Le Monde

營業中

休息中

🇫🇷超靚法式餐廳🍝系列💛💛—▫️餐廳：Le Monde▫️地點：觀塘巧明街94-96號鴻圖中心9樓A室(港鐵牛頭角站 B6 出口, 步行約5分鐘)▫️營業時間⏰：星期一至四 12:00 - 22:00星期五至六 12:00 - 23:00星期日 12:00 - 22:00▫️價錢：～$130+—美味：🍝🍝🍝🍝環境：⚓️⚓️⚓️⚓️價錢：💰💰💰+0.8💰—👧🏻👦🏻成日都會食西餐🍝🤭今次第一次食法式🤩學過法文一既👧🏻只係知道la / le係解The🤣🤣法文所有noun都會分男女😂讀到瘋—依間法式餐廳好靚，一行入去覺得好舒服😌仲冇咩人💌💌打卡同傾吓偈都好好—👧🏻👦🏻叫咗兩樣野📍芝士焗龍蝦🦞蕃茄汁意粉價錢： $168 分數：🦞🦞🦞🦞覺得依款意粉🍝都唔錯，幾重龍蝦味🦞仲有半隻芝士龍蝦🦞意粉軟硬適中🌸🌸—📍法國豬扒拼薯條🍟—蘑菇汁價錢：$148味道：🥩🥩🥩👧🏻👦🏻覺得法國豬扒有啲太硬同埋有啲粗糙🤣🤣有啲似食緊火雞😆😆仲薯條係好脆同香

今日同朋友出去嚟觀塘呢度shopping，咁佢想食西餐，咁佢就介紹我嚟咗呢一度觀塘到食好嘢， 呢一間餐廳其實都幾特別因為係喺工業大廈附近度， 而且地方都算方便因為佢係地鐵附近嘅， 入到去枱與枱之間都坐得幾寬敞， 而且裝修得都幾靚， 好似酒店啲餐廳咁樣， 咁我哋叫咗以下兩個set：咁佢兩個set都包咗餐湯、餐包同沙律，咁我幾鍾意佢個餐湯因為佢係有我最鍾意嘅龍蝦湯。 同埋都幾有龍蝦嘅味道。煎法國鯖魚配蘿蔔醋汁炒炸薯條: 呢個鯖魚我覺得都幾好食，因為其實呢個係我朋友order嘅，咁我就試咗少少，個魚煎得幾香幾脆，而且啲肉質都幾先嫩充滿魚味。 而且入面都有幾多魚，都算抵食。法式晚煮油封鴨髀配薯蓉及孫紅椰菜： 我覺得係餐廳嘅皇牌， 燒鴨髀，其實都唔使講嘢，肉質鮮嫩而且個皮好juicy ，大大啖咬落去真係好過癮，而且佢啲鴨肉都好嫩滑，所以用刀批幾下，啲鴨肉跌曬落嚟。 呢個係我個人絕對推介。最後我同朋友叫咗一杯熱同凍嘅latte， 咁我哋飲完杯latte就閃人囉，Overall呢間餐廳我都幾滿意，希望等疫情過後，可以試到佢個晚餐啦。

假日到觀塘工廈尋找隱世法國菜，週末午餐選擇多達14款，選擇困難症又發作了😂升級了的濃蝦湯 物有所值，濃稠的Shrimp Bisque 是以蝦殻熬製，又香又滑，鮮味十足。配搭鬆軟餐包和沙律菜展開這頓法國菜午餐🇫🇷煎三文魚配香草意大利粉 賣相精緻，魚皮炸得薄脆，可見主廚功架👨🏻‍🍳 三文魚脂香豐富，切開嫩滑多汁，邊皮還帶點焦脆😋焦脆的魚皮像薯片般薄脆，配搭薯蓉吃對嗎？😂配搭清新脱俗的香草意大利粉，軟硬適中北海道帶子配黑松露意大利飯 以非常creamy的湯汁，煮出帶點咬口的意大利飯，橄欖油配搭得宜，令入口更香滑。每口都嚐得到黑松露和鮮奶油香，還有令人仔細咀嚼的每顆意大利飯，回味無窮🤤帶子稍嫌熟了一點，有點乾身，不過煎得夠香以咖啡作結☕️ 餐廳提供的是有fair trade 的100%有機原蔗糖👍🏻

