La Moo Moo' s Steak and Fries (已改名) 查看

一間好食嘅餐廳，唔駛多選擇，一樣就夠，因為餐廳夠專注，只供應最好嘅食材俾食客，一直都好想試依一種steak house, 只供應一種steak, 最啱啲選擇困難症嘅人去食😂但其實佢個餐都有好多野食首先餐包，餐包熱辣辣，一黎香噴噴，侍應細心地介紹，有焦糖醬沾，就加上小小海鹽，味道更提升，但其實本身就咁食都已經好好食啦，加上焦糖同海鹽係另一層次沙律新鮮菜加上蛋黃醬，清新，加少少麵包糠，脆脆地，更多一點口感主餐牛扒終於黎啦，我鍾意較生，所以叫medium rare, 我一定要講黎到真係medium rare, 好感動，好多餐廳都做唔到，肉質好淋，juicy, 牛肉味濃，完全冇根，唔會癡牙！薯條係免費任添，薯條脆，侍應主動幫你添好舒服好relax嘅一晚。

又係一間香港出色的牛扒。只係得一個餐，就係牛扒沙律同無限薯條🍟！首先要講下個位置，佢喺灣仔的大廈裏， 容易找到，而且樓層都很高，可以睇到夜景🌃入去，侍應就好快同我哋量體溫同消毒洗手液，然後坐低見到佢個洒menu 好豐富，垂涎三尺。靚牛扒當然要配靚酒啦！只係得一款食物所以唔使揀，非常好！個餐連埋個餐包，個包好好食，可以配肉桂醬同糖。雖然好邪惡，但係擺埋一齊有幾好食喎！凱撒沙律有芝士喺上邊，好開胃。最後當然就係牛扒同薯條啦！牛扒的質素不錯，可以無限添薯條亦係一個亮點！

灣仔好多美食，經過見到呢間餐廳，應該係新開，而且主打係牛扒，就去咗食。餐廳得壹個餐，套餐包麵包、沙律、牛扒及薯條，價錢$298。麵包好脆，好香！我揀咗普通牛油。店員話加啲鹽撈埋啲牛油會更好食，真係好好食呀！之後就嚟沙律，沙律份量都幾多，有足夠醬汁，煙肉，材料豐富。之後就到我好期待嘅牛扒，叫咗五成熟。我揀咗黑椒汁，其實牛扒本身加少少鹽已經幾好食。個汁你可以另外點，又係另一個味。配菜有番茄仔。牛扒真係冇得頂，肥瘦適中，又夠香。有少少肥膏增加口感，但係唔會覺得油膩！

假日嚟到呢度午餐，餐廳只有一個餐，所以幾好唔使諗。嚟到呢度當然係食牛。跟餐會先來個麵包，麵包牛油可以揀原味或玉桂味。我係肉桂愛好者，當然揀咗玉桂味。玉桂味好香好正，麵包脆脆地，搽上去好好味！之後就到沙律，沙律菜新鮮。係凱撒沙律，有煙肉碎及蛋。牛扒係肉眼扒。我揀咗三成熟，牛扒係薄薄地嘅款。但係牛扒好Juicy! 肉質好香，好高質。呢度把刀係專切牛扒，所以好容易切。跟餐仲有薯條任食，可以無限添加。不過我就冇添加，因為份量已經好足夠。由於套餐唔包飲品，所以另外叫咗杯蘋果汁。餐廳環境唔錯，服務又好，食物質素又高。

看到這扒房新開不久，今天特地下班後來嚐一下。這裡情調十足，因為位置較高，景觀很開揚。餐廳特地在窗邊設了一排高枱，很適合喜歡站著聊天喝酒的人。這裡的佈置、燈光和音樂很好，全部加起來，營造一個很有浪漫氣氛的環境。今天點了餐廳重點推介的套餐和香檳。套餐包了沙律、餐包、薯條和牛扒，全部性價比都極高。我特別喜歡餐包和牛扒，餐包是熱辣辣拿出來的，醬汁也是熱的，除了普通牛油外，還有玉桂味道可以選擇，餐包既香又鬆軟。至於重點的牛扒，拌碟有幾種調味料，分別有海鹽、黑椒粉和黑椒汁，讓牛扒配不同的味道都嚐得到。

今晚同朋友去灣仔食好野！我哋搵到一間淨係食牛扒嘅餐廳。成間餐廳唔係好大，得幾張枱，但係餐廳環境好有氣氛，而侍應主要講英文為主。起初有枱六個人嘅客傾計勁大聲，所以我同朋友傾唔到計，後來枱客走左，成個氣氛唔同晒！😌😌坐低冇耐侍應就問我地飲乜嘢，朋友嗌左杯有氣礦泉水，我就叫咗杯橙汁我起初以為有其他菜式可以order，原來佢只係得一個餐。餐包：睇落好普通，但係佢烘到脆卜卜，配埋自家特製嘅肉桂醬，侍應仲叫我地可以加少少鹽落去啲醬度同餐包一齊食，真係超級好味🤩🤩凱撒沙律：沙律菜好新鮮，食到甜味牛扒：我叫咗五成熟，真係做到medium，牛扒好嫩好Juicy，仲有佢哋自家製嘅汁用來點牛扒。薯條可以任添食，可惜佢嘅份量真係好大，所以都食唔晒。總結：我會推薦呢間餐廳比鍾意食牛扒嘅朋友

