K2 Kitchen (已結業)

仲有個幾星期就到新年，而家開始期待新年假期，加上老闆又去左旅行，可以晏少少先返公司所以有mood搵好野食呢間餐廳應該花左好多心思裝潢，好有高級餐廳既感覺，以黑色為主，冷感得黎又時尚小食係芝士餅乾粟米濃湯呢個湯比較偏淡，粟米味唔夠濃，如果多返d粟米味會更好美國極黑豬肉眼配白桃汁首先蔬菜好好味，好香黑椒味而豬肉眼肉質好結實好爽，一d都唔韌，原來點白桃汁一齊食係好match ga就算唔點白桃汁，豬肉眼表面既燒汁都好香，超捧***法國特色，display得好精緻松子仁醬焗三文魚柳呢個三文魚同平時餐廳食開既好似有少少分別，不是橙色的，相信應該是新鮮的，肉質好軟滑，原來松子仁醬係黃色的，點埋一齊食感覺好fresh, 中和左油膩，同樣地都係擺放得好精緻香芋慕絲香芋味香濃，不會太甜熱朱古力外觀特別，不過飲落就麻麻地，比較淡，無咩朱古力味店內職員好友善及有禮，而且我好欣賞果2道主菜，精緻得黎又好味，簡直係有樣有內涵

放工同朋友諗去邊度食飯，都係近近地留喺觀塘區，有好多餐廳小店選擇～ 嚟到西餐廳K2 Kitchen，鍾意餐廳寧靜燈光暗暗地嘅感覺，餐枱之間保持距離，私人度較高，可以自己帶支酒嚟，啱晒我哋鍾意傾密計嘅朋友。Menu有set dinner同特別小食主菜推介，我哋就揀咗兩個set，一個頭盤同甜品，係星期一嘅關係，大約七點客人未算好多，店員亦一一介紹菜式，食物都特別快送上，感覺窩心鮑魚配上黑松露忌廉汁，送上時香味已經傳來，令人一試愛上！如果嗌多一份，都可以食得哂〜吃完頭盤就送上我的南瓜忌廉湯～ 但又淡淡鮮奶香味，冬日喝下十分暖胃。友人的香煎原條龍脷，兩面都煎得金黃脆口，完好無缺，可見廚師烹調得用心，有魚肉汁還很細嫩，配上檸檬醬汁，十分清新！因為帶了紅酒，也特別點了澳洲和牛作主菜，也推廣優惠價額外加分，濃郁的牛肉香氣及口感，比想像中更突出，送上時亦有蔬菜配搭，顏色豐富亦能中和油膩感！廚師特製甜品，期待已久的香橙甜酒班戟！用黃糖、烈酒、香橙皮及果肉，慢火煮後再燴入班戟，太大火就會燒焦，火候需要控制得很好，味道才能滲透進班戟，適合配搭美酒及朋友在一起享用！

觀塘區嘅工廈食店，相信大家唔陌生，西餐嘅比例較多，今次我都唔例外，同同事仔去食個西lunch先！呢間野，冇記錯應該有收過下佢嘅傳單咁，食就真係第一次喇～呢度裝修以深色為住，都幾有格調～我十二點左右黎到，因為早，人唔多～食到尾果陣到差不多爆場～Menu同呢個小清新菜式同步上，我諗係welcome food甘掛，青瓜丶草莓和厚切鴨胸cross over,咀𥚃散發陣陣鴨油香氣，同清新嘅青瓜好夾！Lunch 有8個set選擇，類別也不少，有salad，意粉，意大利飯，雞牛，魚，豬肋骨…南瓜湯～平時果d南瓜西湯，一般會加忌廉等佢香滑d，但呢個湯無加，反而更凸顯出南瓜原有嘅甜味！沙律～呢個係同事仔點嘅，我本身唔係太好食＂草＂試左少少，因為佢唔多醬汁，我覺得清左d～蘋果梳打特飲雖然蘋果味唔太出，但就飲到清香嘅水果味，甜甜酸酸幾開胃架！可能你會覺得＂檸蜜＂，唔駛post呀？！正是要！佢嘅＂蜜味＂同一般檸蜜唔同，仲之有種特別嘅香味啦，好好飲～要用文字影容究極即係點蜜味，我唔識呀！和牛肩甲控制件扒嘅火路剛剛好，牛嘅肉質纖維比較豐富有咬口，調味都做得好好，牛味好香好惹味～呢個set佢有得跟有機糙米或者蔬菜，

