LAB EAT Restaurant & Bar (T.O.P This is Our Place)

營業中

休息中

好耐無同老公好好享受二人世界，今晚放工決定先陪老公睇波鞋之後再去食餐好的。行行下由於突然落雨，廢事再四周圍行，決定到附近商場搵間西餐廳浪漫一下。餐廳格局舒服開揚，裝潢設計精緻又有點格調。打開餐牌最估唔到竟然有Five course menu , 第一次見旺角有Fine Dining 餐廳，於是決定試試。頭盤煙三文魚,日本帶子伴墨西哥熱情果汁煙三文魚爽口鮮甜，日本帶子嫩滑甜美，沾上酸酸甜甜的熱情果汁，令人胃口大開。餐湯南瓜忌廉湯湯頭濃郁，南瓜味香甜，入口creamy 軟滑，非常喜愛。熱情果雪葩味道酸酸甜甜，可以用作清清味蕾，為下一道主菜作準備。12小時慢煮西班牙BB羊肋骨由於用慢煮方法烹調，所以羊肋骨肉質特別鮮嫩軟滑，而醬汁後加上面再入焗爐，所以味道完全停留向表面，沒有蓋過羊肉的鮮味，值得一讚！檸檬乳酪蛋糕蛋糕味道清新，檸檬味芳香撲鼻，甜味恰到好處。

This is my second time coming to Lab Eat. This time my friend and I tried their lunch sets and they were more affordable than dinner here. I ordered a medium Angus steak set and a ham and salmon salad set. I think the steak was a little bit more rare than expected but otherwise good and juicy. The sweet potato fries were also very tasty😋 The salad was good too and the green olive sauce was definitely its highlight. The passionfruit sorbet was handmade and not too sweet so I really liked it. Orig

和好友慶祝生日，梗係要揀間有情調又好味既餐廳餐廳位於大廈高層，有室外室內選擇，窗邊和室外座位均可暸望彌敦道燈火，雖不是海景卻別有一返情調點左兩杯餐前酒還免費送小食一客（薯條）cocktail 味道淡左d， 顏色都唔夠靚，勝在平平地，跟餐前酒奉上的薯條都好普通免費面包反而有驚喜，外脆內軟，配埋橄欖油和黑醋好好食，不過只得三小件實在太少，我地有再order $20 有五塊都幾抵！海撒沙律配煙三文魚份量少左d 沙律菜都新鮮嘅！慢煮去骨法國春雞望落去似豪大大雞扒🤪吃下味道都有少少似，但口感唔油之余，仲皮脆肉嫩，配菜薯仔粒都好好味，無骨又食得好方便！我地成碟清晒新鮮海膽蟹膏蕃紅花扁意粉成碟份量都唔多，海膽只得細細一片，而且完全食唔到蟹膏味，係好普通嘅一碟意粉慢煮牛尾肉馬卡風芝士意大利飯一上台就覺得係咪用錯碟，成pat就甘倒係碟上～好彩味道卻唔差，意大利飯煮得剛剛好，每粒飯都入晒味，不過賣相真係要扣分總括來講，呢間餐廳都唔錯，環境好ok，有二人/四人桌也有一些大圓梳化適合成班朋友聚會。餐廳外又可以望下街景影下相。食物質素不過不失，環境就有80分！

適逢星期五 做野咁辛苦 當然要同朋友食餐好既慰勞下自己 ❤️入到餐廳氛暗既環境 營造相當浪漫既格調 而且座位非常闊落 坐得好舒服同朋友就隨意點左兩款單點產品分別係 鮮海膽蟹膏番紅花扁意粉 （$188）同埋意式牛肉三重奏闊條麵 （$168）非常值得一試係鮮海膽蟹膏番紅花扁意粉！除左面頭既海膽之外 幾乎每條意粉麵沾上海膽既味道 非常鮮甜濃郁 平日好鐘意食海膽既我好鐘意而意式牛肉三重奏闊條麵味道都唔差既～一邊食既時候都留意到旁邊唔少人慶祝週年紀念同埋有點牛扒食 賣相都好吸引 厚切大大塊 下次黎都要試下！埋單開頭以為好貴 但其實經openrice 訂座都有折扣 都幾值得試

