LAB10 (已結業)

今日係朗豪坊行街街，老公鐘意食韓燒🇰🇷就決定直接簡左呢間位於十樓自修室咁既無煙韓燒「Lab 10」❤️剛巧做緊優惠，HKD 248 有多款無煙燒肉任食，「食肉瘦」必試💞爐面乾淨企理，沒有一絲油膩感，最特色係呢到主打無煙韓燒，食完成個身吾會有燒烤味。先黎免費一客沙律🥗，用上玻璃樽盛載密封，感覺乾淨衛生，食落足料，有大量沙律🥗菜，粟米🌽粒，蕃茄仔，配上酸甜醬汁，非常開胃。再來免費即熔芝士醬和薯條一客，芝士放上爐面等佢慢慢熔化，用黎蘸有鹽🧂酥脆可口薯條🍟一流，做到有拉絲效果，比較忌廉味重既芝士，送既都吾馬虎。主角各種肉類上菜，以木板分隔各種肉類，避免不同醃料互相影響，有牛脷、雞肉、豬仔骨、牛板腱、豬頸肉、牛後腹和一口牛🐂，每樣肉類都排得井井有條。大推豬頸肉🥰好爽口煙韌帶點黑椒味。牛板腱比較焧身，肉質鮮嫩可口，仲有點甜味。雞肉識燒先燒出雞皮既油分和香氣，雞皮烤香連皮食，爽脆。以低價248嘆到靚牛好滿足，重點係吾夠食都可任叫。另外還包含一碟色澤均勻牛五花，醃得甜甜地，比醬汁浸泡，特別入味，燒起黎因為有汁吾會太乾，肥瘦均勻，適當油脂配合肉香，好美味😍只要在社交網站讚好其專頁和分享，可獲價值HKD25

今晚同朋友一齊去朗豪坊度食飯見到呢一間韓式餐廳我覺得幾吸引咁同朋友入咗去試下， 一入到去啲裝修都幾時上好有韓風style 同埋坐得都幾舒適寬敞。脆香芝士炸雞: 我覺得呢個炸雞超抵食， 呢個炸雞嘅賣點就係佢啲芝士超多黏住曬啲炸雞令到炸雞同芝士融為一體， 我覺得啲嗰啲炸雞同韓國啲炸雞不相伯仲， 我自己認為都係超好食。韓式海鮮蔥餅: 呢個海鮮蔥餅我自己覺得都幾足料同埋 都算有幾多海鮮我覺得個質素都拍得住韓國嘅蔥餅。海鮮大醬湯： 呢個海鮮大醬湯我覺得就比較辣少少但係佢亦都算係幾足料最少都有好多海鮮係個湯度。 如果食得辣嘅朋友可以試下呢個湯。韓式牛肉炒粉絲: 呢個韓式炒粉絲我覺得分量都算幾多幾足料 同埋啲牛肉都係薄切 口感唔錯質感亦都幾好。 鍾意食炒粉絲嘅朋友都可以試下呢一個餸。韓式鐵鍋拌飯: 最後呢個鐵鍋拌飯係我最愛，因為如果你到韓國餐廳唔食鐵鍋飯嘅話 好似未試過主菜咁樣。 同埋我最欣賞呢個就係佢鋪滿曬我最愛食嘅紫菜，大家可以參考我啲圖。最後如果大家行過旺角嘅話可以試一試呢間韓式餐廳。 覺得佢哋食物質素都幾好。

原本十分想試Lab 10 無煙燒肉套餐$248，包不同部位的牛豬雞肉，沙律，薯條，還有梳打飲品。但是午餐吃得太飽關係，晚餐沒有點任食，散叫了牛牛板$198賣相好靚，厚切牛舌，韓式牛肋條，特級牛小扒，韓式一口牛等等，全部都很新鮮，一燒十分香口。韓式辣年糕$88辣年糕辣得惹味，很煙韌。韓式鐵鍋飯$78配上牛肉的石頭鍋飯，飯量與配料十足。飲品方面點了果汁特飲，有不同水果的味道，酸酸甜甜。特別喜歡蘋果，熱情果的配搭。

