Le Viet

營業中

休息中

尖沙咀好食越泰菜推介！首先要讚嘅係呢間Le Viet真係坐得好舒服！！空間夠闊落～唔使就住就住，亦都唔擔心有趕走我地，慢慢食慢慢傾。1. 海南雞半隻海南雞做得好靚！皮與肉之間係啫喱狀，同雞皮爽滑，雞肉鮮甜！肥瘦適中，食完都唔漏！配嘅2款醬汁亦都好啱味！高質！1. 炒通菜炒通菜真係反映出師傅手勢好功力夠！咁簡單一味椒絲炒通菜，食得出火喉同調味都非常有水準！正！1. 咖喱軟殼蟹鍋配印式薄餅呢度嘅黃咖喱真係好好味😋唔止香濃，連薯仔都係煎過先放入咖喱入面，真心係我食過最好味嘅咖喱！軟殼蟹都係炸到啱啱好！夠香又唔會太油膩！正！碟底仲有多幾舊薯仔🥔好味1. 沙嗲串燒估唔到連串燒都咁高質素！圍埋都係15蚊一串！抵過食日式串燒啦！份量又多，肉又醃得好味！唔使點沙嗲醬都已經好好味！1. 青檸梳打青檸梳打抵讚在成枝梳打水俾埋你，唔會姑寒得一杯。

逛尖沙咀的時候，都會路過這裏，今晚便來這裏吃晚飯。串燒半打$89 ，可以選擇：雞、牛、豬各兩串，串燒有濃郁的炭燒味道，肉類含有越式香料的滋味，加上沙嗲汁，變成了正宗的沙嗲串燒 。其實近年已經很少吃串燒，因為都是用油炸的，不過這裏的串燒是即點即燒的，值得推薦。蔗蝦$42，蝦肉口感彈牙，配上竹蔗的甜味，和蔥蓉的鹹味，又成了越式的風味。如果炸漿再薄一點更好。海南雞飯$72，雞肉口感嫩滑，味道十足，香飯的香茅香濃，配合自家製的酸辣汁和黑豉油，味道更佳。如果擺盆再精緻一點，算得上是十全十美的海南雞飯。鹹魚炒油麥菜$62，油麥菜味道香甜，加上梅香的鹹魚，是一個新鮮的組合。芒果糯米飯$55，糯米飯加了糖，味道偏甜，口感軟腍。芒果酸酸甜甜，加上椰漿的香味，不會遜色於泰國的芒果糯米飯。

今日同朋友去尖沙咀行街，順便食嘢，我哋行到The One,呢度有好多唔同菜式嘅餐廳，我哋都好耐冇食過越南菜，就上四樓揾食😄商場四樓有幾間開放式餐廳，出就見到Le Viet,裝修時尚，座位寬敞，空間感幾大😄餐牌有午餐同單點選擇，沙律、串燒、鍋物、湯粉、飯…柚子海鮮沙律青瓜絲，柚子肉都幾多，仲配埋墨魚仔、大蝦仁、蜆仔肉同腰果，越食越好食😋越式拼盆有蝦餅、越式米紙春卷、扎肉蒸粉包同燒豬頸肉，食得出係即叫即製，四種口味，各有特色😋菠蘿焗飯黄薑粉炒飯底，飯粒飽滿，大蝦三大隻，新鮮菠蘿粒好甜，撈埋肉崧一齊食，正🤩甜品焦糖燉蛋燉蛋奶味比較重，稠咗少少，一般般啦😊椰汁紅豆冰有驚喜🤩，清甜椰汁同粒粒食得到嘅紅豆，真係最佳拍檔🤣

昨晚跟友人食完越南菜，今日同事有話要食越南菜，冇問題，反正每一間菜館風格不同。咖哩炒大虎蝦咖哩汁濃稠，有絲絲蛋白，好特別，增加滑溜感。配菜洋蔥，青椒和大蔥夠入味，食到個個津津樂道。虎蝦大大隻啖啖鮮香。要了一客法包，蘸著咖哩汁，滋味無窮。牙快車名字完全不知是什麼！再睇材料，先知道原來是沙律。青瓜條，椰菜絲，紅蘿蔔絲，花生碎，雞肉絲。淋上越式魚露，非常清爽清新的味道。越南咖啡慢慢滴溜，好香。咖啡味道濃厚。

