影片
招牌菜
本人一直認為此餐廳不至於像其他食評般咁差。因本人由大03年便隔幾月來幫襯一次，為的是此處不錯的海鮮盤有4隻生蠔、8隻翡翠螺、8至10隻海蝦。都只賣$180（前年2009年加價至$198，都算平）。今天像以往般打電話訂位，並問海鮮盤有沒有加價。答案是已加價，而且沒有足夠生蠔，原來海鮮盤已加價至$480！吓！老細回答我，由於今晚有一班人已訂了32隻生蠔（一箱本來貨只有36隻）今晚只剩4隻（吓，原來每次本來貨只來一箱？！）所以比個“discourt”我～$268（我都唔知佢點計。但見現在百物騰貴，又成幾個月冇來過。決定試試。一入到餐廳，看看餐牌，己經面目全非。價錢當然貴了很多，而且已經沒有setdinner。一個陌生的“經理”知我們訂了海鮮盤，問我們要什麼。我見已沒有set dinner 而其他嘢又吟貴，便叫那“經理”上住海鮮盤先。佢有點不耐煩地提意我們吃牛扒主菜，話可以半價（都成$300) 我哋話要再諗諗。點知佢好不滿話“唔係諗住剩係食一個海鮮盤吓？！”見佢咁講，火都嚟埋！“我哋都係諗吓先，我哋商量一會，都係試吓現時嗰海鮮盤質素先叫其他。結果係…差咗！生蠔雖仍舊有海水味，但已不夠肥美。蝦更不夠鮮甜。更曹的是整個海鮮盤都不夠凍，好像解凍很久沒人理一排。差！見此，真的很失望。話哂幫襯咁多年，都好唔想呢道變成咁，問個“經理”（他已忽略我哋好耐）老闆（他也是主廚）在嗎？他用質疑惑的眼神“喺廚房。”我話個餐牌變咗好多。佢話佢係度已成年，都係咁，佢好似好懷疑我哋係咪見過老闆。事實上，由於我哋每次幫襯都叫2個海鮮盤，唔單止老闆、老闆個爸爸及哥哥我哋都有一席話，而上次幫襯都唔曾耐過一年。佢應該來了只有幾個月。我唔同佢計，剩係話想同老闆傾吓。佢就走到廚房口，並揮手叫我埋去，“老闆，有人找你”我伸頭入廚房，老闆見到我，“等等我一會出來”。我便回座等等他。 那個“經理”見我真的認識老闆，走上前本來問我哋飲Dセ，請嘅。我老婆好氣地拒絕他。我就不客氣要了杯咖啡。等了一會，老闆出來。我哋向他反映了海鮮盤退步了。他竟辯稱～生蠔不是肥美就好、海鮮不夠凍因有大夥人訂了很多所以預先解凍。最失望是他更稱因想留住多些客，介紹我哋“入會”$400，可以一年內幫襯就半價。我看到餐牌主菜最平都成$400，有D酒店都平過佢。仲要攪D入會。唉！此處是深水埗喎！失望！於是只好接受～不再幫襯！
繼續閱讀
我一心想食餐好嘅野, 想起幾年前,LUNCH同過同事食,又同過老公食,都是不錯的,價錢都合理,都是幾十蚊左右一個SET LUNCH.近來,因為心血來潮,想再來一嘗法國餐的滋味,但未過食DINNER,一食就出事了.第一, 諗住好多人食, BOOK咗枱,7點入座,去到差不多8點才多一枱食客.食時已心中不妙,好的餐廳為什麼咁少人光顧.第二,佢餐廳門口有個BANNER話有SET DINNER,點知佢話無, 比咗個好貴的餐牌我地,仲要全英文,心諗不如全法文喇! 局住叫咗個牛柳成為$268,(味道可以喇) 西冷牛扖$368,(也OK) 不包麵包(最好食了),湯((麻麻地)和TEA(普通野),加SET再加$68一位X2 = $136, 再叫咗個甜品$88(可以唔食)(已半價佢話)第三,又如之前的人所講, 有D青口同爤鬼三文魚沙律:話送喎, 難食到食, 再加送一口紅酒,又話送..咁多野送,我估佢見無人先咁講.第四,埋單,成千蚊,真係有D肉痛,無咩裝修的餐廳,仲要係深水(土步)區, 咁嘅價錢,5星酒店都食到.第五,大家無選揀都不要來,寧願在家吃杯麵,最後想講有被騙的感覺,同埋唔想香港的美食天堂美譽被這間餐廳毀於一旦,大家不要被騙了.相片都無謂看了,看了更加唔想食
繼續閱讀
如果入去之前有上OneRice睇睇..我地就吾會甘後悔..入到去個個男人狂推介野食..好啦...落埋單..頭盤刀未食就開始黎料...> n <"每逢d野食上就話有d咩系私人送..其他客冇...明明就系我地嗌..要比錢架..同其他客又系甘講...不停狂sale聖誕包場幾抵幾抵..仲拉我男朋友出去門口睇..煩!!!之後每隔１陣就走黎狂sale...又叫我地落訂先...我地刀已經不停話遲d先決定..佢仲狂追問...我刀未見過餐廳會甘囉...好似想趕客甘...系..系想做成生意...但刀吾駛甘過火a？仲有a..比錢既時候..佢竟然rTips...收左加一仲敢r...包..又凍又硬...Salmon Salad..d三文魚灰灰地...湯...有酸味...牛扒...好"un"...燒春雞...青口仔...味道一般...甜品..應該已經系最好..但得１客..明明就２個餐但只得１客...最終伊１餐食左５４０倒...比起其他人應該算平...出左門口男朋友只有１句..."無下次"真系好差既經歷...早知就決定去食其他野la...如果有負分我會選擇負分....
繼續閱讀
早幾日老公同我去長沙灣 Le Petit 食晚飯 , 但Le Petit 服務差而且令人反感 ,一到步店內有個金頭髮著西裝的男人出來 , 一出來就不停 sale 佢店內有全香港獨一無二嘅西冷牛扒 , 我地兩個都覺得莫名其妙 西冷牛扒成日都有 , 點樣叫全香港獨一無二呀 ???佢拿咗佢獨一無二嘅西冷牛扒比我地睇 , 我地覺得太大塊所以無 order 到 , 佢嘅態度就好似覺得我地兩個唔識欣賞 介紹埋我地都唔 order 真係唔識嘢咁 , 之後我地 order 咗羊架 , 不過每飮完個湯 每食完一個頭盤 主菜 佢就走過嚟問下好唔好食 , 仲要又重提我地應該食佢個西冷牛扒 , 好煩好討厭 成餐飯都比佢煩住唔可以靜靜傾下計.
繼續閱讀
聽到深水埗其實有d保留,但之前睇openrice知有d人會刻意寫衰d餐廳,朋友話試吓,於是一行三人去試食.食完想講...老實講,従未食過咁難食嘅野叫咗支白酒,d色暗黃, $300!仲有個甜品....好似係超市d雪藏cake...最慘係個waiter定經理不停講自己d野幾好食,我真係唔識比反應.埋單嚇親我地,3個人,每位700, 500都算,當買個教訓,但700真係接受唔到...
繼續閱讀