K House (已結業)

今晚又黎SSP搵食，朋友介紹左呢間性價比奇高既餐廳，果然無介紹錯！呢度既Dinner Set 由$88去到$168都有，但$168竟然可以食到羊扒同西冷！我地點左兩個Set ，一份係威靈頓焗三文魚，一份係老闆強烈推介既羊扒。兩份set都無令到我失望，真係超有驚喜同好食！首先跟Set 有湯同前菜，兩樣都唔錯，前菜好特別係焗薯飯波波，口感食落又唔錯！然後到主菜威靈頓焗三文魚，份量適中，酥皮好脆，包住厚身三文魚扒，配埋秘製醬汁，好夾好好味！然後到羊扒，老細介紹時話唔會有羊穌味，食落果然真係無，份量有成四件扒，外脆內嫩又多汁，真係對得住$168呢個價位有突，好推薦試！最後想講下服務，一餐飯食得開唔開心服務都好大影響，餐廳所有員工都好有禮貌同介紹食物，感受到佢地用心經營，食得特別有愛同開心啊！

公司附近開咗間新嘅餐廳，同事都講過幾次話想去試下，不過就次次都揀咗食其他菜式，所以遺忘咗佢。今日就終於輪到去試試，距離公司其實好近，行幾分鐘就到，以後都可以變飯堂之一啦。午市都有好多選擇，大約$48-$98一個餐，連湯及餐飲，真係抵食。我今朝食咗個大早餐，食lunch時間都未係好肚餓，叫得大份又食唔晒，做大嘥鬼，所以揀食沙律。鴨胸凱撒沙律味道正常，生菜好新鮮，無變黃出水，鴨胸無過鹹，合格有餘。加埋個餐湯及餐飲啱啱好，唔會過飽。見其他同事嘅餐都好好味咁，下次要食個扒餐，好大份呢~~

嚟到深水埗，到食飯時間，唸住係西九龍中心求其食一餐就算，但係唔想咁悶，就搵啲新嘢嚟食。朋友就話想試呢間西餐廳。午市人均80蚊到，以食西餐嚟講價錢都唔錯嘅。我地一人叫咗一個餐可以share食。跟餐仲送餐湯及飲品。自家烤製玻璃乳豬配黃薑飯，唔知點解叫玻璃乳豬，係咪因為乳豬皮好似玻璃咁“令”呢？乳豬燒得幾好，唔會特別乾鞋，皮燒得好香脆，肉質嫩滑多汁，都唔錯。黑松露卡邦尼意粉：味道濃郁，好香黑松露味，配料有火腿同菇，仲加咗一啲類似青芽菜的蔬菜令到意粉帶有一點清新嘅味道。以咁嘅價錢嚟講，食物質素真係唔錯！

大食妹今日又同朋友仔去深水埗覓食經過一間幾抵食嘅西餐 - k house, 就過咗去食<烤澳洲羊扒配薯菜>店員極力推介佢嘅澳洲羊扒, 可惜大食妹唔好羊肉, 就冇嗌啦~~反而喺朋友仔好奇, 嗌咗嚟食大食妹試咗兩啖, 羊肉騷味唔係好重, 肉質煙韌, 配上佢外圍裹住嘅麵包糠同 調味, 口感幾特別 如果覺得唔夠味道, 可以自行配上蜜糖芥末<英式什扒配薯菜>大食妹就嗌咗個英式雜扒配薯菜, 雜扒裏面有豬扒、雞扒、煙肉、腸仔等等, 最啱大食妹呢啲鍾意乜都鍾意食少少嘅女仔雖然唔係以鐵板上菜, 但佢嘅擺盤都相當唔錯<粟米蛋花湯>相比起主食, 大食妹認為佢嘅前菜同埋甜品都比較有特色 一嗌完嘢食之後, 侍應就會畀碗粟米蛋花湯你, 睇落去相當家常<單骨炸雞>然後蛋花湯配嘅竟然唔係餐包, 而係單骨炸雞, 呢點相當新奇<布朗尼配棉花糖>布朗尼嘅朱古力味唔係特別出眾, 但配上裹住椰絲嘅棉花糖, 睇落都幾靚

