La Moo Moo' s Steak and Fries (已改名) 查看

On a Friday night, this restaurant was constantly filled with people, happy I was able to book a table on the day, flexible staff arrangement, very good staff.Cozy restaurant, hip music, an astonishing bar, and I would say, they serve really excellent cocktails! We were just able to catch the happy hour which last for around 2 hours ending on 7pm. I was extremely happy with my Red Sangria! With serving just one set menu, we had no other choice but to try:• salad• soft bun with cinnamon butter•

朋友聚會book左6點半7位，一出𨋢就聽到輕鬆的jazz音樂，友善的服務員就帶我們入坐，今晚坐大窗旁邊，望到橙色黄昏落霞。先來每人一杯水，有淡淡檸檬味，夠細心。再來溫泉蛋沙律，菜好新鮮終於嗜到百萬麵包食譜制作既餐包，配上自家製玉桂牛油，店員介紹說灑上海鹽更加好味，果然冇錯！原來唔止得牛食，仲可以選擇豬或雞！牛排我選well done ,肉質都不會太韌，有油花有牛味豬扒肉質都不錯，邊邊有啲肥幾好食燒雞胸肉啱啱好不會過熟，平時淨係鍾意食雞髀的我都食晒成舊，好食😋食完主菜我哋就係咁免費任食薯條🍟食cheese cake , brownie 友人飲紅白酒、sangria 我要揸車就飲蘋果汁一路傾一路傾，咁耐冇見大家都傾得十分開心愉快，愉快的一晚！

和朋友訂了二人枱在Moo Moo’s鋸扒，環境昏暗，燈光較暗，情調不錯，枱與枱之間都幾寬闊，我們對着bar枱，一邊看着調酒師沖酒一邊傾偈，真的幾放鬆。這杯Whisky Sour易入口，淡淡檸檬汁味道又有些蛋白增加口感，whisky亦變得易入口，happy hour時段都幾平，只要$48。餐牌就只有一個，$298包括自家製麵包、沙律、八安士肉眼扒和薯條。有兩款麵包都幾軟熟，牛油有普通的味道和玉桂味，我比較喜歡玉桂味，特別又不會太甜。牛扒選了五成熟半生熟，本身肉味已經很香濃，咬落又有肉汁煎得恰到好處，牛肉的香味去搭面頭的rosemary，香料把肉的鮮味發揮得淋漓盡致。配菜的薯條是我最喜歡的原裝薯條，剛新鮮炸好，沒有落鹽，味道最正！今餐真是很豐富，不論食物、飲品還有環境都要給滿分！

灣仔呢間扒房餐廳非常特別餐單只有一個黎得一定係食佢嘅牛扒餐牛扒餐包括餐包 沙律美國牛扒同任食嘅薯條 只係$298餐廳位於高層 可以飽覽街影裝修非常有情調 有個電子壁爐情侶約會確係一流餐廳其中一個特色 就係用特別嘅牛扒刀牛扒都外貌似長方形中國菜刀 非常過癮加$68就可以嘆埋House wine質素都唔錯餐包熱辣辣 可以揀普通牛油或者特色肉桂牛油肉桂牛油比較少有 餐包微甜十分夾沙律非常新鮮開胃來到主菜就有8安士美國特選肉眼扒Order左medium rare 師傅功架十足火候控制唔錯 內裏仲係粉紅色醬汁可以揀蘑菇汁 黑椒汁配菜亦有非常甜嘅蕃茄仔當然不得不提 就係香脆嘅幼薯條而且仲要係任食 我都添食咗兩次

餐廳設有電子火爐 好有格調玻璃窗夠大 採光度十足而且景觀都好開揚呢度只有一個菜單就係牛扒特點係可以任食薯條！有自家特色餐刀 非常有heart298套餐十分豐富想加杯酒只需69蚊餐包新鮮熱辣 相當可口而且特製既肉桂牛油真係好香好特別沙律菜好新鮮 加上煙肉粒 芝士碎同流心蛋健康又好味黎到重頭戲USDA 肉眼牛扒！足足8安士都幾大件五成熟度令肉質保持鮮嫩 好有肉汁加上新鮮既香草更添香氣醬汁有多款選擇 包括洋蔥汁 黑椒汁等薯條即炸 香口到不得了更加無限添食 超正！

喜歡西餐廰的浪漫氣氛，喜歡西餐廳的食物精緻，喜歡西餐廰的服務恩勤，今晚就在Moo Moo’s享受生活的情懐。店內環境舒適，店員服務親切，全部以英文對答。麵包是自家製的，香脆又軟熟，配上肉桂醬，味道更佳。沙律內有煙肉粒、麵包乾、火箭菜和特色沙律醬，非常開胃。肉眼扒，肉汁豐富，肉味濃郁，配上特製醬汁，味道更佳。香脆的薯條，是無限添加的，即叫即炸，新鮮而且香脆。值得一提的是每道菜與菜之間，都留有一段時間，不會吃得匆忙，真是一個窩心的安排。