星期五约了位工作上朋友傾談工作及午餐。因為想環境好一點及方便傾談，所以最終選了呢間法國餐廳。餐廳位於鴻圖中心9樓，近鴻圖道及巧明街交界，及創紀之城一期後面。由於刻意避開1-2點繁忙時間，所以無需等位已可以安排入座。服務員為我安排了一個較為寧靜的座位。餐廳裝修簡約高雅，環境十分寬躺及舒適 ，很適合見客及商務午餐，當然情侣撐枱腳也很適合。餐廳近門口位置，還特别設有梳化區，放置了一個大酒櫃，可供客人三五知己，摸着酒杯底傾吓計。一般 lunch set ，包餐湯及餐飲。加$18可將餐湯升級至「濃蝦湯」。再加$32 便可加蛋糕或品甜、$40可加法式千層糕配生菓。另外仲有一份餐牌，是輕食lunch set 之選，主菜有意大利飯、意粉或沙律，選擇都很多，啱晒一啲细食或想輕食嘅朋友仔。至於3:00後就更多了 Tea set 選擇，價錢大概只是$45-$58不等，也很不錯啊！因為我和朋友都未吃午餐，所以我們最後選擇了「芝士焗龍蝦配濃蝦汁蕃茄意粉」及「燒紐西蘭羊腿配薯及芥末燒汁」。另外，我們都將餐湯升級了「濃蝦湯」。「濃蝦湯」很濃蝦味，除餐包外，還伴有提子乾、新鮮蘋果絲及青瓜絲，感覺清新與別不同，值得一試

/鬧市中一點平靜❤️/次次去親越南都一定要搵一間好好食既法國菜🇫🇷觀塘區不嬲都好多美食🙈今次去左食法國菜🤗lunch 黎講都算平，唔會話太貴.🍽北海道帶子配黑松露意大利飯 $120意大利飯一入口好creamy😋帶子煎得好香♨️反而黑松露味唔算好濃🙈.🍽煎法式豬扒配炸薯條 $118薯條🍟係我最愛🙈上到黎忍唔住食晒啲薯條先😂豬扒唔係厚身果隻，但都好夠食，配埋洋蔥汁🧅變得開胃左🤣可能之前食開嫩身啲既豬扒❤️如果佢嫩滑啲就完美.🍽濃蝦湯 $15真係好濃，配埋軟法包😋愛飲龍蝦🦞湯既你可以試試

觀塘新開左呢間法國菜，假期又同老婆兩個出去撐枱腳，lunch加$28 就可以upgrade做套餐，有是日餐湯同飲品，加多$15仲可以轉做龍蝦湯。環境又清靜又雅緻，有唔錯嘅用餐環境。蕃茄湯裡面有好多蜆肉，好香蕃茄味中帶有海鮮味道，旁邊有蘋果牛油果沙律；龍蝦湯香濃鮮味，可以證明廚師嘅用心。煎法國鯖魚配蘿蔔醋汁及炸薯條，擺盤好靚，煎鯖魚香味濃郁，點蘿蔔醋汁又有另一番味道，亦都好夾，伴碟嘅沙律菜都唔係馬虎，夠Fresh，仲有香脆薯條，睇得食得又夠飽。烤法國黃油春雞配芥末籽汁，春雞幾juicy，好有雞油香，表面烤得好香，伴碟係烤蔬菜同薯粒，色彩配搭靚得令人胃口大開。呢度環境真係舒適，最估唔到係連咖啡奶茶都好飲，如果冇咗疫情，坐喺呢張梳化摸着酒杯底傾吓計真係好舒服。

周末午餐有成15款咁多，加28蚊可以轉套餐，配湯同飲品。🍴濃蝦湯 HK$15加錢將餐湯升級至濃蝦湯，蝦味自然濃厚，幾濃稠，唔會太稀，值得加錢轉。🍴煎法國豬扒配炸薯條 HK$118豬鞍非常厚肉，肉質彈牙無筋，脂肪較少，表面煎到金黃色，切開淡淡粉紅色，豬味濃得黎唔會臊，食親豬鞍最後例牌要拎起條骨慢慢品嚐，回味無窮。食法國菜當然要食幼薯條，成條都咁香脆，唔會只得頭尾脆。🍴法式慢煮油封鴨髀配薯蓉及酸紅椰菜 HK$158以前從未食過油封鴨髀，孤陋寡聞嘅我一直以為會好鹹好油膩，今次終於有機會試一試，肉質柔軟唔鬆散，酥香唔油膩，配埋清新嘅香橙醬，味道更有層次，混入鴨油煮成嘅薯蓉亦好香滑。📍 Le Monde觀塘巧明街94-96號鴻圖中心9樓A室

法式慢煮油封鴨髀配薯蓉及紅椰菜($188)- 外皮香脆，內裏鴨肉非常嫩滑；配菜有薯蓉、紅椰菜、同埋好有驚喜嘅紅酒煮梨，一啖鴨肉配上一口紅酒煮梨，消除左油膩感，令鴨肉更加滋味好食😋鴨髀套餐已經包括左一杯嘢飲、沙律，另外加$18升級左沙律做濃蝦湯連沙律，蝦嘅鮮味十分之濃郁，絕對唔會輸比真正嘅龍蝦湯整體來說，呢間法國餐廳平民價錢食到高質食物，座位十分寬敞，環境、裝飾、餐具非常有格調，推介你同另一半去品嚐

