Lassana Coffee (Centre Parc)

營業中

休息中

忌廉大蝦蜆肉意粉，76蚊碟💰忌廉汁意粉，蝦肉質鮮嫩彈牙，蝦就煎得幾香口忌廉汁意粉好香，意粉既半軟硬口感幾夾，忌廉汁收得幾靚，大量蜆肉鮮味衝擊味蕾😋芝士牛肉漢堡配薯片，64蚊份💰即叫即整牛肉漢堡，漢堡包外皮鬆軟，手打嘅牛肉漢堡扒，夠哂厚身啖啖肉，中間夾住芝士同蕃茄食落就無咁膩，再配上香脆嘅薯片好滿足☺️CAPPUCCINO，38蚊杯💰咖啡有心拉花朋友嘅名，口感豐富，帶甜蜜奶香比較濃，混合甜美及微微苦澀味道☕️CAFE MOCHA，44蚊杯💰拉花勁靚，原杯牛奶夠哂幼滑香甜，咖啡微苦味道，享受結合嘅味道🍫

【高質隱世休閒咖啡店💓🥹】/////呢間真係打工仔最佳飯堂 平民價而且食物質素都好好🤤當日中午太陽透過落地玻璃射入嚟 感覺醒神又舒服🌞佢哋嘅餐牌每隔一個月就會轉其他款式 唔怕食到悶worrrr(⁎⁍̴̛ᴗ⁍̴̛⁎).▶️午餐分别有意粉、三文治以及沙律套餐 價錢由$25到$80左右～🔸忌廉大蝦蜆肉意粉($76) 忌廉汁稀身 意粉掛汁特别濕潤 大蝦爽口 加上蜆肉同蘑菇份量比相像中多☺️🔺煙三文魚碎蛋三文治+細沙律+湯/飲品 ($78) 三文治用上自家制竹炭麵包 熱辣辣非常軟熟👀夾住滿滿煙三文魚同碎蛋 組合健康又飽肚!!而沙律有螺絲粉 肉碎調味重左少少🤏有大量沙律菜 水果就有粒粒菠蘿🍍蜜瓜同蘋果 冇浸過糖水都有鮮甜味😋店主用盡心思去設計拉花圖案😇Latte咖啡鮮奶同咖啡味都香濃 泡沫豐富👍🏻———-📍Lassana Coffee (Centre Parc) (九龍灣)九龍灣常悅道11號Centre Parc1樓大堂

呢間本土咖啡店，響Centre Parc一樓原來開左幾年，餐廳樓底高設計，裝修優雅舒適，座位闊落十分開揚，落地玻璃設計， 早去到坐返個梳化位對面就係零碳天地😊 搵左位去Counter點餐，呢度除左咖啡外，Lunch Set有多款意粉選擇， salad每日有5款不同口味仲有三文治set添😍 ❣️Carbonara Spaghetti~意粉煙煙韌韌有嚼口每條沾上醬汁，非常Creamy好味果然冇揀錯😋👍 ❣️Smoked Salmon Egg Mayo Sandwich (Bamboo Charcoal Bread)~自家製麵包可以竹炭同番茄，揀左健康竹炭包🖤咬落軟綿綿，餡料用上我至鐘意Mayo醬撈碎蛋配埋煙三文魚，醒神開胃😍 ❣️Cappuccino ~咖啡味道香濃☕️☕️ ❣️Mocha~個拉花甘靚要細意品嚐咖啡師心意☕️💛❤️ ❣️另外蛋糕同鬆餅日日新鮮製造，食物質素高、服務態度好有💛❤️💛❤️😋

【觀塘區】【Lassana Coffee】過開嚟九龍灣，梗係想試啲呢頭嘅打工仔食嘅嘢，大家都知我份人幾咁貼地㗎啦。咁見到呢間西餐都幾似樣，價錢又唔貴，就走入去試吓佢。我去嘅時候咁啱仲係 lunch time，就試吓佢哋啲午餐，唔好諗，一於就試最貴嗰個。講緊嘅係 $88 嘅「蒜香松葉蟹肉意粉」，食落同其他餐廳唔同，佢哋一啲都唔膩，好清爽，蟹味都出，幾好味。跟餐我飲凍嘅「水果茶」，甜甜哋幾清新，不過記住攪匀個底先飲，同埋要少甜就要事先同侍應講，可以控制。食緊先知佢呢度最出名係啲沙律，咁我作為一具八卦精又想試吓喎，試 $48 嘅「細沙律」，可以揀三款，我揀咗凱撒沙律、尼斯沙律同車厘茄煙肉沙律，都好好食喎，冇講錯呀。另外再加 $10 飲「蕃茄湯」，好濃，係好飲嘅。有位朋友凱蒂妹無啦啦話有興趣 join 喎，我梗係好，面對靚女嘅話我份人係比較易話為嘅。我哋試咗各 $25 嘅「英式鬆餅」、「伯爵茶英式鬆餅」同埋各 $46 嘅「意大利芝士蛋糕」同「藍莓芝士蛋糕」，我哋都覺得幾好食。咁作為一個悠閒嘅下午茶，嘢飲係唔少得嘅。我試 $38 嘅「紅菜頭蜜糖鮮奶」，好得意，甜甜哋幾正。而凱蒂妹試 $34 嘅「

