JK Brother’s (已結業)

一大班人慶祝平安夜，幾日前成功book到JK’s brother 食放題。有鑑於學生平價，之前已經想食，最估唔到假日都有呢個優惠。放題有火鍋，我地七人就選擇咗萬年唔伏嘅壽喜燒同好似好健康嘅蕃茄湯。我地叫咗第二平嘅套餐，包括安格斯牛肉。安格斯牛超重牛味，亦唔肥。厚切令到口感更加正，大大片，每一口都好滿足。肉仲有一般牛肉，呢款就比較肥。豚肉片就正正常常，亦都唔肥。火鍋配料仲有海鮮，真係好生猛，因為前一分鐘我仲係魚缸到夾d大大隻嘅蝦出黎，怕佢地跳出黎，用夾整暈佢，一分鐘後就比我放進火鍋入面。又有得玩又有得食！彈嘅地方係聖子有d沙。一般海鮮呢到都有，仲送每人一隻大閘蟹。第一次食大閘蟹，所以都唔知咩叫好，不過膏少，亦唔係好鮮甜，感覺麻麻。火鍋除左肉同海鮮，就冇咩其他多嘅配料。不過絕對唔洗失望，因為仲可以自製火鍋料。放題包括刺身，有大路嘅三文魚等，亦都有好特別嘅醬油蝦、醬油鮑魚。呢兩個真心推介，回本之選。醬油好入味。有朋友唔點食生嘢所以就焯埋d剌身。各有各食法啦。 唔知點解仲送一客海膽，第一次單食海膽，唔算得上好鮮甜，但唔苦嘅。送嘅冇所謂啦。飲品同甜品都好值得試。飲品方面有坊間比較少見嘅日本烏龍茶

歡樂的時間總在晚飯時 最近尖沙咀一間放題店吸引了朋友注意 於是找了個時間，一起去放任一下 JK Brother's——J指Japan，K指Korea Brother指五位大男人老闆！ 其實店員唔大牌，仲好好人！侍應會提供一張印有QR code 的紙 客人可用手機QR code下單，方便又唔漏單刺身海鮮任點任食 最重要可以自己去撈想食的海鮮！ 超級勁！SUPER 到一個點！ 我們點了 HKD 268 美國穀飼肥牛放題， 食足120分鐘，包括：美國穀飼肥牛、濟州黑豚肉 仲有超多款海鮮 韓國藥膳鍋，加入了海鮮令湯底勁鮮甜味 是夜做緊優惠：每1-3位同行，每人送帶子一隻 一睇就見到帶子非常巨型，慢慢小烚就吃到鮮嫰肉質 朋友說，此店好抵食 放題基本的炸物串燒、壽司卷物、刺身、天婦羅都有水準更有部隊鍋、人參雞湯、Mövenpick雪糕、日韓甜品都係任食 清酒、Takara燒酌、韓國汽水、特式果汁都是任飲

朋友知我好喜歡食蜆， 每次同親佢出街食飯總會叫豉椒炒蜆，油水煮蜆等等的菜色。 今晚他帶我來了一間可以任食新鮮蜆和蝦的放題， 這間jk brother 在山林道好出名嘅雞蛋仔旁邊的大廈， 地點非常便利。一坐下我們就先揀湯底， 因為唔想食辣，所以試一試他的牡蠣土手湯。熱盤選擇不算多， 拿了幾樣嚟試試。茶碗蒸， 有帶子，冬菇粒， 瘦肉粒，但是不是很熱，味道一般。蒜蓉焗蠔， 可能放得耐咗，有點過咸。 鹽燒三文魚， bb豬手， 炆得好林而且有啲甜味， 定好補一補我的骨膠原榴槤波波， 榴槤味十足， 外層糯米皮非常煙韌又不會太油膩，幾好。泡菜，比較甜， 大白菜爽脆， 有一定辣度。主菜是牡蠣土手湯， 材料非常豐富，有金菇、冬菇、翠玉瓜、粟米、黃芽白、大葱等。重點係滿滿的芝麻， 主角是牡蠣，煮熟之後，咬落去好冧都好有蠔味，湯底是有放豆乳的。另外每一枱人客都會贈送人頭大帶子， 帶子成隻手掌咁大， 新鮮而且非常之鮮甜，一讚。今晚的主角就是蜆蜆蜆放題。蕃薯貝、紅口貝、牛奶貝、蟶子仔、珍珠貝、沙白蜆， 除了沙白和蟶子仔，之外其他都冇食過，好甜好鮮味。每次在火鍋煲裏面， 最失望的就是只有殼不見蜆肉， 再找了一次吧

