K House (已結業)

去深水埗買完電話卡覓食，又想食西餐行下行下見有間新開西餐，即管試一試啦，一試就有驚喜！餐廳選擇不多，餐牌一眼睇晒，點了兩個set dinner 嘗新嘗新！主菜澳洲西冷煎到五成熟外面煎至微焦內里有肉汁有牛味，而且唔係配薯條而係焗蕃薯！西班牙乳豬配黃薑飯乳豬皮烤至脆卜卜又保留肉汁，雖然等嘅時間較長但值得嘅！是日餐湯係黑松露忌廉湯，黑松露味濃，忌廉creamy，唔係普通例湯。沙律有heart，非常新鮮！最後配埋甜點朱古力brownie 配椰子cream，兩種撈埋食好夾，絕對有驚喜！

Dinner @ K House ~Menu ~晚餐包括 : 餐湯、沙律、主菜、甜品、餐飲 ~餐湯 : 薯仔忌廉湯 , 味道香口又純樸，跟坊間的味道有點不同，很不錯的體驗 ~沙律是凱撒沙律 , 溫度處理得宜 , 蔬菜新鮮之餘 , 凱撒醬汁也落得剛好 , 沙律的脆炸麵包粒 , 十分好吃 ~西班牙乳豬配提子乾黃薑飯 $158 : 乳豬的醃製以及對火侯的控制 , 廚師都掌握得十分準確 ; 乳豬的味道濃而不鹹、皮脆肉嫩且肥而不膩 , 伴隨黃薑飯、特製醬汁來吃 , 味道一絕 ~英式威靈頓酥皮焗三文魚 $158 : 賣相靚靚 , 熱辣辣的酥皮焗的香脆 , 酥皮包住肉質鮮嫩的三文魚 , 口感層次十分豐富 , 配合那個店方特製的醬汁 , yummy ~餐後還有精緻的自家製甜品 brownie & marshmallow, 堅好吃 ~餐飲 , 筆者就選擇了 凍咖啡 ~本篇完 ~

平時行街沒有發覺這西餐小店, 要不是家人推介, 也不會吃到一餐性價比高的西餐。K HOUSE 是新開的小店, 落在深水埗這舊區中, 顯得特別有新氣和活力。而且並不是冰室那些"豉油西餐", 而是真的頗為正宗的西方菜CAFE。餐廳最抵食是DINNER SET, 有湯, 沙律, 主菜, 飲品及甜品, 全SET 有齊都是百多元, 還要不用加一, 真係幾抵的!周打魚湯送上, 看起來夠濃夠熱。喝一口果然是用料十足, 忌廉濃滑,帶着鮮甜的魚湯, 而且一點也不腥。加了蔥作調味, 一點也不究兀, 反而是添了一道清香。這個caesar salad有點難相信是在深水埗吃到吧?! 新鮮的羅馬生菜爽甜得很, 咬下去是有汁爆出來那種, 只是用上沙律醬, 碎芝士及面包粒, 簡簡單單的但十分好吃, 清新可口, 是很好的開胃菜。身邊那位點了推介的BBQ 美國排骨配薯菜, 兩件燒排骨份量不少呢!!厚厚的BBQ 燒汁, 微辣中帶酸甜, 十分惹味。加上排骨不會燒得太乾, 還保持了肉汁, 帶少少脂肪的香口但不會太肥, 這種豬肋骨真是係BBQ 的最佳配搭。這個配菜薯蓉令這餐晚飯加了不少分, 不只是一般用薯蓉粉開的, 還混有薯仔粒

呢間餐比親子餐廳更窩心，紋身哥哥好細心，見到囡囡細個就主動較細冷氣。我地一家三口叫左左兩個餐，好耐無飲過熱辣辣的餐湯，係深水埗呢區真係唔凍都偷笑，紋身哥哥仲俾多一碗湯給囡囡，餐湯好creamy，好放心俾囡囡飲，囡囡未夠兩歲都飲哂成碗。頭盤個salad 份量都好多，我地要左春雞意粉，春雞好滑，南瓜意粉囡囡爭住食配菜沙律都好豐富，仲有粟米。另外個慢煮羊柳沙律，囡囡大大件羊柳自己咬不用剪，至於沙律dressing都有幾種汁，同埋配料好豐富，好好味。因為賣相好靚，囡囡一見就要即刻食，淨係影左兩張相。之後甜品又上多一份俾囡囡，用餐後我用濕紙巾抺囡囡食具，有位叔叔見到仲走埋黎話幫我地拎去洗，出街食飯第一次遇到超感到動。好耐無遇到又好味又有人情味既餐廳。兩個餐加埋二百幾，不用加一，有頭盤，有餐湯，主菜，包飲品，仲有甜品，用料食材好靚，真係好豐富超值。因為食得出好有心機，呢種質素閒閒地要五六百埋單，可惜餐廳位置條街唔算旺，外區客唔經過，係度真心推介有質素餐廳。

