JW咖啡室

營業中

休息中

剛剛去咗金鐘太古廣場萬豪酒店JW 咖啡廳。疫情後 隔了幾個月再去 味道都可以，但有少少覺得不同了，海參炆鮑魚 鮑魚有少許硬 不容易咬碎，冇當時 容易咀嚼，龍躉肉 可能蒸得太耐 少許乾和硬，魚生就不過不失，因為魚生已經切定片只係放在雪櫃， 口感程度已經變了，酒店自助餐我個人覺得不需要切定 給客人 ，因為不是便當和超市，因在酒店食自助餐是享受，希望不會這樣做，醉雞和薑蔥雞仍然好好味，凍龍蝦可以，乳鴿冇當年肥潤好薄片沒有肉即係好瘦，乳鴿湯好飲，叉燒有少許乾，其餘冇乜變 ，好彩不斷加食品，收碟好快, 當然個人口味不同 最好自己試吓

太耐無嚟里度食buffet ，滿心歡喜。入到去，行左個圈，已經覺得整體食物唔算多。6點開始食，行左幾個圈，先諗到開始食咩好。平時一定會食下沙津，但唔吸引，放棄左。甘就食冷盤啦。龍蝦，蟹鉗，花螺都好食，其他野都麻麻。無長腳蟹，無生蠔熱食，最好味係羊架，好多人期望既花膠同海參都唔好味，湯都好普通。牛扒好硬。而且點解會無鵝肝。刺身，唔好食。全部都唔好食。甜品可接受，但唔算吸引。不過所有食物都refill 得好快，好快就有服務員收碟，服務係好好。

「蟹」逅自助餐，小人旨在可以品嚐鮮味十足的蟹貨！一入餐廳，最吸睛的自然是那一座蟹山，拿多少次都沒問題，長拿長有，性價比相當高。每張枱上都擺放有蟹夾和剪刀，可見蟹在這裡的而且確乃不可或缺的主角！蟹肉清鮮甜美，絕對是高級美饌！凍盤另一搵推介為煙三文魚，煙燻味濃，配洋蔥同吃是絕品！沙律是凱撒沙律，魚生、凍肉皆為上品。一字排開的熟食熱葷由蒸龍躉、咕嚕肉、蒜蓉蒸蝦、片皮鴨、紅燒乳鴿、燒牛肉、羊架、炒麵、燉湯、烚烚下魚蛋牛丸以至咖哩羊均在水準之上。重頭戲自然落在花膠扒身上，扒身炆煮得腍滑入味，怪不得每逢推出優惠均被迅速掃光！除花膠扒外，另一不可不試的是配意粉的牛頰肉，肉質差不多入口即溶，應該的是紅酒汁是非常非常的一級棒！甜品款式不算多，但每項單品均精緻擺盤，有水果、蛋糕、西餅、啫喱等選擇，更可任食多種類Haagen-Dazs雪糕杯，十分的美滿，最妙之處是食完後都不會覺得太膩滯。食材算得上奢華，絕對是一頓豐盛繽紛的自助餐料理。

JW係我最常去食嘅自助餐，由大閘蟹、lunch buffet 同dinner buffet ，一直都保持水準對上一次食係2年前疫情開始，果陣可能少左客，果次係唯一一次食完覺得唔ok，可能客量少，海鮮質素保持唔到今次滿懷期待再去食，9百幾人頭，匯豐白金咭85折，恒生白金咭9折係貴，但係值去之前打去確定咗有麵包蟹，因為嗰晚真係特別想食麵包蟹，但係忘記咗問有冇生蠔但係唔緊要，雖然冇生蠔同長腳蟹，但係滿足左我食麵包蟹嘅心，另外仲有花膠同埋海參，鵝肝都係任食

家姐生日🎂是她選好在這間食👌我請🤭順便搭港鐵線由旺角東好快丫12分鐘到去金鐘😊站。入坐時有些少時間可以影吓美食先啦🤭到12：00開動囉🤣見很多人都排海鮮位🦀🦞有多款海鮮選擇都唔錯👍蝦都有三款（蒜蓉蒸蝦、白灼蝦，凍蝦）我個人喜歡凍蝦有甜味，其餘兩款冇乜味☹️欣賞所有熱食，有時食其他自助餐啲熱食好差🤭又冇乜選擇喎🧐不過甜品就真係差囉！都係（？季好食啲😊）食得飽飽哋飲壺普洱茶😁到最後服務員送上迷你型蛋糕畀我們啦😁反而這生日蛋糕好食好多🤣🤣🤣