越式牛柳沙律 $85睇落平平無奇，顏色仲唔係好靚，但其實牛肉醃得好入味，仲有淡淡既青檸味，唔算好肥但肉脂平均，牛味濃郁，非常醒胃。蔗蝦 $42蝦膠打得彈牙，蔗好甜多汁，雖然係炸但食落唔乾啱啱好！牛油雞翼 $72碟未上枱已經聞到濃濃香味，原來係蒜蓉！5 隻肥美雞翼炸得香脆，再加入厚厚牛油同蒜蒸快手兜勻，雞皮仲係脆卜卜熱辣辣，不過相對地蒜味就濃過牛油味好多。串燒雞、牛、豬 $56（三串）雞牛豬每樣要左一款，最好味係牛，食落有牛味又唔嚡！其餘2 款都唔錯，好香口！不過都幾濃味架，記得飲番2 杯水。越南滴滴咖啡 $34食越南野一定要飲佢既咖啡～ 厚厚一層煉奶喺底，配上非常甘香既深度烘焙咖啡，中和左苦澀味，作為飯後醒神甜品剛剛好

同事介紹the one既呢間越南菜唔錯，所以呢日收工又捉左朋友一齊去食。因為本身唔清楚佢份量，見到價錢唔貴，諗住份量都唔會太多，點知就中伏了～鮮蝦米紙卷蝦肉同米紙都彈牙，仲有超多米粉係入面，超飽肚。串燒（豬/牛/雞）沙爹醬我無感，本身唔太鐘意。3款肉我地都一齊試左半串，豬同牛最好食，肉質唔韌，同埋都幾香口。咖哩牛腩鍋配印式薄餅牛腩既牛肉香味好濃，肥瘦均勻，亦帶有牛筋。牛腩同薯仔都煮得夠淋身，好好食。咖哩汁都夠香濃，得一塊薄餅有啲唔夠喉！特別火車頭我無乜食過呢款麵，所以唔知有咩特別。佢既生牛肉唔差，但牛腩更好食。蘿白煮得夠淋同入味。有牛栢葉幾驚喜（我唔太知本身火車頭有無，但本身鐘意食），牛丸既味道都幾好。河粉夠滑身，唔會煮得太過火。咸檸梳打/越南滴滴咖啡咸檸配梳打比配七喜更好，唔會甜，感覺清新好多。滴滴咖啡夠香濃，店員會拎上枱由個咖啡慢慢滴出黎，杯既底部有煉奶，滴完之後就可撈均黎飲。點解話中伏呢，原因係佢既份量比我想像中要大，先300幾蚊，就食到飽到上心口，大家點菜要小心呀哈哈。

想食越南嘢。行行下就黎咗The One。4樓有間Le Viet 。岩曬我心意❤️。 Le Viet精選拼盤～識叫一定嗌拼盤。🈶️春捲。蝦餅。扎肉蒸粉包同豬頸肉。份量鬼死甘大。足足夠4個人share 添。$115真係幾抵。柚子海鮮沙律～柚子酸酸甜甜好開胃。海鮮有蜆肉。蝦肉同魷魚。食食下已經無咗一半🤭。去骨海南🐔～嘻嘻。食🐔最鍾意啖啖肉。冇🦴岩曬我。雞肉都算嫩滑。食熱氣嘢點都要嗌個椰靑黎清下熱氣😌。嘻嘻。。記得刮埋d椰青肉食牙😛。

好耐好耐無食越南菜啦！雖然無得去旅行，但係係香港都有唔少食越南嘢嘅餐廳，都可以過下口癮！Lunch嚟食都幾抵架。生牛肉河 牛肉上枱嘅時候仲係粉紅色嘅，無過熟嘅情況！河粉份量都幾多，仲有兩舊蘿蔔，吸曬湯底精華。豬頸肉撈檬豬頸肉嘅燒烤味濃，真係幾惹味。檬粉配大量蔬菜同埋酸辣汁，非常之清新，真係會食到停唔到口。柚子海鮮沙律有青木瓜沙律，柚子，墨魚仔，鮮蝦，同蜆。食落好清新，酸酸甜甜，夠曬開胃。以沙律嚟講份量都可以話好多串燒豬牛雞，每款各兩串，肉質唔會過老，夾埋沙嗲汁一齊食，正呀。

串燒沙嗲雞、牛同豬每樣一串，真係即叫即燒所以一上台係熱辣辣而且火喉十足又唔會韌，肉汁豐富就咁食都好夠味。但佢既沙嗲醬可以再提升到另一層次，肉汁既鮮配沙嗲既惹味，好好食!黃咖哩軟殼蟹鍋配法包呢個係會成個煲上然後一直熱住咁食，少少似打邊爐咁。咖哩煲入面已經有薯仔同配料係到，煮到軟淋薯味好突出，另外軟殼蟹同埋另一D炸薯仔另外上，確保唔會令軟殼蟹過淋! 炸既時間亦都岩岩好，唔會好油而且食到軟殼蟹既鮮味，配埋法包一齊食，呢個真係冇得彈!香茅豬排湯粉呢個好清，湯底用咗香茅調味加上少少其他調味料，香得嚟完全唔油! 豬排煎得岩岩好，保持到肉汁而且豬排肉質嫩，食落都好滿足!