之前來JK Brothers食過一次放題，印象不錯，E說現在多了活跳蝦和貝類任吃，我咁鐘意食海鲜，當然不可以錯過la!放題價錢由$268至$528不等，視乎揀選牛肉的級數而定，今晚我們揀了美國穀飼肥牛放題，120分鐘$268 ，包: 穀飼肥牛濟州黑豚肉精選雞腿肉多款海鮮配料日韓刺身放題放題食物選擇非常豐富，有刺身，手握壽司，火炙壽司，手卷，軍艦，黑松露壽司，卷物和火煱配料等，在食火煱前，首先order少少刺身和壽司先首先來個刺身拼盤，有珍寶帶子，鮑片，甜蝦，皇帝蟹棒，劍魚腩，醬油鮑魚，油甘魚，榮螺等，所有刺身比我預期中新鮮，比一般日式放題為佳，其中尤以珍寶帶子，鮑片，皇帝蟹棒和甜蝦最正。招牌醬油鮑魚和醬油蝦任叫任食，當然絕不能錯過，醬油鮑魚肉質腍滑，醬油味濃帶微辣，醬油蝦彈牙鮮甜，好好味呀! 黑松露帶子壽司和黑松露熟蝦壽司嫩滑爽甜，還有濃郁的黑松露香味。自助區提供多款前菜和沙律，如味付螺肉， 中華沙律， 芝麻八爪魚，鴨胸沙律，凱撒沙律， 蟹柳沙律和自家製泡菜冷豆腐。特別推介茶壼蒸，配料有蟹柳，冬菇和雞肉，當然少不了滑嫩的蒸蛋，整體來說非常鮮甜美味。炸物方面，炸香蕉，炸芋頭和炸芝士也各有

今日係星期六出咗佐敦打邊爐老婆之前同朋友食過話正平時食個打邊爐，正正常常都$100樓上起依間鋪頭真係有啲問題牛肉任食$98牛肉唔係任食就$68點解會平到呢個程度大佬，你去大X樂，食打邊爐都$60起跳啦。有啲咩嘢食自己睇根本就唔係$68可以食到嘅種類淨係食生果未計甜品都值回票價仲有雪糕雪條任你拎泥食淨係甜品都十幾種保守估計呢度嘅食物超過98樣即係每件價錢種類平均係一蚊仲有榴槤糯米糍你自己計吓呢度究竟抵唔抵食

新鮮蝦同貝殼自己撈 幾好玩又新鮮 醬油鮑魚也彈牙惹味 牛肉黎左一碟都冇再添 食海鮮食到飽 我地兩個人仲送左帶子 老闆話人多仲送大閘蟹 刺身普通 飲品甜品種類好多 有清酒梅酒啤酒任飲 甜品竟然有movenpick! 老闆熱情 上菜快準 衛生乾淨 價錢不貴 推薦 會再來!

性價比很高的火鍋放題朋友約了我食火鍋放題 見到價錢驚訝了HKD68 一碟牛肉 其他火鍋配料 飲品 甜品 熱食 冷盤 任食 升級到HKD98 牛肉任食 牛肉方面 係美國殼飼肥牛 肥瘦適中 有牛肉味 質素都好的湯底方面 都有八款選擇 有辣有吾辣火鍋配料種類不算多 主要有泡菜餃 鮮蝦雲吞 貢丸 墨魚丸 魚糕 腸子 年糕 蟹柳 幾種菇 豆腐 麵食 和生菜 雖然種類不多 但每樣質素都不錯 尤其 泡菜餃味道好 蟹柳大大條 年糕好煙韌飲品方面 主要為台式韓式牌子飲品冷盤方面 有螺頭 芝麻八爪魚 🐙 中華沙律 鴨胸沙律 豆腐沙律 凱撒沙律 自家泡菜 尤其推薦食自家泡菜 味道不會太咸 還食到大白菜的爽脆 清甜 好食 熱盤方面 天負羅（ 蝦、香菇、茄子、蝦餅 蟹餅 和紫薯波波） 炒肉 炒麵 炒螺 當中炒螺大大隻的 食起來感爽彈 不錯 水果方面 要稱讚 有三款 綠蜜瓜 橙蜜瓜 同西瓜 都甜的 尤其那天西瓜起沙 好甜好好食 甜品方面 種類都算多 全部細細件 岩晒貪新鮮的朋友仔！ 整體而言 午市套餐日韓涮涮鍋 性價比好高的 值得推薦比大家

