LAB EAT Restaurant & Bar (T.O.P This is Our Place)

營業中

休息中

琴日係旺角TOP行街，同朋友行街，想買d 禮物送俾d 朋友。行行下，出面落好鬼大雨，到晚餐時間，唯有係入面搵野食，就係TOP 5樓搵倒呢Lab Eat 既餐廳。係出面已覺得佢裝修得好靚，入去時唔洗排隊，可能未夠7點，坐低後，waiter 會解釋下個Menu.我地叫左少少野。但黎野食先前，黎左餐包先，唔係頹既，waiter 會幫你落olive oil ，包既麥味夠重，食得出係足料包，仲要出黎個陣仲係脆。首先前菜叫左兩隻西班牙黎既生蠔，配有醬汁。好大隻，加完汁，第一啖食落去好有蠔味，海水味夠，唔腥，好食，好值得去試下。之後黎左個八爪魚Octopus Terrine. 用八爪魚配上三文魚子，酸酸既醬汁，凍食咁上，食落有多重口味口感，好好食。份量都夠。主菜係豬鞍。食左個28日熟成豬，慢火煮到7成熟。少少粉紅，唔會太韌，豬味濃。好食👍👍總的來說，呢間環境好，野食高質，黎慶祝就最岩喇。

旺角T.O.P 都有間咁有情調嘅西餐廳，有室外同室內位置，當然炎炎夏日我地一定要揀坐室內啦Emerald Love －先黎一杯打咭drink, 個波好似水晶球咁，好靚，飲品係青檸，檸檬汁加蜜糖，好好飲，唔會藥水味阿拉斯加長腳蟹牛油果沙律－首先擺盤已經精美，沙律非常新鮮，長腳蟹配綠茶粉特別得黎又唔錯，驚喜係塊葉好精緻，朋友誤以為真，原來係麵粉加蛋白造成，脆脆地，基本上整個盤都可以食得白油煮澳洲藍青口－係我食過最滑嘅青口，白油煮青口加蒜頭香草，香氣四溢，連個汁都可以當湯飲慢煮西班牙八爪魚蟹膏意大利飯－首先要讚擺盤又係超靚，五顏六色打咭一流，然後味道方面，慢煮八爪魚令八爪魚熟得黎唔會靭，又容易咬同切，保留住八爪魚本身嘅鮮味，一向怕食墨魚汁飯因為怕食到成口黑晒，但依個risotto 就一半一半，食完都唔會黑晒，加上蟹膏更creamy焗智利白鱈魚柳－白鱈魚煮得剛好，啱啱熟，好滑，白鱈魚好少整到好滑，而皮就煎得金黃香脆冷凍榛子果仁凍批及拖肥蜂蜜窩－甜甜嘅拖肥加上紅莓乾嘅酸中和，為晚餐劃位上完美句號

很久沒有與我的好友聚聚，今晚我選了旺角鬧區T.O.P商場的Lab Eat Restaurant & Bar。當我們一入到去被安排圓形梳化位，環境很舒服，坐位很寛敞！香煎頂級法國鵝肝：鵝肝很厚又香口，咬落去很多汁，不但不會油膩，而且入口即溶，配上芒果汁，感覺很清新。阿拉斯加蟹肉海膽扁意粉：意粉面鋪上一排的海膽和蟹肉，而海膽汁沾滿意粉，意粉又很彈牙，味道非常濃香，每一口意粉都是海膽鮮味，分量很足料，所以食得很滿足！ Blaster : 職員用泡泡氣槍即場在杯面噴霧氣煙泡泡，不但令我們感覺很新奇，而且打卡簡直一流！而杯飲品滿溢著香玫瑰荔枝味，感覺很清新。

朋友慶祝生日，為識得出煙嘅波波飲品慕名而來。第一次來食，店員都好nice同埋環境幾好。食物質素不錯，因為fusion牌頭所以款式新而且多，日式食材配少少西式做法。唯一失望係慢煮牛太乾身。其他海鮮凍盤，海膽多士同帶子刺身，意大利飯，粟米雪糕等等都甚有水準。唔知係咪因為限時(無人等位可以繼續)定係怕食唔哂，店員見我地點得多仲會提一提，見我地自拍影相又會主動問需唔需要幫手，幾真誠又細心。慶祝嚟講呢間餐廳係會食得好開心。