跟同事逛完黃金商場又到晚飯時間，隨心走入一間西餐廳。L 選了一客寶雲酥烤澳洲羊架配薯菜，，外層脆脆，好吃好吃！外層麵包糠香脆均勻，肉味亦都濃。如果可以將焗的時間縮短小小內層肉質就更嫩。入口亦沒有羶的感覺， 可能因為加入了適量的香草蓋過羶味。雖然不沾任何醬汁都夠味，但伴碟的芥末醬是值得一讚的。通常是威靈頓是配牛肉，不吃牛肉的同事看到英式威靈頓酥皮是配焗三文魚即二話不說選這個。外層威靈頓酥皮鬆脆易切開亦不會碎散。包住的是菠菜蓉及厚肉到似午餐肉的三文魚。 喜歡較濃味的可以沾上伴碟的醬汁。餐廳勇於嘗試創作新菜色的風格於頭盤及餐湯展示，炸雀巢就是將炸腐豆卜表面加上蟹子，入口清新而且開胃。至於以香芋取代薯仔的忌廉湯口感沒有太厚的感覺。朱古力布朗尼底層為棉花糖椰絲餐廳以擲標為主題更有香港代表隊的簽名戰衣，足見店主對此運動的喜愛。

上次食完好好食，又黎食多次啦，又有湯配埋，好香今次叫咗黑松露意大利飯，意大利飯好香，好吸引我去食，配咗唔同既菇類，提升香味，一流啊同燒春雞配南瓜意大利粉，特別嘅係燒春雞分左分別用唔同嘅調味料去制作，我條脷就唔叻，食唔出係乜嘢嘅調味料，不過兩種調味料我都好鍾意食，至於個意大利麵，加上南瓜味都好香濃，食落唔會乾爭爭！另外值得一提就係佢嘅甘筍粟米湯，清清甜甜好易入口，濃結度調配得好好。雖然餐廳唔係好大，但勝在環境優暗好有情調，而且佢哋嘅擺盤都好用心整得好靚，令食客睇到都心花怒放！值得一試！

今日好開心係深水埗附近買完嘢，同朋友見到啲肚餓，就隨意去西餐廳度食飯。 去到餐廳見到都幾多人 ，入到去都坐得舒適。 我哋叫咗以下:餐湯係南瓜湯，南瓜湯煲同磨到冇渣， 飲起上嚟嫩滑。幾creamy。澳洲羊扒配薯菜： 羊扒有三嚿，都比較意外，因為通常有啲餐廳都係畀兩嚿，講返我哋個主角個羊扒整得算幾出色，因為肉質鮮嫩，用刀切起上嚟都易切 ，同埋羊扒保留住肉汁，我覺得整到個羊扒十分出色，讚!西班牙乳豬配提子黃薑飯: 見到隔離枱有人柯打咗呢個乳豬，見幾靚咁我哋又order， 講返隻豬， 個皮非常之脆， 肉質之嫩滑應該係bb豬。 再加埋個黃薑飯。 同埋餐廳秘製嘅醬料。 我個人十分之滿意。最後食埋佢嘅甜品同飲埋我鍾意嘅檸茶，跟住走人，Overall，我同朋友都幾滿意呢間西餐廳，行過深水埗嘅朋友記住嚟試一試。

深水埗呢個地方其實我都好少黎...如果唔係要出黎幫細妹買D野，我都唔會黎深水埗...因為我印象中佢多數賣電子野，同埋我唔太鐘意去人多既地方買完野都已經6點30，反正今晚屋企無飯食，我就係深水埗食埋野先返去啦雖然深水埗係好多唔同既餐廳同小食，但今日個胃口想食西餐，咁啱就搵到一間叫K house既餐廳開頭睇個名仲以為佢係韓國菜既餐廳，原來佢係食西餐既餐廳都算大，有三十至四十個座位啦~可能時間尚早加上係平日，唔算太多人set dinner有好似9款選擇，由$88-$168都有仲奉送頭盤、餐湯、飲品同埋甜品呢個價錢黎講都算係幾抵食既~當然都要睇下食物品質先啦咁我就揀左個「西班牙乳豬配提子黃薑飯」價錢係$158今日既頭盤係凱撒沙律，而餐湯就係周打魚湯兩樣都係我好鐘意既食物凱撒沙律都幾大份，仲落左好多芝士粉俾我~而周打魚湯都好好味，有好多魚肉係入面，啱哂我口味等左大約20分鐘個飯就上枱啦份量都唔細喎~都有六件乳豬件架另外仲有沙律菜、粟米粒同紅蘿蔔作為伴碟~睇黎餐廳都幾重視營養均衡個飯都幾重黃薑味，仲有好香既香料味，但本人對香料既認識唔太多，所以都好難講返係屬於咩香料但整體黎講個飯都幾夾既~唔會有種