熟食刺身火鍋樣樣有😋$268免加一, 我地加左$30可以任食安格斯牛肉去到有熟食炸物天婦羅可以拎, 吉列蠔好鬆脆飲品都好多選擇, 熱飲可以沖蘋果蜜柚子蜜玄米茶, 仲有hoegarrden 任飲刺身種類繁多, 火炙三文魚腩壽司同黑松露帶子壽司好食🍣火鍋方面有幾種活海鮮任拎,蝦好新鮮😋人多仲送左條珍珠班俾我地😍另外仲有一品料理可以 Order, 蒜香牛柳粒好好食服務都好好, 雪糕仲有movenpick 同唔同既韓國雪糕雪條任食大家都捧住個肚走

星期一至日都有午市任食火鍋，12:00至15:00。我地無訂枱，大約1點去到都仲有位，唔會好full。價錢方面，有得揀$68(每位一碟牛)或$98(無限添牛)，兩個價錢都係包自助火鍋配料、炸物、水果及雪糕甜品，另外再計加一。我地就揀左$68。前菜：中華沙律、味付螺肉及八爪魚正常質素。另外仲有幾款沙律，不過無試。熟食雞脾菇、脆肉瓜、南瓜天婦羅、炸餃子、章魚丸、春卷、豬腸同炒飯正常，惟冬菇天婦羅比較硬。睇得出大部份熟食都係善用火鍋配料。火鍋醬料有豉油、炸蒜、生蒜、辣椒、蔥、芝蔴醬、韓式辣醬等等。我地揀左泡菜湯底，湯底係無任何配料，連一條泡菜都無。(反而前菜有泡菜拎)尼一盤已經係2 人份既肥牛，但超級硬，解凍解唔夠，最後成盤肥牛放落個鍋。質素一般，不及日式連鎖火鍋店。我地最鐘意既火鍋配料係蟹柳、韓國魚片同辛辣麵。尼3樣配料哂湯底，好正。而且辛辣麵係半個半個咁拎，就唔怕一個麵會食唔哂咁浪費。蘿白淥到最後先食，好腍，無乜渣，好食。花膠唔會太厚切，容易淥得腍。手打烏冬好煙韌，但打邊爐我就鐘意最普通、價格最平個款烏冬。墨魚丸、豬肉丸、牛丸、紅腸同金菇正常。”友人”覺得日式餃子同雲吞唔錯。芝士腸同泡菜

在這店參加朋友的慶生飯局，日韓任食放題+燒烤，限時120分鐘。手機掃二維碼下單，可以隨時查返已落了什麼食品免重覆，真方便。火鍋選點了小辣的海鮮煉獄鍋，有助開胃食多D泡菜底，預先放了些蔬菜+蝦+扇貝，另送有一只帶子，及選擇的肥牛，陣容鼎盛。火鍋未滾前，當然無蝕底，先食魚生三文魚甜蝦帶子北寄貝，都幾新鮮。壽司隨便點了一客，以免影響戰鬥力。今晚最好食係嘅。。。醬油鮑魚，鮮味淋軟有咬口，翻單食了四，五只，回本不少。從燒烤檔取了數款炸物，個人較喜歡芋頭丸，外脆內軟，有芋頭香又不太甜。燒蠔就一般。是夜另一笑彈是'撈蝦'，直接從魚池撈，幾考功夫，超好玩。還有幾種沙白，蜆，蟶子等灼熟的蝦相當新鮮彈牙，背殼類鮮甜無沙，抵讚食到9成飽，才發現有hoegaarden 的玫瑰味生啤粉紅色的，香甜易入口，又飲了2杯甜品時間，無蝕抵食2杯Movenpick，再添食一件韓國魚仔綠茶雪糕+紅豆的三文治綠茶雪糕香滑有茶味，配微甜的紅豆，好埋單離開時才發現原來還有個蛋糕甜品 柜，蝕了。。。

話說一個月總有幾日想放題下🤭 朋友搵咗間JK BROTHER’S一於去試下(⁎⁍̴̛ᴗ⁍̴̛⁎)價錢根據肉質而PAY，我地先試初階睇下咩料子巡場見到有燒蝦蝦，排排燒好整齊❤️雪糕雪條都係大牌，總有我想食嘅MOVENPICK💓湯底揀咗個韓底辣辣湯底：）挑戰下底線先大大隻蚌相當吸晴👀海鮮拼盤二人前，抵返哂係到啦～～應有盡有肉類揀最平個款，點知水平OK喎～成盤KO無難度鮑魚都有？唔係講笑！仲要任食刺身拼盤都無Hea做，媲美放題店打邊爐材料任拎，果然吃到飽。連HOEGAARDEN都有，值回票價！120分鐘任食，268$加一，絕對值得去試吓