豬手凍批凍批嘅感覺同中式嘅臐蹄好似，旁邊嘅沙律菜好新鮮，配埋個黑醋汁，酸酸甜甜嘅，作為餐前小食非常適合，好開胃。白酒煮紐西蘭托托蜆喱款托托蜆比起一般嘅蜆肉大隻好多，即使煮熟左都唔會話縮水縮到無肉食。白酒味道好出，加上少許蒜味，同蜆肉嘅鮮甜味配搭得天衣無縫，都幾有驚喜。刺身帶子黑松露意大利飯帶子size都幾大，夠新鮮爽甜，唔會有雪味。意大利飯嘅口感幾好，唔會煮到太生或者過熟。黑松露味道幽香，唔算話特別濃，不過配埋帶子同意大利飯黎食都岩岩好，食哂成碟都唔會膩。

香芒鮮果蝦沙律作為前菜，味道酸酸甜甜都幾開胃，上層有一團泡沫，味道好酸，而沙律少見加入火龍果等等水果，感覺都幾新鮮，而蝦亦都好爽口彈牙架！香草白酒煮紐西蘭托托硯份量都幾多，而硯亦都好大隻，醬汁味道有好香嘅白汁牛油香味，再帶點香草味，質感好creamy ，而醬汁亦厚厚包裹住硯肉，肉厚而鮮美，不愧係店主推介！輕煎北海道刺身帶子、黑松露意大利飯帶子厚實、彈牙，新鮮，輕輕煎過好香牛油味，味道鮮甜，飯口感較硬身，外層沾滿濃郁嘅醬汁，好香嘅黑松露味，食落口感creamy，中間加左野菌去增添鮮味！

聖誕真係特別多聚會，想食啲有氣氛既，當然要揀西餐啦！今次又試左樓上西餐，比想像中好啵！地方都算易搵，只係樓下要登記左先姐。今次叫左白酒煮蜆、有骨黑豚豬鞍、慢煮牛助骨、波士頓龍蝦、帶子黑松露risotto、Carbonara，然後加左48蚊轉左套餐，包頭盤（豬手凍批）、湯（蟹肉粟米茸湯）、沙律、甜品同飲品。個蜆好好味，個汁超香呀😚！而slow cook beef rib都超好味，好淋，牛味亦好夠。豬鞍亦都好出色，沾個蘋果蓉嚟食，好fresh。Risotto既松露味好香，雖然啲飯淋左少少，但係都好好味！而個龍蝦，都好彈牙，亦都唔錯！每樣食物都好有質素，而且價錢都好抵食！

今次又跟朋友去搵食，作為慶祝嘅地方，一入到去呢一間餐廳原來十分之熱鬧，睇來都有唔少嘅捧場客喎！超級鍾意呢一個餐湯，並唔係一般西式嘅餐湯，直接用材料打出嚟，而係經過慢煮，有南瓜既香甜味道沙律入面嘅鮮蝦完全係令我好驚喜，超級大隻，伴以新鮮嘅沙律菜之外仲加左少少嘅士多啤梨令味道更豐富我就揀咗其中嘅豬扒黎食，好難得有一間餐廳以煎豬扒嘅手法仍然可以保留到好多肉汁，食落口一啲都唔乾，亦都唔會好鞋。其次就係十分十分之鍾意呢一個意大利飯，主嘅時間啱啱好，半以大量鮮帶子，雜菌，食落好creamy呀最後嘅甜品半碟十分之靚喎！雖然識落唔算有好驚喜，但係咁賞心悅目嘅裝飾都已經夠了

白酒煮紐西蘭托托蜆($108)白酒汁做得好好，保留左白酒既香，大蜆肉肥美，同朋友仔每人分到一隻，好食到想自己一個食多碟😂。-芝士焗波士頓龍蝦🧀($210)龍蝦舖滿芝士去焗，芝士味唔算話好濃，唔會搶走哂龍蝦嘅鮮甜味。龍蝦肉食落爽口實肉，無雪味，整體烹調得幾好。-刺身帶子黑松露risotto🍚($108)帶子非常大粒，特別在用左刺身帶子，食落更加鮮味，配埋松露risotto，調味唔算重手，清清地冇得輸。-Slow cook beef rib🐂($178)慢煮牛好有驚喜，大大份啖啖肉，慢煮出黎既牛例牌好鮮嫩，而且牛味濃，二百蚊唔洗就食到咁大份既牛肉，抵食過好多西餐廳。

