La Moo Moo' s Steak and Fries (已改名) 查看

灣仔好多美食，經過見到呢間餐廳，應該係新開，而且主打係牛扒，就去咗食。餐廳得壹個餐，套餐包麵包、沙律、牛扒及薯條，價錢$298。麵包好脆，好香！我揀咗普通牛油。店員話加啲鹽撈埋啲牛油會更好食，真係好好食呀！之後就嚟沙律，沙律份量都幾多，有足夠醬汁，煙肉，材料豐富。之後就到我好期待嘅牛扒，叫咗五成熟。我揀咗黑椒汁，其實牛扒本身加少少鹽已經幾好食。個汁你可以另外點，又係另一個味。配菜有番茄仔。牛扒真係冇得頂，肥瘦適中，又夠香。有少少肥膏增加口感，但係唔會覺得油膩！