Le Monde

營業中

休息中

秘製虎蝦濃蝦汁意大利飯 • HKD$138個汁似南瓜汁多d，唔太食到蝦汁味🤭兩隻虎蝦都大隻，煎到好香同埋肉質彈牙，食得出係幾新鮮嘅～法式普羅旺斯紐西蘭羊架 • HKD$208羊架原排上，一共有三件，要自己切😅叫左七成熟，煮得啱啱好～就咁食比較淡同重羊味，點左汁就會咸返d焦糖燉蛋 • HKD$58味道正常，賣相打卡able法國橙酒班㦸 • HKD$68幾有驚喜，好濃橙香味，而且即使個汁係用酒煮都唔會苦！飯後食的話建議兩個人share

今晚同男友去左Le Monde食晚餐😀，餐廳空間好寬敞，氣氛同餐廳名一樣咁有情調☺️1.餐包熱辣辣、香噴噴咁送到面前，有3款唔同既包，有鬆軟既、口感煙韌既、香籽味既👍🏻2.法式普羅旺斯紐西蘭羊架男友好滿意，因好夠羊羶味（鍾意嘅就會好鍾意😂)佢要左七成熟，所以羊肉既顏色依然好粉嫩，肉質鮮嫩多汁👍🏻側邊既紫薯蓉都好香😋配菜加左份鴨油蒜香薯蓉，食到薯蓉中有薯粒！😋3.秘製虎蝦濃蝦汁意大利飯意大利飯口感適中、彈牙，味道都不錯，份量如果多啲會更加好😆4.法式朱古力松露蛋糕朱古力味好濃，配合朱古力脆片，好味☺️

觀塘法國菜🤩典雅氣派、服務超好、食物質素高，令我對法國菜改觀💁‍♀️ 以前覺得法國菜下下都千幾蚊，又細碟，又食埋啲好騎尼嘅野😂但今次呢間價錢同碟頭都同平時西餐差唔多，$500都食飽到2個人🤩材料都係法國菜入面比較貼近香港人口味嘅項目，例如鴨、海鮮、crêpe、橙酒等等😝 呢度環境寬敞，燈光同音樂好適合情侶約會💁‍♀️每一個店員都好好態度😋抵讚。 一開始有麵包做開胃菜🤩啲麵包好香、好暖，外脆內軟，加哂分🥖。 煎白鱈魚配忌廉大蔥汁🐟$178鱈魚煎得好香但仲保持到水份💁‍♀️好有魚嘅鮮味，同埋個汁真係好襯😝雖然餐牌無講，但下面仲有一舊大薯仔🤩個薯仔超級香，調味恰到好處😋媽媽食完話真係夠飽💁‍♀️ 秘製虎蝦濃蝦汁意大利飯🦐$158意大利飯係傳統嘅比較有咬口版本，汁好多同埋真係好濃🥰但唔會真完口渴。蝦肉爽口好味🥰。 鴨油蒜香薯蓉🥔$48好好食💁‍♀️薯蓉之間融入咗啲薯粒仔。鴨油蒜香吊到個味好香🤩 法國橙酒班戟🍊$68甜品係一餐之中重要嘅部分，對法國人嚟講係，對香港女仔嚟講都係😂😂呢個班戟質地軟滑帶蛋香。橙酒汁酸甜味好醒神，中間有啲橙皮絲，令到個層次好豐富。

今日專登去左哩間朋友推薦既法國餐廳，餐廳環境寬敞，佈置浪漫舒適，好適合黎慶祝特別節日。餐牌上面有主菜、小食同甜品可以選擇。叫完嘢食之後，店員會提供三種唔同既餐包，全部都熱辣辣，表皮香脆，內裏鬆軟。🍅蕃茄芝士意大利雲吞 $128雲吞小巧，一啖一粒，蕃茄醬汁酸酸甜甜，非常開胃，仲有好濃郁既芝士味。🐑法式普羅旺斯紐西蘭羊架 $238羊架上面鋪滿香草麵包糠，食落脆脆地，因為我地叫左七成熟既關係，所以切開肉質粉嫩，口感嫩滑，而且唔會有羊羶味。🥭法式千層酥配時令生果 $78千層酥非常酥脆，層次感十足，裏面既吉士醬唔會太甜，醬同千層酥既比例調配得啱啱好，入面仲有清甜嘅芒果同埋藍莓，好食推介👍🏻整體黎講，餐廳環境舒適浪漫，食物高質素，好適合同另一半黎撐枱腳。