父親節.....緊係帶爸爸去鋸扒啦🤣哩間餐廳行酒吧路線既扒房.....燈光超昏暗.....除了正常餐枱，仲有矮枱同吧枱.....座位數量不多.....好啱放工約埋三五知己，飲飲酒.....吹下水......餐具好得意......把刀好靚.....基本上.....哩度只有一個$298 set......叫完幾成熟.....再選醬汁就完成.......等了一陣......沙律先上枱.......之後到餐包.....睇得出沙律好新鮮......仲好爽脆......配了點脆煙肉，多了點咸香.....再加上唐心蛋，令味道豐富了！而餐包是自家製......熱熱軟軟已令人滿意......麵包已開邊再烘.....食落有點外脆內軟.....店員建議，塗牛油加點鹽.....試後味道真的增添不少......除了牛油香外，仲有點咸咸味.....推介！要了5成熟的牛扒......配黑椒汁......牛扒火喉控制得不錯.....見到牛扒上的燒烤紋亦吸引......可惜牛扒真的太薄.....失了口感.......黑椒汁有點淡....黑椒味不夠......所以唔會有辣味.......汁有點稀！薯條是任食的......

男友今晚話想食扒，就係公司附近搵間食。見Moo Moo’s新開無耐，就去試下。餐廳剩係得一款套餐揀 $298，專注一款出色就夠。自家製牛油餐包鬆軟，外脆內軟。沙律菜分量都幾多，醬汁帶輕量mustard，食落好開胃。主菜8oz黑安格斯牛扒，塊扒唔算厚身，但脂肪分佈幾平均，脂肪部分入口溶化，雖然食多d感覺有點膩，但係又幾好食🤣食西餐梗係要有薯條，薯條可以refill，不過原本分量已經好夠。薯條雖然幼身，但又食到有薯仔，唔會脆硬到卜卜聲，我密密食都食左大半杯👍🏻

今日去到灣仔工作，收工後同事建議去試開張只有三星期但已經好評如潮既steakhouse。作為熱愛食牛的牛魔王，我當然非常樂意。 餐廳燈光昏暗，每張枱上都放著小蠟燭，氛圍頗浪漫。不過座位唔多，如果唔想等位，最好預先訂座。 店內以steak & fries作招徠，與同類型扒房一樣只有一款套餐出售，位位$298。小方形餐包烘至微溫，像剛出爐的一般。除了一般牛油，店舖亦提供肉桂牛油，味道少甜，很幼滑。 綠油油的蔬菜沙律有溏心蛋，大量芝士，加點橄欖油、鹽和黑胡椒，味道更昇華。 主角當然是牛扒，餐廳選用到USDA Prime最高級別，食客可自行要求生熟度。八安士的牛比我想像中更大塊，半生熟的牛肉外圍微烤，裡面呈現粉紅色，色澤絕對ＯＫ！呢款牛扒牛肉味香濃，肉質特別嫩滑，油花剛剛好，餘韻有甘香之態。 薯條呈現金黃色，口感都好好，追加時職員講明薯條要即炸，食多幾轉一定回本。

難得女朋友話想食鋸扒，咁耐以來都係第一次聽佢主動咁講，我當然立刻搵下有咩扒房啦，然後就比我發現灣仔呢間新開嘅餐廳。餐廳貴精不貴多，只係供應一款Set Menu。呢個價錢來講其實都幾抵食有前菜沙律，麵包，主角牛扒，仲有任食薯條。先講個麵包，係我食過最有誠意嘅餐包，自家製嘅餐包看到金黃色，外脆內軟。而牛油都有得揀普通版同埋玉桂味，我當然試吓玉桂味牛油啦，超級重玉桂味，加埋店員比既少少鹽，更加將呢個本身已經好好食嘅餐包提升到另一個層次。再講多次，真係冇誇張，好好食！沙律方面都有小驚喜，爽脆嘅羅馬生菜入面加咗大量嘅芝士碎，炸煙肉同麵包脆粒之外，亦有糖心蛋。主角美國肉眼扒油脂分布細密，充滿油香。五成熟嘅牛扒外層煎到略略焦香，內面嘅肉質鮮嫩多汁。雖然個黑椒汁都調校得好好，但個人認為無需再加以修飾，就咁配少少海鹽同黑椒已經好好食。另外牛扒都好似一把小型中式菜刀，唔單止外型美觀可愛，鋸起扒時候仲好易切開，更爽。加埋任食唔嬲，即叫即炸，熱辣辣嘅薯條，包你捧腹而回。