最鍾意去新開嘅餐廳食飯，覺得佢新開張廚師一定會更用心 。元州街主要做街坊生意，附近茶餐廳居多想食返個全套西餐選擇唔多。K House個名好似係食韓國嘢咁，原來係店主個名佢主打低油低鹽嘅西餐，醬汁用料都係自家製作，似乎店主好鍾意玩飛鏢，似乎仲係得獎隊伍，室內裝修有兩個鏢靶。座位都算坐得舒服闊落。晚餐$88至$168不等，但係佢係全包西餐包括有凱撒沙律，生菜好新鮮爽脆，有烘過嘅麵包粒同埋煙肉，沙律汁調味啱啱好今晚嘅餐湯係打碎左嘅羅宋湯，個湯都幾杰身幾足料，唔似罐頭湯點左個澳洲牛西冷配香草燒汁，佢嘅配菜竟然係烤番薯同埋原個烤蒜頭，仲有蘆筍添，個西冷牛就略為肥左啲，但係都幾厚身幾大件。另外點左個西班牙乳豬配提子乾黃薑飯，我要等大約30分鐘即刻烤，佢啲皮好脆好薄，係隻乳豬仔嘅髀，提子乾黃姜飯就比較重味D，配合埋個沙律一齊食就平衡返啦廚師同埋店員工作速度都幾快飲品樂園班好快就有得飲啦佢個奶茶仲沖得幾好飲添飲完野仲有是日甜品係濃濃的朱古力布朗尼再加上椰絲蛋糕，一次過有兩種口感味道都好夾。連飲品五道菜西餐買單仲唔使加一，百幾蚊一位而家依個市道都算係好抵啦！

早前係長沙灣做野 , 見到呢間新開嘅食店 , 今日特登嚟試下 !晚餐標榜 "低油 , 低鹽 , 自家出品" , 價格親民 ($88 - $168) , 包餐湯 , 頭盤 , 主菜 , 甜品同埋餐飲 , 都只係百零蚊 , 唔使加一 , 坐成晚都唔會催埋單 !! 😳😳餐牌 :甘荀忌廉湯甘荀味濃 , 質地厚實 , 飲得出係足料之作 , 唔係麵粉湯 !!中東石鍋飯第 1 次試 , 飯團好實淨 , 外層係炸過 , 飯團有菇 , 粟米 , 配埋一個微辣嘅醬汁 , 好香口惹味 , 幾特別 !西班牙乳豬配提子乾黃薑飯 ($158) 乳豬份量都幾多 , 每件都大大嚿 , 豬皮又薄又脆 ! 豬肉調味啱啱好 , 夠味又唔會太鹹 !雖然一上菜見到隻豬手 / 腳有 d 不安 🤪提子乾黃薑飯唔錯 , 啖啖黃薑味配埋甜甜嘅提子乾 , 比普通白飯味道更豐富 ~保雲蘇烤澳洲羊扒配薯菜 ($168) 羊架有 3 大件 , 生熟程度啱啱好 , 肉嫩有羊味又唔騷 !就咁食都已經好好食 , 亦都可以配埋芥末醬汁甜品上層係朱古力 Brownie , 下層係一舊似棉花糖嘅糕點 , 唔會太甜 , 擺盤都花左心思 凍檸茶想讚下呢杯凍檸

深水埗比我印象都係麻甩之選，今日比我發現了一間隱世高質西餐廳，有多款選擇，價錢合理，食材高質，值得大家去支持💪🏻💪🏻💪🏻Dinner Set包含：餐湯、前菜、主食、飲品和甜品餐廳好有心思，前菜非常特別。係一個炸過的小飯團，裏面有粟米、香草和肉絲，再配上秘制醬汁非常好味。後來查問先知道係中東石窩飯，外脆內裏似粢飯，好有趣呀👍🏻👍🏻👍🏻🧡黑椒牛仔骨拼黑椒汁配薯菜 $158好大一碟，份量非常足夠，有大約6件牛仔骨。入口有香濃黑椒味，又不會過辣，牛仔骨烹調得非常入味又軟冧。配菜有薯蓉、粟米粒🌽、紅蘿蔔🥕和沙律菜。沙律菜配上蘋果味醋，令人幾開胃🧡澳洲牛西冷配香草燒汁 $168廚師👨‍🍳掌握到西冷的熟度，煎得剛剛好，切開好鮮嫩和多肉汁，配上燒汁勁惹味。配菜有蒜頭和焗蕃薯🍠蕃薯用了慢焗的方式處理，使蕃薯更甜。🧡朱古力蛋糖配椰子味棉花糖