早前試過下午茶自助餐，今次再用信用卡優惠吃中午自助餐。海鮮有花蟹，青口，蝦，面包蟹蓋幾多膏，但無長腳蟹腳或龍蝦蚶感覺缺乏一點，魚生同下午茶一樣有四款，但都係無吞拿魚。熱食有花膠，咕嚕肉，北京填鴨，乳鴿，龍等魚塊，炒蝦球間中加少少帶子，蒸蝦，點心只有燒賣一款質素一般。甜品款式不算多，有栗子餅但好快取曬，糖水綠豆沙但似粥無人取。五星級人氣但感覺款式少一點，正價的話不值。服務方面有很多人手，安排坐位很好，用餐時很快回應需要。

生日梗係諗住食返好一個月前訂咗萬豪buffet$788一人如果想坐近窗邊位要更加早預約我哋6:00就已經抵達首先試咗啲冷盤長腳蟹冇乜肉但係龍蝦同埋麵包蟹真係勁多蝦膏同蟹膏而且佢仲有四款醬俾你選擇比你唔同嘅感覺花膠鮑魚海參仲有片皮鴨都係重頭戲Refill 得好快完全唔需要擔心要搶嘢食或者唔夠食淨係食以上呢幾樣嘢都回晒本甜品整體都高水準 仲有任食Häagen-Dazs嘢飲方面包一杯咖啡奶茶如果book到位嘅話我諗一年食一次都不錯

平安夜「JW Cafe」午市自助餐一位難求，改為訂團年飯。本來也只是 waiting list，可能疫情轉趨嚴峻，不少人放棄出外用膳，年廿九一個星期前接獲回覆有位；終於一償所願，目標達成！冇食早餐，準備同佢死過。中午12:00準時抵達。明天就是虎年大年初一，咖啡廳門口有簡單春節佈置，掛了一副對聯。金鐘萬豪酒店已落成多年，儘管有定期翻新，「JW Cafe」的裝修仍然平實，與近幾年落成的五星級酒店對比，室內設計就顯得普通、欠缺風格。唯獨優勝之處，咖啡廳位於酒店5樓，並靠向酒店巨大中庭，如果有幸獲編配靠向中庭的座位，可飽覽樓下酒店大堂超高樓底的氣派。年廿九食午市自助餐，因為晚市已經停止，但又不想晏晝食豐盛的正軌中菜。決定食自助餐之後，堅持爭取在「JW Cafe」團年，因為這裏的自助餐以中式菜餚為主兼評語不俗 ⋯⋯ 團年係華人傳統重要日子，還是應該吃中餐。公眾假期前夕的年廿九自助午餐成人每位 $468，小童$348；竟然同平時星期一至五的定價差不多一模一樣，只是象徵式貴了少少，可說相當抵食。刺身有六款：吞拿魚、甜蝦、馬刀貝、象拔蚌、八爪魚、赤貝；全部一般自助餐質素，欠光澤、新鮮度麻麻，尤其今

JW CafeDinner Buffet雖然喺出名中菜，有花膠扒、鮑魚同埋海蔘，但其他食物款都真喺好小🙈🙈飲品淨喺包一杯，得凍檸茶、凍奶茶果d，第2杯之後仲要收錢值得一提嘅喺凍海鮮會不斷refill，龍蝦同埋蟹都一直會補😂😂之前食過好幾間buffet喺唔會refill總結：味道雖然好食，但無食Buffet果種滿足感地址JW咖啡室 (金鐘)金鐘金鐘道88號太古廣場香港JW萬豪酒店5樓

有信用咭優惠，試吓好評的下午茶自助餐。入場有人walk in waiting, 可見受歡迎。基本是扣除冰鎮海鮮，中西熱食後的濃縮版lunch buffet。最受歡迎星中式點心和牛扒，refill 幾快，除花膠湯後，豬展湯有好多中藥料。四款糖水幾多，但西式糕點款式有限，下午茶來說不合棕，反而lounge款式較多又有乳酪雪糕。牛扒是切好一件件無乜牛味。魚生每次份量不少，介末新鮮做。時間1.45小時比較趕，下午茶時間胃口一般，吃了雨碗海鮮和鮑魚粥，所以可能去lunch buffet 性比價還會高。

