Le Monde

營業中

休息中

搵食搵到牛頭角，但卻遇上了不太滿足的餐廳。餐廳的環境寬敞舒適。裝橫也不錯。第一印象不俗，但食物質素有點讓人失望。前菜 餐湯 忌廉粟米蜆肉湯味道正常一般。澳洲肉眼扒味道一般，肉質比較粗。牛味也比較薄弱。法式油封珍寶雞腿配柚子燒汁柚子燒汁味道剛好， 雞腿嫩滑是唯一一樣上枱還是熱辣辣我食物。其他都是放了很久才上枱。Le Monde法式慢煮油封鴨髀配薯蓉及酸紅椰菜酸紅椰菜變成甜品梨，味道好奇怪。鴨髀肉質粗糙，不像平常慢煮的幼滑。比較像湯渣的口感。煎西班牙duroc 豬梅頭配洋蔥汁及雜菜豬梅頭一般是最軟身的部位，但餐廳煎得比一般硬身，肉質也非常粗糙。不會再試。紅酒浸雪梨不予置評

係觀塘附近番工，放工想同女朋友揾間靚靚哋嘅餐廳慶祝生日，觀塘呢間法國餐廳平得嚟幾高質素一坐低就有新鮮熱辣嘅麵包籃由於好想試鴨脾，平時都多地方有，我哋就散叫😋蘑菇湯好濃好rich好足料🤤法式洋蔥湯嘅洋蔥炒得好香，芝士勁厚，厚到有拉絲鴨肝多士好濃味，多士烘到好脆，值得下次黎再食，侍應有介紹依碟野要整一至兩日先得。估唔到個餐可以包埋主菜嘅油鴨脾個皮好脆，啲肉一啲都唔乾唔鞋，係餐廳推介我哋試嘅和牛牛面頰好入味，個汁超濃烈，好高水準最後生日叫咗個甜品，可能餐廳見我哋慶祝生日，加多咗份量埋單先知原來仲有8折，一共食左六百幾蚊。好高質好抵食呀呢度有埋stage有live band 包場慶祝party都得😍

本星期四與三位友人到觀塘 le Monde午餐，本以為是一般的法國菜兼品嘗的是午餐，没什麽要求，但細看餐牌，發現午餐也有龍蝦湯，便叫來一試，一小件法飽和味濃的龍蝦湯十分夾；未吃之前，高佻靚女主任問要否即磨黑椒，我來者不拒，心中暗想又是用手磨黑椒那種器具來磨，以前侍應用不專業的手勢，弄到枱布也有黑椒碎的情况，浮現心頭，怎知她手中所用的卻是電動磨具，看著黑椒碎紛紛落下，刹是好看！主菜點了油鴨肶，經理哥哥説是用了十多小時的慢煮方法，不油腻，肉質幼嫩，没有吃柴皮的感覺。到了甜品和熱飲，我叫了朱古力疍糕，覺得甜品有水準，但略甜了一點。我頑皮性格又來了，向經理哥哥問有鴛鴦否，出奇地他禮貌地回應，閣下真是地道港人，我會為你調教一杯鴛鴦。嘩，真心甜！如此體貼的服務是第一次！離開後和友人説下次一定試晚餐，看看服務及做餐水準會否不一樣？

Happy Friday難得舊同事特登走黎同我食lunch，當然要揀間好坐傾到計嘅餐廳食好西啦!我揀咗西班牙有骨豬扒飯，朋友揀咗温泉蛋卡邦尼意粉。嘩~好大份呀! 豬扒煎得剛剛好，洋蔥汁唔咸喎，讚! 去餐廳食扒飯我大多都會選擇分開上，有時啲汁咸到嗌救命!今次我地掛住傾計唔記得咗，好彩味道剛剛好。隻温泉蛋好靚呀～白裡透紅，而且好重蛋味。我試咗啖朋友嘅卡邦尼都好好食呀～香濃厚厚嘅汁包住條意粉，正!我地兩個黑啡精，好滿意哩杯夠曬香濃，絕不是啡水!題外話，見到啲食評人話成日追單漏單，我黎過幾次都無咁嘅情況喎!咁嘅環境質素，抵食呀～係apm邊食到咁嘅質素呀!

作為青醬嘅愛好者，見到餐廳有青醬意粉，我一定會試，因為唔係個個青醬都啱我口味。今日lunch點咗個北海道元貝青醬意粉，一上枱好香，食落係我鍾意果種青醬味呀!😍意粉硬度啱啱好，而且啲醬剛剛掛住係意粉到。下次癮起可以黎食啦!