今日同朋友出深水埗，順便周圍搵食。搵唔到想食咩，行過見到呢間店氣氛幾好，又唔多人，就即刻入去試下。Menu有好多款set dinner可以選。我同朋友選咗黑椒肉眼扒同燒春雞意粉。餐湯係甘筍忌廉湯，甜甜地幾好味。前菜好特別，係一個炸咗嘅小飯糰，入面有雞肉同粟米，好奇問問店員，原來係中東石窩飯，好好味，外面又脆，但店員話前菜會經常轉款，希望大家有機會試到。肉眼扒叫咗5成熟，切開時仲好鮮嫩，好多肉汁，加埋配菜有露筍同蒜頭焗蕃薯，絕對夠飽。燒春雞都好滑，唔會烤到乾晒，而意粉汁嘅味道我都好鍾意，好似有少少沙嗲味，唔知有冇估錯呢。呢個價錢，呢個質素，比得上更高價位的同類餐廳。呢間店食完絕對滿意，下次要試下其它set dinner。

長沙灣最近開左間西餐 餐廳風格以簡單工業風為主 係幾位年青人開既 以晚餐黎講價錢唔貴 1xx蚊已經full set 有湯 湯律 主菜 甜品 仲有餐飲 甘荀栗米湯 - 甘荀打成蓉 但又唔會有甘荀既草青味沙律 - 凱撒沙律加左少少蟹子 醬汁酸酸甜甜 有芝士 煙肉 麵包糠黑松露牛肝菌意大利飯 $138(美味指數: 😋😋😋😋😋)我其實好中意食risotto 每次食西餐都差唔多必點 但好少機會食到正宗既risotto 所以今次真係喜出望外 除左用左意大利米之外 仲係好正宗既煮法 煮到岩岩好意大利飯中間仲係硬身 真係既risotto口感 餐廳仲用左好濃郁既牛肝菌同黑松露 忌廉芝士多得黎又唔會太heavy澳洲牛西冷配香草燒汁 $168(美味指數: 😋😋😋😋😋)我平時食牛扒嗌開3成熟 但今日同媽咪share食 佢唔敢食太生 所以就嗌左8成 肉質都好嫩同腍 我地揀左配薯菜 配菜方面有露荀 最驚喜係有半個燒蒜頭同燒蕃薯 真係唔係好多餐廳做到咖啡泡芙配棉花糖今日甜品係咖啡泡芙 好重咖啡味 棉花糖唔太甜軟淋淋 配埋泡芙既咖啡餡料 味道岩岩好😍(5分為最高)整體食物質素: 性價比:推薦指數:

位於深水埗新開左一間西餐廳，平時日日返工都會經過，今日終於同男朋友黎食一次了。食物係西餐，但裝修就唔算好有情調個種，比較平民，價錢上都係，有貴有平，就算最貴都唔會幾百蚊個種，岩曬街坊。我同男朋友一人選左一個Ｇ同Ｉ。佢一個價錢一個套餐已經包有湯，清甜既忌廉湯，入面仲有小小既香草，好特別既香草味。男朋友叫左個英式威靈頓酥皮焗三文魚，平時見多數都係威靈頓牛扒，今次呢間係三文魚，真係比較特別，外皮非常鬆脆，入面三文魚加入左小小牛油果，令到整個三文魚又滑又香。我就叫左呢個澳洲牛西冷配香草燒汁，我叫左３成熟，中間位似３成，頭尾就比較熟，但食落都非常嫩，牛味非常重，牛汁都好多，仲有個配菜焗薯，奶味薯味都好勁，超好味。最後仲有一杯飲品同一款甜品，今日係布朗利，唔會太甜。整體黎講，呢個價錢有咁多野食，食物質素仲要唔差，值得在黎！

去開個頭番工 K HOUSE附近都好多茶餐廳見到呢間西餐廳 平時神日食中餐 今次轉下口味入到去人流好少 重以為有伏講真既 見到D價錢 真係有D嚇親 都無計頂硬上叫左個煙三文魚意大利飯  咁好快就上左菜賣相非常好 好吸引 試食埋味道真係唔錯三文魚溫度岩岩好 太凍反而會同意大利飯夾唔埋個飯都非常出色 自己覺得意大利飯 有好多店都汁多過飯搞到食湯飯咁 今日呢個我好滿意 飯同醬煮既時候無失衡最緊要食完 同朋友坐左勁耐 以後想好好嘆個飯 我都會再黎!唯一既缺點就係食物價錢偏貴~

