L'AMOUR (已易手) 新餐廳

今日同老公去左蘭桂坊拍拖，發現晏晝都有唔錯食法國菜嘅餐廳，我地各叫左4 course meau，我老公就叫左wine pairing 紅酒。一嚟就上左樣黑松露牛油麵包，個牛油無乜黑松露味，但係個味道同麵包麵係好夾。1️⃣之後正式上前菜，我叫左海膽多士，海膽好厚身，咬落去好有實在感，加上多士夠脆，口感豐富。我老公就叫左鵝肝撻，撻皮甜甜地，配埋鵝油十足嘅鵝肝，好滿足🥰2️⃣第二道係湯品，龍蝦湯好夠蝦味，唔會味精味好咸，呢個推介。南瓜湯就正常味道，甜甜地。3️⃣主菜我地叫左羊架同埋韓牛肋骨。羊架煎到半熟，有羊味但係唔騷，肉質好嫩，睇樣就知好食🥰韓牛肋骨成條牛骨好易甩出，味道都足夠，可惜肉質偏鞋，如果煮淋少少就好好多。4️⃣最後我地加左海膽雪糕，本身以為係海膽味雪糕，估唔到係杏仁豆腐嘅雪糕加海膽，雪糕質地有少少似Gelato，同海膽好夾，值得一試。蘭桂坊一路以為得夜生活，估唔到晏晝都有有質素嘅餐廳。雖然餐廳位置係蘭桂坊偏上嘅位置，但食飯嘅時候都有唔少街客入嚟，睇嚟都係有口碑嘅餐廳，呢度環境適合情侶打卡拍拖，推介畀大家😎#chillchill_aloye#L'AMOUR中環#LAMOUR#蘭桂坊美食

📍L’AMOUR 中環蘭桂坊📍慶祝生日，嚟到蘭桂坊一間法式高級餐廳，一入去就俾佢嘅裝修震撼咗，係一朵好大嘅紅色玫瑰，同埋一部白色&透明鋼琴，加上黑色&酒紅色絨布主題色調，感覺華麗。嗌咗兩個4 Course Dinner Set $468@🌹焦糖法國鵝肝撻好多特色嘅鵝肝撻，第一次食呢一個味道豐富嘅前菜。🌹自家製手工意大利鮮蝦雲吞有誠意嘅手工意大利雲吞，配上鮮蘑菇打成醬汁，絕配。🌹南瓜湯甜而不漏，高水準嘅南瓜湯。🌹龍蝦湯 濃郁嘅龍蝦鮮味！🌹麵包籃配上豬肉醬&黑松露牛油，風味十足，又可以用嚟配湯食。🌹熟成澳洲紅東星斑柳乾式熟成過嘅東星斑柳，魚味更濃郁！其中配菜有白雲耳，口感爽脆，令成個Course層次豐富！🌹熟成紐西蘭羊架香煎過表面，羊肉帶有焦香實在無得頂😍！熟成後嘅肉有更濃厚嘅肉香，欣賞呢間餐廳唔同肉類都會熟成處理。🌹朱古力撻最後以絲滑嘅朱古力撻作結，大滿足！🌹Wine

今晚帶女朋友去蘭桂坊唔係飲酒，係去左間好靚嘅Fine Dining餐廳。餐廳充滿藝術感，沉暗之中帶住種神秘既紅色，門口仲有部水晶鋼琴勁搶眼焦糖法國鵝肝撻焦糖面焗得幾脆，餅皮夠脆。有鵝肝之餘有蛋液。鵝肝雖則唔多，但都幾濃，食落都creamy法式澳洲活龍蝦湯龍蝦湯夠濃身，鮮甜夠味，有少少龍蝦肉粒, 增加咗口感層次忌廉野菌手打闊條麵闊條麵比較粗身，食落有彈牙口感，忌廉夠濃郁包得住d闊條麵。味道夠重身，濃郁滑溜嘅忌廉醬汁加埋野菌嘅鮮香，雖然有少少膩感，不過都真係好厚身濃郁A5日本松阪和牛表面已經煎得好焦香，肉身都仲保持住3成熟。鎖得住肉汁之外仲有陣陣焦香肉身夠嫩所以切落去根本唔需要太多力度。油花分佈平均，但唔會太油膩。配菜方面有清淡嘅薯蓉同白雲耳中和住呢個油膩感幾好原隻海膽雪糕幾搞笑，真係有個類似海膽嘅殼裝住。海膽食落唔腥夠新鮮，配住豆腐雪糕幾香，味道咁樣食都幾match