🥘黃咖喱軟殼蟹鍋🦀~113$~-用熱鍋♨️上，保持住溫度，咖喱又熱又惹味。而軟殼蟹另上，蟹既質素相當唔錯，啖啖肉，唔係得個殼。同時都好欣賞啲薯仔🥔用心整作，唔單止𠝹左波浪坑紋，炸埋個表皮，好味🤩🍱越式拼盤~98$~-有蒸粉卷、炸春卷、炸蝦餅、豬頸肉四款小食，蒸粉卷又支持潮州蒸粉果嘅感覺，其餘三款小食都好香口。海鮮🦞炒檬粉~$68~-呢款檬粉就清淡左少少🤏🏾建議要落甜酸魚露。青檸梳打~跟餐價加8$~三色冰~28$~-三色材料多，足料既飲品🍹

尋日去 The one 睇戲食飯 又嚟到Le viet🧚✨香茅豬頸肉撈檬 💰65豬頸肉好惹味🐷好多蔬菜 幾健康🥬酸酸甜甜好開胃🤩✨越式生牛肉粉💰62牛肉份量幾多😝湯底好夠味 加埋啲九層塔同芽菜仲有香🥳另外亦都可以加啲青檸汁同辣椒🌶️令到味道層次更加豐富🥰✨椰汁紅豆冰(Set)+💰8椰子味香濃🥥➕8蚊就upgrade到又好大杯 扺飲🥰✨鮮豆漿💰28甜度好低 感覺好健康👍🏻雖然冇得+8 upgrade 但都好值得😻✨椒絲通菜💰62有大量蒜頭🧄同辣椒🌶️ 所以非常惹味✨牛油雞翼💰72雞肉非常嫩滑🐔外層牛油味好重 🧈入面隱約散發出香茅味 😉✨焦糖燉蛋💰 36好味😋仲有買一送一 正😻

越南菜係我其他一道最愛既菜式，越南河都食過好多次🤤🤤🤤 鐘意到自己都學整埋一份🙈🙈呢一年冇得出境🙁所以打消埋我去越南既計劃😭😭😭 不過好彩香港係美食天堂 🤩🤩所以要搵到其他國家既美食一點都唔難🥳🥳🥳 即刻睇睇邊到有正既越南菜🤩🤩🤩 就比我搵到呢間 又係尖沙咀附近行緊街 立即就訂座試一試佢😍😍 本身好想食phõ 😍不過我見到隔離枱叫左菠蘿炒飯好靚 所以我都叫左個 再叫埋煙三文魚rice paper rolls!份量好足 味道都唔差 價錢合理暫時滿足下我既越南夢先

位於尖沙咀地標The One 100號4樓有家Le Viet 的越南餐廳，餐廳佈置非常有特色，以紅黃藍為裝潢主色調，風格獨特。餐廳以越南新派混合菜色為主打。滿載椰靑海鮮飯是招牌菜：買相十足，濃厚的椰汁淋在飯面，有墨魚仔、蝦等好大份足料，口感豐富而有層次，非常滿足。越式拼盆：有春卷、炸蝦餅、炭燒豬頸肉、越式粉果4款小食。春卷鬆脆香口，炸蝦餅鮮甜彈牙，炭燒豬頸肉入味爽口，越式粉果，軟腍好味。素食紙米卷：有蝦、粉絲及生菜，點上酸甜醬，醒胃又健康！中午座無虛席，生意興隆！…

開放式餐廳，環境舒適#香矛豬頸肉湯河 $68+1豬頸肉不會很肥，味道也不濃郁～旁邊有辣椒和青檸汁落落去河粉味道更佳，超微辣，幾好～ᶘ ᵒᴥᵒᶅ個人口味評分：7/10

柚子海鮮沙律（ $78 ）柚子極甜🥗🥙配埋青木瓜沙律好爽口🐙仲有四五隻大蝦同墨魚仔，酸酸甜甜十分開胃👍🏻👍🏻半打串燒（ $89 雞/牛/豬 ）串燒附上花生沙嗲醬，都燒得幾香🍖🍗調味偏重口味，燒得都唔算un ，幾個朋友share最啱，我哋兩個人食就有啲多🤣🤣特級火車頭（ $78 ）🍲🍲配料有生牛肉、牛腩、牛柏葉、牛丸，每樣嘅份量都好多🍜🍜湯底好好飲，叫咗小粉都係好多河粉，性價比好高👍🏻豬頸肉炒金邊粉（$68）🍝佢用嘅係厚切豬頸肉🥓🥓啖啖肉，本身以為佢係辣嘅，點知唔辣嘅，可能配合返香港人口味，份量都係好大碟😋😋