諗住近近地試下新野，又都幾好食!個人不太好杰湯所以叫左清雞湯，太急住食無影到，但係清得來有雞味，加上蔬菜同雞粒同幾鮮。朋友叫既菇忌廉湯就非常濃郁，真材實料。前菜帶子牛油果，清甜帶子原來都幾襯creamy牛油果。主菜煎油封鴨脾，脆皮入口即融，脂肪就係咁來，但真係一路以罪疚既心食哂，鴨肉就非常入味，雖然未去到超嫩，但都好滑。配上酸菜同酒煮梨，balance 到幾好。朋友叫既菇酥皮盒有驚喜，個皮超脆同鬆，啲菇係爽口同幾大粒，唔會一味超濃。甜品揀左至愛朱古力mousse ，非常朱古力重唔會太甜，完美ending!

同朋友聚餐揀岩間靜靜的傾吓偈。食物質素和服務態度，哩個價位真係性價比高嘢食必試呢就一定有法式油封鴨脾，四個字形容～皮脆肉嫩，醬汁食得出用鴨淆加左啲檸檬皮，個人就非常欣賞佢嘅配搭一啲都唔肥膩，可以食多兩啖； 前菜吞拿魚他他都唔錯，方間好多都一餅嘢咁，哩度就有返魚的肉質口感，鮮味純沒多餘的調味。 龍蝦湯配自家製麵包好吃，會唔覺意食多左。紅酒燉和牛面珠墩肉都可以肉香汁濃，哩個價錢淨食㕑師誠意都抵。要提一提佢哋個法式豬腸，腸衣香豬氣濃呀⋯不過唔喜內臟者就未必ok 喇。仲有個時令野菌盒都非常值得推介。好甜食嘅要試埋個 French Meringue 技巧手工野啦，軟硬適中。另外個Chocolate Truffle Cake 都好驚喜，記得留肚食唷！

今日同老公慶祝紀念日，想搵啲又靚又特別嘅西餐，又唔想俾成千蚊一個人頭，見到呢間新開嘅就嚟試吓間餐廳幾靚，人唔多，枱與枱之間唔會好迫，適合傾計。我哋每人叫左一個set dinner, 有湯，前菜同主菜，同埋一杯嘢飲湯我揀咗濃蝦湯，真係好濃郁，我覺得直情好似龍蝦湯咁😍但係如果鍾意清淡嘅人可能就會覺得比較鹹前菜食咗吞拿魚他他，幾新鮮主菜揀咗佢嘅招牌油鴨髀，我幾年前去法國食過一次鴨髀，果次係燉，我覺得簡直好似煲湯之後爛咗嘅肉咁，自此之後對鴨髀呢樣嘢都唔係好有好感，但係今日嚟到，見到係主打，慢煮油封鴨脾，再加上鴨髀係法國名菜，心諗既然食得法國菜不如再試多一次呢個鴨髀係煎嘅，個鴨皮好脆而且入口即溶，好驚喜，簡直一洗我對呢碟菜嘅印象，個鴨肉都OK，如果可以再嫩啲就仲好。伴碟個薯蓉非常香，我懷疑佢係用鴨油去煮我老公叫咗個肉眼扒，我食左件都好好味，但係我覺得肥咗D😌男人可能好鍾意最後我叫多咗個朱古力truffle, 係滑嘅，同埋唔係太甜我好實際，每人埋單唔使$500可以食到法國菜我覺得算好抵，雖然冇海景嗰啲，但係最緊要環境ok又好食...好過俾成千蚊睇風景，但係啲嘢食細份唔飽又唔係特別好食

第一食物質素完全唔掂... 轉手之後差咗好多. 第二明明叫咗一個$78嘅light meal. 落單時並沒有叫upgrade..個waitress 自動upgrade 咗.. 到上餐湯嘅時候，我已經再同另一個waitress 講個餐無湯而當時waitress亦已經收返個湯. 雖然我知道比完錢,隔咗個weekend 好難再追得返. 不過我冇諗到個經理只係講d policy 出嚟... 同我講比完錢就等於交易完成. 呢啲餐廳真係冇下次.

11/10/19 同事生日食飯, 早2日已經whatapps book位同睇定食乜, 仲order左9個餐~~~當日去order多一份牛扒餐(當時時間係1:05分), 原先個9份餐既湯同包好快到~~~個主食都好快到, 但係後加個份牛扒等左9個字都未到, , 我地已經催左佢3次, 最後話Cancel order既3分鐘後佢就出現喇。其實當時同事係食得好急, 因為趕住2點鐘開會。到野飲, 其實一早已經order定, 但都係等到點9都未到, 已經催左幾次, 大家趕住返工, 咪叫佢轉外賣杯俾我地拎走喇(當時5個人已經走左), 點知個著黑西裝頭頂紮邊既男店員態度極度惡劣, 覆我話"其實我地冇外賣杯, 但你當時只係坐係度, 坐係度其實係解決唔到問題嫁喎, 最後佢唔知係邊度搵到d杯出黎, 我地一直望住d野飲放左係水吧度冇人理佢地, 同事間有個著黑西裝既女店員黎執檯, 我好聲好氣問佢, 可唔可以先處理左我地d野飲先, 因為凡7地趕住返工, 佢同我講有同事跟緊(態度都唔係好嫁喇), 但d野飲仲係hea係度, 堂飲既已經出曬喇喎~~之後有個男侍應捧住d野飲黎同我地講...其實我地冇蓋呀~~~你地不如咁樣拎