係中環收工想食餐好，依間坐得舒服環境又幾有氣氛晚餐仲有set叫，3 course都係$398可以揀前菜、湯同主菜，連個餐包都都有啲特色，個牛油係黑松露牛油！好濃郁嘅黑松露味仲好滑前菜試左焦糖法國鵝肝撻，鵝肝撻甜甜地帶濃郁嘅油香味，食落口感柔滑仲叫左藍鰭吞拿魚他他，魚味都濃郁鮮甜，加咗檸檬汁酸酸地幾開胃湯就加左$48要法式澳洲活龍蝦湯，用左龍蝦頭、瓜同殼熬湯，所以龍蝦味真係好濃郁，仲有龍蝦肉有啲咬口主菜試左烤西班牙豬腩肉，油脂瘦肉分佈平均，入口豬味好濃，配菜仲特登用左紫蘿蔔，好有心思另外叫左黑松露忌廉半熟帶子薏米飯，個汁creamy又滑，薏米飯口感煙韌有咬口啲唔少得叫杯酒飲，+$128叫左兩杯白酒，襯番野食好有氣氛今餐真係好豐富！

🍴 Set Dinner - 4 course($498)Set Dinner 可以選擇2 course , 3 course 或者4 course我今次嗌左 4 course，包括Starter、Soup，Main同Dessert🩵 Starter🥧 焦糖法國鵝肝撻撻皮好鬆脆，撻面上燒左層焦糖，同鵝肝味道好夾之餘又可以解左鵝肝嘅膩，而且食落口有滿滿鵝油嘅香味🥟 自家製手工意大利雲吞意大利雲吞用料十足，入面包左滿滿嘅蝦肉；蘑菇汁好香濃夠味🥣 Soup🎃 是日餐湯是日餐湯係南瓜湯，好香濃幼滑，加上有大蝦同青口，令味道同層次更加豐富🦞 法式澳洲活龍蝦湯（+$48）蝦味好濃郁，相信鍾意食蝦嘅朋友會鍾意呢款湯🍽️ Main🐖 慢煮西班牙黑毛豬鞍豬鞍肉質比較結實，而且好大塊；加上佢用左慢煮方式，食落去好juicy；配上爽口嘅白木耳同平日少見嘅紫淮山同好幼滑creamy嘅薯蓉，係視覺同味覺嘅雙重享受🐦‍⬛ 有機野米釀法國鵪鶉鵪鶉肉質鮮嫩，入面釀滿野米，野米口感外韌內軟，唔好睇鵪鶉好似細細隻咁，加埋野米一齊食好飽肚🥧 Dessert🍫 是日精選甜品是日精選甜品係朱古力撻，選用左黑朱古力，食落去唔會太甜

之前係大埔分店食過，一試難忘，中環呢間都好有浪漫情調，入門口就見到一部白色鋼琴🎹同埋一朵超巨型紅玫瑰🌹叫咗一個餐➕蜂蜜牛油蕃薯條，炸到好脆口，味道好香甜飲品揀咗杯白酒，非常容易入口👍🏻餐包總共有4塊，質感軟熟，配有松露牛油及鵝肝醬季節時令法國生蠔🦪比想像中大隻，好耐未食過咁大隻生蠔，口感超肥美鮮甜是日餐湯係南瓜湯，好好飲，仲有大蝦➕青口，大蝦入口新鮮彈牙焦糖法國鵝肝撻個皮好脆口，食落鹹鹹地，甜甜地，感覺幾得意乾式熟成紐西蘭法式羊仔架有3️⃣件，入口嫩滑，口感香酥多汁是日精選甜品係蛋白檸檬撻，味道比較酸

