LAB EAT Restaurant & Bar (T.O.P This is Our Place)

營業中

休息中

如果要我係旺角區推介一間西餐廳，我絕對會推介呢度，無論食物味道、環境同服務都好。今晚同男朋友再嚟，試下未試過既菜式。餐包烘得微暖，沾上少許油醋，簡單的美味。下一道係Octopus Terrine,賣相好似藝術品咁靚，八爪魚、木魚、三文魚籽既混合，好有fusion 既感覺。海膽多士次次嚟都會食，大塊既海膽睇顏色已經知靚，入口軟滑鮮味，配上脆脆既多士，令人欲罷不能。湯品方面有兩款-牛肝菌湯配黑松露泡沫同瑞士芝士焗法式洋蔥湯。前者菇味濃郁，入口好順滑，我最怕稠得過分既西湯，呢個非常有水準。洋蔥湯相對之下比較濃味，帶芝士既咸香，都幾特別。主菜係西班牙黑毛豬鞍，兩大塊既豬鞍厚度十足但食落一啲都唔乾唔韌，帶點爽彈之餘仲好juicy,可能想突顯豬既肉味所以調味比較淡，如果濃少少會更啱我口味。最後既甜品係車打芝士蛋糕，上面既粒粒車打芝士咸香十足，下面既芝士蛋糕部分好軟滑，整體芝味爆燈，連埋旁邊酸酸地既紅桑子粒同甜甜地既蛋白泡，係完美既作結！

呢間餐廳環境唔錯，都好適合慶祝節日/紀念日架🥰🥳新鮮生蠔 （$69）生蠔鮮味十足🤩🦪味道一啲都唔會腥，配埋雞尾酒醬同檸檬汁，令鮮味更突出！如果再肥美啲就好啦🥳蟹肉海膽意粉（$328）海膽份量十足，質感係比較creamy，味道都唔錯！蟹肉大大舊🦀意粉配左龍蝦醬汁，味道都幾夾😋烤羊架（$368）羊架有三件咁多🤩餐廳用左鹽作簡單調味🧂可以食到原來嘅味道～ 我地叫左五成熟，肉質都幾香嫰，肥瘦適中😚車打芝士蛋糕（$118）蛋糕面層燒至微焦，仲有一片片車打芝士😋芝士味好香濃，蛋糕都幾滑身，唔錯！Blaster ($128)賣相好靚呀🤩呢杯係mocktail黎，飲落甜甜地☺️女仔一定好鍾意❤️House Wine (Glass $88)白酒偏酸，都幾refreshing，配生蠔就最啱啦🤩🦪

LAB EAT restaurant 已經不是第一次光顧，因為食物品質比較高，所以定期都喜歡過來看看有沒有新的菜單。今天下午大約兩點左右到餐廳，和老公吃一個休閒的午餐，加上餐廳內播放的音樂令人感到很放鬆，心情很舒暢。今天餐湯是薯仔湯，薯仔味香濃，質感幼細，喝下去非常香滑。餐前沙律感覺清新，食材新鮮。主食我們點了一個炭燒美國安格斯西冷牛扒和慢煮和牛面頰。西冷牛扒叫了七成熟，大廚很專業，出到來的牛扒燒得剛剛好，切下去看看，扒肉都是嫩滑的粉紅色，而且沒有血水。炭燒味香口，牛扒多汁兼且外脆內軟。慢煮和牛面頰，我還是第一次這樣子吃牛面頰肉，切一口吃下去，質比較獨特，慢煮牛頰肉煮得很淋，有一種入口即溶的感覺，加上大廚配製的醬汁，味道格外有層次感。甜品叫了一個雪葩和宇治綠茶班㦸卷，先吃一口雪葩，清新一下口腔內的肉味再吃綠茶班戟卷，感覺會格外香甜，班戟卷充滿綠茶的香氣，一邊吃着甜品，一邊看着窗外的景色，感覺非常寫意。這裏不論食物，環境和服務都令到我覺得很滿意，由點餐到上餐，都很專業，像在五星級的酒店內吃飯的，所以我和老公都比較喜歡定期過來。