喺旺角B4出口入商場上電梯就到Lab Eat，非常方便就腳，唔洗過馬路、喺熱辣辣嘅街上搵嚟搵去，岩哂我呢啲懶人~中午嚟呢到食個Lunch，場內環境好寬敞，有多個大玻璃窗，可以喺日光下享受美食，係幾唔錯嘅~是日餐湯香醇濃郁，一睇就知係正嘢！好多劣質嘅，都係又稀又油膩，但呢款忌廉湯就非常濃厚，仲帶一份微甜嘅感覺~主菜炭燒安格斯肉眼牛扒上場~非常精緻，順住肉上的坑紋切開，五成熟的牛扒鮮嫩無比，入口軟嫩，又帶嚼勁，一股炭燒的獨有香味撲鼻而來。配菜除左有薯角，仲有美國蘆荀~清新微甜，實在係完美嘅點綴~而且，上網查到，原來佢抗病能力好高，岩哂依家仲身受疫情其害嘅港人呀！甜品就點左蘋果肉桂蛋糕，唔太甜，蘋果同肉桂味都好濃郁，比例恰如其分，真係幾唔錯~

Lab eat 以前都黎過,我特別鐘意佢係繁華既鬧市入面，有一個細細既綠洲咁，整體既裝修都比人一種好chill 既感覺，而食物既質素都唔會好差。有唔少既餐廳為左比你打卡，已冇左食物既質素。Lab Eat 就完全唔同，比人一種好平衡既點。每次黎到食既時候先會上一啲面包，面包再加上橄欖油同黑醋，作為一個飯前開胃小食係唔錯既，但今次既包好似有啲唔太熱，如果可以再熱少少，咁就perfect啦。之後就點左兩個前菜同埋湯。第一個前菜之前係冇食過既八爪魚凍餅，廚師先將八爪魚整成餅狀，再加上唔同佐料，例如三文魚子同埋一啲帶酸既汁。可惜係本身八爪魚太難入味，當就咁食個八爪魚個時，味道就一般，但好彩既係八爪魚本身處理得十分之好，唔會好似橡膠咁。個口感一流！好煙韌！大家食個時記得連埋佐料一齊食，一定唔會令你失望。第二個就係海膽多士，一如既往都非常好食，海膽非常之新鮮，而且Lab Eat 都唔會咁孤寒比好少海膽客人，一上就幾乎係半板海膽咁。兩個湯分別係蘑菇湯同埋洋蔥湯。個人比較鐘意蘑菇湯，對我黎講，個洋蔥湯太過重口味，而蘑菇湯就比較creamy 但又唔會太過重口味，所有野都岩岩好。Main 就係燒豬架！豬肉真

很久沒有約這位朋友吃飯了，是日到旺角一間餐廳聚一聚，我們7點半左右到，進去坐下之後店員也主動斟水和端上餐牌。 我們叫了生蠔，龍蝦肉牛油果沙律，炭燒安格斯西冷牛扒，慢煮西班牙八爪魚意大利飯，還有白酒2杯。最先來的是餐前麵包，外脆内軟，配上橄欖油和黑醋額外醒胃。然後就是生蠔了，生蠔肉嫩，海水味雖重但甘甜，不習慣的可以加多點檸檬汁~龍蝦肉牛油果沙律的話，龍蝦肉質非常爽而厚，配上牛油果的香，很不錯。慢煮西班牙八爪魚意大利飯的意大利飯很好吃，味道剛剛好，吃多也不會膩。我的最愛，炭燒安格斯西冷牛扒，叫了5成熟，火候掌握的很好，而且牛扒油脂豐富，吃下去很香，我和朋友都吃得很滿足。 紅白酒則正常發揮。最後叫了一份粟米雪糕，完美作結~總的來説這家我會推薦給喜歡在優雅環境吃精緻食物的朋友的呢~

經朋友推介，今日終於有機會試下旺角依間高質西餐廳!餐廳裝修好靚，環境十分舒適，果然無介紹錯!頭盤有日本帶子薄片及海膽，份量超多，一入口，無論海膽定帶子，都超鮮甜，加上三文魚籽、海膽醬，好特色好開胃。之後係法式鵝肝，一上檯，已經被擺盤吸引住，忍唔住相機食先!之後將鵝肝切成一小塊，食落香口又唔油膩，配上超甜菠蘿，超正!終於到主菜，阿拉斯加蟹肉海膽扁意粉，海膽份量唔少，十分足料！一入口，蟹肉同海膽都十分鮮甜，扁意粉口感煙靭，加上濃郁鮮味嘅海膽醬汁，令人食唔停口！而甜品賣相同樣精緻，真係食得又睇得!最後係飲品，以果汁為主，但唔會太甜，真係好得意，好夢幻，打卡一流!

