JW咖啡室

營業中

休息中

兩個月前已經book定枱，同我寶寶嚟JW Café慶祝生日！聞名不如一見，果然入座率超高，呢日係平日，估唔到咁爆！我地六點半入到去坐低，已經急不及待出去攞嘢食！回本位嘅冷盤有龍蝦、剝好嘅龍蝦鉗、青口、凍蝦、麵包蟹等。刺身都有好多款，分別有吞拿魚，三文魚、鯛魚、甜蝦、希靈魚、八爪魚，但就冇我最鍾意嘅帆立貝！另外仲有兩款煙三文魚，一款係黑椒，另一款係刁草，兩款都好好味，配搭新鮮沙律菜進食，中和咗好咸嘅味道，入口咸香軟糯，真係非常！JW Café出名中式熱盤款式種類選擇多，鮑參（冇翅）肚我地都食咗好多！另外仲有片皮鴨、海南雞、燒乳鴿、蒜蓉開邊蝦、薑葱蒸蟹、清蒸龍躉球，不能盡錄。而西式都有燒牛肉同羊架等。而家一路寫一路好想再去食多次！因為食得太飽嘅緣故，我地本想將酒店送俾我地嘅生日切餅拎返屋企再慢慢品嚐，但服務員說不可以拎走，所以我地只好喺酒店夾硬吞咗佢落肚。件切餅係好食嘅，有濃厚嘅朱古力味，類似心太軟的質感。總括而言，除咗環境略為嘈雜咗一啲之外，其他表現都中規中矩啦！

適逢父親同母親大人週年紀念，就帶佢哋去食餐lunch buffet 😙今日用左匯豐platinum card, 有85折，即係每人$407 （包括加一）。比起Conrad個lunch buffet, JW真係多好多款式，食物質素、服務都高好多！🤩Good：- 甜品款式好多，朱古力蛋糕同Paul Lafayet嘅一樣好味，好有層次，好軟滑，必食！- 熱食好多都好吸引，例如蒜蓉蒸蝦、花膠、龍躉、燉湯、扁皮鴨、南洋咖哩飯、carbonara、即切牛扒...... - Sashimi幾新鮮，有師傅夾俾你- waiter/ waitress幾細心、服務態度好好To be improved:- 沙律款式唔夠多- 因為熱食同甜品好吸引，所以海鮮例如蟹、mussels就變得無咁吸引Overall experience:🌕🌕🌕🌕🌑

-🦄JW MARRIOTT -BREAKFAST BUFFET Hkd348Rating🌕🌕🌕🌑🌑-上回同大家分享咗Jw Marriott嘅房間住宿體驗今日就同大家分享埋佢個自助早餐-當日我哋游完個早水 08:30就落咗去食早餐雖然時間都尚算早 不過已經坐滿咗80%啦-早餐就咁望落 其實都幾豐富大約係65%西式再加35%早式咁啦 都唔錯嘅係門口位置個邊 擺滿咗琳琅滿目嘅麵包有法式🇫🇷酥餅 例如係水果丹麥酥有港式🇭🇰麵包 例如係雞尾包菠蘿包同埋有Scone 牛角包🥐 方包🍞冬甩🍩等等比較特別嘅係 佢竟然有無麩質GF嘅麵包😨聞落超香牛油味 食落口感似蛋糕多過似麵包不過都好食嘅 好鬆軟 而旁邊仲有好多麵包醬就連純素嘅朱古力醬都有 真係好正 好少見🤩西式區域嘅腸仔火腿煙肉 應有盡有 種類超級多旁邊仲有廚師即叫即整奄列 可以任加配料 正唔想食奄列嘅話 仲有煎蛋 炒蛋 同埋白烚蛋呢個區域已經足夠你自己砌個ADB出嚟😆😆-行去另一行仲有沙律區 好少可早餐都會見到沙律沙律菜同埋醬嘅種類超多 下面仲有一堆芝士任夾另外不得不提嘅係 佢竟然有供應兩款Bagel🥯仲有煙三文魚加Cream Cheese比你 好

