LAB10 (已結業)

2020年已到來到，又是時候身與朋友食個飯。旺角就往往是中間點，方便香港島及新界的朋友都可以出黎，但旺角的食店好多，今次到朗豪坊食燒牛肉。Lab 10 實驗主題，連飲品杯都好似做緊實驗。本身就門口已經見到有一個$248套餐，可以任食不同肉類，飲品，薯條等等，限時90分鐘。248比一般放題都要便宜。可以說是岩曬一班大胃口的人士。今次我就先叫了散叫，先是一份牛牛版，裡面有厚切牛舌、牛肋條、一口牛。牛小排、牛後腹、安格斯西冷 。1牛肉新鮮，色澤分明。每片牛肥瘦均勻，燒一燒已經好美味，由於肉質好，每片牛燒出來都好香，油份在口中化開，嫩滑。2每樣都有幾件，大家都可以試到牛的不同部位。3 抽風系統一流，燒烤完頭髮完全不會有味。 另外叫了一個韓式牛肉炒粉絲炒粉絲不會痴埋一舊，粉絲炒得香，不會痴口，，配上牛肉等。韓風美味，而且配燒肉相當不錯。 另外是一份韓式泡菜豆腐鍋冬天叫這份是一流，暖笠笠的感覺。豆腐滑，加上蜆肉、韓辣醬。忍不住叫左個白飯，伴飯一流。店內的食客普遍都叫了燒肉，但這裡的泡菜豆腐鍋都好好味道。最後叫了熱情果梳打 Big n small特飲

又到旺角上堂，今次懶得四圍搵，直接在朗豪坊揀一間餐廳。友人喜歡食韓燒，見Lab 10做緊優惠，$248有多款肉類任食，望入去環境亦幾靚，就拍板在這裡用膳。餐廳的管理不錯，爐面感覺新淨企理。選了菠蘿梳打，味道清新，又無汽水咁重碳酸感。先來沙律，沙律用玻璃瓶盛載，美觀又方便拌勻醬汁。肉類以木板送上，不同肉類都有區隔開，整齊之餘亦避免醃料互相影響。所有肉都醃得入味，燒熟後不會韌。當中最欣賞雞肉、豬頸肉和牛板腱，雞肉連皮但皮下脂肪不會太多，連皮食罪惡感也不大，而且雞皮烤得焦脆，很好吃～另外豬頸肉夠爽口，牛板腱夠腍，以$248的放題價而言，性價比超高～還有一大碟牛五花，醬汁和肉很夾，肉質嫩滑，油脂包裹住肉片，很香～～另外還有即熔芝士醬，用來點炸得酥脆的薯條，很滿足～我們5時多已到，當時店內沒太多人，到後來人潮湧入，全部枱都燒得興高采烈的時候竟然也不覺有油煙味，可見店內抽風系統不俗，食完也不用擔心成身油味👍🏻👍🏻👍🏻

平時去食韓燒都係會去嗰啲傳統韓燒店食嗰啲已經醃好bbq嘅肉到呢一間朗豪坊嘅韓式燒肉設計係外國工業風 播住韓文歌成件事都幾fancy🥶🥶🤩//我同友人一齊叫咗248任食套餐有7種唔同嘅肉類可以食全部都係靚牛肉靚豬肉靚雞肉唔會勁多肥😁😁因為最近食緊生酮飲食 真心啱曬我Like埋facebook仲送海鮮套餐不過因為我唔食得海鮮所以冇叫到 除咗肉類質素有保證之外//佢個爐 都係我想試嘅原因之一因為冬天會著大褸好多時都好驚個頭或者件褸會吸到味 去完發現係無煙燒肉真係非常好🤩🤩//一開始個會上一個拼盤等你樣樣都試下味之後就可以揀番你鍾意食嘅肉輾轉轉轉我都refill咗五六次食到好飽//薯條炸到好脆 特別推薦佢個芝士醬🙊🙊勁香 超邪惡！！！//建議加多50蚊換雪梨味牛薄片勁好味又快熟 勁推薦//通常仲有梳打汽水任飲特別推薦青檸汽水成個青檸打曬落去梳打水入面敬解渴超清甜👍熱氣即時冇曬//另外要讚下員工 主動幫你換板就嚟食曬 亦都會問你有咩嘢想加❤️