由於疫情已較早前緩和，所以開始相約好友相聚，大家工作於灣仔區，又想吃牛扒，今次在去了一家新開的扒房餐廳。餐廳內大約擺放十張枱，大家可以有一定距離，光缐柔和，牆上還有一個假火爐，由如置身外國餐廳一樣，格外浪漫。他們只提供一款牛扒套餐(4courses ) $298 加一，沒有散點，方便了有選擇困難症的我。點餐後，服務員便送上一份自家製麵包，可配肉桂味牛油或普通牛油，麵飽切開一半，所以有一面烘得脆口。頭盤沙律是田園沙律，賣相雖然簡單，但用料清鮮，生菜清甜，有芝士和煙肉片，細食量的女生可能會有半飽感覺。主菜是8安士優質美國肉眼扒。我們點了5成熟並選擇了黑椒汁味道好夾，肉質嫩有好濃牛肉味。此外，法式牛扒餐廳大多提供免費炸薯條，香脆可口。雖然套餐飲品要另外自己order但價錢相宜。總結這裡環境寧靜，適合情女或三倆知己chit chat ，是灣仔區扒房不二之選。

今晚是結婚周年紀念，特意安排了一間特色的西餐店，為伴侶慶祝。店內陳設非常古典，有點兒在高級西餐店內，為今晚增加了浪漫氣氛。Home made bread roll，可以選用玉桂或新鮮牛油，個人就比較喜歡新鮮牛油，塗上香脆的麵包上。Garden fresh romaine salad🥗 ，內有芝士、煙肉粒、麵包乾、火箭菜和沙律醬，酸酸甜甜，令到胃口大開，等待著主菜的來臨。8oz premium USDA ribeye steak，肉眼扒是美國頂級的，五成熟的烹調生熟度剛好，保持肉汁，又可以吃到牛肉的鮮甜味道。Free flow crispy golden fries$298，香脆可口，點些蕃茄汁便可以增加味道層次，還可以無限任吃。

這店真適合有選擇困難症的人，店內只有一款食物就是牛扒，可以選擇的地方就是牛排熟的程度。餐包配上肉桂醬，第一次使用肉桂醬配餐包的， 肉桂的甜配上麵包的軟熟。凱撒沙律配溏心蛋，溏心蛋做到蛋黃有流心的感覺又不會有生蛋黃的腥味，菜是非常新鮮配上芝士使人開胃。主菜就是來自美國的牛扒，做到五成熟，牛扒肉汁多而且濃，牛扒肉質有咬口得來而且帶油份而且軟熟。炸薯條是令人停不了的，炸得恰到好處，點上茄汁更是美味。味道: 味美環境: 氣氛不錯衛生: 整潔服務: 尚可抵食: 價錢跟食物質素成正比

這間新開的餐廳是在網上看到的，這裡只有一個套餐，但也吸引很多客人來試，這天晚上全場爆滿，建議大家先book位才去!餐廳坐位都算幾多，環境浪漫，店員大多是外藉人士，需要用英文落單!這裡的套餐包括有餐包、沙律、8安士美國肉眼扒以及任食的薯條，不包飲品!餐包鬆軟，牛油可以揀選有肉桂味或普通牛油!我揀選了普通牛油還配上鹽俾你!沙律為凱撒沙律，沙律菜上的沙律醬已經拌勻，芝士碎和煙肉碎的份量都幾多，而且還有流心蛋，店員還會詢問是否需要黑椒，加上黑椒令沙律味道更美味!8安士美國肉眼扒，我點了5成熟，餐廳都能整到想要的生熟度。牛扒都算幾大塊，肉質鬆軟，牛肉味濃，而且都好juicy。醬汁可揀選黑椒、洋蔥和一款餐廳秘製帶辣的醬汁。洋蔥汁味道不算好濃，但因為牛肉味也很夠，所以淡淡的也能帶出肉的鮮味!伴碟還有可以任加的薯條，薯條是普通薯條，但炸得香口，外脆內軟，點上茄汁味道更惹味，令人吃不停!Sparling Sangria，平時飲sangria通常都是紅、白酒製成，這裡竟然有香檳製成的，所以試試，不過香檳味蓋過了生果的味道，有興趣也可以試試的!$298能吃到美味的肉眼和任吃的薯條，性價比高!

今次和朋友去了灣仔一間牛扒薯條專門店，因為聽朋友講這間餐廳只有一款牛扒餐可以選擇，咁神奇咁特別，就等我去睇一睇佢咩葫蘆賣咩藥啦。入到去成間餐廳裝修都幾別緻，有個假壁爐牆，餐牌就印左係餐墊上，只有一個套餐可以選擇。 套餐包括左餐包，沙律，牛扒和薯條。餐包外脆內軟，加上肉桂牛油，都幾好味，一個既分量岩岩好主菜8oz既牛扒唔係用上厚身既肉扒，揀左五成熟岩岩好，面層燒到乾身，但內層仲鎖住肉汁，食第一口已經覺得和外邊既略有不同，而且一邊食脂肪層慢慢融化，夾埋濃郁既牛汁，特別滋味。薯條係可以refill的，但其實原本既分量已經好足夠，自己一個一杯都食唔完🤣薯條切成幼身長條狀再炸，小小的鹹香，很容易一條接一條吃。飲品方面，我就試左house red wine，果香濃郁、口感柔滑，配埋牛扒一流👍🏻