喺深水埗見到一間新餐廳，喺門口睇咗份Menu覺得幾抵食，決定入去食下！店員好有禮貌咁介紹下今日嘅餐湯同埋前菜，我哋望一望Menu，最貴都係$150左右可以食個扒，於是就叫咗個保雲蘇烤澳洲羊扒配薯菜($168)，同埋澳洲牛西冷配香草燒汁($168)。餐當係蘑菇忌廉湯，味道適中唔會太淡。我叫嘅西冷五成熟，燒出嚟好香，而且賣相都好吸引，分量亦都好厚好大，雖然價錢只係$168，但係質素絕對唔差，肉質都出乎意料之外咁腍，我一個男仔食都覺得好飽！羊扒食落會更加嫩，而且鋪上面的香料香脆可口，有三大塊羊架，另外薯蓉都幼滑，唔錯！我覺得以咁嘅價錢來講，餐廳嘅食物水準係好高質！

前排同巴打出左深水埗買下電腦野，行咁上下都肚餓啦咁啱見到呢間K HOUSE，見到入面有位，大家都唔想再行，就入左去食啦由於太肚餓既關係，巴打就講笑咁話不如叫個三人餐食飽D，仲以為佢講笑，點知真係落左單個餐都幾抵，有餐湯、頭盆、燒豬肋骨、香草烤春雞、蟹子意大利粉同3杯飲品價錢都係$258仲唔收加一坐係度打一陣機就好快有野食送上枱啦湯同頭盆都唔錯，個湯係忌廉湯，好濃郁忌廉味，仲有幾多磨菇燒豬肋骨同烤春雞都比我預期中好食喎豬肋骨好惹味，D醬夠哂香濃，我最鐘意!!烤春雞都好嫩滑，啖啖肉伴碟仲有粟米同薯蓉，薯蓉夠哂滑漏至於蟹子意粉呢....賣相就好似無咁好睇不過男人老狗食野又唔係要呃LIKE，好食就得啦!佢個意粉都煮得唔錯，唔會過軟或過硬，醬汁夠多，正。食完唔算超級飽肚，可能因為我地兩個麻甩佬大食啦

今日約左住深水埗嘅朋友食飯，佢帶我食呢間k house，原來朋友成日黎呢到食。今次朋友叫左英式什扒餐，有雞扒、豬扒、煙肉豬肉腸、扒茄同雜菜，味道濃郁，好啱鍾意食肉同重口味嘅朋友；而我就揀左燒春雞配南瓜意大利粉，特別嘅係燒春雞分左兩部分，分別用唔同嘅調味料去制作，我條脷就唔叻，食唔出係乜嘢嘅調味料，不過兩種調味料我都好鍾意食，至於個意大利麵，加上南瓜味都好香濃，食落唔會乾爭爭！另外值得一提就係佢嘅甘筍粟米湯，清清甜甜好易入口，濃結度調配得好好。雖然餐廳唔係好大，但勝在環境優暗好有情調，而且佢哋嘅擺盤都好用心整得好靚，令食客睇到都心花怒放！唔止唔止，仲有佢哋做緊學生九折優惠，連中電嘅員工都有折呀，終於明白點解朋友仔成日嚟呢度食啦，值得一試！