輕食之選沙律+湯夏天熱辣辣, 冇咩胃口, 最好就係食涼拌。今次就簡左3款沙律喇: 咸牛肉長通粉, 雜豆沙律, 青瓜車厘茄雞肉 $48蚊就有個細沙律, 可以係5款入邊簡3款。再加$10就有個湯。今日架湯係紅菜頭甘筍, 個湯好流質, 似係用攪拌器打爛甘筍同紅菜頭, 個湯唔夠好飲!!!沙律就OK好食 用料都新鮮, 比較驚喜係個雜豆沙律 有多種材料 好豐富 e.g. 西芹, 紅腰豆, 豆角, 玉米, 洋蔥。

沒想到九龍灣區會有這一間又大又清閑的cafe,簡單的一個牛角包、咖啡，坐高一層，望著街外趕返工的人，與清閑的我好大對比😬😬，陽光照射內cafe,好醒神，這裡latte較其他的香濃，下次來再試其他😬

環境好優雅，而且人流唔密集，每枱之間距離都好闊，唯一係可能主打咖啡館，所以檯面水平同凳好接近，進食時比較辛苦扁意粉煮得比較乾硬，雞肉份量中等，醬汁比較少但味道唔錯，午市套餐可以半價配咖啡，咖啡豆質量幾好，性價比不錯

Express Bar By Lassana出左新口味蛋糕丫😍上次食過佢哋推出嘅士多啤梨草莓蛋糕就已經返唔到轉頭💗從此愛上佢哋既蛋糕🍰今次新推出嘅係香蕉焦糖芝士蛋糕🍌 CRÈME BRÜLÉE CHEESECAKEWITH CARAMEL BANANA MASH香蕉焦糖芝士蛋糕 4.5吋🍌🍰 $188！上面係一層薄薄既焦糖💗 中間係CRÈME BRÜLÉE既精髓！芝士蛋糕部份🧀一啖咬落去綿密軟滑嘅感覺喺口腔徘徊！唔會有顆粒感😚底層係消化餅餅底！口感層次非常豐富！香蕉配搭芝士甜度適中！唔會食到飽飽濟濟🤤TeaTime食多幾件都唔怕膩😆我哋一家口下午茶食一個4.5吋啱啱好！唔知道下次會推出咩口味呢？好期待丫😍

草莓季節就梗係要食草莓蛋糕啦！本地香港咖啡品牌 lassanacoffee 推出呢款季節限定草莓忌廉蛋糕 韓國士多啤梨，士多啤梨夠香甜🍓白酒啫喱及柔軟細滑，豐盈嘅忌廉內裡係口感綿密嘅蛋糕同埋雜果食出啖啖奶香滋味!🍪黑椒曲奇法國高級牛油加上黑椒碎黑椒的微辣配上牛油香味口味創新獨特，好驚喜！☕️焦糖味冷萃咖啡 HK$240/6支冷萃咖啡用上100% Arabica靚豆炮製帶有氣泡口感，有焦糖甜味果酸味略帶花香味氣泡咖啡口感夠曬清新

同朋友食飯，突然講起呢個topic，朋友即刻舉手推介呢一間嘅焦糖cheesecake, 話俾咗錢之後先為客人響蛋糕面頭用火槍燒一燒，達致焦糖嘅效果，又原來呢一間野係我公司附近都有喎，今晚屋企做節多人返嚟食，就決定買返屋企大家一齊試吓。第一次問話冇得賣，真係咁巴閉？我問佢係咪要訂？之後第二個侍應走埋嚟話有貨😵‍💫返到去話分，點知我都分到1:5個 ，其實唔係好大個。其實我唔知佢本身個質地係new York cheese cake 定係軟身芝士餅，因為我喺室溫擺咗好耐😅食嘅時候係軟身嘅，加咗上面嘅焦糖，係好味嘅，不過又未至於朋友講到超級無敵好味。價錢$148都算好抵食下。平時出面食一件cake都$40-$50啦！ 其實佢仲有榴槤味or 其他口味，不過我唔「好」榴槤，更何況食所有嘢都應該食佢嘅原味

今天是Happy Friday，喺呢間已經食過好多次，因為疫情嘅關係所以基本上都會係外賣返公司食! 突然有個食家同事提起趁老闆唔係公司落街tea一tea，正值午餐時間剛完，好快就有位了！看過了menu之後，今日想試試caramel cheesecake Hkd42, 質地不錯口感柔軟得來密度甚高入口香滑，另外蛋糕也附上忌廉增加口感飲品加了hkd36配一杯Large Latte,個拉花好靚咖啡味道又濃！這裡環境不錯，但不是太多座位，下次可以帶朋友來嘆一下咖啡!