🍴Jolie (Oysters) HKD69/1生蠔鮮甜得黎帶有爽口嘅感覺 好新鮮🙈呢款生蠔無好重嘅海水味 唔會覺得好鹹 清清地比較易入口☺️🍴Lobster & Avocado HKD338龍蝦他他☺️中間果層龍蝦肉非常多🦞唔會切到好碎 所以入口龍蝦味重之餘都好有實感🙈面層有牛油果 可以解膩 不過稍為有少少生🥑低層有個類似肉醬咁嘅野 微微酸辣 配埋一齊食相當ok🥰🍴Crab Meat & Urchin Linguine HKD328海膽蟹肉意粉☺️非常多海膽 都有成5 6片加拿大海膽 入口creamy得黎都夠新鮮🙈蟹肉並唔係碎碎 而係比一件肉食 一定唔會好似平時咁食完都feel唔到食左😹不過入口就有少少鞋口🤔意粉望落好似好少咁 但其實都幾多 龍蝦汁好足食落好鮮 意粉亦都煙韌有咬口🍝🍴Lamp Chop HKD368羊架☺️有三件 我地叫左5成熟 肉質都好嫩口同埋無乜肥膏😚用鹽簡單調味 擺盤有薄荷醬同黃芥末比我地點黎食😛不過羊架如果羶返少少就更好🤭而份量就真係要超細食嘅人先飽啦🤣🍴Cheddar Cheese Cake HKD118細細件cheesecake🧀面層有煙臐過 入口會有少少膿味🤔芝

餐廳環境係正嘅，裡面大，有露台可以坐出去，餐廳職員都好nice😊不過期望高於食物真正質素，下午茶價錢都偏貴，自然會有啲期望，我嗌嘅”香蒜白酒海鮮意粉”；香蒜白酒味幾乎係完全食唔出，配料同意粉食落感覺係分開兩樣嘢咁，但意粉嘅軟硬度就煮得啱啱好，同埋大蝦幾新鮮幾彈牙。至於下午茶包嘅咖啡係非常非常濃，濃到苦，要加奶先搞掂(不嬲我飲開黑啡都頂唔到)佢收得哩個價錢，但我覺得食物質素同價錢有啲唔成正比，不太值🤷🏽‍♀️

意大利煙燻沙甸魚多士沙甸魚溫度係凍，夾埋烤熱左既牛油多士味道配合得好，做到冰火相融白酒煮澳洲藍青口每隻好肥美，好新鮮，每隻都吸滿白酒汁和蒜香12小時慢煮澳洲M5和牛牛小排每每件牛小排都肥瘦均勻，而且用左澳洲M5和牛，燒出嚟有炭香味又唔會搶走左原本和牛味，建議可以夾一啲蕃茄或者芥末食，多一種食法亦都可以中和牛脂肪海膽燒蝦意粉出面食海膽意粉多數都係海膽醬，而真係原粒大大粒海膽俾你，就咁睇應該至少六粒海膽😍意粉上面跟住一大舊燒蝦，燒到有少少炭咪好香口荔枝加玫瑰mojito我好中意果甜味既飲品，呢個好香但係又唔會太甜熱情果mojito煙燻日式車打芝士蛋糕燒溶左既芝士再加日式芝士蛋糕，雙重芝士啱晒芝士控

在旺角TOP商場找了家西餐廳吃午飯，一入座店員便主動安排掛鉤放置紙袋，非常貼心的服務。點了兩份午餐，前菜沙律味道清新，沙律菜新鮮又爽脆，配上冷盤用的火腿更顯誠意。黑醋帶微酸，很開胃。南瓜湯口感綿滑，吃得到南瓜纖維的質感，可以自己再加一點點黑椒調味，令味道更有層次。炭燒安格斯西冷牛扒擺盤別緻，牛扒上的烤紋清晰分明，廚師有注重每一個細節。點了三成熟，火候剛剛好，看上去偏生但不會有血水，非常合我的口味。肉質軟腍，有牛味，沒有太多筋位。芥末醬和牛扒很搭配，芥末味不會蓋過食物的味道，配薯角吃也很滋味。海鮮意大利飯賣相吸引，讓人胃口大增，以石鍋上桌亦能保持熱度。意大利飯配上的海鮮不是一般的急凍海鮮，帶新鮮海水味，青口和蜆都大隻又飽滿，入口鮮嫩。意大利飯口感比較有咬口，但不會過硬，煮得很入味，菇和海鮮的香氣能融入整個飯。加了$38加配香辣薯角，分量很多，熱辣辣上桌，香口惹味。焦糖咖啡布甸軟滑非常，帶香濃的咖啡香氣，加上焦糖又能中和咖啡的苦澀味。雲呢拿雪糕有兩球，配咖啡布甸吃令味道更清新，讓人百吃不厭。兩杯飯後飲品分別為凍檸茶和凍奶茶，糖水和奶分開提供，可自行因應口味而添加。整體而言餐廳食物超水準，環

擺盤真係幾靚，好高期望，一食落口真係唔值呢個價，豬鞍仲乾過我阿婆，同食燒肉冇分別，仲要佢俾埋芥末醬，真係更加似。嗰羊仲誇張，話就話300g，兩三啖冇哂🤢，超級唔推薦，又貴