呢間jw cafe既自助餐真係好難bk！！ 早半個月都bk唔到星期一晚既自助餐，好彩因為係住客，Book咗兩日一夜，checkin果陣多口問職員，先可以食到😍🥰本來無抱太大期望去食，因為之前有人話佢地既自助早餐正，但我覺得麻麻，估唔到今次既自助晚餐令我有驚喜！海鮮超正，仲會推薦大家點咩醬🤩👍🏻有蟹鉗、龍蝦、蝦、蟹蓋等，附上圖俾大家睇❤️刺身同壽司方面，我覺得甜蝦好食，其他都一般姐。牛扒方面，我就叫咗一塊，配上黑椒汁，呢個都幾好食😋熟食方面，都唔差，特別係片皮鴨同埋燒鴨，新鮮熱辣辣，仲有人幫你包🤤甜品方面，有豆腐花、雪糕、芝麻糊、一件件嘅蛋糕同埋一杯杯嘅甜品，我覺得味道可以，但唔會令到我食得我好想買佢哋嘅蛋糕🤣 始終都覺得文x酒店既蛋糕正d🤤整體來講呢餐自助餐都好好食，如果鍾意食海鮮嘅大家應該會食得津津有味，而且對得上個價錢，我會再去幫襯😙❤️❤️#＄698@1再額外+10%服務費

好耐冇食過自助餐，一來疫情關係怕唔衛生，二來聽聞現家好多自助餐既食物質素下降，但因為家人生日所以想特別d就簡左JW cafe作為我地慶祝生日既落腳點。果日大概6點鐘就去到餐廳，好好彩唔洗等位就入左去，環境都幾好，唔會好嘈吵既聲音✌🏻我同家人可以好舒服咁拎野食📍海鮮🦞我就好推介大家食龍蝦同凍蝦，真係好新鮮而且好多肉，每一舊都好大舊同啖啖肉，真係停左係個area好耐，因為樣樣都想食📍剌身剌身都有好多選擇，例如三文魚 八爪魚 呑拿魚 甜蝦 馬刀貝 象拔蚌等等，包你一款係鐘意同岩食 📍熟食呢間熟食既種類都比較多同吸引，例如:扁皮鴨 羊架 鮑魚 乳鴿 印度咖喱等等 最想講既係個牛扒加埋個汁真係一流，大家下次去可以試下📍甜品至於甜品方面都係幾岀色，有不同既蛋糕，有7款甜品杯，亦有豆腐花及生果提供，而且都有好多好好食既，食得之如賣相都好靚總括黎講，呢一間都係不錯既選擇，最後埋單每人$698+10%

平时好喜欢吃自助餐，提早一个月，訂了呢度，慶祝结婚周年。第一次来呢度，期望高，食物水平不付期盼。雖然整體熱食選擇不多，但是高質素精選，有北京填鴨，海參，湯等質素都不錯。意外發現面檔雲吞好吃，水準高。刺身有我喜歡吃的帶子及其它各款魚生，海鲜龍蝦，面包蟹，長腳蟹夠新鲜，好好味，吃了几轉。會再去，推荐!

今日公司搞慶功午宴, 包成七十位, 咁大排場, 真係好少係自助餐店出現, 酒店都好配合座位調動.因為要幫手入坐, 所以無閒暇影食物相, 但趁人唔多, 影環境都係必要既.先食冷盤既我, 通常都係先食火腿同芝士, 款式唔多, 每樣都係得3款, 相比一般自助餐, 大概少1-2款. 不過JW既特色係少得黎精. 雖然無平時最鍾意既巴馬臣芝士, 亦無只想一試既藍芝士, 但3款都好有芝士味. 火腿亦都冇特別辛辣口味, 但都做到正常水準既.麵包蟹蓋今次都唔太精神, 無一個蓋係有紅色膏既, 相反入面仲係白雪雪既, 不過點都拎一個試下先啦, 雖然口感唔同, 但都好軟滑而重蟹膏味.刺身因為太多人排, 所以唔方便影相, 窩心既酒店, 既可以拎6款刺身之餘, 亦可以叫師傅做成壽司或手卷, 但壽司飯有少少生米, 但唔太影响面頭既刺身既. 今次無吞拿魚提供, 只有三文魚、鱆紅、甜蝦、象拔、墨魚同馬刀貝, 我覺得最值得推介既, JW黎講, 一直都係佢既墨魚, 入口好綿好軟, 底部有少少彈牙, 仲好重墨魚味, 每次我都會拎好多黎食.重點推介既係以上2款, 花膠扒同片皮鴨, 真係食幾件已經回返本, 炆好既花膠好淋亦好入味

