K House (已結業)

去深水埗買完電話卡覓食，又想食西餐行下行下見有間新開西餐，即管試一試啦，一試就有驚喜！餐廳選擇不多，餐牌一眼睇晒，點了兩個set dinner 嘗新嘗新！主菜澳洲西冷煎到五成熟外面煎至微焦內里有肉汁有牛味，而且唔係配薯條而係焗蕃薯！西班牙乳豬配黃薑飯乳豬皮烤至脆卜卜又保留肉汁，雖然等嘅時間較長但值得嘅！是日餐湯係黑松露忌廉湯，黑松露味濃，忌廉creamy，唔係普通例湯。沙律有heart，非常新鮮！最後配埋甜點朱古力brownie 配椰子cream，兩種撈埋食好夾，絕對有驚喜！