好耐冇行mk ，行完就去食lab eat 收尾！由佢岩岩開到兒家total 食咗3次 佢地食味水準係越食越有進步食包包先， 點黑醋同橄欖油食！個包仲係脆脆地嘅叫咗佢地是日生蠔試下2隻同朋友一人一隻！唔錯架幾鮮同算係肥美嘅飲杯白酒過一過先！見到都好幾枱人客有飲酒繼續黎個龍蝦牛油果沙律，成個擺設好靚好適合打卡我特別鍾意佢啲龍蝦肉夠爽口入味本來以為呢塊唔食得原來係啲餅上面有龍蝦汁！跟住就係牛扒牛扒牛扒！重要野講3次係我鍾意嘅牛扒，外面燒到燶燶地但又唔會食到有燒燶嘅味！五成熟切開都幾靚！ 嗰啲黃色一點點係芥末醬俾我哋點嚟食嘢！個牛扒肉質幾好唔會韌同冇咩肥位多一個主菜, 墨魚risotto ！啲飯有一定嘅硬度但唔會硬到好似生米咁食唔到！而且嗰調味比較濃未好掛汁！擺設有好靚可以再打卡最後係粟米雪糕！好似粟米而且好有粟米味，唔會太甜！期待下次再黎食

LABEAT見上網好多好評，唔想過海就搵間方便嘅西餐～ 呢一間有套餐比選擇困難症嘅我，但因為今日唔算太餓，就少少地食左幾樣單點. 地理位置好方便，地鐵站一出b出口搭笠就到，環境好有氣氛，仲有table candle 呢！旁邊仲有落地大玻璃，亦都有戶外位置選擇，不過夏天天氣熱就坐室內了！因為天氣太熱，叫左凍盤法國生蠔🦪$68 ，配上左兩種醬汁選擇，一款係酸酸甜甜嘅泰式風味，另一款係微微辛辣，似bloody mary嘅醬汁,兩款都好開胃，我自己覺得食生蠔配檸檬汁係最好，最能夠帶出本身蠔嘅鮮甜味，呢一款肉質唔係超級肥厚，但係味道非常濃縮，海水味好重，微微礦物味嘅rich taste, 唔會腥好滑身爽口，做starter 好正！我留肚食龍蝦所以就無叫半打啦～ 主菜叫左西班牙龍蝦尾意大利飯$398。呢一個意大利飯十分之高質,首先主打嘅西班牙龍蝦尾非常大隻， 超過一隻手板咁長，肉方面已經起咗殼好方便食，唔使怕要自己剝殼咁麻煩，尾巴會連着個殼，唔怕會重用個殼或者唔係個隻龍蝦（出面差少少嘅西餐真係會咁做㗎！）龍蝦肉厚實、彈牙、爽滑，龍蝦味重，唔會淡口，咁大隻咁厚肉，但一啲都唔鞋口，唔會韌，絕對食得出鮮

第一次嚟旺角呢一個商場，呢一間餐廳係朋友選擇，雖然價錢唔係非常之平，但朋友食過話好高質素，好適合慶祝搵到新工，所以就嚟呢度食啦！一入到LABEAT覺得環境好舒服寬敞，唔會因為限聚令所以令座位好迫夾，侍應都安排咗一張好靚嘅梳化卡位俾我哋坐，感覺有私人空間傾計，非常良好。侍應知道我唔飲酒精飲品，所以推介左少女心滿滿嘅Mocktail Narcissus $88，有玫瑰糖漿、荔枝果肉、檸檬汁同雪碧，淡淡嘅粉紅色，清爽嘅味道，配肉食一流，唔會好甜，幾推薦！仲要知道我同朋友一齊叫，上枱嘅時候用食用嘅係槍幫我哋嘅飲品吹左波波，仲提醒我哋立即打卡影吓相，泡泡連成一條橋超得意！好適合情侶啊！餐包唔同出邊嘅餐包通常配牛油，呢一度侍應會提供橄欖油同陳醋，所以會比較清爽同開胃，呢一度嘅餐包質地相對厚實，唔係超鬆軟個一款，接近歐式麵包，外脆內軟，唔會成個空氣包，味道簡單樸實，加埋陳醋酸酸香香！熱熔法國流心配香草烤薯、西班牙辣腸及火腿$218呢一碟係見到餐牌有全版介紹，好似好好食而叫左，以前電視機上面成日見到有一個好大嘅半圓形芝士，呢款就係raclette french cheese ！侍應會將用熱火槍燒溶咗表