有消費卷加持，點都趁假日同屋企人食大餐慶祝母親節，早早一個月已經預訂定，終於一嘗全城最豪中菜自助午餐。冷盤海鮮🦞：有花蟹、螺、海蝦、青口、面包蟹同蟹鉗，好少見自助餐有花蟹食，公蟹肉質扎實清甜，蓋內仲有綿密蟹膏清香甘甜，食吾停口。青口好肥飽滿，螺肉新鮮，面包蟹值頭爆膏，整體無咩冷藏味，高質。熱葷熟食：最大賣點係任食花膠，花膠紋得好焾，可以補充骨膠原。仲有鴨掌，叉燒、最意想不到竟然有片皮鴨，人手即場包裹比你，已經調好曬味，鴨皮油脂香氣十足，伴以爽脆青瓜解膩。蒜蓉蒸大蝦都係回本位。提供多款沙律菜，全部都好新鮮，用上獨立盒分別放上不同種類的菜，乾淨衛生。在場有手握壽司🍣，師傅即場製作，不怕紫菜變焾。刺身款式眾多，甜蝦吾錯，自助午餐黎講已不錯。甜品🍮：多款精美特別甜品🍮有自家製蛋白蛋糕🍰，不太甜又夠鬆軟，酒香味濃提拉米蘇，栗子🌰蛋糕更香甜可口得令人驚艷。吾夠喉仲有哈根達斯雪糕🍦，同水果顆粒。總結：花膠任食回本 海鮮豐盛性價比高自助午餐

JW一向口碑唔錯, 就過海黎食個下午茶自助餐.呢到有兩個自助餐位-JW Café同樓下The lounge,  食物有D唔同,  CAFE較多D中菜同種類多D，The Lounge較多甜品選左 Cafe, 3點半去到已經坐滿晒, 大家對自助餐真系好大需求😀首先食左魚生先, 有三文魚, 象拔蚌, 北寄貝等貝類, 新鮮爽脆, 讚👍中式有點心腸份燒賣蝦餃芋角雪山叉燒包, 叉燒包個外皮唔錯幾香脆, 有個粥檔有鮑魚海鮮粥同雞粥可選擇, 仲食左乳鴿，但有粉麵要等下次黎食私心推介系燉湯-蟲草花螺頭花膠湯,仲有專人怕大熱幫手拎上碟,真心好味, 個湯足料有誠意,好多花膠又大件🥣甜食有我好中意食咖央多士, 師傅現場整, 當然唔會放過, 鬆餅同waffle 咚甩葡撻水準唔錯🧇總體性價比不錯, 下午茶每位三百幾, 食物種類算多, 食物環境真心不錯，希望好快可以再黎

朋友2個月前訂了位，並於1月30日22年去JW食lunch buffet。現在疫情嚴峻，朋友驚不去食，叫我代佢去食。環境高檔，座位寬敞舒適。冷盤：凍蟹、青口、大蝦等等。又大又鮮甜正。魚生和壽司：此間refill.好快，不會被人拿晒要等至有得食，魚生好多款，有馬刀背，壽司立即手做比你，正。中式：有花膠，龍躉，四季豆，菜心，乳鴿，填鴨，蒜蓉煎蝦，白切雞等等。我食了3轉花膠，卽是6大片，6件蒜蓉蝦，填鴨啲鴨皮外脆肉嫩滑。整體食物嚟質素係好味嘅。甜品：各式各樣嘅蛋糕，有葡撻、焦糖燉蛋、朱古力cake、紐約芝士cake等，我真係花多眼亂，唔知點揀嚟食，味道唔係超甜，正。雪糕：有出名嘅Häagen-Dazs ice cream，我最愛嘅朱古力味和士多啤梨味。多野食，好難訂位，$548圓一位，加一，有恆生，HSBC.白金卡，85折。如果疫情解禁，要食dinner buffet。因為有龍蝦食。

疫情關係，午餐都盡量唔出咁多街食，上網睇吓有咩叫，見到jw海南雞好似幾正咁，雖然lunch而言都算貴，不過高級酒店出品差唔多，試吓佢，果然無令我失望，雞髀肉好滑，其他部位也不鞋口，香油薑飯軟硬適中，菜乾湯好味.D醬也好味，用來點雞之餘仲可以撈飯食，推介.

聽朋友介紹，呢間自助餐有得任食花膠同鮑魚🤤預早幾個月已經訂好咗位🍴啲鮑魚隻隻都好大粒，好入味🤤仲有海參添，全部都係任食！而且好快俾人拎完一輪又一輪，又會即時上番新嘅一盆，熱辣辣！真係太正啦OMG!而且仲有得任食花膠，反而我覺得佢哋花膠就冇鮑魚同海參煮得咁好食。蟹同蒜蓉蒸蝦都係任食，蝦🦐幾好，食落肉唔會好散！最後雖然已經食到勁飽，但係都有食少少片皮鴨，質素唔差！雖然比起一般自助餐貴，但質素係值回票價❤️