今日收工同老公去食朋友推介最近係灣仔開嘅新扒房，餐廳只提供一款套餐，就係牛扒套餐。套餐包括餐包，沙律，8安士肉眼扒同任食脆薯條，另外仲可以加錢配House wine或其他飲品。🍷餐廳樓底高，大玻璃外係灣仔市景，店內裝修雅致，富有情調。我地點左兩個套餐，由於餐廳係主打食牛扒，連餐刀都配有餐廳專用嘅餐刀。🔪餐廳提供的餐包係自家製，配上肉桂味濃嘅牛油，入口既甜且脆，味道唔錯。👍沙律份量都唔少，爽脆新鮮沙律菜加上芝士，脆蒜麵包粒同煙肉，味道層次豐富，而且味道清新醒胃😋8安士的美國肉眼扒真係唔講得笑，牛扒大件之餘肉汁豐富，肉質嫩滑，只需加上少少鹽同黑椒已經好美味，餐廳提供嘅洋蔥汁味道都唔錯。😁脆薯條雖然係任食，不過質素卻非常好，脆薯好幼，非常香脆，沾上茄汁，非常惹味。👍埋單每位約$300，性價比好高。

從網上飲食平台得知, 灣仔新開一間樓上舖餐廳, 獨賣一款牛扒套餐, 每位HK$298 main course 品嚐 8oz 1855黑安格斯肉眼牛扒套餐, 吸引左愛食牛既我今晚前去一試~餐廳面積不大, 入座時正正餐廳剛開門, 天還未轉黑, 自然光從窗口透入, 環境舒服, 入夜後, 環境燈光轉成昏暗, 形造了浪漫氣氛, 係呢個氣氛下食西餐, 果然good fit!!落order時自選牛扒生熟度+配搭醬汁, 分別有洋蔥汁、黑椒牛油同埋餐廳自家制辣醬。套餐不包括飲品, 需要額外order。餐廳供應不少含酒精飲品, 唔飲酒既我, 就order左杯【Pineapple juice】HK$29Juice由罐裝飲品倒出, 勝在夠冰凍, 剛剛坐落飲, 可以解下悶熱都唔錯~先送上餐包, 餐包係餐廳自家製, 餐包開邊且輕輕烘至金黃微脆, 包入面還是軟熟伴有半溶肉桂牛油同埋鹽, 餐包搽左少少肉桂牛油入口, 食到黎自肉桂既少少甜, 如果食慣重口味, 再額外加少少鹽, 味道會再重一點。沙律菜配脆麵包粒、蛋黃醬、1/4隻軟滑溫泉蛋, 味道清新, 正好品嚐Main course牛扒前, 清新一下口腔。Main co

Steak Frites係法國最常見嘅牛扒料理，一般小酒館幾乎都有提供。法文Frites係指炸薯條，牛扒通常採用Ribeye。最近灣仔開嘅呢間Moo Moo's Steak and Fries主打牛扒，更以$298套餐呢個超抵價錢定價，套餐包括餐包，沙律，8安士美國Ribeye同任食炸薯條。相當吸引，今個星期日決定帶老婆黎試一試。😋Moo Moo's Steak and Fries位於軒尼斯道239道呢幢商業大廈，餐廳裝修非常有格調，而且座位寬敞，感覺好Chill。我地7點左右到餐廳，客人已經開始多，大概7點半左右已經要等位。餐廳只提供$298呢款牛扒套餐，我地點左一人一set，坐定定等吃。😁自家製麵包配玉桂牛油餐廳把麵包切開再烤脆，配以嘅自家製玉桂牛油，入口香甜味美。👍🏻新鮮田園羅馬沙律爽甜新鮮沙律菜配上醒胃沙律醬，再加上脆麵包同煙肉粒，味道層次豐富。😍8安士高級美國肉眼扒Premium Ribeye 肉質細嫩而且肉味濃郁，5成熟肉汁飽滿，只需配上少少粗鹽同黑椒已經非常惹味。8安士份量非常多，一般女士未必食得哂。😁法式炸薯條薯條幼身而且極香脆，配上蕃茄醬，好味到食唔停口，雖然可以無限

最近聽聞灣仔開了一間澳洲餐廳，主打牛排套餐，今午約了友人前來位於軒尼斯道239號這間《Moo Moo’s》餐廳。此店佈置優雅，環境舒適寧靜，侍應殷勤招待，細心講解牛排的選料和特色，牛排選用美國1855黑安格斯肉眼排，位於牛肋脊頂部。套餐$298包括：鬆軟餐包配含肉桂的牛油，味道相當特別。田園沙律，蔬菜新鮮，配以濃味巴馬臣芝士和溏心蛋，使人回味無窮。主菜黑安格斯肉眼排用優質黑毛安格斯牛，有大理石紋理的油花，煎至五成熟，肉質軟嫩多汁。薯條炸得香脆，還可以免費添食。