米芝蓮推介 Special Menu 💰788/位🎶餐包 - 香草麵包、提子合桃包📝配搭自家製豬肉醬及黑松露牛油，好有誠意！🎶Starter - 時令法國生蠔📝飽滿大隻，幾fresh ！🎶Starter - 法國鵝肝撻📝鵝肝好足料，上面焦糖化 ，好似食緊焦糖燉蛋嘅fusion🎶Soup - 龍蝦湯 (+💰40)📝龍蝦味道濃郁，入面有啲龍蝦肉，幾鮮甜味，面頭有啲cream，按喜好可以加pepper🎶Main Course - 乾式熟成紐西蘭法式羊仔架📝羊仔架有3件，5成熟肉質好嫩滑，羊味超香濃，鍾意羊騒味嘅唔可以錯過！第一次食熟成羊🎶Dessert - lemon tart📝可以揀是日甜品lemon tart，偏甜微酸，配埋雜莓、另一款可以揀法式焦糖燉蛋！🎶House wine 💰128 / 2 glasses🎶(散叫）Snacks - 巴馬臣芝士黑松露薯條💰138📝薯仔超鬆脆，海量黑松露同巴馬臣芝士，好邪惡👿L'AMOUR📍中環蘭桂坊德己立街58-62號協興大廈地下A&B號舖(中環🚇 D2出口行4分鐘就到)大埔有第一間舖！💫評分: 7.7/10💬大埔開到中環蘭桂坊，超過10款draft

周年紀念日同男朋友去咗食法國大餐，上網簡呢間法國菜評價唔錯，試完推介番先Set Dinner 4 Course 五百蚊有拎相當抵食前菜試左藍鯨吞拿魚他他同手工意大利鮮蝦雲吞鮮蝦雲吞非常彈牙，松露汁好香吞拿魚他他鋪上香脆麵包，好creamy 南瓜湯&澳洲活龍蝦湯南瓜湯用新鮮南瓜攪成，飲到粒粒好滑的南瓜蓉龍蝦湯相對比較咸，無咁清香黑松露忌廉半熟帶子薏米飯薏米飯比平時的意大利飯爽身健康帶子用牛油微微煎香，配合黑松露調味，香氣迫人慢煮西班牙黑毛豬鞍黑毛豬鞍比起平時的豬扒少脂肪，肉贊稍為厚實焦糖燉蛋撻焦糖燉蛋入口即溶，蛋香味重Wine Pairing 都只系加$88/glasses紅酒🍷易入口，味道香醇，配合環境氣氛一流

中環蘭桂芳附近開左一間高質抵食法國菜！ 主色調是深紅色，一入大門就有部玻璃水晶琴及鮮紅大玫瑰做襯托，非常典雅浪漫，亦好適合打咭！座位有吧枱，亦有寬裕的二人枱，適合慢慢淺嘗美宴，談心浪漫嘅好地方～Set dinner menu 前菜💫 乾式熟成澳洲和牛他他💫 焦糖法國鵝肝撻前者優質和牛，手工切制，配面包，加生蛋濃匀，入口即化，口感豐富；後者濃郁既焦糖同鵝肝既香氣相得益彰好出色！SOUP💫海鮮湯💫 法式澳洲活龍蝦湯冇諗過是日餐湯比嘅海鮮都好足料咁鮮，勁欣賞佢嘅大蝦好實肉！龍蝦湯嘅龍蝦味道非常濃郁，亦有不少蝦肉，好creamy～MAIN💫 乾式熟成澳洲紅東星斑柳💫乾式熟成紐西蘭法式羊仔架在脆脆的魚皮下，東星斑肉質非常鮮嫩同結實，魚油味香濃；羊仔架色澤紅潤，沒有筋膜，羊肉軟潤帶嚼勁～DESSERT💫creme brulee

L'AMOUR位於中環蘭桂坊，一入門口就有一部白色三角琴同埋一大朵玫瑰🌹裝修以暗紅色為主調，配合牆上水晶燈，昏昏暗暗，感覺非常浪漫！又一慶生/聚餐好地方💝• 4-courses $468 | Wine Pairing $128/2 glass • $468包前菜、湯、餐包、主食、甜品同埋茶/咖啡，性價比都唔錯！嚟到呢個咁有氣氛嘅地方都會忍唔住嗌返一兩杯酒🥂有得揀紅/白酒或者啤酒🍻我地就揀咗呢度嘅白酒，果香味幾重，甜甜地幾易入口😼配合海鮮類/甜品食仲可以解一解膩✨📌 Starter𝟙焦糖法國鵝肝撻Caramelized Foie Gras Tart𝟚藍鰭吞拿魚他他Thunnus thynnus Tartare焦糖法國鵝肝撻面頭用火槍燒咗一層焦糖面，用意係想解咗鵝肝嘅膩，外面酥皮鬆脆，蛋入面有濃肝醬，食落有鵝肝油香😋推薦推薦～作為開胃菜，藍鰭吞拿魚他他清新夠哂fresh，刺身鮮甜，醬汁酸酸地，加埋脆多士，豐富咗成個口感😽📌 是日餐湯｜南瓜海鮮湯睇片都感受到佢質地有幾濃稠🥰呢度嘅南瓜湯絕對唔hea！食落啖啖南瓜蓉，有濃郁南瓜味，質感綿滑，海鮮有蝦同青口，咬落海鮮肉質爽口🤤📌 Main𝟙黑松露