趙生係咖啡愛好者, 每次去街, 佢都必定要去 coffee shop 買杯咖啡過下口癮🤭某日行街見到 Lassana Coffee 有用上自家烘焙豆同與香港汽水廠合作加入 CO2既有氣冷萃咖啡 Cold Brew Sparking, 諗都無諗就買左兩支俾趙生🥰 口感溫醇, 回甘味十足, 夏天雪凍飲真係一流👍🏻另外仲買左個 🍃伯爵茶焦糖芝士蛋糕🍰濃郁芝士味滲出淡淡 TWININGS 伯爵茶既佛手柑香, 質感好似慕絲蛋糕, 綿密細滑, 配上脆口餅底, 再加上表層既焦糖糖衣, 口感非常豐富🤗

想出去LUNCH慢慢食, 人少少傾下計, 好自然就諗起呢間餐廳係商廈既1/F大堂, 座位寬敞又光猛, 食得好舒服今日有3個意粉set我地揀左Chicken Spaghetti with Pesto Sauce同埋 Smoked Salmon Spaghetti with Tomato Cream Sauce中意佢地意粉既軟硬度, 口感有彈性我點既Chicken Spaghetti唔會有好多汁醬, 清清爽爽既, 味道剛好Chicken Spaghetti with Pesto Sauce ($64) 至於朋友點既Smoked Salmon Spaghetti岩岩相反, 佢話有D汁配埋煙三文魚先好食, 濃味又醒胃D, 哈哈Smoked Salmon Spaghetti with Tomato Cream Sauce ($66)連set會有一杯免費既果茶如果點其他咖啡類飲品就需另外加$佢地餐廳仲有D精緻好靚既蛋糕有唔同味道同款式下次有興趣都會試下~

近日天氣放晴，春回大地，日間陽光普照的時候，好像夏天已回來了，不禁令我想起之前在這店喝過的冰涼星塵茶！🍹🍹本身並不太喜愛甜吃凍飲這些，但出奇地，這店的水果星塵紅茶卻令我一試難忘！入口清新，味道香甜但又不會像其他店的水果茶般，很人工化及甜漏漏的感覺。這茶有水果味的淡香，又有茶底的清幽，在天氣回暖或炎夏時確是一個很好的選擇！另外，有朋友選了這店的咖啡，因為喝了咖啡會胃痛的我本無福消受，但放在跟前的槕上，我卻也能聞到它一陣陣的咖啡香，很是吸引！（身體健康為上，我還是忍過口來！）此外，我們還品嘗了這店的cheese cake, 入口除沒有膩口的感覺外，味道卻又帶來驚喜，有很香的芝士味，甜度也是很合我這些不太嗜甜食的人的口味，因此平日我是極少吃甜品的，那次真是大🈵️足呀！

煙三文魚水煮蛋配黑麥包，煙三文魚煙燻味濃，水煮蛋半熟流心效果突出，黑麥包軟硬適中，食落有咬口，配以荷蘭醬、香草食用，味道獨特，沙律配以黑醋汁食用，味道更加清新。蟹肉雜菜沙律配自家制芝麻醬，表面鋪滿新鮮蟹肉、蟹棒，食落鮮味十足、好Juicy，雜菜口感爽脆，味道鮮甜，配以自家製芝麻醬食用，味道更佳；蒜蓉法包食落充滿牛油、蒜末味道，口感香脆，食落好香口。椰菜花忌廉湯2碗，味道清甜、淡甜，口感Creamy。Matcha Mousse Cake，表面鋪滿白朱古力、忌廉，抹茶慕絲蛋糕口感綿滑，餅底口感酥脆。Die Heart Fans，特濃朱古力醬配上朱古力海綿蛋糕，雙重朱古力味道，甜度適中。冰雪焦糖朱古力，甜度8分，表面鋪滿朱古力醬、忌廉，口感幼滑，味道香甜。冰雪朱古力，朱古力味道濃郁，甜而不膩，朱古力醬掛杯。