行朗豪坊行到肚餓，心郁郁想食韓燒今次係第二次黎食，記得上一次食完真係無乜油煙味，咁今次就安心咁再黎encore-任食一個人$248仲送海鮮盤～～-最後都係決定散叫見到呢個重量級牛牛板就心心眼 😍😍😍同店員講我本身麻麻地牛舌，佢就主動提議不如幫我轉做骰仔牛😍咁緊係好啦！店員好nice~~~$388呢個價錢夠兩個人食有餘好夠份量！果然係重量級👹-肉質色澤同條理分明當中我最愛韓牛肩肉，牛味突出，肉質香嫩🥰而朋友就鍾意食韓牛脊肉，覺得佢既牛味再為濃D牛大腸好肥美，每食一啖都覺得好邪惡🤭🤭-由於眼闊肚窄，見到menu寫加$58有牛五花肉就緊係唔執輸雖然食完牛牛板已經好飽，但呢個牛五花確實係令人喜出望外😆😆😆薄薄既牛五花配上秘製既韓式梨汁，燒完之後超級嫩滑！！一點要點！就算食到好飽都好，呢個都一定要食埋佢🥳-加埋呢個韓式幾重芝士pizza每啖都拉絲🥰呢餐食得好幸福呢間既無煙韓燒，之所以真係食完會無乜油煙味係因為佢吸煙既系統係圍住個爐邊，所以一燒就即刻吸哂👍🏻抵讚

朗豪坊上面的餐廳大多都是年輕向，今晚我就約了朋友吃一家放題餐廳，選擇不算多，只有7款，但勝在質素高。而且還是無煙的韓燒！食物：$248+1的套餐，還有一份海鮮拼盤送，不俗海鮮除了蠔跟蜆，竟還有蝦跟鮑魚！雖然免費但質素也沒有馬虎啊！7款食物：除了只有一份的超肥美牛五花外，還有我最愛的，肉香濃而鬆軟的牛板鍵，還有雪花均衡的牛後腹，很juicy 的雞腿排，怎燒也好吃的豬頸肉，很考功夫，不可太熟的牛舌，跟煮得久才熟的豬肋骨，跟四四方方的一口牛，各有自己的特色。但牛板鍵跟牛後腹絕對是必點！牛舌如果你有信心，也建議你點來吃，別煮太熟啊！薯條沒有太大特色，但配上半溶的熱辣辣芝士盤，建議一定要嚐一下！太熱氣？沙律跟梳打也是頗下火的清涼任吃品，正好中和了熱氣～

今日行過朗豪坊，見到有間韓式燒肉餐廳推出咗一周年優惠 $248 任食燒肉😝😝咁見好似幾吸引就入去試吓啦！一坐低，就揀個$248放題一開始佢會提供一個燒肉拼盤同薯條🍟with芝士醬同埋沙律🥗，芝士醬就要擺落爐度不斷燒，見佢融得七七八八，就拎薯條點嚟食，啲芝士醬又香又咸咸地，相當靠得住☺確實同點茄汁都難分高下🙈之後就上個燒肉拼盤，裏面有🐮🐷🐔，實有一款啱你口味，而且每份都有四塊肉，其實食完都已經差唔多了，其中牛板腱同雞肉就係食飽都要再encore🤫，牛板腱油份同囗感都非常恰到好處🤤，而雞肉真係大大嚿，又有塊雞皮喺度，燒起嚟🔥啲油香真係出哂嚟跟着佢仲送咗個牛五花俾我地，一見都已經覺得驚為天人🤩，肥瘦分明，中間瘦 兩邊肥，而且切得薄薄，兩邊加埋燒大約30秒，就應該可以，一食落去油花爆曬出嚟，唔駛點任何野係最好食啲😚而啲梳打同汽水都係任食，揀咗蘋果同菠蘿飲，唔太甜，有果味，不過不失啦🥴🥴Btw，燒完個身同埋頭髮又真係冇乜味，朋友聞落去又真係唔覺佢食完燒肉咁😍😍無煙燒肉真係冇改錯名