假日要出外走走，放鬆一下，所以我們先在這裏吃個午餐，再到附近逛逛。午市套餐有兩道菜和三道菜可選，我們選了三道菜($168)。頭盤選了每日餐湯南瓜湯。南瓜湯份量適中，在湯裏可看到一粒粒與南瓜湯融合的食材，南瓜味濃郁中帶着柔和，湯頗綿滑。熱奶茶的奶分開，可按自己喜好添加，茶味較淡。凍拿鐵(+$20)頗大杯，不過不失，在炎熱的天氣點凍拿鐵也是一不錯的選擇。主菜選了煙三文魚及沙甸魚配炭燒羅文菜沙律。沙律菜整條放在左邊碟，在新鮮爽甜的生菜灑上芝士碎片和澆上黑醋，清爽中帶點酸甜，十分開胃。三文魚及沙甸魚捲成三個玫瑰花，煙三文魚柔滑的鹹香和沙甸魚粗獷的鹹香相得益彰。旁邊很伴有兩小個芒果味的脆伴碟，脆、軟、爽的配搭帶來三種不同層次的口感。炭燒美國安格斯西冷牛扒300g (+$78)，五成熟的牛扒比上次燒得更具水準，外層燒得出牛肉的濃香，切開牛扒，肉汁滲出，口感扎實，讓人垂涏欲滴。份量頗大，性價比高。炒野菌($38)，各種野菌粒放滿一碟，份量頗大，菌類炒得非常香脆。辣味薯角($38)，薯角不太嚐到辣味，蘸茄汁吃更佳，份量頗大。甜品有多款可選，玉桂蘋果蛋糕賣相甚佳，蘋果片置於蛋糕頂層，玉桂和蘋果柔和的味道

Lab Eat材料廚藝一樣贏 Menu 解說所謂的「兩」/「三」道菜是指：甜品、Main Course、前菜　的數量所以，Main Course點都係得一個。但就可以選擇加不加其他野。前菜：沙律．熱情果汁・海膽Waitress Sell話係加拿大嚟嘅海膽。雖然份量超大粒，但已經足夠搶focus... 第一次見有廚師加海膽係沙律度。屈。我更加中意熱情果嘅汁醬，甜甜酸酸，當中帶好少好少嘅辣味。感覺好爽。果然係實驗室食嘅野（Lab Eat）Main： 美國穀飼雞胸配香辣牛油果醬正常發揮得幾好。雞胸肉本身好易煮到好鞋，但佢慢煮就處理得幾好。牛油果醬就應該係新鮮打，同我屋企自己整嘅差唔多口感。香辣就唔係好辣，感覺無辣度可言。哈哈，都係好事。每個Main Course好似～按我同朋友所點的，都係有薯菜，都夠碳水化合物provide energy. 所以，感覺都唔洗再加$38叫薯仔食。甜品🍮：雪葩當日食嘅係菠蘿雪葩🍍 雪葩是比起雪糕更加「冰」，水份多過牛奶嘅結晶物。所以感覺就薄身過雪糕。凍冰冰配上Hot Latte 就更加夾﹗

Lattle 加 $15就有感覺係抵過出面Pacific / Star

夏天天色很美，但實在太熱，想嘆着冷氣享受藍天白雲，在鬧市中一樣可以有好選擇。這天傍晚在旺角考試前就在位於T.O.P內的4樓空中花園Lab Eat享受著這樣的一個下午茶。下午茶套餐有多款選擇，我們選了松葉蟹煙肉煙三文魚黑麥麵包三文治🥪$128松葉蟹肉質軟滑，味道鮮甜，口感綿密，加上煙肉煙三文魚，及鬆脆無比的黑麥麵包，很有層次感，口感及味道配搭一流牛油果羅文菜沙律🥗 $150牛油果新鮮好味，沙律菜不會冷冰冰的，足料好味在這裡滿足了美食及環境的雙重享受

一早有聽過lab eat呢間餐廳，今次終於試到旺角TOP分店好光猛，平日下午同男朋友安排坐卡位，舒服闊落🙂Lunch menu有分兩道菜同三道菜，分別係$138同$168，以質素嘅講可以話係好抵🥰前菜各自試咗餐湯同沙津，當日係薯仔湯同龍蝦肉沙律，龍蝦肉唔少，但略嫌醬汁太搶，可以少番啲個湯唔錯，調味剛剛好，唔會太咸前菜叫咗欖油香煎新鮮魷魚及檸檬牛油汁，上枱已經聞到好香，魷魚唔細條，食落無雪味，亦唔會好韌🤗配埋個汁真係超惹味個炭燒美國安格斯西冷300g (另加$78)亦非常唔錯，賣相靚仔，食落有炭燒香牛味夠，火喉掌握好，呢個價錢係超值🥰甜品試咗北海道3.6牛奶布甸，奶味好重，幾似木糖布甸，口感豐富，好味！日式軟心芝士餅就普通咗啲，芝士味可以就濃啲