嚟開深水埗買野，見呢區一向多野食，揀咗K House食西餐，同友人每人揀咗一個set dinner, 保雲蘇烤澳洲羊扒配薯菜．澳洲西冷配香草汁，先講我本人係好怕羊嘅"蘇味", 但呢度嘅羊扒令我對羊改觀哂，不但味道好，肉質口感都好值得讚👍🏻另外揀咗五成熟嘅西冷，廚師真正煎到五成熟，肉汁好Juice,而且仲厚切，餐湯好飲足料，沙律菜爽口，好新鮮，食到索索聲😋百零蚊價錢仲有埋甜品，平時買塊扒返屋企煎都要呢個價錢，確係好食，價錢平民。今晚揀咗呢度絕對係唔錯嘅選擇，餐廳環境舒服，好啱一班朋友嚟聚會

是夜黎到長沙灣同深水埗交界搵食～其實呢兩個站中間真係有好多野食，不過就要行一段仔路～～但估佢唔到呢度竟然有間隱世小店～呢間K House主要係食西餐～餐廳播既廣東歌都非常岩聽～ 佢既晚餐包湯、沙律、maincourse、甜品、咖啡/茶！夜晚都只係一百中～但有哂咁多野一定夠飽！佢既是日餐湯係粟米湯！ 夠哂creamy又有粟米粒！正！同埋估佢唔到佢個沙律咁足料！係Caesar salad! 面包粒粒夠哂脆！佢上枱個陣真係超surprise! 從用料都睇得出餐廳其實都真係好有heart! Main course方面我地叫左西冷同春雞意粉～～西冷要左5成熟，夠哂牛味，伴碟既蕃薯都好好食！估唔到仲有焗蒜！ 我地都冇乜點樣點伴碟既汁，因為都已經好夠味～～重口味人士可點～～燒春雞意粉，呢個真係值得一讚，無論係份量定味道！春雞仲係好有肉汁，唔會太乾！有成半隻雞再加勁多意粉！ 意粉個汁都好好味！南瓜汁味道都好出！甜品方面就係棉花糖上面有舊brownie! 賣相好好，咁夾黎食都係第一次！令到舊brownie冇平時食開咁漏！ 正！希望大家去開ssp 想食西餐都可以行多幾步黎呢間試下！ 支持小店～～～

媽媽今天工作上有好消息,特意帶她來吃她最愛的西式晚餐🙂餐廳不難找,我們在長沙灣地港鐵站A2出口轉一個街口,沿元洲街一直往前走就到達餐廳到達的時候大約晚上七時,人客並不多,餐廳地方空間感很足夠,適合朋友聚會聊天💕侍應非常殷勤友善,為我們介紹了一系列的Dinner set及廚師推介👨‍🍳每份晚市套餐都奉送餐湯,沙律,甜品及飲品😃以這個價錢來說相當經濟實惠👍今天的餐湯還有我最最最愛的南瓜湯😍😍✨寶雲蘇烤澳洲羊扒配薯菜 ($168)作為羊肉控的我對這度主菜實在沒法挑剔🤤🤤三件啖啖肉的羊架🐑肉嫩又入味,沾上附有的芥末醬亦別有一番風味!✨澳洲牛西冷配香草燒汁 $168媽媽點的七成熟西冷牛扒亦令我們感到驚喜😀牛扒雖然看起來厚度十足,但肉質依然嫩滑,肉汁亦能充份鎖住在牛扒中👍是日的甜品為咖啡泡芙配棉花糖和草苺醬😛很有巧思又美味的甜品,為今天的晚餐畫上了一個完美的句號~

英式威靈頓酥皮焗三文魚💲158保雲酥烤澳洲羊扒配薯菜 💲168隨餐附送頭盤、是日餐湯、飲品及甜品✅ 威靈頓三文魚出面好少見🧐 酥皮外層酥脆💥 三文魚同酥皮之間有菠菜蘑菇蓉🍄🌱 再配上味道特別既香草蟹子忌廉汁🦀🌋 令人一試愛上💓✅ 羊架夠厚身 食落夠juicy😋 鋪上炸蒜粒☄️ 再配以香菜芥末醬🌿 味道更加提升🆙👅Taste：4/5💰CP值：3.25/5🙋🏻‍♂Service：4/5👁‍🗨Stylishness：3/5