今日和朋友往旺角朗豪坊lab10食韓國無煙燒烤, 無煙燒烤拼盤有牛, 雞肉、朱仔骨、牛板鍵、朱頸肉、牛頸腹、一口牛和五花牛。牛食落軟腍雞肉肉質鮮嫩、朱仔骨和牛板鍵食落爽口；朱頸肉和牛頸腹食落軟腍啖啖肉；一口牛食落肉質香濃；五花牛食落有油花, 口感十足；無煙燒烤除了烤肉外, 今日有海鮮拼盤海鮮拼盤有魷魚,鮑魚、蝦、蠔和蜆, 鮑魚和蝦食落彈牙, 魷魚食落爽口、蠔和蜆食落鮮甜彈牙,整份海鮮拼盤材料豐富, 新鮮鮮甜, 口感十足；除了烤肉和海鮮拼盤外,還有芝士醬薯條, 沙律、青檸梳打和蘋果梳打。芝士醬味道香濃,配上金黃薯條, 食落香脆惹味；沙律賣相吸引,食落新鮮爽口；最後蘋果梳打甜度適中, 解喝一流。餐廳座位舒適, 環境光鮮乾淨,價錢合理, 食物美味, 材料豐富, 口感十足, 而且餐廳通風系統良好, 食落不會成身味,美味舒適韓國燒烤。

好友下月生日，本來打算新年假期才相約他出來一聚，順便吃頓生日飯。豈料原來友人一早就已經安排好假期外遊，而且還要個多月後才返港，那就只好提早慶祝。友人一向愛吃烤肉，就一於和他試下這間新派韓燒店「Lab 10」。餐廳位於朗豪坊 10 樓，一室潔淨素白，再襯以銀灰色桌子與層架上五顏六色的玻璃樽，設計簡約時尚，裝潢有別於一般傳統韓燒店。由於剛才進店前已經看了門外餐牌，所以入座後便可以立即點餐。午市有套餐供應，價錢非常經濟，另外亦可以散點，不過其實大家都看中了餐廳為慶祝一周年而推出的期間限定韓燒放題，每位 $248 就可以任食多款肉類和配菜，還有梳打類飲品及汽水任飲。沙律以保鮮瓶盛載，內有車厘茄、粟米粒、紫洋蔥、紫椰菜等，入口爽脆新鮮，吃起來很醒胃。薯條熱辣辣，炸得香脆不油，最開心就是送上時還配有兩份芝士。飲品點了熱情果梳打和菠蘿梳打，兩款味道都唔錯，尤其是熱情果梳打，用料十足，味道挺香挺清爽，夠曬 refreshing！ 肉類共有 8 款，當中包括有以 OPPA 牛牛板盛載的牛脷、雞肉、豬仔骨、牛板腱、豬頸肉、牛後腹、一口牛及以圓盆另上的韓式梨汁牛五花。M5 和牛牛板腱肉質非常軟腍，有即溶口感

韓式無煙燒烤昨晚同朋友在朗豪坊睇完戲，跟住去食晚飯，朋友介紹在十樓一間韓式燒烤質素唔錯，價錢仲好實惠248元加壹，仲係任食。多款牛件部位頗齊，尤其係牛板腱，每片雪花紋理均勻，牛香濃郁，肉質軟軟綿綿。牛舌柔韌爽口。還有一口牛水準都不俗，汁液豐盛。還有牛後腹，仲有豬仔骨都好出色，豬頸肉夠曬爽口。 還有餐廳絕不吝嗇，只要在手機上按一下，仲會送上一客海鮮拼盤給客人品嚐，唔好以為送嘅係普普通通的，有鮑魚，大蝦等等多款。還有飲品都係任飲，有多款選擇。這個晚餐我倆都吃得非常滿足，帶著愉快心情結帳離去。