第一次食呢間餐廳，今次因為就腳所以試下。環境方面好靚好有feel，但系服務方便真系好差，尤其是一位白色衫戴眼鏡既男服務員。落單既時候好吾耐煩，令我不禁懷疑我地做左啲咩得罪左佢？佢無論系語氣定表情刀表示好不滿。佢一定要我地講出聲食咩，我地指埋比佢睇刀系吾得，我地講出黎既時候，又會因為我地冇講要咩配料要佢問而不滿。我地第一次黎，對餐牌吾熟悉吾清楚吾可以一口氣落單吾代表要受佢氣架嘛。仲要吾系我地揮手叫佢落單先唸，而系佢自己走過黎問我地，依家又吾系考試，唸下揀下刀吾得？叫完餐，有個服務員叫我地食住包先，個包系暖既，搣開仲有煙出，值得一讚，但我地食完個包一直等，差吾多半個鐘有個服務員上左一個沙津（其中一個只食沙津），當時白衫服務員即刻過黎拎走番個沙津話要等齊先上。之後再等15分鐘，終於有湯上，我地其中4個叫左湯，於是我地其他人唯有繼續坐住傾計等上餐。飲完湯再等15分鐘終於有肉食。之後當我地請求佢幫忙影相時，佢表情極度嚴肅，鏡頭對準我地然後一直望實個電話，於是我地問佢，o吾ok個位？我地洗吾洗郁一郁？佢用好強硬既語氣講，你地吾洗郁，我郁緊啦！之後再叫其中一位女士靠後少少，佢仲要再叫我地其中一位個樣

Just did not expect that there’s such a legit western restaurant in T.O.P. 😂 We had escargots as appetiser and a chicken caesar salad. Then a roasted spring chicken, steak and fish fillet wrapped with ham. Everything was up to standard except the fact that it’s hard to eat the fillet with the ham 😅 The waiter said that was their most iconic molecular gastronomy dish but I didn’t appreciate it that much😂 It tastes pretty good though, just slightly expensive.

高水準高品質的西餐, 嚟到旺角想找一達舒適自在的 地方食個午餐.top 商場都有幾多選擇， 呢個商場平日比較靜頂樓的食肆人流都唔算多， 今日就去咗最頂層的一間西 餐廳餐廳座位非常舒適， 冷氣夠曬 涼快。餐廳的服務員 跟足西餐的儀式。我哋叫咗個西班牙黑毛豬拼薯菜， 首先啲薯條並非現成薯條， 而係原隻薯仔批出來的食落薯蓉味濃烈。之後就到過西班牙黑毛豬， 份量都幾多下總共有兩塊， 西班牙黑毛豬肉 嫩滑 ， 咬落豬肉味豐富。煙三文魚拼西班牙八爪魚， 伴碟還有很多蔬菜。煙三文魚包到好似朵花咁靚， 西班牙八爪魚非常爽口。算係用心製作，勝價比高的一間餐廳。_

好多人慶祝活動都會選擇喺lab eat 渡過，如果覺得晚市價錢有d貴，大可以好似我咁去試下佢地既lunch set，食物質素一樣高質，同時價錢亦抵好多。今次同男朋友黎，一人一個lunch set。首先會有餐湯/前菜沙律，我地每樣都要左一個。餐湯係羅宋湯，蕃茄味超級濃，而且亦好足料。更令我驚喜既係沙律，除左沙律菜竟然仲有燒牛肉粒，份量亦唔少，而且有肉味。主菜方面，我要左香煎龍利柳半香蒜檸檬汁。魚身煎後的面層微脆，十分香口，而入面仍然保持嫩滑質感。配合檸檬的清香，既能辟腥，亦可以突出鮮味。魚嘅下面有紫薯蓉，甜甜地好好味。男朋友就要左炭燒安格斯肉眼扒伴甜薯條。肉眼脂肪分佈平均，炭燒後肉眼扒上的脂肪變成甘香的肉汁，加埋炭燒既香味，好正。另外用上蕃薯代替平時既薯條，除左有新鮮感仲健康啲。另外跟餐+ $25可以有一件蛋糕做甜品，今次要左朱古力brownie & 藍莓芝士蛋糕。brownie唔會太乾，芝士蛋糕都夠鬆軟。兩件蛋糕都唔算好甜，加埋餐飲，非常滿足。