之前lunch食過一次覺得幾正，上星期經過哩間餐廳見佢做緊任食優惠，於是今晚就上左黎大食一餐！覺得哩度裝修時尚，靚！就係為左食哩個餐而再黎，限時90分鐘。飲品包所有梳打口味任飲，同兩款可樂。梨汁牛五花擺得超靚，燒肉我都係最中意食調味過既，味道岩岩好唔洗點醬。薄切優點係好快熟，岩晒肚餓既我地，入口好林，好食。仲有牛板上任食七款肉，有雞、豬、牛，好豐富。最中意食牛板鍵，肉質嫩，易熟，雪花分佈平均，高質。其次雞同豬頸肉都好食。薯條炸至金黃色，灑上鹽調味，再點燒融左既芝士，正呀！青檸梳打好飲，推介，解到食得太多肉果種油滯感，調得清新唔酸！燒到一半我地向職員要求換網，職員樂意幫忙！仲有任食新建沙律蔬菜，食番d菜先可以食更多肉。

Momo同Boo一坐低就先叫左個牛牛板🐄🥩($198)，見最多人推薦又可以試哂七個部位，一定要嗌啦!🤗牛牛板🐄好快就上枱有得食😋，近patpat位同背脊🥩嗰兩個部分最好食😆夠入口即溶😌 近肚既就韌少少喇🙈 燒落真係唔大煙🌬，好似係比平時韓燒啲頭髮無咁吸哂啲味既💁🏻‍♀️唔知係咪因為個爐真係好細，無得好貪心一次燒好多🤪🤪另外叫左個韓式海鮮蔥餅($65)，煎得幾香脆👍🏻同埋兩杯飲品，熱情果梳打($28)同埋Coco(椰青水+西瓜+蜜糖+青檸)($35)🍹🍸熱情果梳打正常發揮，杯Coco就個西瓜🍉搶哂味😂

Lab10 牛牛🐮板牛肉又多又好味！環境又好舒適！值得推介！雖然唔係好頂級，但係都係非常之抵食👍我覺得入邊嗰個牛五花係最好食，半肥瘦燒出嚟係超級好食超級嫩滑可口仲有佢個牛舌都係好好食，推薦埋佢既韓式梨汁牛五花肉，好薄燒起嚟特別香口配埋佢地個熱情果梳打凍飲唔係太甜口味好天然，食牛食到好膩仲有解膩作用呢排做緊優惠，任食只係248！非常抵！另外Like1 Like Facebook仲送海鮮拼盤（ 價值$258）非常抵！高檔的烤肉爐食完個身唔會太大肉味環境服務氛圍都是一級棒！

今日一早就去左旺角整野，🤭廢事太夜又俾Popo 封路。就係咁，意外地俾我發現朗豪坊又一性格比高嘅餐廳。👍🏼可能個時未出黎做野，成日都覺得呢到除左food court之外，d野就好貴。但原來都唔係。🧐今日經過呢到想食韓燒，見到佢裝修得幾靚，✨而且呢到嘅燒肉用具都比較新式，抽油煙超好！❤️可以冇一大陣燒肉味出番黎，加上見佢個lunch set都唔貴，所以就入去了。叫左個⭐️重量級Oppa牛牛板! 好好食！😋每款肉都各有特色。以下係我按我鐘意食嘅次序：1️⃣巨型和牛牛肋肉😍和牛真係冇得輸。一食落去溶左出黎嘅牛脂，幸福感出晒黎。2️⃣黑牛牛板腱😋識食都知牛板腱呢個位置嘅肉好軟好正。3️⃣M5澳洲西冷4️⃣特級韓牛牛肩肉5️⃣特級韓牛牛脊肉6️⃣厚切牛舌7️⃣一口牛由於我地唔食韓式牛大腸，所以轉左一口牛。⭐️熔岩芝士🧀飯配炸雞🍗除左牛，叫埋個飯，咁就差唔多了。呢個飯蛋味比芝士味更重。🍳⭐️Juice Lab Signature-Coco🧅比起其他韓式冰飲，佢個Lab juice 比較健康啊！而且較天然，又好味。🧪