中午的時間，經家人介紹，我和朋友決定來到觀塘一所工廠大廈的一間西餐廳試一試，來到餐廳門外看到9折優惠很不錯，進入店鋪後，看見店內環境非常寬敞，裝修簡單樸素，不花巧，給我一種實事求是的感覺，座位非常多，座位與座位之間的空間感足夠，而餐廳的溫度不會太冷，不會太熱，給我一種很舒服的感覺酥皮紐西蘭羊柳配芥末籽忌廉汁 ($158) 酥皮脆口而且煙靭，厚身紐西蘭羊柳香稔軟嫩，肉質十分高質素，芥末籽十分辣，忌廉汁調味得宜，不會太甜，蔬菜的種類十分多，爽口微彈瓜，軟綿綿的木耳，清鮮的西蘭花，鬆軟綿密的紅蘿蔔黏口的意大利雜菌湯洋甘菊紅茶整體來說，食物的質素非常高，食物的份量很多，價錢相對合理，店員有良好的服務態度和有禮貌，所以我認為這間餐廳值得再去惠顧

約了個朋友在觀塘傾下野，順便食個dinner，朋友好熟路，APM的某個出口過條馬路就到，好方便。星期四都滿座，還是舊工廈的樓上鋪，桌位之間唔算好闊落，但都幾舒服，全是聖誕裝飾佈置，好有節日氣氛。要了個Set Dinner：鹿兒島有骨黑豚豬鞍  248元前菜要了巴馬火腿豬手凍批：豬手凍批好香口又淋身，入口差不多就融化，一點肥膩感都沒有，有的是清香之感，配上新鮮的沙律菜，少少的芝士，口感豐富。蟹肉粟米茸湯：麵包條非常鬆脆，沾上香甜的粟米茸湯香中帶甜，湯中的蟹肉雖少，但味道依然，一點都沒有給濃濃的粟米香甜味所掩蓋，好味道。鹿兒島有骨黑豚豬鞍：外形也就普通，入口卻豬香味濃郁，帶有少少清香的感覺，剛好熟透的肉質嫰口多汁，青蘋果茸的配搭相當融合，微微的酸甜中更透出肉的香甜。加48元轉了個朱古力黑碳球：香味濃郁，滑口，應該相當多的可哥粉吧，中間的雪糕都食唔到是什麼味的了，喜歡朱古力的一定要試下。

朋友剛過生日，因不在港錯過了聚會，請食飯是必須啦，早早book左K2 Kitchen， 因為知此餐廳都幾爆。7點準時上到去，果然滿座，已是聖誕佈置，好有假日味道。叫左個Set Dinner：芝士焗波士頓龍蝦伴紐西蘭牛柳  268元先來個香芒鮮果蝦沙律師：上面的2只蝦也就普普通通，反而沙律中的鮮果值得一贊：芒果粒香甜，蘋果粒爽脆多汁，沙律菜新鮮脆口，沙律醬唔膩，更添味道。蟹肉粟米茸湯：金黃色的粟米茸湯加了點泡沫，賣相唔錯，相當香濃的粟米鮮甜味，蟹肉雖然唔算多，但粒粒鮮香，頗夾的味道更增加口感。主菜出場：半隻焗龍蝦芝士香味濃郁，卻又沒有搶了龍蝦原本的鮮甜，肉質濕潤頗爽口。牛柳應該屬於比較清香的味道，沒有和牛那種濃烈的牛脂香，要了七成熟的，卻依然是相當的濕潤軟淋，淡淡的牛肉香味，就是那種紐西蘭天然的感覺。跟餐甜品都有這樣的賣相足見餐廳的誠意, 新鮮的水果粒，香芋味的雪糕蛋糕，加上香的，甜的，酸的配醬，味道豐富。餐飲要了杯熱檸蜜：都好多片檸檬，一點苦澀味都沒有。