星期日下午，去到觀塘一間主打法國餐的餐廳嘆返個法式午餐先😋c'est la vie餐廳開12點，因為我早到，所以餐廳無其他客人，梗係影吓相打卡先啦！餐廳設計優雅寬躺，坐得舒服，裝飾特別，仲有VIP Room，搞party唔錯。參觀完畢，睇吓有咩食先，午餐有十幾款選擇，可以加$28轉套餐，如果想要龍蝦湯，再加$15，Happy Sunday當然要食好啲，轉個龍蝦湯啦！龍蝦湯味道濃郁好香，好好飲，加$15真係超值👍🏻而且賣相吸引，配上沙律和麵包，麵包熱熱地好食！北海道帶子配黑松露意大利飯 - 帶子新鮮，意大利飯味濃郁，但唔會太流，好食😋煎法國豬扒配炸薯條 - 煎得剛剛好，juicy，薯條好脆，薯仔冇雪味，沙律加上黑醋汁，開胃😋整體不錯，平民價錢，高級食材，坐得舒服，環境優雅，最重要冇限時，食物質素高，值得推介👍🏻

今日去觀塘，發掘到一間隱世既法國餐廳，環境好寛敞，而且見到menu 價錢好實惠，所以就決定去食lunch。濃蝦湯（套餐另加15蚊）果然名乎其實，超級濃味，未飲已經聞到好香蝦膏味，佢煮得好幼滑，唔會過於濃稠。而餐包就好軟，咬落都煙煙韌韌，而且有淡淡既咸味，再索濃蝦湯食，好唔錯。煎三文魚配香草意大利粉$98首先賣相好靚，擺盤好精美，睇得出有用心。佢既煎三文魚恰到好處，魚皮煎得好香口，而三文魚肉食到甘香，配埋下面既薯蓉食，口感好特別。而香草意粉都好味，香草調味清新，加埋三文魚食中和返，唔會油膩。煎法國豬扒配炸薯條$118佢係小份斧頭扒，一咬落同普通豬扒無法相提並論。首先佢有一定厚度，而且見到質地層層分明，而咬落仲充滿肉汁，有少少似燒腩仔既味道，好驚喜。估唔到豬扒都可以整到咁好味。最後埋單先3百蚊左右，呢個價錢食法國菜式可以講係物超所值，而且裝修走復古懷舊工業風，播住純音樂，靜靜傾計消磨一個下午，係另一番享受。

觀塘一向是一個臥虎藏龍的地方， 美食集中地， 今次介紹的餐廳Le Monde， 位於觀塘巧明街94-96號鴻圖中心9樓A室， 記得幾年前食過一次晚飯印象唔錯， 現在晚市還未開， 今次就食午餐啦！ 餐廳主打法國菜， 店內優雅別緻， 環境舒適， 中午大約十二點到達， 坐低不久已經有很多客人了。 午餐價錢大約百幾至二百幾不等， 我們就點煎銀鰽魚柳配法式牛油汁$138、 芝士焗龍蝦 配蘑菇龍蝦汁意大利飯$168，已經包括沙律和飲品，再加$18 升級濃蝦湯。濃蝦湯和沙律～ 湯充滿蝦的鮮味， 熱辣辣配上麵包特別滋味， 沙律菜好新鮮， 口感清爽。芝士焗龍蝦配蘑菇龍蝦汁意大利飯～ 龍蝦汁好濃郁，煙煙韌韌的意大利飯， 還有啖啖肉好鮮甜的龍蝦， 完美的配搭。煎銀鰽魚柳配法式牛油汁～ 口感香脆細嫩的銀鰽魚柳，魚皮煎至焦黃色好香口， 配菜有紫薯蓉、紅蘿蔔和豆角， 豐富了整頓菜的顏色 。熱咖啡～ 絕對唔係每一間餐廳的咖啡都好飲 ， 但這裏的咖啡香濃好飲， 喜歡飲咖啡的朋友可以試下。之前同朋友慶祝生日食過晚餐一路念念不忘， 今次再來吃午餐， 水準依然。

