JW咖啡室

營業中

休息中

今日去呢間食buffet、唔係太多嘢嘢食、但係啲食材好靚、大部份係貴價貨、而且味道好好、啲海鮮好新鮮。稍為不足是生果麻麻哋吸引、甜品類不多而且啲蛋糕款式唔係好吸引

一年一度🦀🦀🦀🦀蟹主題真係唔講得少。。我哋九月初已經一早book定位👍。雖然仲有限聚令但係一早已經10月份被book爆。。依家香港仲係規定四人一台。。不過我哋都有11人。。唯有分三台。。。酒店安排得好好俾咗一間房我哋。。隔開晒啲位。。抵讚我哋當然準時6:00前就到達入咗啦🤪。。。再出去巡視左一輪食物枱真係好吸引呀。。🦀蟹嘅種類頗多。。當然仲有長期供應嘅花膠鮑魚同海參啦夠鐘一開始個個都會圍住凍海鮮嘅蟹🦀。。因為除咗有凍龍蝦🦞之外。。仲有今個月先至有嘅皇帝蟹腳🦀🦀每一碌都粗過食指🤣🤣🤣🤣。。當然最重要係海鮮refill好快好密。。我們差不多9:40走的時候。。路過攞食物的地方還見很多凍海鮮和避風塘炒蟹🦀仍有補充絕對唔孤寒當然甜品方便就比較遜色。。。有食過萬豪自助餐都會知道甜品🍮唔係佢哋嘅重點。。咁多種蟹主題當中我就比較喜歡避風塘炒蟹和皇帝蟹腳。。。而且今晚海鮮豐富基本上我連刺身都冇食🙈🙈🙈🙈特別一提佢嘅🦀蟹黃蟹肉瑤柱粥。。。味道鮮但係今晚就冇咗平時每晚必有嘅蒜蓉蒸虎蝦🦐/龍蝦🦞。。呢樣我就覺得可惜囉。。。當然最抵我哋就係會員優惠啦。。。每張券可以使用六個人半價。。。我哋當中有兩個會員咁樣就

有好有唔好，種類係比較少，主打幾樣係幾好味刺身正常，不過當晚個師傅服務麻麻，只係問佢仲有無三文魚腩，佢話你自己睇🤨我唔知你係無晒定無擺到出黎，問下都唔得。凍海鮮有龍蝦，蟹腳，麵包蟹，蟹鉗，螺，凍蝦，青口，龍蝦食落都正常，蟹腳唔好係蟹腳中間果部份剪開左一半，食唔到原條蟹柳，蟹鉗食落好方便。熱食主打花膠，飽魚，海參，鵝掌，鵝翼，都係同一個味，幾入味蒜蓉蒸蝦靱到似食擦子膠片皮鴨即包，好食，叉燒有驚喜，好食，羊架肉梅，其他都無點試。中湯都好飲仲有咖喱，仲有豬腳薑，燒牛，湯麵。甜品最唔好，款唔算多，多數唔好食😩朱古力蛋糕超甜，唯有食H雪糕，得3隻味，仲要朱古力味最後無晒無得食，整體服務都好好。

HSBC白金信用卡於JW自助餐7折做到9月尾，我都搭到尾班車預約到自助午餐。環境無得輸，服務員有禮，收碟的速度很快海鮮：蝦🦐、蟹、青口、螺都不停供應。蝦爽口；蟹多羔，而且很新鮮燴花膠，簡直是主食一樣，大大塊唔算薄，不停refill片皮鴨啱我呢種想過口癮的人，細細件可以了燒牛肉都幾有肉味，仲有個燉「牛𦟌湯」真係好正，濃濃的藥材味，我們每人飲了三大碗😋甜品：我諗唔係酒店強項，紅豆沙唔食無損失；其他甜品細細杯幾好吖，可以試多幾種蛋糕：都有6種選擇，除咗brownie 其他都好食，仲要未切時好靚哈密瓜🍈好甜，可能浸過糖水，不過食完嘢清一清味覺，唔錯總括7折後每人只是～$420，物有所值，淨係食花膠&海鮮都抵啦。因為有下午茶關係，午餐由12:00 - 14:30，我又遲咗少少入所以有點趕😅

信用咭有優惠,再嚐出名有鮑魚，海參和魚肚的JW cafe自助餐晚餐，除此之外，有北京填鴨很羑味和海南雞很滑，龍蝦大小一般，龍蝦鉗卻在8時後出現吃不下，甜品偏向較細件和芝士口味蛋糕。中式甜品豆腐花一般，沙律吸引力也一般。