T.O.P. 是什麽意思 TOP 就咁睇當然個個都知啦,但原來可以形容旺角This is our place 大厦5楼Lab Eat 餐廳也很合適喎！不論環境,室內外空間,服務和食物,都可以給讚 !餐廳在商場5楼,搭𨋢或電梯一樣方便！門口很寬敞！餐廳地方很大, 佈置不同座位for 不同客量的安排！我地入座後不久也聽見服務員安排有枱10幾20人的訂枱！另外餐廳平台有個很多的户外用餐坐位,那天雖然有雨,但也很客人鐘情在户外用餐！話說我地叫咗今日晚餐頭盤有：煙三文魚配日本帶子墨西哥熱情果dressing三文魚和帶子是一對好朋友,很多時都安排一起,但今次加上墨西哥熱情果的sauce,吃來更加有一個新的化學作用,很好味！生牛肉薄切配黑松露醬伴沙律菜吃來非常清爽開胃的一個頭盤！是日餐湯配上油醋法包餐湯濃郁配上法包, 是吃西餐的靈魂所在！在食Main course前先來一個青檸雪芭清爽下啲味蕾,又係廚師很好的安排！慢煑BB羊肋骨,肉嫩帶有少少羊的獨有羶味,份量很夠！good!香煎鹅肝配美國牛柳, 5成熟, 本人最喜歡這個熟成度,廚師掌握得很好！正呀！是日甜品！精彩,精彩,一顿豐富的晚餐！

同個朋友出來聚下，一段時間冇見，一定有好多話題要傾，找個地坊好坐嘅，就約喺旺角T.O.P Shooping mall 內嘅Lab Eat 晚餐。 每次來想坐外面露台位都坐唔到，咁啱都係因為天氣唔好。 喺旺角咁煩囂嘅環境， 有個咁嘅露台空間，真係唔錯令人好放鬆！今日都係落雨，唯有坐室內，一樣咁舒適！點左個五道菜式精選晚餐每位45元慢慢食，慢慢傾……前菜日本帶子伴墨西哥熱情果汁煙三文魚同鮮帶子沾咗啲熱情果汁酸酸甜甜好醒胃！傳統意式生牛肉薄片伴黑松露醬及火箭菜 牛肉好嫩滑同松露醬好夾，加埋火箭菜口感清爽！精選 廚師餐湯好濃郁，好鮮！每日精選手工雪芭青檸味嘅雪葩令味蕾 好清新！主菜極品西班牙紅蝦海膽墨魚汁意粉墨魚汁意粉好彈牙，紅蝦賣相好靚啖啖肉 ！12小時慢煮西班牙BB羊肋骨面層搽咗芥苿醬嘅羊助骨有少少羊騷味，切開好嫩滑，慢煮同燒焗嘅效果係唔同風味，冇 油膩 食得健康啲！甜品鮮焗朱古力心太軟，好香甜！切開啲朱古力流出熱辣辣加雪糕，冰火交融，好味！今晚坐得舒服，個餐又好味， 覺得依度真係唔錯嘅聚腳點！

尋晚難得第一次來到好評如潮的人氣餐廳，一入到去就被告知只有一個半小時進餐時間。說真的在這樣有氣氛情調，價錢偏貴的餐廳，用餐時間卻這麼小，已覺有點不值。食物還好，可以接受，但在我們用餐一小時後，已有職員催我們結賬，但未拿出單來。被通知後，我們便立即叫甜品，但等到廿分鐘都無上甜品，之後一位似經理的職員走來通知我們甜品未上同仲有十分鐘就夠鐘，全程似訓導主任訓話，黑口黑面很沒禮貌，但其實我們已等甜品已等了廿分鐘。其間一些職員並是黑口黑面態度甚差。最離譜是我們見其他點了酒的客人比我們早入場都未被催走，但我們就不斷被人催走，可能因為我們無叫酒不是大客，但其實都食了一千蚊。絕不會再去第二次，這樣的價錢換來受氣的服務態度，十分離奇。