🐷🐷🐷🐷▪️泡菜金字塔 ($48)因為我同男朋友都好鍾意食開胃小食，所以我哋特登叫咗個泡菜金字塔，入面包含泡菜，蘿蔔同青瓜。蘿蔔酸甜開胃，泡菜又辣又酸，對味蕾嘅衝擊較大有咬口，係我地理想中既開胃菜☺️〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️ 牛牛板 ($198)牛牛版包含牛既7個唔同部位，呢個份量係足夠兩個人食。一次過滿足晒咁多個願望之餘價錢仲好抵食，除翻開都係$100一個人！牛肉整體都幾新鮮，其中厚切牛舌牛肉味最濃烈，口感煙銀，係我既最愛。以後韓式牛肋條脂肪同牛肉嘅分布好平均，油脂味較重係肥仔既最愛！不過一口牛真係好難控制點先燒得好🤔 睇嚟真係要食多幾次燒肉訓練下😂〰️〰️〰️〰️〰️〰️〰️4/5🐷〰️〰️〰️〰️〰️〰️〰️▪️韓牛三重芝士薄餅 ($168)作為芝士控嘅我，一見到menu有呢款pizza毫不猶豫就點左。上菜嘅時候我都嚇一驚，佢既芝士份量真係多到不。得。了！ 餅底好薄而芝士同牛肉嘅份量多，大約1:2。咬第一啖時簡直驚艷。不過就真係幾容易就會食濟左，建議一大班朋友聚餐時點就可以更加享受，少吃多滋味！〰️〰️〰️〰️〰️〰️〰️4/5🐷〰️〰️〰️〰️〰️〰️〰️▪️The Flash ($35)又肉又芝士真係飽到不得了，所以點左杯果

牛牛板二人份 $198一次過試勻7款牛，食開燒肉放題既我地幾驚吾夠食😂，好彩每款都有4塊左右。最好食係燒牛舌，厚得黎吾會韌，又有油脂香😋右下角呢款牛最難食，就咁睇都知好瘦，一啲油花都無，燒出黎乾爭爭，又無牛味呢間鋪個爐比較細，火力都較弱，單點一塊塊慢慢燒就無問題，但係如果食放題任燒，咁既速度真係等天光，就吾係好抵喇😝😝店舖平日夜晚只得兩位侍應，落單出菜同埋單都係佢地一腳踢，每次舉手🙋🏻都要等好耐

原本以為係一間正常韓國餐廳，點知係一間係普通得黎好難食既烤肉店！海鮮極度唔新鮮，D牛肉好難食，太多肥肉，無牛肉味之餘有冰鮮味！雖然係放題但一D都唔想再嗌再多牛肉.

平時好少可嚟到旺角朗豪坊樓上食野，咁啱經過見到間平平地嘅韓燒，而且裝修好似幾得意咁，有啲似自修室咁，每個位之間都隔住塊板，一於就入去試下啦😊！雖然呢度係食韓燒，但餐牌上寫住無煙韓燒，同埋個爐同平時食嗰啲韓燒有啲唔同，所以燒起上嚟都唔會話好大味，我都唔需要擔心件褸吸晒啲味啦😅！呢度有得比你揀任食或者散叫，如果任食就$248 一位，最後我同朋友都揀咗散嗌。叫咗個牛牛板🐮，好得意呀，同個名一樣，真係用一塊牛牛板去裝住唔同部位嘅牛，有韓式牛肋條、厚切牛舌、安格斯西冷、特級牛後腹、黑牛牛板腱、特級牛小排、嚴選一口牛，總共有7款，啱晒2個人食。啲牛好有韓牛嘅味道，尤其特級牛後腹，牛味濃郁，肉質嫩滑，太好味啦😋😋！濟州三色豬五花🐽，個人比較鍾意食韓國嘅五花肉，呢度嘅五花肉唔會太過肥，燒起上嚟好香，脂肪比例恰到好處。點埋特製生薑蘋果醬🍎、生薑菠蘿醬🍍同青檸醬，味道酸酸哋，另有一番風味。韓式牛肉炒粉絲炒得好香，啲粉絲條條分明，唔會嗱埋一堆，加埋韓式牛肉一齊食，非常好味！🤤飲品方面我哋揀咗個Captain Lab & Red Hot，佢用咗實驗室嘅容器去裝住啲飲品，完全match番晒餐廳個名Lab 10。