幫襯咗JW cafe自助餐超過十年，今次午餐係最差嘅一次。訂位時話有長者唔方便上落樓梯，所以安排我哋坐在意粉、燒牛肉枱附近👍🏻我和家人一點鐘到達，燒牛肉已淨返唔多，可能近尾部份，太熟、好嚡我最喜愛的花膠雖然睇落大塊，但係比以前薄、濃味、冇口感。熟蝦仁爽口，蒜蓉蒸蝦入味乳鴿炸到又黑又乾，睇見都唔想食片皮鴨其實好食，但有趣的地方係負責做片皮鴨嘅師傅行開咗，隔離的師傅居然話唔識做，過咗一陣，另一位勉強做咗一份(切咗大塊肉)俾我。除咗冇食青口，全部海鮮都在碟上。花蟹和麵包蟹都新鮮多膏，蟹肉清甜花螺冇沙，蝦就一般啦！其他食物中規中矩。糕點款式多，仍保持水準😋；反而紅豆沙似紅豆糊，好難食Cappuccino 一般。午餐時間至到兩點半，但一點半後有些食物已經冇refill😣侍應唔係冇禮貌，係唔夠專業，要經理提示先去攞熱水俾我媽媽；提我哋用餐時間仲有半個鐘，語氣好似我哋瀨死唔走咁今次無論食物、服務都參差，希望下次再嚟有改善啦！

其實我一向都對自助餐麻麻地🙈覺得食得唔多之餘又唔會有高質野食。不過今次食完萬豪咖啡廳既自助餐之後，我就對自助餐有好大既改觀😋😋。自助餐食物都可以高質之餘仲可以不斷重複食自己鍾意食既野食添😆😆✨📍凍海鮮推介：龍蝦、大蝦 & 蟹鉗🦞🦐🦀基本上所有海鮮都放喺冰上面保持新鮮，亦都獨立有一款醬汁配合。龍蝦同大蝦肉質彈牙，有甜味而且大隻👍🏻👍🏻蟹鉗亦都啖啖肉，非常之有蟹味😋另外仲有7款刺身可以選擇，而且又冇限制份量🤤🤤📍熱盤推介：花膠、鮑魚、海參、蟹鉗、豉油王乳鴿、蒜蓉蒸開邊蝦花膠、鮑魚同埋海參都煮得好入味，軟硬度適中。而且花膠同埋鮑魚既size本來唔期望會喺自助餐入邊見到🙈🙈我食蟹就最鍾意食啖啖肉既蟹鉗，除咗凍盤既蟹鉗，熱盤既蟹鉗都一樣咁好味，我一個人都好似食左6-7隻🙊豉油王乳鴿個味調教得啱啱好，乳鴿入味之餘又唔會煮到肉質太淋。蒜蓉蒸開邊蝦，啱晒d唔想剝蝦既懶人🤣而且熱辣辣真係好好味😋除咗以上推介既熱盤，其實仲有好多好多選擇，好似仲有片皮鴨、牛扒、羊架、叉燒、魚類、印度咖喱區、西式意粉/肉丸/薯蓉區等等等🤤🤤📍甜品目測有八款甜品杯之外，仲有6-8款原個蛋糕，另外仲有焗西米布甸、葡撻、麵包布甸、

Buffet 唔係我首選但爸爸媽媽都鍾意一年大概總有一兩次🙃冷盤🦀海鮮：花蟹、麵包蟹、蝦、青口、花螺（配以唔同醬汁）🍣魚生：可選刺身/ 手握壽司：三文、吞拿、帶子、馬刀貝、象拔蚌、甜蝦🍰甜點: Häagen-Dazs雪糕、Cheese Cake (日式/ 美式) 、Bread Pudding 等等芝士同火腿得兩三款大量沙律菜同生果熱盤🥘中式：花膠、蒜蓉蒸蝦、炒蝦仁、鵝掌、片皮鴨🍜其他：燒牛肉、咖哩、牛面肉、魚柳、雞扒、湯類、湯粉麵等等當然我無試晒所有嘢😂亦無影太多相/片因為怕騷擾到人🤭總結: 款式好似睇落好多, 不過真係會想食嘅就唔多- 花膠係出色同有驚喜- 魚生都算幾有鮮味- 甜點整體上都係唔太好食 (cake都係帝苑好丫嘛)HSBC 白金卡85折😉$500/位 (六月)以金鐘酒店Buffet算係唔錯Service 亦算好好呢餐最緊要係爸爸媽媽都好滿意比我自己揀就未必會食lu~~~