上次食完飯，經理哥哥俾咗幾張9折卡我地一班同事，趁到期前緊係要嚟食多次啦～上次晚餐食咗個燒豬肋骨，紫色黃色綠色花花世界超吸晴😍真係超靚，靚到唔捨得食。果然係法國菜~啲配菜都靚成咁...想點呀!!唔只好睇仲要好食，豬肋骨一定唔係煮完再燒果種，食落好多肉汁。今次lunch上黎食，餐牌好多野揀喎(有選擇障礙tim...食乜好呢!?) 原來哩到有Lunch set同Tea set㗎!下次要嚟tea一tea食蘑菇釀雞翼先😬 沙律跟湯，賣相唔錯，沙律酸酸甜甜好開胃呀!三文魚花花茄蓉長通粉，好多新鮮茄蓉呀😍正!最後當然係歎返杯即磨咖啡啦～真係好香濃!

Lunch，我個椰菜花磨菇湯第一啖有一大塊玻璃，我唔想搞事只想休閒地食完個lunch，反映waiter後換左，但到埋單經理都完全唔知道無道歉或跟進。個牛頰好重味，配菜好鹹。味道好過茶餐廳(即係唔值畀$118)。飯餐的鎹菜分量勉強夠，多翻少少會好d。重點: 個場得7成滿，我地應該係最大臺12人，午餐等餐茶慢到我埋完單有幾位都未上到，我地整個用餐時間有足1小時，正常唔使趕急都有足夠時間服務，無可能做唔切。午餐劣選。

剛剛在這間餐廳用午膳， 老實講餐廳嘅裝潢都ok， 價錢都算合理食物質素亦都ok。但係侍應人手實在超短缺， 全場只得三個人，其中一個仲係要負責水吧！ 一入餐廳有一位較年輕嘅侍應上前招呼，問我有冇訂位，我話冇，跟住佢話幫我安排， 然後佢就喺度左顧右盼希望其他侍應幫手， 之後等到另外一位侍應過呢就安排我坐喺我企喺度嗰張吉枱，其實當時全場只得一兩枱客！之後坐低用餐陸續有其他食客進場， 我眼見已經心知道呢間嘢唔夠人手做，所以喺1245分 向我剛才提及過嗰個又係水吧又係捧餐嘅男士落咗餐飲， 心諗1300前點都可以完成一杯餐飲掛！ 點知原來我忘記咗呢間係法國餐廳，咖啡應該要慢慢歎， 我見住個水吧哥哥只係顧住喺廚房第啲主菜出嚟俾侍應攞畀客人，完全冇行去個水吧位， 於是我就向另一位女侍應話畀佢知我已經點咗餐飲未到，然後叫佢順便埋單因為我真係怕埋單都要等幾個字， 我呢啲基層打工仔，食午飯時間得一個鐘頭，實在真係唔應該黎呢啲高級法國餐廳食午飯， 但偏偏呢間高級法國餐廳又切喺工廠區喎 結果喺埋單嘅時候見到水吧哥哥終於有時間整餐飲啦， 整完放咗喺枱面等捧餐， 一路兩位捧餐都唔得閒埋去攞餐飲， 於是我向最年青嗰位

今晚又試新食肆，位於觀塘鴻圖中心親民價法國餐廳 Le Monde。有heart 的藍帶女廚師帶領團隊主理，沒有將貨就價，食材講究，菜式經過悉心配搭，絕對是一間高水準低消費的餐廳，值得推介！👍🥰🥰🥰溫馨提示：藍龍蝦每日限量，訂位時最好預留自家製麵包 👍😋😋藍龍蝦濃湯特製濃🦐湯藍龍蝦沙律藍龍蝦雜菜沙律 （太正掛住食，唔記得影相）🤦🏻‍♀️法式奶油田螺法式慢煮油封鴨肶配薯蓉紅椰菜法式慢煮鴨胸肉甜品 （甜品不是我朋友，男友話超愛）👍😋😋😋😋😋

再次強調，觀塘要搵好嘢食真係要左轉右轉，又要唔太貴又要好食，真係無咩。知道開左間新餐廳，即刻過黎試下，睇下咩味道。廚房位係乾淨，都睇得哂餐廳都大，可以坐百人，係呢區算少數可以做到。仲有獨立房，好似都ok。即試佢嘅午餐，價錢係6x至百幾不等。亦有輕食可以揀。前菜有湯有沙律，菜淨小小，如果再新鮮啲會更好。我地都揀左慢煮法式紅酒燘牛頰肉扁意粉，80元。我個人覺得牛燘耐咗，好難咬，咬左好耐都散唔到，意粉個汁還好，色上面係ok，味道還好。叫咗latte，拉花還可，味道我覺得一般，奶味可以多番小小會更好。