好耐冇食過韓國燒烤，印象中的韓國燒烤都係污煙漳氣，今日經過朗豪坊，發現轉角位有呢間新派的韓式燒烤餐廳，裝修光猛整潔，一於試下門口見到餐廳有任食套餐，亦可以單點，計過數後我地決定要任食，包七款肉食、飲品、沙律任食，唔使煩二人一個爐，爐入面有抽氣扇，唔會食到成日油煙個人特別鐘意佢地既沙律，韓燒全部都係肉好滯，呢度有無限新鮮菜供應，食完都冇咁有罪惡感餐廳先送上一碟薄切肥牛，非常好味！切得好薄加上惹味醬汁，入口即溶，我最鐘意食呢碟然後第一輪送上一塊完整牛牛板，包括四款牛肉部位、豬仔骨、豬頸肉同雞扒食完可以選擇 refill自己鐘意既部位，自己最鐘意一口牛同牛後復，encore左好幾次另外仲送上一兜薯條，仲有一個芝士醬將芝士醬放係爐上燒溶再點薯條超級香濃仲有拉絲！極度邪惡值得一提係只要 like and share 某社交平台，就可以有一碟海鮮拼盤！雖然係送既，但一啲都唔求其，有蝦有蜆有鮑魚，非常滿足！！飲品方面有汽水 同梳打水任飲，我非常欣賞佢既西柚梳打水，用真西柚，唔係糖水果種甜，值得一讚總括呢間餐廳坐得好舒服，食物新鮮，韓燒餐廳來說質素頗高

見呢間餐廳有任食韓燒，入去試下，但入到餐廳見到餐牌又改變主意，見到有個牛牛板套餐（$198)，可以一次過食到七個部位，真係好吸引，牛牛板用左一隻牛形狀的木板上枱，賣相好出眾，而且可以知道食緊牛既邊個位置，好奇再睇住個餐牌，睇埋食既部位叫咩名先得，我最喜歡食牛小排，好似雪花牛咁，牛脂分佈均勻，另一出眾係牛板腱，夠大塊又薄，另外牛後腹都好香牛肉味。食左一陣，發現冇咩煙又冇味，又冇煙霧瀰漫，呢度既爐的抽風系統真係做得好好。之後叫左個炸雞（$68），裡面係雞柳，好滑，唔乾，有拉絲芝士好香脆，芝士迷仲可以點埋隔離個芝士醬。來得食韓國菜，伴飯係必叫的，材料豐富，有肥牛、泡菜、紫菜和煎蛋等，唧埋辣醬，好惹味。還叫了泡菜豆腐湯，味道都幾辛辣，好刺激，但味道好濃郁，還有蜆同脆肉瓜，飲品叫了Captain Lab，有熱情果、奇異果、香橙、蜜糖$35。好大樽，果味豐富，抵飲呀！唔怪得呢間叫Lab 10,原來門口有個飲唔counter叫Juice Lab ,枱面有一排不同果汁的試管飲品，好似去左Lab 咁，

本身諗住食另一間燒肉店 但太多人排隊 轉左黎lab10度食 估唔到有驚喜 第一次光顧 兩個人就叫左任食放題（$248）上枱分別有 牛脷，雞肉，豬仔骨，牛板腱，豬頸肉，牛後腹，一口牛 。當中以牛牛脷，牛後腹較為出色，之後嘅添加可指定部位不需要全盤上任食餐包含芝士同免費薯條🍟分量很多 配上芝士很惹味整體來說 肉質都高質 佢聲稱嘅無煙燒肉都做到 食完嘅時候 衣服所沾染嘅味道比起普通燒肉店少非常之多 非常驚喜