法國菜小餐館裝修幾啱打卡，擺盤精緻，今次男朋友帶我約會慶祝週年紀念。餐廳佈置特別，配合巨型水晶吊燈同精緻嘅小擺設，亦擺放咗自動彈奏水晶三角琴同巨型玫瑰花束。焦糖法國鵝肝撻 酥化撻皮，鵝肝細膩。藍鰭吞拿魚他他圍成精緻嘅花圈，酸甜開胃。 澳洲和牛小排肉質細嫩，外層帶肉煎香。紐西蘭法式羊仔架 肉質同樣嫩滑。法國生蠔 蠔肉大小尚算合理，帶少少海水鹹香。海膽刺身滑溜，配合酥脆嘅多士。原隻海膽雪糕 海膽滑溜，雪糕軟滑，甜中帶少少咸。

之前喺大埔食過一次，原來係中環都開咗新分店，非常近我，今晚就一於試一試佢。我哋叫完嘢食，店員就送上麵包，麵包口感鬆軟，加上自家製牛油非常好食。波特酒釀葡萄.法式鵝肝凍鵝肝入口口感Creamy，配上葡萄可以解膩。藍鰭吞拿魚他他吞拿魚他他口感綿密，細緻柔滑，完全冇腥味。南瓜海鮮湯南瓜湯入口幼滑。澳洲M9和牛小排叫咗五成熟，和牛小排牛肉味道濃郁，肉質軟林，千層薯餅超級酥脆。有機野米釀法國鵪鶉法國鵪鶉肉質幼滑，有機米好有口感，醬汁都幾好味。檸檬撻味道酸甜開胃。Sexy on tree呢一杯超級適合打卡，味道香甜容易入口。

很高興知道它在中環蘭桂坊開新店, 今天專程來捧場, 坐落在蘭桂坊較上方的位置, 更屬靜中帶旺, 嘩, 甫入店内一座伴有一朵大紅玫瑰的白色大鋼琴, 認真吸晴, 店面積較太和總店大又設大型酒吧區, 也有保留大天花水晶吊燈, 店員殷勤招呼入座後, 就準備心情迎接美食啦, 今天周末午餐也有大半滿, 部份也聽聞是太和店食客來試新場, 說回美食, 由前菜、湯、主菜及甜品都認真滿意, 除了好味, 擺碟也絕不馬虎, 可謂保持老店格調及質素, 而酒類因是中午, 只選了MocktaiI也很滿意, 會約埋一班朋友下次來試真D酒。

位於蘭桂坊中心的這間高級餐廳，提供了一系列精緻可口的菜式。開胃的龍蝦湯濃郁鮮美，湯頭濃郁，配有大塊鮮甜的龍蝦肉，是完美的開胃前菜。接著是海膽多士，表層酥脆，內裡則是濃郁的海膽醬，令人回味無窮。主菜方面，西班牙豬扒煎得恰到好處，外皮酥脆，肉質軟嫩多汁。配上煙燻辣椒醬，增添了豬肉的風味。最後的澳洲M9牛小排，肉質嫩滑，油花分佈均勻，入口即化，肉汁豐富。搭配烤蒜泥和燒烤醬，更突顯了牛肉的鮮美。整體而言，這問餐廳在菜品質量和口味上都非常出色。從開胃前菜到主菜，每一道菜都精心製作，令人難忘。環境優雅舒適，服務周到親切，無疑是一間值得推薦的高級餐廳。

OpenRice訂位已經加左附加信息，要求寫生日快樂，當日再打去confirm係咪到時嗌甜品，就會自動有果句野，接聽果位同事都話係，最後我地叫左2個有甜品既set，但無左果句生日既信息，令我好失望，驚下次都係咁，唔會再幫襯