年初酒店推出快閃現金卷。買6張$500現金卷只需要約$2000。所以用來食星期日自助午餐。因為用2張現金卷補$130就是最抵用。8月食了一次限定2人時。食物質素可以保持水準。熱盤有花膠。冷盤長腳蚧。刺身都還可以。甜品款式不算吸引。9月20日已經可以四人用餐。所以同家人4個再去一次。餐廳很多人。食物水準下降熱盤。花膠剛剛拎出嚟都不熱。長腳蟹、蟹鉗補充，越補越細隻好似垃圾咁。甜品比起上次更差。乳鴿食落一口油。刺身全部雪味。衛生環境都無8月時咁講究。總括來講就係有返啲生意就求其食物質素下降。對此餐廳感覺到失望。

0911。。除咗係四人限聚令解封既好日子😂仲係我哋嘅copper wedding 👩‍❤️‍👨已經有一段時間冇黎食自助晚餐啦🦞🦀🍣🦐🦑。。。因為之前疫情期間只係至到九點。。。終於解封到10點啦。。雖然咁耐冇食但係水準真係keep到👍。。唔單止係食物嘅水準keep到。。連職員嘅服務態度都仍然係咁好。。今日特別想同老公靜靜地享受晚餐。。特別request左卡位。。我們準時到達。。職員更特別提醒除咗進食時記得戴口罩。。而且附近很多職員提醒忘記的客人👍👍👍JW cafe Signature food 鮑魚花膠海參絕對keep到水準。。仲有我喜歡的片皮鴨🦆和凍龍蝦🦞。。整體覺得食物非常滿意唯一嘅弱點就係甜品🍮不過我仍然都係首選 JW cafe 。。一早已經book定下個月食佢嘅蟹主題🦀🦀🦀晚餐呀

已經是第四，五次來吃JW cafe 的buffet今次是staycation，stay 1 night 加早晚buffet.本來package 是包括早餐及午餐自助餐，另外每人加$300(未加一）就可以升級去晚餐自助餐了。晚餐自助餐由六點開始至十點結束，我們六點開始了。因為疫情關係，人數比平時少，而且很禮讓。冷盤沒有生蠔，以龍蝦代替，龍蝦很甜很彈牙，食了四隻都沒有梅肉，其餘是麪包蟹，長腳蟹，青口及螺，沒有凍蝦是有少少失望的。熱盤有花膠，鮑魚，海參。鮑魚及海參不得了，唔係留位置吃甜品，我至少食半打。甜品可能太大期望，反而覺得很普通，蘋果金寶沒肉桂味，面的曲奇也不脆。豆腐花沒糖水，黃糖是現貨沒細磨。柚子啫喱沒柚子味。也很可能只是我吃飽的關係所以覺得普通。

曾經常常吃自助餐，近來想重拾吃自助餐的樂趣。 今次來到了JW Cafe。環境不錯啊，裝潢時尚，座位都幾闊落，我坐的位置，溫度都好舒適。食物有刺身、熟食、沙律、甜品、粥粉麵等。🔸️花膠湯好大舊花膠啊! 仲有鮑魚! 除了食材矜貴，味道都好好，熱辣辣暖入心，飲得好舒服。🔸️燒牛扒高質有濃厚肉味，推介~🔸️海鮮意粉濃郁忌廉汁，正宗西式煮法，並非港式西餐味道。🔸️上湯餃子正常食法係配上湯，但個人認為單食餃子，口感會更好，保持到脆口。🔸️即煮粥自己選擇配料，有蝦、雞、海參絲、鮑魚絲等，揀完等5分鐘左右有得攞。配料同粥非常的夾，而且粥底好綿密，濃淡度適中，又係令人食得好舒服。🔸️甜品甜品不算非常多種類，但都幾精緻。最得我心的鬆餅，外脆內軟，咬下帶著奶香。特別一讚服務，多位經理/侍應都好熱心幫助食客，例如現在很多食物都加了蓋子，攞食物難免有點麻煩，而經理/侍應都就會立即來幫你，很細心。時間方面，由3點15分到 5點，覺得比較趕。一到5點就把餐具收起了。😆

疫情下唯有一星期只出一次街，而限聚令下每枱只可最多坐兩人，我哋三人行就要分開兩張枱坐，亦都係因為這樣個個都食得安心又放心。由於食物夾是公用的,每次拎完食物最好回位後用搓手液先，再除口罩進食。經OpenRice網上訂位，快捷方便，出席後會收到25Miles獎賞。我哋食下午茶自助餐時段由3:15-5:00pm，食物種類不算多也不算少，但感覺好滿足，服務人員專業有禮。HSBC白金卡有七折，包埋10% charge每位大約$270。好抵食啊。