< Le Monde > 📍觀塘今日喺觀塘同fd食咗呢間高質素嘅法國菜🇫🇷 佢地嘅lunch set 唔算貴 而且味道好好😋 🦐Le Monde 濃蝦湯 加咗$25 要個濃蝦湯🦐 一上枱果然有驚喜❣️ 蝦味非常濃郁 配埋香草麵包食 索晒濃蝦湯好入味🥰 另外個黑醋沙律🥗酸酸甜甜 好開胃😛🦆Le Monde法式慢煮油封鴨脾配薯蓉及紅椰菜 $188擺盤好精緻😍 鴨脾好大隻 唔太油膩 鴨皮香脆😛😛 充滿鴨油嘅香氣🥰 鴨肉好嫩滑 另外配菜有薯蓉、紅椰菜同紅酒燉啤梨🍐配菜亦都好出色 薯蓉加咗牛油 好香牛油味🥰 食到薯仔粒 有唔同口感 唔錯😋 紅椰菜酸酸地 可以平衡返個油膩感👍🏻 啤梨充滿紅酒嘅香氣🍷 呢個係必食✨✨🐟煎銀鰽魚柳法式牛油汁配紫薯蓉 $138 銀鰽魚柳有兩大塊 魚皮煎得金黃香脆 好似食緊薯片咁🤣 魚柳煎得啱啱好 唔會過熟 魚柳嫩滑👍🏻👍🏻 最重要係啖啖肉 唔會食到魚骨😛 牛油汁同魚柳好夾 好味😋😋 配菜有法邊豆、甘筍同紫薯蓉😆 好少見到紫薯蓉喺西餐出現 紫薯甜甜地 幾特別🥰

《Le Monde》🦞龍蝦湯Display非常精緻，同朋友一見到已經心心眼😍龍蝦湯飲落好鮮甜好滑，濃度適中，第一印象已經加晒分😆.🍴煎銀鰽魚柳配法式牛油汁 銀鰽魚充滿牛油香味，魚皮煎到脆卜卜，魚肉結實得嚟又好滑，出色！伴碟嘅紫薯泥都好好食呀，100分滿分有99分😍.🍖西班牙杜洛克豬梅肉扒配香草蒜蓉汁Woo呢個豬扒有油香得嚟唔會膩，肉質食落又有口感，比平時食到嘅豬扒高質好多倍，絕對值得一試！#eatisfun#hkfoodie#lemonde🔺🔺🔺🔺🔺🔺🔺🔺🔺🔺Le Monde觀塘巧明街94-96號鴻圖中心9樓A室🔻🔻🔻🔻🔻🔻🔻🔻🔻🔻

朋友介紹我先知呢度有間咁正既餐廳，一路打食評都仲回味緊，呢日黎開觀塘做野就跟佢去食好野啦😎餐廳都坐得好舒適，空間感十足。🔸Le Monde 濃蝦湯本身午餐都有跟餐湯同埋沙律，另外+18可以升級做濃蝦湯。濃蝦湯好濃郁，未飲已經聞到香味，好有龍蝦鮮味，淨係個湯我已經覺得好出色🥺😋沙律加咗醋，酸酸地好開胃。🔸芝士焗龍蝦配蘑菇濃蝦汁意大利飯上碟時都有啲驚訝，都幾大隻龍蝦，肉質都幾嫩，蝦膏鮮甜，龍蝦鉗都拆埋殼，好貼心！餐廳用料一啲都唔孤寒👍🏻意大利飯軟硬程度適中，加上有啲蘑菇粒，咬落好有口感，係海鮮愛好者之選☺️不過一個人食晒會有啲漏，我哋兩個人share就啱啱好👍🏻🔸 Le Monde法式慢煮油封鴨髀配薯蓉及酸紅椰菜油封鴨髀都有驚喜，層皮好脆，肉質唔算好嫩，因為始終都經過醃製，但係都幾香。旁邊有橙味的醬汁，我用來點鴨髀同薯蓉，味道酸酸甜甜，再加埋酸紅椰菜，整道菜都好開胃😆估唔到仲有紅酒煮梨，爽口入味，甜甜地😋套餐仲有跟飲品，叫咗杯熱咖啡、凍奶茶，味道正正常常。整體來講，餐廳的食物好有驚喜，比想像中好食，以呢個價錢來講，食一個法式午餐算好抵！CP值勁高😳

懶洋洋嘅冬至🙄晨早整好冬至晚餐🥢見有時間同老公出觀塘行吓食個lunch 🍽經過一間樓上舖🙂環境都好幽靜，夜晚有live Band、飲下紅酒傾吓計、幾寫意（不過呢個疫情當然梗係冇啦）坐低嗌左兩個lunch set食我最鍾意食嘅三文魚🍣意粉🍝叫在法式油封鴨髀配薯蓉椰菜三文魚煎香周圍脆卜卜😋裏面係新鮮嘅三文魚🍣啖啖肉😘鴨髀一啲都唔油，個醬汁仲好match好好味😋餐湯都好足料好夠味道👍🏻梗係飲濃蝦湯🥣老公照舊飲羅宋湯🥣吾錯👍🏻吾錯👍🏻#食飽飽#行吓海濱長廊#懷緬拍拖勝地#今日天氣適宜拍拖郊遊