呢間係隱藏喺觀塘工業區入邊嘅一間法國餐廳，位置比較近牛頭角地鐵站。餐廳都幾幾大間，同埋好闊落，枱與枱之間距離好遠，所以都幾舒適。秘製虎蝦濃蝦汁意大利飯$158賣相好靚，醬汁香濃每粒飯都沾滿左濃濃的蝦汁，兩隻虎蝦大大隻，煎得都幾香。不過如果啲意大利飯煮熟多少少就更加好，有少少硬。法式慢煮油封鴨髀配薯蓉及紅椰菜$258係呢度嘅招牌菜，見到每一枱都有點。果然好食，鴨髀皮脆內軟，又唔覺得肥膩。啲皮有少少好似北京片皮鴨咁，好正啊！伴碟有紅椰菜、紅酒啤梨同埋薯蓉。　餐包新鮮熱辣，仲有三款唔同嘅

原來觀塘都有間法國菜餐廳，裝潢好有情調，岩哂兩個人一齊傾下計談下心🥰餐廳一開始會送試餐包籃，三款唔同口味既自家製餐包，烘過後暖暖地咁，口感軟熟好味😊🌟 秘製虎蝦濃蝦汁意大利飯 $158意大利飯加入濃郁既鮮蝦醬汁煮成，鮮味有咬口。上面加有2隻大大隻、肉質彈牙既虎蝦🦐🌟 煎白鱈魚配忌廉大蔥汁 $178白鱈魚煎到外脆內嫩；外皮十分薄脆、魚肉不但厚身，味道鮮甜多汁，入口好柔軟🥰！配搭烤忌廉薯片千層，一層層薯仔薄片中間加有忌廉醬汁，上面再加左芝士， Creamy好味！🌟 法國橙酒班㦸 $68甜品揀左富有法國特色既橙洒班㦸😚班㦸帶蛋香，而且好軟滑～加有橙絲既橙酒醬汁無論係香氣同甜度都岩岩好，配搭起黎唔錯！

平時觀塘出咗名 工廈多隱世餐廳 咩菜式都有今次小編就搵到間裝修超華麗 環境又超好重點係 食物質素都非常高嘅法國餐廳🇫🇷🔖 法式紅酒燉澳洲牛臉頰肉牛臉肉非常軟腍 基本上唔洗點用力 入口就化配埋紅酒汁簡直一流 但略嫌紅酒味唔算好出🔖 法式普羅旺斯紐西蘭羊架表皮有點點脆皮 羊肉質感嫩滑羊架沒有羊羶味 實在太好了ヾ(〃^∇^)ﾉ～♪如果嫌唔夠味 可加醬汁 分別有芥末醬/芥末籽醬🏆值得一讚🏆羊架本身揀咗七成熟 但因為切開都有啲生職員見狀 便好貼心拿回廚房再煮然後再切開埋 堆砌好擺得靚靚再上碟 很好呢❤️🔖配菜推薦忌廉菠菜苗 真係好creamy🤩炒野菌則牛油味非常濃郁!

星期日去左間幾高質素嘅法國菜餐廳❗️原先以為呢啲法國菜嘅餐廳好貴，但其實佢啲價錢又唔算貴，都幾抵食☺️另外佢個環境真係一流，空間好寬敞，裝飾好典雅，係有種真係去咗法國高級餐廳嘅感覺❗️😗🔻一入座會有包食先🥖有三款，各有各唔同嘅味道，其中一個係有少少番薯味😂唔知啱唔啱，但係包嘅口感幾鬆軟，配埋牛油都幾好食🔻🍝番茄芝士意大利雲吞 $128唔知點解睇Openrice 見到啲雲吞係好大舊嗰啲，但上枱嗰時係啲細細粒嘅雲吞😂😂😂另外，意大利雲吞入邊唔係芝士🤔係肉黎😂不過好在啲蕃茄汁都幾開胃，夾埋ravioli食都幾好食🔻🦞法式芝士焗波士頓龍蝦 $368賣相超靚，隻🦞幾大隻，食落有鮮味❗️淡淡肉，肉質好爽口，另外🦞嘅鮮甜配上芝士嘅奶香，味道好夾，令龍蝦更滋味😗🔻因為食完都唔係好夠飽😂😂我哋嗌多咗個side dish, 原先想嗌最愛嘅薯條，但餐廳話冇晒😳唯有揀第二樣，於是揀咗呢個芝士焗西蘭花🥦佢啲西蘭花超級特別，之前未見過咁長嘅西蘭花😂但食落夾埋熱左咗嘅芝士都幾好味👍🏻

