LAYER’S Cafe & Pancakes

營業中

休息中

本身好鍾意食班戟，難得九龍城有新店開，當然即刻去試下。menu只有四款班戟同飲品選擇。叫左一份朱古力焦糖香蕉核桃班戟，等左二十分鐘左右有得食，當日店內人唔多，等候時間可以接受。店員無主動提供水，要問佢先會比你⋯無Service但又要收加一，本來$88一份班戟，埋單要九十幾蚊⋯本來覺得價錢貴唔緊要，只要食物好食就無問題，但呢度嘅班戟真係唔得，份班戟埋到黎已經變形，賣相唔好，朱古力裝飾亦整得好好求其，味道亦有好大嘅進步空間！食完今次真係唔會再返轉頭！

得四款選擇，仲要全部都係原味加topping上去（原味，紅豆加綠茶，焦糖香蕉，士多啤梨），每款有兩塊班㦸。班㦸一上枱，班㦸黏住隻碟，唔夠一分鐘就縮水。唔夠蛋香。

琴日去九龍城food hunt，其中一間去呢間新開pancake ! 小妹係pancake 控黎！店子以粉色為主調，好靚呀 💕令人感覺好舒服，有個花牆紙位影相幾靚。可能係新開既關係，只有pancake食而得四款口味我揀左招牌班戟 $68 （原味）Pancake 吾夠厚身，蛋味略淡，口感好水咁🤦🏻‍♀️ 個cream既味道麻麻，試一次好了.鮮奶咖啡 $38 有粉藍色同粉紅色杯，同店子既格局好match 👍🏼 拉花幾可愛，咁大杯黎講個價錢好抵呀！但咖啡個味就麻麻🙈勝在環境舒服，店員服務態度好.

見網上有好多媒體報道，或九龍城開咗一間新嘅甜品店，所以同朋友去試試。而家真係好興souffle pancake, 但真係無乜人整得有水準。今日好想食綠茶甜品，見到餐牌上面有個靚靚嘅綠茶紅豆班戟，滿心歡喜就點左一個。加甜品一起到嘅時候，我同朋友都嚇親。冇諗過個買相可以咁醜樣，咁樣都真係好意思拎出黎比客人咩？我真心唔明到底我食緊乜嘢, 冇乜蛋味，質感有過於結實，而且綠茶忌廉嘅味道亦都過於苦澀。紅豆只係適宜放於一旁，而唔係用來在碟上抹開。真心希望店舖可以有改進，收成＄100 一個甜品，貴到離晒譜，一啲都唔值。

今次到九龍城試新開的LAYER’S Cafe & Pancakes。由於食了晚飯才去，所以只點了一客朱古力焦糖香蕉核桃梳乎厘班戟。梳乎厘班戟非常香軟，蛋味濃郁，加上梳乎厘班戟上的朱古力味忌廉，令味道更有層次。餐廳設計簡約又舒適，服務態度也良好，整體感覺不錯。至於價錢，感覺略貴，但其實坊間其他梳乎厘班戟的價錢也差不多，偶而吃吃也無妨呢！

朱古力焦糖香蕉核桃班戟($88)先講pancake，食落口感輕盈，好濕潤，而且蛋味濃，係唔錯既，而且個Cream好輕唔會好膩。但重點係司令叫既係朱古力味，但整體真係冇朱古力味，唔係幾符合份野既名，感覺似係食原味加左少少朱古力醬😂。價錢偏貴要加一，唔算抵食。舖頭唔算細坐得好舒服，但一共得四款pancake同飲品賣，有九成似flippers，唔知係九龍城做唔做得住呢🤔。另外舖頭入面超多員工，但大部分都遊緊雲咁😂。