今天午餐約了學生組織的師妹，做師兄的我當然要找家優雅餐廳請師妹吃個好午餐，我們都是觀塘上班，所以當然在觀塘吃，師妹喜歡西餐所以還是在 open rice 搜尋餐廳，最終給我找到 K2 kitchen。環境不用多說，有圖有真相，他們家已經為聖誕節做好準備，由於我跟師妹都是 sales 所以午飯時間都是自由，在觀塘要吃飯是要排隊，所以我們都提早出門 12點就到餐廳，呵呵我們是第一桌人 其實他們的午餐比較簡單，菜單很清楚容易明白，說白了就只看 我的主食就選了 “照燒加拿大牛小排”，而師妹就點了 ”日本刺身帶子龍俐卷配黑魚子忌廉汁“ 。。。。。。名字真長～一開始上法式精緻小點， 是 cheese tart，這個好好吃 上餐湯，是紅菜頭喔 味道很香很好喝 主菜一上 “哇” 的一聲，弄得很精緻耶， 光是看和拍照已經花了我們時間了哈哈日本刺身帶子龍俐卷配黑魚子忌廉汁呢 - 帶子和龍俐卷口感也不錯 味道就一般般 照燒加拿大牛小排，造型也不錯，肉很 Juicy 吃玩主菜肯定有甜品，甜品也很精緻 在 K2 環境很舒服，又有空間感，聊天不錯的地方

第一次在觀塘區工廈食晚飯, 食物質素及味道很有水準。今晚吃左一份rib eye,肉味不錯甜品叫左apple pie+ice cream , 蘋果批好好食但coffee 就麻麻地下次會再試

是夜約左舊同事係觀塘聚會，知道觀塘多野食，所以一定叫佢推介。佢建議去K2 Kitchen，因為食過覺得抵食又好食，所以一定要帶我食。Book好位，晚上8點準時現身。 睇地圖以為離地鐵站好遠，但原來5分鐘左右。係冠力工業大廈內，因為過左8點，所以要係樓下登記。到左13樓，一眼就望到個餐廳招牌。入到去，已經好熱鬧，差不多坐滿左人，而且一入門口就見到侍應哥哥係度切緊大大隻風乾火腿。 我地點左個set dinner，因為加$48蚊轉套餐，就可以埋餐湯、飲品及甜品。頭盤分別揀左香芒鮮果蝦沙律配青檸泡沫和自家製巴馬火腿豬手凍批。外形好驚喜，青檸泡沫堆得好高，沙律醬係鮮黃色的，以哈蜜瓜、士多啤梨、菠蘿、奇異果及火龍果粒混合而成，酸甜開胃，而且好清新，好鍾意，原本有啲悶悶地，但食完佢胃口立刻大開。 豬手凍批似件厚切午餐肉，但其實是用火腿製成，可以見到一粒粒的豬肉及豬皮，食落口感覺是帶啫喱的口感，有少少漿口，但又爽口。其實它就是中國版的冰鎮肴肉，但是變了西餐版，啫喱部份少了，但同樣好食。 湯方面點了個廚師餐湯及一個蟹肉粟米茸湯。廚師餐湯係南瓜湯，感覺比較普通，反而蟹肉粟米茸湯就

今日媽媽出嚟觀塘搵我食lunch，就一於一齊去食餐好嘅lunch！今次係第一次上嚟，係朋友介紹既，餐廳係工廠大廈入面，但入到餐廳見到佢嘅裝修，完全唔覺得自己係工廠大廈入面！我哋叫咗兩個午餐，個餐包埋餐湯同飲品添🍽今日餐湯係南瓜薑忌廉湯，本身一聽到姜就驚好辣，好彩南瓜同忌廉味都好重，呢個湯好特別仲好健康添，啱曬我媽媽！香煎澳洲肉眼扒: 一黎就見到賣相已經覺得好靚！牛扒十分之厚身，叫左5成熟，肉質剛好👍🏻唯獨係覺得醬汁唔夠！另外有配菜可以揀要糙米飯定係蒜蓉炒時蔬，我地每樣各揀咗一個！時蔬有木耳、翠玉瓜、西蘭花、栗米仔等等香煎美國肉眼配黑醋汁： 肉眼嘅外皮煎得香，肉質一啲都唔韌。而黑醋汁好特別亦都好少系出邊試到，配肉眼係好好既嘗試，有別於一般嘅醬汁，我用嚟撈糙米飯仲好夾添！兩啲主菜嘅賣相都好靚，綠色嘅原來係蔬菜蓉，而紫色嘅係新鮮紫薯蓉，好特別啊🤓