Le Petit (已結業)

係Le Petit 度食野，完全冇不滿之處！ 總共3個人，3個都叫左Set Lunch。首先有個雜菜湯（小朋友緊記要叫salad），上埋一個外脆內軟既包，超好味！之後有個主菜，本人推舉肉醬意粉、豬手燴意粉同埋墨魚汁面。小心前者碟邊燙手！最後有埋個drink。建議走前食埋tiramisu，入口即溶！ 建議唔好食Set Dinner，聽人講好難食！

上星期三既晚上, 男友提議去食法國菜, 話有間法國茶餐廳都幾好味...咁就去試下...去到之後, 我知點解男友話係法國茶餐廳啦...講真...果塊大大既落地玻璃一d裝飾都無, 街外既光透哂入黎, 本來有少少既浪漫氣氛都無埋...我們點左個二人套餐:1) 沙律- 有兩款, 同男友一人一款- 味道無特別, 又比想像既少, 而且係用主菜既刀叉黎吃的, 除左環保, 我諗唔到其他...2) 湯或田螺- 我要左湯, 男友要田螺, 湯既味道普通, 要叫侍應先拎pepper黎...兩隻田螺已去殼, 所以顯得更小家, 味道一般...3) 主菜- 煙三文魚燴菠菜麵, 味道一般, 覺得菠菜麵有少少硬, 另一款立菜係西冷牛扒, 味道尚算ok...4) 飲品或甜品- 男友點了tiramisu, 沒有酒味, cream太多, cake太少...我點了凍檸茶..沒特別...5) 另外加了個熱既朱古力軟心慕絲, lee 個係全晚我覺得最啱口味既野...本身鐘意食朱古力心太軟, 而lee 個就無咁多cake, 裏面d 朱古力熱辣辣流出黎...好好味...甜度適中...總括而言, 我覺得d 侍應唔多掂, 唔叫加水就唔加,

絕對不用試的很久沒吃過那麼差的食物，絕對自以為是，不顧客人口胃。order 三個set dinner，其一是西冷牛扒黑椒汁落order 時waitress 問我要幾成熟，我清楚地要八成熟。上檯時竟是五至六成熟，我向waiter講我剛才落order 時要八成熟，他拿回kitchen，但再上檯時竟仍是五至六成熟。我第二次再問waiter，是否客人沒有得選幾熟？他拿回kitchen，食物第三次上檯仍是剛才的樣(當然已是冰冷得不可吃及被人把牛扒糊亂切碎)，waiter還理直氣壯地說他們已熟。108元的dinner 被人如此破壞氣氛，一肚氣加肚餓。永遠不去的restaurant。救命！消委會幾號電話No.

記得它剛開張的時候,已想試一試;但因客滿試唔到.如今,雖然見食評扁嘴多過笑臉,但友人唔反對而自己又仍然覺得試過至心息. 於是,晚上跟友人一起試試這間想試多時的餐廳.環境:地點:大概是深水埗和長沙灣地鐵站中間.當日附近的環境: 一般的街道裝修:企理室內的環境比室外好.味道:選擇了的特惠晚餐兩個.菠菜湯ok.螺肉友人話沒有螺味.肉醬不錯,三文魚批仔的三文魚有湦味.鮮魚塊鮮番茄,魚塊像overcooked既簿又乾且沒有魚味.但喜歡它的番茄.另外,什麼什麼釀鴨,買相唔錯.熱咖啡,正.是日dessert 是朱古力Mousse 也好味道.服務:好,但收碟太快.晤...其實,有少許壓迫感,因為同一時間有數位服務員盯住.抵食:埋單約二百元多.以食物素質來說,唔算抵食.以裝修來說,還可以.乾淨: OK