近日知道九龍城開左間新嘅疏孚厘 pancake，同朋友去試下。下晝三點半左右去到，等四張枱，等左20分鐘左右入座。睇左一陣menu 揀左招牌 pancake 同士多啤梨藍莓香蕉pancake，店員話要等大約45分鐘先到，我同朋友都呆一呆，但諗住有位坐傾下計冇乜所謂，仲加多杯熱朱古力慢慢飲。好彩等左25分鐘左右都黎晒兩款 pancake 。一睇啲 pancake，覺得好似好薄，冇乜空氣感。影左幾分鐘相準備食，味道其實唔錯，但切左幾下已經塌晒，根本維持唔到疏孚厘 pancake 應有嘅型態同口感，失望。。。整體黎講，pancake 嘅味道，服務同環境都OK，但如果要食疏孚厘 pancake 我覺得呢間暫時冇應有嘅水準。

朋友話見新開想去試下～我哋3點幾到見好似唔係好多人～就諗住行多陣先食啦～點知過咗半個鐘左右full曬禁濟～想試就唯有bar枱都照殺！入面有free wifi仲有插頭俾你用～幾貼心裝修都好靚好舒服～叫咗一杯玫瑰latte～一個朱古力香蕉pancake同一個士多啤梨藍莓pancake～menu已經寫明pancake要等20mins～點知冇幾耐就送到喇！但原來係送錯枱⋯⋯玫瑰latte飲得出有淡淡玫瑰味～唔錯～pancake就真係要讚好軟滑而且有蛋味！等20mins係值得嘅！而且啲cream唔係好甜～所以食多都唔會好漏個人就鍾意士多啤梨pancake多啲～因爲感覺朱古力pancake啲cream蓋過咗啲蛋味～但朋友就鍾意朱古力多啲喎不過唔知係咪新開張又人多～所以就算有發現過我哋未有餐具都冇人拎俾我哋～最後係我哋等上咗食物先叫人拎餐具～

中午12:30入坐門口寫有all day breakfast入到去menu都有，但寫住到11:30但見格離枱都啱啱送餐都有all day breakfast（其他枱都有人食緊）所以想order，但職員話格離枱之前叫左（唔通十一點半入坐，等到12:30先叫佢起）後來格離枱追其他食物時話12點10分order勁唔公平囉，雖然話要等20分鐘，但眼見其他枱都追order⋯⋯⋯⋯⋯⋯⋯服務員ok(只係覺得早餐安排較差）食物正常但本人唔會再來

終於食到，星期六4:00食人好多，唔洗排隊，唯一係入去前店員講要等一個鍾先有pancake ,我話ok,再行入d 準備坐個陣又再被佢提醒要等一個鍾，感覺上好似唔係好歡迎我地入去咁，叫完野食加咖啡，飲左陣，其實等左半個鍾都唔洗就有野食到，所以好開心，咖啡都好好飲，間野係粉藍色好靚 ,pancake 好重奶味好滑

This is a brand new dessert place for souffles pancake in Kowloon city 🍒Issues😅: limited seat, queued for long(20mins), waited for abit long (20mins)🍒Food: The menu only comes with four flavours souffles pancake and French toast: - souffles pancake with 4 flavours : original with whipped cream, green tea whipped cream with red bean, banana caramel, strawberry blueberry with whipped cream). - French toast: We wanted to order the French toast but so sad it was sold out *no luck* next time 🍒Environ

上星期初黎到熟悉既九龍城，搵位泊車既時候經過一間梳乎厘班戟店。Layer’s Cafe & Pancakes，原來係剛剛於一月初開幕既。店舖裝修以 baby blue 顏色為主，簡約設計，有個開放式廚房，見到店員即做日式班戟同整暖飲。餐牌選擇唔多，而且有點似銅鑼灣另一間班戟店，但價錢就更實惠。包括原味，焦糖香蕉，士多啤梨雜莓同抹茶紅豆。「焦糖香蕉班戟」，配上朱古力忌廉，蜜糖核桃同朱古力醬。雖然梳乎厘味道有蛋香，但外貌欠佳，不看得鬆軟，不夠厚度，反而香蕉既焦糖面非常脆口。「士多啤梨藍莓香蕉班戟」，聽名已經講晒。採用日本士多啤梨，好香甜，配香蕉片，藍莓，同忌廉。另上一樽仔班戟糖漿；可惜班戟黎到都係唔夠鬆軟同厚度。比較令人失望。