首先一入坐，個侍應態度就已經好差，三番四次都令人覺得我而家入嚟食就係嚟受罪，咩叫一係食一係就唔好食，係我咁傻先會選擇食埋落去，真係令人背脊骨落。跟住黑毛豬烹調尚可，不過唔夠入味。但係之後田螺鹹到既食唔到黑松露嘅香，又食唔到田螺嘅鮮、另外個bbq八爪魚更令我覺得我食嘅係甜品而唔係主菜。個海膽意粉d海膽又唔新鮮，意粉又半生，係咪個侍應就係老細？我駁返佢，佢就嬲到要俾我食垃圾？佢連米線陣嘅服務態度都不如。朋友話我哋應該食牛，牛先係呢度主打，咁如果除咗牛其他嘢都煮唔好，不如叫beef eat算啦？同樣嘅價錢我實在有太多選擇，很抱歉此餐廳永冇下次。以咁嘅質素，相信都只係想掙一筆，跟住離場。希望下次去top, 可以見到新人事新氣象。

與閨蜜約會旺角行街，睇戲，晚飯，最後到T.O.P商場五樓的*Lab Eeat*晚餐，有約會在旺角我都喜歡到這用餐，原因是對這裡的食物有信心，環境理想…… 今晚與閏蜜選了個 ;Dinner set $458/位送上的法包熱呼呼夠鬆軟！+$138升級指定生蠔美國蠔很新鮮，爽口清甜！頭盤;煙三文魚，日本帶子伴墨西哥熱情果汁帶子嫩滑配上熱情果汁很清新。傳統意式生牛肉薄切伴黑松露醬及火箭菜咀嚼火箭菜很香芝麻氣味，生牛肉很鮮嫩！精選廚師餐湯香濃甜美南瓜湯每日精選手工雪芭法國青檸雪芭很清新！主菜……西班牙紅蝦海膽墨魚汁意粉蝦很大隻，海膽鮮甜，意粉煙韌潤澤味道鮮美。美國牛柳伴法國鴨肝(200g)牛柳50%熟，切開呈粉紅色非常嫩滑！鴨肝甘香！甜品+咖啡或茶很豐富的一頓晚餐！大滿足！

滿心期侍的一餐但遇上服務態度參次....  一開始食已一肚火坐大堂, 仲要限人頭每位$300, 不是貴, 而是覺得環璄跟服務水準不值趕著收碟, 係放沾麵包的油醋碟....OMG食物質素一般, 環境逼, 出菜太慢.....感覺很不舒服 ******************************海膽多士, 斧頭扒---- 可一試

T.O.P. (This is our Place)旺角新蒲點。新商場位於彌敦道700號，與港鐵旺角站連接起來，超方便。T.O.P.𣾀集多個潮流品牌與食店，所以急不及待約班friend去蒲下。 5樓有間LAB EAT 餐廳，簡潔時尚設計，落地大玻璃，又有戶外平台用餐區，可欣賞繁忙旺角之日與夜。餐廳空間感十足，有舒適圓卡位供三五知己邊談邊吃。點菜後，先來一客微暖脆口小法包，配油醋。即為此加分。廚師精選是日餐湯，味道濃郁。頭盤新鮮美國珍珠蠔,值得一讃個 sauce，提升了蠔嘅鮮甜味。非常好。再來煙三文魚，帶子配墨西哥熱情果汁，開胃。Main course 前，用青檸味雪皅清新一下味蕾，再品嚐主菜，極品西班牙紅蝦海瞻墨魚汁意粉。豐富蒜香墨魚汁意粉，新鮮海膽，大大隻紅嘏，美味可口。甜品拼盆也不怠慢，巧手精工。士多啤梨乳酪，小 cheese cake 還有這個可愛小雪球。侍應招呼很不錯。不錯的新聚腳地。