這個西餐很出色昨日和C小姐去了旺角b出口一出的商場，上了五樓食午餐。這個西餐廳食物認真覺得好食，Lab eat Restaurant & Bar 下次會再來。埋單連加一服務費大概304元，平均每人152元。-我們叫了兩個set ，分別是： 頭盤要餐湯主菜要免治黑毛豬及辣茄醬螺絲粉甜品要焦糖咖啡布甸飲品就叫熱檸水-另一個set，就叫:頭盤一樣是餐湯主菜要海鮮意大利飯甜品要宇治綠茶班戟卷飲品一樣叫熱檸水-先講餐湯，好幼滑，好好飲，未食主菜，淨飲餐湯都已經覺得好正。-海鮮意大利飯，每粒飯都有濃濃醬汁包住，而且意大利飯煮至軟硬適中，略有咬口，增添口感。青口又新鮮。蝦又煎得好惹味可口，略脆，略爽口，略彈牙，加上有鮮味，好味。-免治黑毛豬及辣茄醬螺絲粉，螺絲粉每條都有辣茄醬包住，不會太辣，其實只是微辣，增加食慾，又增加顏色上的視野效果。免治黑毛豬一小件一小件的，豬肉味好重，肉質又不會老，有咬口又有肉味，幾好幾好。-甜品就比較喜歡焦糖咖啡布甸。因為食完會齒頰留香，咖啡味超然地濃郁。旁邊的一些餅脆脆又好脆口，好好味，布甸上面的咖啡醬好好味，好濃密 。

位於旺角t.o.p 商場嘅 lab eat 位於旺角嘅中心點。除咗地理位置優越，餐廳裝橫都富有格調。如果外面沒有下雨更加可以坐出平台用膳，欣賞美景。 環境尚算寬敞， 同隔離枱相隔都有一段距離， 而枱邊亦裝有透明隔板。 餐廳枱面用咗雲石材質，增加咗高貴嘅格調。但反而杯碟都較為普通，還好個蠟燭燈都幾優雅， 襯托到個雲石檯面。 西餐必有嘅 餐前麵包，麵包好鬆軟，外層又鬆脆，香味十足，餐包算唔錯。意大利煙燻沙甸魚多士， 原本以為沙甸魚會好腥，但食落完全唔係嗰一回事。反而仲充滿煙燻 鹹香味， 再加上脆口嘅法國包配搭不俗。兩款餐湯 分別為 瑞士芝士焗法式洋蔥湯及牛肝菌湯配黑松露泡沫，洋蔥湯洋蔥味極濃， 再加上厚厚嘅芝士塊，配搭非常特別， 但相信唔係人人接受到。 而黑松露泡沫牛肝菌湯，湯味濃沃。薄薄一層泡沫增加層次，如果有更多嘅蘑菇碎增加口感相信會更好飲。龍蝦牛油果沙律， 食落感覺非常清新，龍蝦口感彈牙，但份量就少咗啲。兩款醬汁蛋黃醬同黑醋，味道亦不俗，在單調嘅蔬菜上面加點味道。12小時慢煮澳洲M5和牛牛小排， 千祈唔好睇少呢份牛小排，分量其實係極多，足夠吃飽我哋兩個人有多。 而且味道非常之好，牛肉

請客食飯旺角 T.O.P的 「Lab Eat 」就無有失禮。今日約了客戶食午飯，我早一日已訂了座，甫進內先做齊安心出行同體溫測試後，店員帶我們入座，高雅光潔戶外陽光照射下顯得更舒服，我們在半圓梳發位坐下，店員好有禮貌地為我們輕輕介紹今日午餐選擇項目。🍴今日餐湯店員為我們介紹今日餐湯是「金寳湯」，用了大量蜆肉熬製，入口味鮮口感滑滑。🍴花一樣的前菜這道食得健康的前菜，有我喜愛的藜麥同紅菜頭，酸甜醒胃在炎夏來說特別可口。🍴香煎加拿大三文魚柳配牛油檸檬汁先觀賣相已相當吸晴，煎得恰好的三文魚入口軟嫩不鞋口，三文魚魚脂豐富用煎來烹調更加香氣撲鼻，且營養價值高。🍴炭燒美國安格斯西冷牛扒 同樣是賣相滿分，五成熟的西冷牛扒恰如其分，特顯廚師技術，切了小件分享，口感是軟嫩可口，牛肉味香濃有嚼勁，牛腔朋友真係要試試，午市價錢品嘗到這質素，個人認為絕對超值。🍴甜品時間甜品一定是一餐最完美環節，搽茶班戟有香濃搽茶香味，加上微甜忌廉同麻薯增添不少口感。另一款甜品是我的咖啡布甸，我欣賞用圍邊的朱古力脆脆，配搭布甸同食軟滑又帶脆口，雖然是咖啡同朱古力味道一點都不甜不苦，所以我放心一個人KO 。☕️ 甜品配黑咖啡，整件事

