Le Viet

營業中

休息中

串燒沙嗲雞、牛同豬每樣一串，真係即叫即燒所以一上台係熱辣辣而且火喉十足又唔會韌，肉汁豐富就咁食都好夠味。但佢既沙嗲醬可以再提升到另一層次，肉汁既鮮配沙嗲既惹味，好好食!黃咖哩軟殼蟹鍋配法包呢個係會成個煲上然後一直熱住咁食，少少似打邊爐咁。咖哩煲入面已經有薯仔同配料係到，煮到軟淋薯味好突出，另外軟殼蟹同埋另一D炸薯仔另外上，確保唔會令軟殼蟹過淋! 炸既時間亦都岩岩好，唔會好油而且食到軟殼蟹既鮮味，配埋法包一齊食，呢個真係冇得彈!香茅豬排湯粉呢個好清，湯底用咗香茅調味加上少少其他調味料，香得嚟完全唔油! 豬排煎得岩岩好，保持到肉汁而且豬排肉質嫩，食落都好滿足!