估唔到朗豪坊有間咁抵食既燒肉店，同男友路過見到燒肉二人餐只需198，唔洗多講入左去先算啦😏😏 餐廳裝潢比較特別，同一般燒肉店唔同。 198的牛牛板有齊七大部位，每款都有四件咁多，分量感人！其中我最中意食安格斯西冷同特級牛小排，肉味濃郁而且好軟熟！😋 另外仲叫左和牛肉醬芝士薯條，本身以為係淋肉醬上去就算，估唔到係成個拎去焗，好似肉醬焗飯咁，都幾特別。和牛肉醬辣辣地，加埋脆薯條真係好開胃呀！🤪 泡菜海鮮薄餅芝士多過泡菜，食落滿滿芝士味，雖然泡菜味欠缺，但都好好食。 估唔到呢間咁抵食既韓國菜會開係朗豪坊，第時行街行到餓就有個新好去處啦！🥰🥰

一直很想試這間位於朗豪坊10樓的這一間無煙韓燒，很適合我這些想食韓烤但又怕油煙味的麻煩人。今晚襯交通回復正常，就跟先生一起到朗豪坊Lab 10吃晚餐，果然室內冇油煙味而且坐得舒服。店員欣勤介紹各款套餐，再看看餐牌，我們選擇了個2人份量套餐。《牛牛板 2份量$198》這個2人餐性價比高，有7款不同牛部位，包括有厚切牛舌、安格斯西冷、黑牛牛板腱、 特級牛小排、嚴選一口牛、特選牛後腹、韓式牛肋條。牛舌輕輕一燒便可，厚薄適中，汁潤又不韌。幾款牛當中比較喜歡韓式牛肋條，因為經醬汁醃過，夠入味又香濃。牛後腹和西冷都不錯，肉味香濃，口味軟嫩。其餘三款都牛味香濃，質素不錯。《生菜 $28》餐廳燒肉並不包括生菜，是另點的，一份份量都足夠二人份。《韓式人蔘雞湯$118》湯中有半隻鵪𪂹，湯味清淡。《韓式鐵鍋拌飯$78》鐵鍋上可保持熱度，加入韓醬拌勻後，整體都不錯。《果汁特飲 Big & Small $35/杯》有很多西柚香橙肉和蜜糖生薑絲，水果味豐富，甜度適中。

係商場遠處見到呢間舖，白色瓷磚既裝修，仲諗緊呢間以laboratory做主題既舖頭係做咩生意既呢？到入去先知原來係燒肉！好少燒肉店係全白色，感覺比全黑多左份乾淨企理既感覺🤗兩條友無詳細睇個餐牌，就嗌左個重量級OPPa牛牛板二人餐，全因為係OPPA ma😍仲加左$48嗌左一set LAB3，試下test tube 🤣佢有三隻味，士多啤梨🍓芒果🥭同埋青蘋果🍏。我就最鍾意青蘋果味，好清新而且帶少少酸，相對無咁甜😊oppa牛牛板，相片同現實一樣！對住個餐牌就知自己食乜😂啲牛係靚牛，唔洗點醬汁都已經好好食😋最愛特級韓牛牛肩肉，啲雪花好靚。燒到幾多成熟，由自己控制🤗燒完個人都無乜味，兩個女仔可以繼續行街🤣

桌上岀現曱甴，我們叫店員過來時，店員慢條斯理地走過來捉走了它後，沒有基本的道歉和關心，令我過了一陣子都沒有食慾繼續吃，之後友人叫店員換走被曱甴經過的食物，店員才第一次輕聲地對我們說不好意思。原本覺得爐不夠火候，格網不好用，肉總是黏著格網，肉總是散，都算了，但是叫店員換網等了很久，一直還未換最後當然是繼續大失所望（當時店舖不繁忙），真是令人愈來愈不忿。我叫的是放題，但並不想追加任何東西和繼續進食。