臨近母親節亞女話提早慶祝，疫情底下避免正日人多餐包點完餐後店員就會送上餐包，而每張枱都放有黑醋及橄欖油，店員會倒入碟內方便客人可以用麵包蘸點食用，麵包軟韌有口，蘸點埋微酸醒胃的黑醋同帶點香草味的橄欖油，口感幾特別紅/白酒話明慶祝母親節點可以無酒，亞女點咗一杯紅酒可以配芝士，一杯白酒就配生蠔，果然識飲識食法國黑珍珠生蠔蠔肉飽滿結實，肉質爽脆，不加任何醬汁，入口時先嚐到豐富的海水鹹味，繼而喺蠔肉嘅清甜味，最後喺有淡淡榛果及礦物嘅回甘味，超正熱溶法國流心芝士餐廳用法國拉克萊特芝士，特點喺溶點低，店員會在你面前將表面已溶化的芝士用刀刮下半溶流質的芝士味道濃郁鹹香但帶點堅果味，配埋香草烤薯、西班牙辣腸及火腿，仲有醃漬椰菜及露荀沙律，真的美味又邪惡焗智利白鱈魚柳白鱈魚柳肉質嫩滑，魚皮煎得香脆，但入口好juicy又油潤，配以簡單的調味可突出魚的鮮味，一啲都唔腥慢煮西班牙八爪魚蟹膏意大利飯一般八爪魚煮不好會很韌很難嚼，但餐廳採用慢煮的做法，煮出來的西班牙八爪魚腳不但保留鮮味，而且非常軟腍彈牙，配埋墨汁及蟹膏兩款意大利飯，雙重享受煙燻日式車打芝士蛋糕上枱時店員會慢慢揭開玻璃罩營造煙燻效果芝士蛋糕以鬆軟

又一次來到這間旺角樓上餐廳，這餐廳每次都有驚喜給我。今次第一次坐戶外的坐位，空間感更大。在這旺角的鬧市樓頂食飯，印象中還是第一次。慶幸今天可以準時收工，仍可以欣賞到黃昏城市景。一如既往，當然也是要每個種類都要試一下。前菜意大利煙燻沙甸魚多士製作非常有誠意，多士烘熱再配上沙甸魚。白酒煮澳洲藍青口好新鮮肥美，青口與湯汁的味道好夾。十級推介。主菜十二小時慢煮澳洲M5和牛牛小排很有牛味，配上芥末醬，味道剛剛好。加拿大海膽蟹膏意大利粉海膽好鮮甜，個汁好特別，味道一流。甜品煙燻日式車打芝士蛋糕一打開蓋有好夢幻的煙冒出，拍照打卡一流。整體感覺很好，店員都很nice, 以後一定會再來。

週末就係母親節但正日出街食飯實好多人所以習慣提早開始慶祝之前食過尖沙咀店覺得唔錯決定試埋旺角呢間麵包餐廳會喺落單之後奉送餐包；麵包外脆內軟配埋橄欖油同黑醋微酸醒胃紅酒/白酒兩杯酒都唔錯；白酒啱配生蠔而紅酒就幾夾芝士生蠔法國黑珍珠生蠔肉白嫩飽滿質感清脆爽嫩而且海水鹹鮮較重同時略帶礦物甘甜熱溶法國流心芝士之前住喺英國嗰時食過真心推薦；同樣係將成磚芝士對半切開熱溶然後刮落芝士綿軟拉絲配搭香草烤薯以及西班牙辣腸同火腿鹹香惹味同時夾啲醃漬酸菜同埋蔬菜沙律消膩減滯慢煮西班牙八爪魚蟹膏意大利飯西班牙八爪魚腳爪粗壯經過低溫慢煮肉質軟腍鮮甜混合墨汁飯以及蝦膏飯兩款意大利飯鹹鮮同時甘香焗智利白鱈魚柳白鱈魚柳魚皮煎封焦香薄脆而且肉質嫩白彈滑簡單調味已經可以烘托魚肉清鮮煙薰日式車打芝士蛋糕煙薰視覺效果滿分車打芝士經過炙燒半融配搭忌廉芝士打發綿密以及海綿蛋糕口感鬆軟入口鹹甜混夾層次豐富

成日見到IG有人打卡呢間餐廳，今日終於決定要試下。嗌咗三樣嘢：三件海膽多士、一份澳洲M6和牛柳伴鴨肝、一杯Emerald love海膽多士：海膽好新鮮，非常鮮甜沒有苦味，品質很好，值得推介。Emerald Love ：這杯飲品造型很漂亮，也是因為被呢杯飲品吸引而來。但飲落真係唔識欣賞。牛柳伴鴨肝：鴨肝都算嫩滑，配上汁醬好吃，但和牛就有些失望，我要5成熟，但食落覺得好鞋，沒有入口即化的感覺，講真，咁嘅價錢真係唔值得。這間餐廳給我的整體感覺，打卡一流，但性價比真的唔高。