之前有朋友向我推薦呢間法國菜餐廳，朋友覺得又抵食又高質，食材優質。今次我就選擇左黎食晚飯。現場環境舒適，燈光音樂好浪漫，枱與枱之間空間感充足，裝修優雅環境舒服。點菜後侍應會先送上暖手工麵包，厚實得黎又不失鬆軟。頭盤-香煎北海道帶子 $128賣相已經好靚🥰帶子經過輕煎，配上醬汁味道不錯☺️主菜- 蕃茄羅勒醬意大利粉 $85輕型好味之選主菜-安格斯極牛頂級牛柳7安士略微小份量。肉厚軟淋，有牛味，喜愛食牛既朋友不容錯過。甜品-焦糖燉蛋 $ 58用火輕輕燒過嘅焦糖😛燉蛋幾香，唔會過甜。甜品-千層酥配時令生果 .$78 甜品永遠都係我既正餐，好鐘意依度既千層酥好脆，面層仲有少少杏仁片，cream 亦好香😋，配上時令生果，完美！總結呢間係觀塘區少有既價格抵質素高既法國菜餐廳，用餐環境舒適且寧靜，氣氛浪漫，食物擺盤精緻。✅推薦4/5味道4/5環境4.5/5服務4/5價錢4/5

👉🏻Escargot with Garlic-parsley Butter and Bread 法式香草焗田螺配多士💲88👉🏻Tiger Prawn Risotto with Signature Shrimp Sauce 秘製虎蝦濃蝦汁意大利飯💲138👉🏻Boeuf Bourguignon 法式紅酒燉牛臉頰肉💲158-食法國菜唔一定係要去酒店食仲要四位數埋單嘅 觀塘呢間都唔錯😌坐得幾舒服同埋氣氛chill啲冇咁嚴肅 平啲多數食法國菜都食到勁拘謹😹食物真係唔錯架！個餐包都幾好食我個frd咬完一啖「哇」咗一聲🤡誇張到🤡田螺嘅香草味好濃 不過覺得油咗少少🤏🏻個紅酒燉牛臉頰肉勁好食！啲肉好冧🥰好入味 我厭佢比唔夠多士🤪risotto口感唔錯 冧得嚟有咬口😌蝦味好濃隻蝦都好大隻幾鮮😗性價比幾好 兩個人食法國菜都只係💲500🤣真係飽嘅唔似平時啲法國菜咁大大隻碟但份量好少🤣推介大家嚟呢間平民化法國菜〰️〰️〰️〰️〰️〰️〰️〰️〰️Le Monde (觀塘)📍觀塘巧明街94-96號鴻圖中心9樓A室🔗#7eating觀塘#7eating西式#7eating法國菜

So glad that I've found this hidden gem in Kwun Tong with high quality yet reasonably priced French cuisine. The environment was far better than expected and the place was tremendous and spacious. There was a sophisticated bar area, which contributed to the chill and laid-back ambience of the restaurant. There were also some couches and comfy sofas for customers to enjoy merely drinks and hang out.The waiters that night were extremely friendly and helpful. Although they made a mistake and took t

無意之中俾我發現到原來觀塘都有好高質好grand嘅平價fine dining😀距離牛頭角地鐵站5分鐘路程，就搵到一間食法國嘢嘅西餐廳。一入到去，已經超級鍾意呢間餐廳。餐廳環境寬敞，好難得喺香港見到一間枱同枱之間嘅距離咁大嘅餐廳。而且佈置都好精緻，飾物擺設優雅兒簡潔。柔和嘅暖色燈光，營造出浪漫嘅氣氛。而且餐廳嘅服務都好周到，侍應得閒會幫你添水，而且好多細節位都好細心。而食物方面都十分之高質😍所有野都值得實名推介👅法式紅酒燉澳洲牛臉頰肉 ($208) ❣️雖然呢個菜式偏貴，但真係絕對值回票價。完全冇後悔食😍本身點佢係因為見到佢係廚師推介，而且牛臉頰肉好似好特別咁。一食真係驚為天人，原來牛臉頰肉真係寶黎。肉質極鬆軟嫩滑，入口即溶，有少少似煲湯煲咗好耐煲到淋晒嘅肉。菜式設計亦都十分之有心思，紅酒同牛肉本身就係絕配，加上底下嘅薯蓉同蕃茄，每一樣嘢都完全無違和。真心大推👍🏻👅蕃茄芝士意大利雲吞 ($128) 👍🏻👍🏻點呢道菜都係私心嚟嘅，因為之前喺西班牙住嘅時候，都試過喺supermarket買成包整好咗嘅雲吞返屋企煮。但然後我發覺，要你其他人係整得咁好味😂，同自己煮完全唔係同一個層次。西式嘅雲吞同