係深水埗行完街，經過K House，見到佢地標明低油、低鹽同自家出品，而Menu 都幾多選擇就入去試下～所有既餐都配有餐湯、頭盤、甜品同飲品！百零蚊認真抵食～餐湯今日係紅湯，都幾足料～頭盤幾特別，原本以為係薯蓉波波，原來係一個素球，入面有飯，菜，粟米等等，真係幾特別～幾驚喜！Order左廚師推介既BBQ美國排骨配薯菜：一上枱，香噴噴既味道真係令人食指大動，擺盤都幾靚，排骨有8大條，排骨面灑面超香既七味粉，七味粉既Fans表示滿分💯之選～排骨切開雖然有d乾，不過每條都有少少肥肉位，個層油脂配番排骨又岩岩好～所以入口又變得無咁乾身～英式威靈頓酥皮焗三文魚：係門口睇menu既時候巳經選定左呢個菜式，因為幾特別～酥皮焗得夠，層次感鬆軟，好食又唔油膩，配合佢地既低油，配三文魚，三文魚帶有少許魚油，香得黎又唔會遮蓋酥皮香～味道唔錯！兩者中間夾住菠菜蓉，味道唔會太咸，真正既低油低鹽選！甜品係Chocolate Brownie，朱古力味好濃，蛋糕質感好香軟，唔太甜～仲配埋淡淡既椰絲綿花糖～食飽加個甜品，好滿足！餐廳入面仲有間私人房，如果一班朋友都唔錯選擇～

在深水埗看到有一間新開張的西餐廳，評語也不錯，決定嘗試一下。餐廳環境舒適，播放著流行音樂，感覺輕鬆。我們點了兩個套餐，黑椒牛仔骨併黑椒汁配薯菜和一個BBQ美國排骨配薯菜。套餐包括主菜、餐湯、沙律，飲品和甜品。黑椒牛仔骨肥瘦適中，肉質鮮嫩，有濃濃的黑椒味，調味適中。BBQ美國排骨醬汁甜甜鹹鹹的，醬汁鋪滿整條排骨令排骨入味，肉質軟腍。是日餐湯是甘荀湯，味道清新。最後奉上飲品和甜品，為是日晚餐畫上一個號句。

行完西九格仔鋪，係深水埗想搵啲嘢食，經過左呢間之前唔係好覺嘅鋪頭，可能係開咗冇耐嘅餐廳叫K house。佢地嘅menu選擇唔多，但全部都爆曬前菜湯嘢飲同埋甜品，價錢平均$100鬆d左右，最貴都係$168，我哋就嗌咗一個黑松露牛肝菌risotto同埋澳洲西冷扒。嗌完冇耐就有南瓜湯同埋佢哋嘅沙律前菜送到，沙律上面有埋咖哩角，好少見😳味道唔錯。主菜risotto睇樣都覺得好rich同香濃，而澳牛西冷賣相亦好吸引，少少筋，肉味夠，火侯好，係筋有少少多啫，配菜都幾豐富，有甜薯，沙律等。😀最尾仲有個甜品，夠晒飽！

今日去完SSP買完野，周圍行搵野食，行行下就搵到呢間西餐廳，見感覺幾ok就入左去試下。我地叫左兩個Dinner Set，一個英式威靈頓酥皮焗三文魚同一個保雲蘇烤澳洲羊扒。個Dinner Set由5:45開始就有，仲包頭盤，餐湯，甜品同飲品，如果做中電嘅話仲有9折添。今日嘅餐湯係周打魚湯，夠晒濃同足料。頭盤係沙律同小食。英式威靈頓酥皮焗三文魚 $158 將三文魚放係酥皮入面焗，配埋個汁，味道唔錯。平時食開都係威靈頓牛排，估唔到三文魚呢個組合又幾唔錯，可以一試。另一個係保雲蘇烤澳洲羊扒 $168 因為我地唔食薯蓉，所以我地就叫左唔洗上。個羊扒好香，烤得岩岩好，如果你平時鐘意蒜香嘅話，呢個一定要試試。食完正餐，今日嘅甜品係Brownie + 棉花糖，黑白配一小舊，不多也不少，份量剛剛好。總結黎講Dinner Set價錢合理，食物質素唔差，係附近嘅朋友可以一試。