要不是舊友們的邀約，想總不會找上這鮮為人知的隱蔽小店。友人是老主顧，全由他發板。先來一碟生蠔、翡翠螺跟凍蝦。生蠔味鮮，回味深長，水準不俗。但當問到品種，就只謂是獨家入口的法蘭西蠔，如斯神秘，也就不再追問。翡翠螺跟凍蝦，大小不一，的骰得很，也有欠新鮮，似是賣剩般的，實難接受。再端上的，是煙鰻魚，煙燻味香濃，鰻魚細滑，風味一流。洋蔥湯，只呷了兩口，並非傳統味道，稀薄而味寡。熱盤點了四款：西冷扒、鴨胸、鴨腿跟羊架。西冷燒得過火，肉質跟味道也有欠水準。鴨胸和鴨腿，質感一般。做得最棒的，反而是羊架，是滑嫩香焦，汁濃味豐。甜的有：法式焦糖燉蛋，明顯是剛從雪櫃裡拿出來的，蛋實而無香。Tiramisu口味尚可，但略淡而濕，未夠濃滑。反之另一巧克力慕斯球，口感稠滑，巧克力味濃得化不開，是漂亮之作。餐後，兩友人往外抽菸。刻意為我締造緣份的夫婦友人，就乘機在套口風。啖著那杯有欠個性的紅酒，我不著邊際的跟他們道：「儘管您倆刻意的、有心地，帶我一嚐這所您們欣賞的小館子。但，有時候，各人口味有異。正如此館子，確不是我的那杯茶。」

我兩個人叫了一個二人套餐(其實還有一些平套餐$70-$100) $268 已經有幾多野食啦, 味道唔錯, 不過佢所用的碟可能沒有加熱, 所以令食物上枱時唔夠熱, 這方面要考慮改善, 另外又叫了一客鵝肝, 味道很好, 不過唔可以食太多, 因味道很濃. 初初睇落好似份量很少會唔飽, 但食完所有菜式後, 已感到飽飽^.^

見到咁多負面報告,但係小弟又唔覺咁差,可能我通常係食午餐緣固其實我都幫趁過佢好多次,記得第一次係食白酒青口同鵝肝,食味同賣相都好似我果時起法國食既咁之後我就成日一個人去食午飯,都係叫煙鴨胸午餐或者海鮮墨魚汁意粉,七十蚊左右一個餐,唔係叫好平而且份量又唔係好多,不過食味唔錯.而且環境清靜,我就最鍾意一個人座起玻璃門則更既位,邊食邊睇書,食完嘆杯咖啡,感覺都幾休閒招呼方面唔可以話叫好殷勤但係唔算太差,叫不過不失各位若果可以試吓去食午餐,感覺或者會有唔同

這間怎算是法國餐廳?? 論地點"吊腳"不在說! 但食物方面可以用一字形容"差"; 份量少及加上服務態度-上至伙頭, 下至班姐姐, 沒笑容, 不專業.問非所答; 不知所謂!!一句到尾, 都是食返相熟的餐廳,免得受苦受難!

地方真係好隱蔽&吊腳, 估不到果個位會有間法國餐廳我地兩個人都食左個set dinner ($68) 餐湯- 大蒜薯仔湯(又冇蒜&薯仔味) + 手掌一半長既法國麵包頭盤- 揀左什麼肉醬(兩片好薄) + 半粒蕃茄仔+ 兩條生菜仔(冇咩特別&份量比較少)主菜- 揀左鮮茄香檸魚柳配薯溶(兩片好薄, 又冇魚味, 又淡口)最後係餐茶囉~整體係唔掂架~ 唔會再幫襯!!!

昨天替肥仔周的"壹碗麵"作了個評價後,連帶回年前一點回憶,同出一系的Le Petit,很久之前也曾慕名而來.選址極度奇怪,在長沙灣最邊陲的保安道頭,與車房為鄰,在法國菜一向比人高貴的身份,有點格格不入,記住此地是長沙灣,不是雲咸街呵.在此區落腳,斷不可能要收蘇豪價錢吧,消費指數只係Olala之三分一,味道是否剩回三份一呢?客路以年青人,長記街坊為主,覺得Petrus,Le Fauchon等法蘭西菜天文數字,可以在此Bistro,略略感受一下.Smart Casual完全談不上,就算你剛在保安道球場鬥完三打三,身穿球衣腳搭Air Jordan,一樣不會拒於千里,這處,是長沙灣.法國菜感覺上吃得拘謹,有規有矩,在這裏可當耳邊風,油浸鴨腿本身在Olala已經份屬名菜.顧明思義油浸就一定多油,鴨腿幾入味.皮也算香脆.過得去.鴨胸得兩小片,吃罷全無印像.鵝肝醬霉霉地,完全不行,最好吃反而係無甚關係的大蝦意粉.扁麵口感彈牙,大蝦新鮮,醬汁味道同濃度剛好.就是如此.在長沙灣好吃的多的是,想吃法國菜,奉勸你唔好貪平,行遠少少,比多少少,又點止好吃少少?相信當初肥仔周開此店目的,不外乎連消費力不高的一群

