K House (已結業)

呢間餐比親子餐廳更窩心，紋身哥哥好細心，見到囡囡細個就主動較細冷氣。我地一家三口叫左左兩個餐，好耐無飲過熱辣辣的餐湯，係深水埗呢區真係唔凍都偷笑，紋身哥哥仲俾多一碗湯給囡囡，餐湯好creamy，好放心俾囡囡飲，囡囡未夠兩歲都飲哂成碗。頭盤個salad 份量都好多，我地要左春雞意粉，春雞好滑，南瓜意粉囡囡爭住食配菜沙律都好豐富，仲有粟米。另外個慢煮羊柳沙律，囡囡大大件羊柳自己咬不用剪，至於沙律dressing都有幾種汁，同埋配料好豐富，好好味。因為賣相好靚，囡囡一見就要即刻食，淨係影左兩張相。之後甜品又上多一份俾囡囡，用餐後我用濕紙巾抺囡囡食具，有位叔叔見到仲走埋黎話幫我地拎去洗，出街食飯第一次遇到超感到動。好耐無遇到又好味又有人情味既餐廳。兩個餐加埋二百幾，不用加一，有頭盤，有餐湯，主菜，包飲品，仲有甜品，用料食材好靚，真係好豐富超值。因為食得出好有心機，呢種質素閒閒地要五六百埋單，可惜餐廳位置條街唔算旺，外區客唔經過，係度真心推介有質素餐廳。