去到。所以大家如果約咗朋友嘅話要預鬆啲時間預多少少步行，距離嘅時間，否則就會好容易遲到失約。越南仔呢個餐廳基本上一上完扶手電梯就會即刻見到佢大大個牌，當然你會見到LE VIET而唔係越南仔呢三個字啦，因為呢三個字係佢翻譯過嚟嘅。餐廳面積中SIZE，同時佢哋嘅座位都相當之多，順帶一提佢哋嘅座椅係非常咁舒服所以係，多啲坐下都唔會覺得攰嘅。服務員非常細心，亦都好有禮笑容滿面，坐低之後畀我哋餐牌同埋俾水我哋。今次叫咗，牛油雞翼，串燒墨魚丸，香茅豬扒湯粉，香茅豬頸肉湯粉，同埋蒜蓉炒椰菜苗。牛油雞翼非常香濃，雞翼個骨架都比較大所以肉都會相對地多。串燒墨魚丸有三粒，很得意嘅感覺。豬扒湯粉同豬頸肉湯粉其實差唔多，因為純粹係個配菜問題，清湯底，好好味，豬扒蛋日，豬頸肉，有咬頭。椰菜苗，非常翠綠可口，加上蒜茸有啲香味好開胃。今次冇特別係夜飲因為想試一試佢哋做嘢食嘅手勢。整體唔錯, 行街行到累坐坐飲野傾幾句都唔差呀!其餘的精選粉麵推介有：手撕雞扎肉湯粉、特別火車頭

平時喺旺角Le Viet 就食得多, 今次就一於到尖沙咀The One 4/F既Le Viet去幫襯下, 睇下大家有冇咩吾同先！望落去其實基本嘅裝修風格都係差唔多，呢度嘅座位坐得好似比較上舒服啲。好彩我哋早到左，就有位坐。因為隔咗一陣，已經見到有人要係門口等位了。嚟到梗係要叫返呢度嘅王牌：黃咖喱軟殻蟹鍋配法包！哈哈，每次嚟到任何一間Le Viet，我一定要order 呢一個,，因為實在太過好味了。上菜了！今次既黃咖喱相比有少少辣，咖喱入面都係有青椒，紅椒同洋蔥等嘅配菜，驚喜嘅係入面都有埋薯仔。軟殼蟹炸得香脆，無論食幾多次，法包同黃咖哩既配搭都係最佳組合。另外，我地仲叫左以下食物:青木瓜絲鮮蟹肉雞絲沙律呢個超fresh！醬汁係分開上嘅，醬汁味道酸酸甜甜又有小小辣，可以根據自己口味調加，我就鍾意全部倒晒上去。上面有好多花生碎，鮮蟹肉同雞絲嘅份量都多。青瓜以及青木瓜絲味道十分突出，食完呢一個沙律，胃口大增，因為非常開胃。椒絲炒通菜平時來到食椰菜苗就食得多，今次就轉食通菜。叫得椒絲嘅話，就肯定有加辣椒落去炒，所以味道係有少少辣嘅。通菜口感唔會太老，除咗用辣椒外，都加蒜蓉來炒，鑊氣十足，不錯吃！

午市黎食有lunch set 都係$62加一起連飲品，係尖沙咀商場黎講算抵~-牛油雞翼 $68極邪惡~~~超多牛油同蒜蓉，好香脆-黃咖哩軟殻蟹鍋配法包 $138新鮮炸起既軟殻蟹另上🤩點下香濃既咖哩汁，薯仔都有炸過，同樣好香，再配法包索哂咖哩，正呀-香茅豬扒湯粉 $62豬扒都係新鮮炸起另上，唔會比湯浸到淋哂，香脆內軟，油脂香又唔乾身，好出色，配埋個清清地既湯河好夾-三色冰 set $8椰奶入面有唔同啫喱，好有越南特色！-香芒糯米飯 $52香甜多汁既芒果，同糯米飯同甜甜既椰奶好夾，係泰國既味道😍

黎到越南餐廳例牌會叫「越式拼盤」，一共有四款，有豬頸肉、越式春卷、扎肉蒸粉包、炸蝦餅。全部既配料非常豐富，二人份量綽綽有餘！咖哩味濃而不辣！牛腩夠淋，牛筋又吾“un”, 加上用鍋上有好處，可以保持溫度，幾時都可以熱食。如果冇咁快食住，可以先熄火！印式薄餅好鬆化，配咖哩簡直一流！好戲在後頭，還叫了超載椰青焗飯。 上台個視覺效果超正， 海鮮堆滿椰青頂，就好似火山岩漿爆發出黎咁，白汁之中又夾雜啖啖椰香味，混入飯同海鮮配料同椰青肉，正！檸檬梳打， 又解渴，又夠fresh, 又吾甜！

行過尖沙咀 忽然好想食越南嘢發現選擇都唔多但居然有一間非常就腳喺the one就有半開放式非常醒目佢個lunch set好平 仲可以配越南特色嘢飲由於我哋下晝唔得閒食晚飯所以就叫盡啲😄.💟生牛肉湯檬個湯好香牛骨味 唔算鹹味道適中 牛肉唔係出面嗰啲肥牛係安格斯薄切唔會肥膩 唯一美中不足就係檬粉較少💟菠蘿炒飯呢個真心好好食 啲飯炒到粒粒分明菠蘿味十足 啲蝦都係爽口彈牙真心抵讚 配埋個肉鬆勁開胃真心抵‼💟越式拼盤蝦餅大大塊 咬落去啖啖肉春捲冇乜特別但幾好食越式豬頸肉 整得好食唔會鞋重滑捋捋扎肉粉卷 扎肉同炸蒜 味道ok可惜粉皮太厚 打咗啲折扣💟牛油雞翼呢個勁好味 唔可以錯過五隻大大隻 炸到超香撈埋牛油 超邪惡好在有落啲鹹嘅蒜選中和番推薦超好味💟我哋兩個都叫咗綠豆椰汁冰味道不過不失 唔算特別😂.🎀Le Viet🎀尖沙咀彌敦道100號The ONE 4樓L402舖

今日約左舊同事食飯傾下計聚下，本來都唔知食咩好，係the one 行行下見到哩間餐廳，就被吸引左入去。一開始仲早，都未算多人，到左大概7點幾就爆滿！果然沒令我失望，菜單上好多菜式都有，越南粉，小食，咖喱，串燒...🤤🤤好多野都想試下，可惜得2個人😆😆唯有忍手。最後叫左小食拼盤，貪佢咩都有，新鮮即炸，熱辣辣，蝦餅夠曬彈牙🤩燒豬頸肉juicy🤩再黎咖喱炒🦐，配料十足，咖哩香濃👍👍👍仲有個好特別既椰青🦑🐠🐙飯 ，賣相非常吸引，配埋d咖哩汁食用，味道十分配合❤❤❤飲品就叫左椰青，鮮甜解渴，椰汁紅豆冰，椰味香濃，就係咁飲飲食食再傾下計，好快就渡過小聚時光😊