呢間餐廳服務勁差，侍應好白鴿眼！我和朋友大概在六點半著住牛記笠記去食飯，當時只得兩三檯客，好多空位。但侍應就話全部位已reserve晒，要等。我問佢等幾耐，佢居然話唔知，話有好多人揸Benz，BMW來食飯，好難預時間，好似好睇唔起我地，唔想serve我咁。跟住我話走，佢先好勉強咁安排座位給我。坐落我們只揀了兩個set dinner，加一份焗蠔。侍應問我要唔要紅酒，我答佢唔要，之後佢就好唔高興咁走開。野食來到，好細份，由頭盤至飲品都冇咩特別。老實講，野食唔係話好差，但份量小加上咁差既service，真係覺得好失望。唔通穿牛記笠記就係低下偕層既人咩?講起認真火都滾!

奉勸無車食友吾好黎, 由地鐵站行過黎, 都幾遠兼吊腳,食完仲要摸黑行橫街過番地鐵站,又係麻煩,仲要擔心治安. 食物普普通通,咁山長水遠黎到,吾覺有咩驚喜,我諗吾會再黎.

我覺得呢間野個裝飾幾好，係就係隔涉0的，不過勝在夠靜。今晚食左個二人餐，頭盤鵝肝幾好味，炸軟殼蟹都好香好正，青口湯味幾濃幾足料，羊扒都唔錯，係個咩"魚周"魚唔掂，唔夠新鮮冇乜味口感又唔好，但焗田螺細細件，真係好好食。可惜個餐唔包重要的甜品，美中不足。不過我應為值得一試！ｐｓ：上菜上得好鬼快，其實份量都幾多，我地食到好飽都食唔哂喎！

2月12日18:00走入去食dinner,佢話要19:00前比翻張枱佢,無所謂啦我食得咁快,咪入囉.*先來頭盤,煙三文魚沙律---Good la---**生蠔---生蠔味道無問題,不太好食也不太難食.但呢種生豪唔值呢個價錢($77/2pcs)***再來熱盤,露筍XX---also Good---****海鮮墨汁麵---好小海鮮材料,太多汁,麵好濕身.令到個麵不好食*****寶雲酥羊架---都ok啦,同出面的比較呢間都叫平******甜品---Tiramisu---超難食,好失望!從來未食過咁難食的Tiramisu.仲要成$40.點難食?我知口味的野人人定義不同,但呢單野不只是味道上的差異.是師傅的制法呀.上碟時外表其實無問題,朱古力粉都幾好,入面的質感都無問題,食到最底是手指餅啦,嘩!!D手指餅濕到好似有水要漏翻出來,如要形容就..入口好似一些糊狀物體卦.總之你試下浸濕(至軟身為止)嘉頓手指餅然後放入口啦.好彩酒味不太濃(對我來說),真係從來未食過咁濕且散難的手指餅.唔知係咪當日師傅失準,照計無理由卦,有份量家ma.後話:當晚八時許開始肚痛至十一點幾,直覺係生蠔囉.

第一次去都有成兩年多前了，其首本菜為鴨腿，鴨腿超肥，唔係講笑，果舊肥膏超厚，都有成厘米咁厚，仲大大塊，味道唔係點好，淋身都算係，但唔係好食，而肥膏真係嚴重敗筆。過了一年左右又去多次，當比次機會佢翻身，但係呢次變本加厲，又係鴨，呢次鴨胸片，一口咬下，即有反胃的感覺，鴨肉超靭，完全唔係人類牙力可以分開，非用扒剧刀出盡飲奶之力狂片不可，仲要切成肉醬才能入口，但係呢個未係最惡劣的地方，最反胃的地方是肉片有濃烈的血腥同生肉的味道，完全沒有肉類應有的肉香，我都幾肯定佢根本冇煎過肉（因為太黑睇唔到），係直接切下放上碟比人食，我好懷疑係有員工有心倒米。果種反胃感覺簡直係錐心蝕骨，全身發毛。最後淨係食咗ｄ炸薯條就算數，差不多成碟都冇食。我咁大過仔，一世難忘呢次經歷，直頭有死過番生的感覺。食過最難食的食物中，佢係頭班馬，比食屎好少少。我想比味道負分數佢，佢直頭要比錢我，而我又窮途末路冇錢洗，我先會冒死睇錢份上跪地餵豬乸先會去食。但係可惜呢度零分都冇，硬係要我比一分，我才免為其難，蔽著良心比一分佢。