今日同姊妹去逛街🛍血拼，行到好累就搵野食，聽聞尖沙咀開左間主打日韓菜料理放題就走去試下。餐廳🍴位於尖沙咀彌敦道180號寶華商業大廈3樓非常好找，午市套餐供應時間：12點至三點。麻雀雖小 五臟俱全既餐廳🍴，可選擇既種類不多，但絕到可以用實惠價錢食到棒住個肚走，而且好食過好多既連鎖快餐火鍋店。午市套餐分別有兩款食平D:包美國🇺🇸穀飼肥牛一碟+ 無限自助火鍋🍲配料+ 炸物+沙律🥗+ 水果及雪糕甜品🍦（HKD 68)食好D:包美國🇺🇸穀飼肥牛(任食）+ 無限自助火鍋🍲配料+ 炸物+沙律🥗+ 水果及雪糕甜品🍦(HKD 98)我地簡左食平D，因為望左一轉火鍋🍲配料區已經好多食物，怕食吾曬咁多牛🐂。湯底選擇好多，有辣有唔辣🌶。我地簡左壽喜燒味湯底，真係無得輸，真心推介，根本吾需要找醬料調味，甜甜地，醬油糖同味醂完美配合😍熱葷方面：有好幾款食物可選擇，有豉油炒麵、牛腩、炒旺菜、同埋香蔥炒螺。仲有我最愛嘅芝麻八爪魚🐙中華沙律🥗任食。炸物方面：天婦羅🍤、響鈐、香脆魚皮、炸香🍄同炸紫薯波😍火鍋🍲配料：丸子🍡、餃子🥟同蔬菜🥬🥒🌽🥦類，大推：泡菜餃子🥟嗜辣者必試，蟹柳吸曬湯底精華，吾夠飽仲有公仔面🍜食。美國🇺🇸

放題食得多，呢間除左有日韓放題同Sabusabu，竟然仲有醬油鮑魚！鮑魚當然唔好錯過啦😂 牛肉、黑豚肉、海鮮都任食，湯底都有好多選擇，我地揀左海鮮煉獄鍋。首先點了刺身，有帶子、甜蝦、希靈魚等等，全部都好新鮮。有個自助海鮮及貝類區，自己夾，夾到返黎仲郁緊，好新鮮。熟食都有好多選擇，推介醬油蝦，超好食，醬油味好正！沙律一啲都唔hea，水果都有準備埋，貼心~雪糕方面最開心，有movenpick、dryers，食多兩杯都回本，仲有好多款韓式雪糕雪條，平時supermarket都見到有，今日可以一次過食哂Yeah!

今日就去到尖沙咀行街接女朋友放工，收工大家就喺度商量究竟我哋食咩好呢，最後我哋就決定咗去附近嘅一間食放題嘅餐廳，有好多朋友嘅推介所以今日就去試吓，間餐廳名就叫做J K brother ，上到去餐廳覺得枱與枱之間嘅位置都非常之闊落，唔會覺得冇空間好壓迫嘅感覺，事不宜遲睇吓今晚有啲咩食先坐低嘅時候店員會為你推介日式火鍋嘅湯底，之後就可以五點你喜歡食嘅食物，食火鍋點可以冇肥牛呢，呢度嘅肥牛肥瘦均勻幾好食，仲有好多熟食生果都好好食嘅，小弟最喜歡嘅當然就係魚生啦三文魚帶子好多都會有，全部都好新鮮肥美呢度最特別嘅就係全部海鮮都好新鮮佢哋係有魚缸去養住嘅，要食嘅時候就可以自己去挑選，當你拎上嚟嘅時候好多貝殼類仲係識郁嘅，所以呢一個價錢可以食到新鮮嘅海鮮係非常之值門票㗎

男仔最鍾意食放題，知道旺角有任食牛肉火鍋放題，於是約朋友仔一齊去試吓！有唔同任食牛套餐，我地揀咗美國穀飼肥牛。望一望後面，見到有好多水缸，原來係幾款貝殼類海產，仲有新鮮蝦，食幾多就撈幾多，d蝦仲好生猛！有多款火鍋湯底選擇，我哋最後揀咗蠔鍋，湯底好清甜，另外出面自助區有好多火鍋配料，仲有不同嘅冷盤同熟食，有各種炸物！炒花螺好惹味！美國穀飼肥牛肥好稔，有咬口，我地呢班牛魔王食肉獸食咗好幾碟！飲品嘅選擇都一樣多，茶、韓國果汁、韓國啤酒、燒酒！可以用qr code點野食，刺身好新鮮！我地都狂食醬油鮑魚同醬油蝦，鮑魚好入味又好彈牙，甜甜地好好食！佢個雪糕櫃都好吸引，食埋甜品真係值回票價，有MOVENPICK，仲有好多款韓國最受歡迎嘅雪條，我極推薦芝士蛋糕味雪條！