最近工作都好忙 好少同男朋友去一D Relaxing既地方撐檯腳了 知道呢到新開張便來試試 一黎到其實已經覺得好舒服 坐位舒服 播既音樂亦好Relaxing 男朋友話好耐無試過可以咁樣慢活下黎Chill下了呢到Food Menu只得1個 就係餐包 + Salad + 薯條 + Steak = $298另叫左Sprinkling Wine $79同Red Wine – Merlot $79店員仲話黎緊應該會有2小時Free flow 紅酒白酒Sangria $200餐包烤熱過好鬆軟 配埋肉桂牛油Salad配搭好清新 為之後爽食肉同薯條開胃 亦減少油膩罪惡感薯條新鮮炸起 係幼薯 仲可以任食Tim可能因為呢到主打Steak既關係 所以Steak既品質同生熟都控制得好好 呢個要大讚Overall真係十分十分推介 抵食 環境食物都一流!            

又一次捐窿捐罅食好西，今次比我搵到呢間較少人知的Australian-style steakhouse. 餐廳裝飾、氣氛都令人好放鬆，有點走進國外朋友家中的感覺。而且侍應親切的上前問候，詢問又能詳盡的解答，進餐時又給予空間時間，不會有壓力，可以盡情與朋友慢食聊天。餐廳對於食物有選擇困難的人是十分好的，因為只有一個steak set，當中包括Bread Roll、Romaine Salad、Ribeye Steak、Crispy Golden Fries。Bread Roll是自家制的，特別軟熟，其中一面更輕微的焊了，更香脆，但不會過份干身，保持其軟熟，再配肉桂味的牛油。牛油本身沒有鹽的，需要自行再加入適量的鹽去引出味道。接著是十分鮮鮮脆口的Romaine Salad，即是Caesar salad，但勝在新鮮再加上自家制的沙津醬，令人特別開胃。主菜，8oz的Premium Ribeye 選擇medium,，廚師煮得剛剛好，切開十分平衡的粉紅色，不會過了火。口感雖然不是和牛的入口即溶，但頂級的牛扒，絕對不會韌，口感剛剛好，又有牛肉的香。如果擔心唔夠喉的，仲有free flow薯條任食!

好耐末試過同老伴撐枱腳，亞囡鬼鬼馬馬訂了一間非常有氣氛的餐廳讓兩老享受一下，又驚喜又開心。牛扒是主打，亦是餐廳的指定菜式。整個套餐$298，包括麵包，沙律，牛扒和薯條。每人一籃麵包，軟熟好味。清新的沙律菜，爽脆可口。牛扒要求全熟，質感並沒有因太熟而變得硬，實。牛味濃郁。伴汁可選黑椒或紅椒兩種。紅椒帶微辣，開胃，又可減少肥膩感。任食的薯條即叫即炸，熱辣辣非常誘惑，停不了口。整體有氣氛，有水準，有服務，真的多謝囡囡的安排！

週年紀念👩🏻‍🤝‍👨🏼，當然要和另一半外出食番餐慶祝一下，朋友介紹灣仔有間新開既叫（Moo Moo’s）的西餐廳，氣氛不錯，當然要試一試！店內環境燈光柔和，有吧枱，小圓枱和四人坐位，位置舒適，而食物方面💁🏻‍♀️餐廳只提供一個專屬的牛扒餐＄298，酒類反而選擇就有很多！餐包因為切開再烘的關係，所以外軟內脆，再加點肉桂醬，淡淡的微香味，特別好味😋😋！流心蛋沙律🥗，新鮮嘅沙律菜沾上煙肉和芝士碎，特別爽口清新！主菜薄切牛扒，賣相一流👍🏻，特別點了一碟全熟的，晤太肥之餘重帶點肉汁，沾上少許鹽，已經足夠！另外薯條都是即炸即食，熱辣辣，十分脆口，無限添加👏👏

沒想到在灣仔區上樓舖也有如此高質的食府，裝修高雅有氣氛，侍應服務態度一流，價格又非常合理，是燭光晚餐的好地方。店內只提供一個晚餐選擇，先來自家製麵包，鬆軟可口，再塗上旁邊特色的肉桂牛油，肉桂味道出奇香濃，跟麵包完美地搭配。再來田園沙律，蔬菜非常爽口，煙肉乾又脆又香，吃了真的令人很refresh。主菜是八安士美國肉眼扒，7成熟剛剛好，肉質鮮嫩還帶點點肉汁，加少許黑椒汁已很足夠，而加了旁邊的海鹽及碎胡椒後，更能帶出牛扒的鮮味，好味高水準，再加上以一把如此可愛的斧頭刀切割牛扒，鋒利得完全不費力氣，真是有驚喜的高質用餐體驗。