今日lunch終於嚟咗呢度試，見到好多好評，都會有少少期望。但係試完嘅時候，始終真係唔明白點解咁多好評？！？簡單一句覺得性價比一點也不高，以呢個價錢，味道實在唔覺得特別好食，只可以說普通。唯一可取嘅，係環境寬敞舒適。服務亦很一般，打電話來訂位嘅時候，嗰位先生嘅態度，都不算太好。有點像盤問…. 來到落單亦唔覺得好有禮貌，整體服務亦都不算好！餐湯沙律擺位係算幾別緻嘅八爪魚車厘茄墨魚汁意粉，我極其量只7-8很細粒的八爪魚！味道亦都很普通！朋友揀咗比目魚，佢都唔覺得特別$174 per person 嘅一個午餐，觀塘區有不少樓上cafe~ 我相信我唔會再揀呢度。我不嬲都唔會隨便劣評，俾OK佢，已經多咗。

去多咗觀塘就發覺其實有好多穩世嘅美食😆 今次就嚟到位於鴻圖中心嘅法國餐廳Le Monde！餐廳環境優雅 空間感十足，枱同枱之間有段距離 坐得舒服🤍 燈光唔會太光幾有氣氛㗎☺️🌟 法式香草田螺配多士 ($88)田螺上到嚟已經拆咗殼，食起上黎幾方便。田螺肉質彈牙 所配嘅香草汁唔會太濃蓋過田螺本身嘅鮮味～ 同脆多士一齊食就啱啱好😝🌟 香煎法國鴨胸配法式香橙醬汁($188)鴨胸有五大片 整體賣相唔錯~ 但咬落就偏韌咗少少，咬果陣都要番啲牙力🙈 香橙醬味道酸酸甜甜幾開胃🍊🌟 法式慢煮油封鴨脾配薯蓉及紅椰菜 ($248)一咬落去鴨脾就feel到層皮勁脆，而鴨肉亦尚算嫩滑🦆 味道唔錯， 肉汁同油脂漫漫滲曬岀嚟，可以一試！🌟 法式橙酒班戟 ($68)一上枱見到賣相以為會好甜😶點知食落甜度又啱啱好喎！味道酸甜 Crepe皮軟熟得黎仲有啲彈性，作為飯後甜品sweet得黎又唔heavy💕*另收加一服務費味道：🌕🌕🌕🌗🌑環境：🌕🌕🌕🌕🌘價錢：🌕🌕🌕🌕🌑

✅ Le Monde觀塘實在太多工廈既隱世餐廳了今次就發掘左呢間法國餐廳入到去個裝修已經好靚 好高級🤣好彩都著得幾靚先去🤣 唔係就浪費哂了特別要講下啲職員真係好nice服務態度超好🤣 每上一碟菜都會有條理咁擺好啲碟既排位十分講究👍🏻😝未食過法國菜既我 終於感受到點解食法國菜要慢慢食因為佢地都會慢慢咁上菜 俾你慢慢食 就好似係fine dining😀😋🔆Le Monde 特製濃蝦湯 $85呢個係menu到有廚師推介 鐘意飲湯既我就一於試試佢😋佢一上枱就有超濃既蝦味 飲得出佢係用左蝦頭去烹煮超重蝦，係新鮮既味道！ 每一啖個口感都好rich味道: 3.5/5賣相: 3.3/5🔆麵包 落完order 職員都就會送上麵包🥯一籃有三個麵包仔個係熱辣辣🔥🔥 咁啱要黎送湯就一流啦😋一度食包一度飲湯👍🏻👍🏻佢仲附有帶少少檸檬味既牛油🥳夾埋一齊食👍🏻👍🏻🔆秘製虎蝦濃蝦汁意大利飯 $138主食就揀左食意大利飯成日都食野菌忌廉 今次就揀下食虎蝦😋佢有兩隻大蝦🍤 意大利飯就偏硬左少少但味道都好好食 好有蝦既鮮味仲有啲洋蔥粒👍🏻味道: 3.3/5賣相: 3.5/5🔆法式慢煮油封鴨脾配薯蓉及紅椰菜 $2