好耐無來酒店食自助餐了，所以訂了JW café 來食，疫情下都好full，因為佢算係高質buffet。食物總類唔算好多，但樣樣都好高質數。麵包蟹超多蟹膏又大隻，正!!海蝦好新鮮彈牙，一食就知係唔係雪蝦，我食左5隻呢！仲有呢道好出名的花膠，一條已夠哂飽。片皮鴨同樣出式，鴨皮好脆，包著的那塊皮好軟熟，加埋海鮮醬簡直極上品。佢甜品都好多款式，芒果布甸同tiramisu好味道!!好開心愉快啊!!

一直都知道萬豪酒店嘅buffet係特別出色，所以趁住今日得閒，就嗱嗱聲過嚟食咗先🥳🥳🥳🥳因為掛住食所以影少咗好多相，佢嘅蝦好彈牙，一食就知係非常新鮮，😍😍佢嘅其他海鮮都好鮮甜同埋新鮮，絕對唔係嗰啲擺咗好耐嘅貨尾拎俾你食，而且佢哋fill海鮮嘅速度非常之。所以基本上都唔需要同人地爭萬豪酒店嘅甜品一直都好出色，所以我每樣都拎咗嚟試，最鍾意佢嘅紅絲絨蛋糕同埋紐約芝士蛋糕，芝士蛋糕好重芝士味，個口感非常之好，紅絲絨蛋糕都好重味，基本上佢每一樣嘅甜品都好出色所以應該淨係食甜品都已經好夠飽哈哈

疫情已經持續了年幾，唯有食下buffet 調理一下自己心情，令自己開心一下，今次book 咗JW cafe 食下，同埋佢哋防疫措施做得好好，每次去拎野食area 區都要帶口罩同搓手先俾隻碟你去拎野食，確保大家都保持衞生🥰Lee 度值得一讚👍🏻JW D水準不嬲都有番咁上下，今次我食都保持水準，我當日食咗好多麵包蟹好好食好鮮甜😋仲有D熟食都好吸引有中式點心、龍躉魚、花膠都好好味，唔記得影叉燒聽朋友講必定要試因為都做得好出色同幾好味🎉至於甜品方面大致上都ok, 都幾多款式🥳

staycation 當然重要的一環就是食 breakfast buffet.可能大家都比較晚起身，平日時間9點都是人不多，到了10點突然一堆人出現了。 無人的取餐區突然變得好熱鬧。一入門口是 麵包區，有很多種不同種類的牛角包菠蘿包蘋果批等。果汁區就有菠蘿汁，橙汁，洋蔥蜜糖水，西瓜汁，，還有蕃茄汁和一張紙教你如何做virgin Mary。 我試了洋蔥蜜糖水，但其實口味真的怪怪，還是菠蘿汁加橙汁比較適合自己。蛋區，令我最欣賞有不同類型的奄列，不同類型的蛋可供選擇。我試了他們的signature 蛋卷很滿意，是先下單取號碼牌，然後放在自己的桌上，待應便會送給你。有燒火腿是一個驚喜，我已經很久沒有吃過了 。還有不同的香腸，每樣只試少少也很飽了。休息一會再食中式中式點心包括蝦餃，豬肉燒賣，豬肉餃子，小籠包，腸粉，炸豬肉餃子，素春捲，雞粥絲苗白粥，燕麥。全部都很有水準食到這裏我已經投降了，還有很多食物都還沒試，希望下一次有機會再來吧。

Due to covid restrictions, the dinner buffet session was closed until recently. Everyone quickly grabbed a booking just so they can finally enjoy the much laudable international buffet at JW Marriot. Each and every dish including desserts was placed so beautifully and you won’t believe it until you’re actually there to witness. I have never had any seafood as fresh as the ones they had on offer. Their unlimited and continuous supply of dishes was a top- notch service they provided. They were on