夜晚喺朗豪坊睇下有咩啱食嘅時候見到Lab 10門口有個任食餐牌，只係$248就可以任食多款肉類同沙律，飲品都係任飲，望落環境乾淨企理，之前都有聽過同事講起呢度嘅無煙韓燒，一直都好想試，加上睇落又好似幾抵食，所以決定試下。店內每個座位都會間上隔版，情況就類似自修室咁，令客人可以有返屬於自己同朋友嘅私人空間，無論同朋友傾計定食野都唔怕俾隔離位望住同聽到，避免尷尬。雖然呢度主打燒肉，但係都不得不讚呢度嘅沙律好好食，仲好靚咁放咗喺個玻璃樽入面，蔬菜好新鮮，口感爽脆。一開始店家會送上一個牛牛板，上面擺放了唔同肉嘅部位，豬牛雞都樣樣有少少，等你可以每樣都試下，然後食過覺得特別鐘意食嘅就可以再Encore！啲肉都好靚同好新鮮，鮮紅色肥瘦分明，已經急不及待要燒！無煙韓燒真係第一次試，覺得好神奇！燒肉嘅過程完全冇油煙攻上黎，唔會油淋淋同埋搞到頭髮同衫都一陣味。尤其而家冬天多數著冷衫，一般黎講好易吸味，無煙韓燒就最適合。睇佢個爐仔細細但火力好夠，好快就將肉烤熟食得，任食梗係要爭取時間啦！另外想特別同大家介紹嘅係薯條！韓式薯條有兜混合咗唔同種類嘅芝士，只要放上爐上面加熱，等佢半溶就可以用黎沾薯條！每條薯條都

我係klook到買左個韓牛拼盤2人套餐價值$410但去到店員同我講只係可以當$300用 我比左張憑證佢睇 入面講哂有咩套餐詳情 但佢一句 無依個餐就算我唔明如果無依個餐 點解可以係klook買到唔通我用$410 買$300現金卷？店員話幫我地處理 叫我等等我等左大約半個鐘 之後同我講番同一句說話話開店以黎未有依個餐既出現 無主動幫我去了解 只係話唔得態度極差 錢唔係問題 問題好似我呃佢個餐食咁點解唔係去幫我解決問題 而係話我地買錯 用唔到 唔得但我已經比哂證據佢睇 上網klook即時重可以買依個套餐 佢都係話唔係佢地有問題 咁問題唔通係我到？香港既服務質素去到咁我只可以一笑置之最後我選擇退款算建議大家唔好去比錢買難受比左錢重要比人覺得你好似呃佢咁有圖有真相 大家可以睇睇

8：45pm一行到埋去就俾個阿叔話「放題冇得食喇喎！！！」 非常趕客。得，我唔係來食放題架。。。不過旺角舖咁做收都幾出奇。之後，想坐門口單邊張檯，佢又話要洗爐 ，淨係可以揀迫夾嘅兩張枱 。其實個邊到我走到仲有人食緊。我在考慮邊一個位冇咁污糟嘅時候，佢就收咗我個menu,好似趕我走咁無奈我約咗朋友但手機冇電，不能改地點，唯有坐低。食物方面韓牛chuck roll $238 有8片比卡片更細，厚度0.5cm 的硬冰塊。完全沒有調味，更沒有肉味，沒有溶化的油脂，亦因為都未解凍根本燒唔出燶面，硬崩崩一舊灰色嘢，為到$29大元一塊。鵝肝bibimbap聽落吸引但明顯喺已經煮好咗好耐，然後搵個熱碟上，沒有返熱。鵝肝份量算ok,但個麵粉都未煎透。Carbonara年糕基本上每間韓店都有，但我從未見過落青椒紅椒。。。搞到個味不倫不類。無論食物還是阿叔的服務都差到你唔信。點收人$580？？？ Openrice 4.0 嘅分數真係唔知點得返黎。。。We were off to a terrible start with the uncle before I even set foot in the res