良朋共聚，每一個人也有不同的建議，有人說要吃西餐，有人說要吃中餐，有人說要去吃日本菜。為了照顧每一個人口味，最好的辦法就是去吃自助餐。這次選擇萬豪因為信用卡有優惠，連加一每人只需要$630. 這餐只包兩杯飲品，一杯是welcome drink，可以飲汽啤酒。第二杯係餐茶。如果再飲野，要響餐牌散叫，或者加錢飲all u can drink.  其實，如果放部咖啡機果汁機響度比人任飲，我覺得呢一餐性價比會高一點。所以，這一餐要盡量找回本的東西吃。鮑魚我吃了5顆，開邊龍蝦也吃了6邊。萬豪這裏比其他酒店優勝就是食材高貴，而且，放在這裏任吃的食物跟平日在宴會聽吃的質素也是一樣。並沒有因為是任食而降低質素，這個是要讚的。海鮮大部份也是冷盤，沒有什麼烹調技巧可言。特別在有東風螺，這個不是很多地方有。北京填鴨的皮很脆，負責片皮的服務員很親切。甜品中的日式水信玄餅很精美，很想帶回家呢！萬豪這一餐美中不足是沒有任的果汁和汽水，希望酒店方面可以注意一下。

好彩放寬返堂食 先可以同男朋友一齊過嚟慶祝生日食自助午餐 雖然有疫情影響 大家都要戴口罩出去拎食物 而且必須消毒雙手先可以拎碟 但係可以保障大家嘅安全 食得好安心 食物質素無受到疫情影響 熱盤同冷盤都好出色 唯獨甜品稍為遜色少少 而customer service 絕對係值得稱讚 特別要多謝Nobie and Matthew 幫我夾時間拎預早ready好嘅birthday cake 加上五星嘅服務態度 我哋絕對好快又會再返嚟食 掛住食最尾先影咗少少buffet 枱既相添

JW咖啡室可以講係頗有名氣的自助餐之選，早前慶祝父親節，決定一家人去食餐好既。我地楂車黎，酒店職員會負責幫手泊車，而且餐廳規定食客出去攞食物食必須佩戴口罩，安全意識頗高。講返食物，海鮮方面，有龍蝦、麵包蟹、蝦、青口、海螺等等，肉質同鮮味都還可以，不過Refill食物速度有d慢。中式冷盤有溏心蛋同醉雞。Cold Cut有Parma Ham、辣肉腸、意大利火腿、煙三文魚、刁草煙三文魚等等。反而熱食選擇幾多，當中最受歡迎既一定係燴花膠同蒜蓉蒸蝦，唔少人每次攞2-3件，Refill速度亦都幾快。燴花膠煮得好淋，同時有咬口；蒜蓉蒸蝦係有d重口味，肉質爽彈。另外有片皮鴨、叉燒、炒花枝、炒四季豆、咕嚕肉等等。甜品選擇亦好豐富，服務員會幫手Cut，有綠茶蛋糕、日本Cheesecake、西式Cheesecake、Chocolate Mousse Cake、Fresh Cream Cake等。件裝蛋糕分別有榴蓮蛋糕、Crème Brulee、Tiramisu、Green Tea Cake、Mango Pudding、Banana Walnut Cake，以及Mizu (類似水玄餅)，整體味道唔算出色。生果

疫情關係，超級早起身落去 JW Marriott Hotel Hong Kong 食早餐buefft 😋 訂酒店房就安排咗 JW cafe 位於5/F ,另一方就係The Lounge - JW Marriott Hotel Hong Kong 如另購 🔖大人 $𝟯𝟯𝟴/小朋友 $𝟮𝟯𝟴 （+10%）晨早流流要食d熱嘢先可以食凍嘢😅 總括嚟講 𝗝𝗪 嘅麵包🥐🥯🥖係幾好，𝗿𝗼𝗮𝘀𝘁𝗲𝗱 𝗵𝗮𝗺🍖都👌🏼，但其他就係好普通，對比起 Kerry Hotel Hong Kong 嘅早餐buffet嚟講，的確遜色，有點失望⋯⋯ 但勝在book酒店 +$1 就食到早餐buffet ，都不過不失

疫情底下, 連平時要早兩個星期BOOK先有位既JW都出7折吸客.  去到既時候得4-5枱客. 睇完真係有D心痛. 作為食客, 唯有盡力支持. 講返食物, JW既BUFFET絶對唔係以選擇多取勝. 係佢既貴價中式食材吸引我同媽咪食完一次又一次咁返嚟. 所以呢度既BUFFET 對年青人同埋食肉既男士唔知相對地會唔會無咁吸引呢? 但ANYWAY, 對我呢個中女就相當吸引啦. 只係食花膠都抵啦. 放低袋, 同老公行完一圈, 老公話覺得少咗野食. 我又覺得唔係呀. 平時食開既鮑魚, 花膠, 龍蝦都有供應. 只係可能衛生問題, 佢每樣都放得好少出嚟. 但只要你行埋佢. 員工都會幫你攞出嚟花膠, 鮑魚依然美味, 今日重多咗炸蠔. 人少咗, 服務亦相對提高,  經理嗰晚就每枱都過嚟問下食物OK嗎? 好helpful. 疫情下, 大家都過得不易. 唯有希望早點捱過. 又再出嚟食好野