影片
更多
2019-11-01
1042 瀏覽
星期一至日都有午市任食火鍋，12:00至15:00。我地無訂枱，大約1點去到都仲有位，唔會好full。價錢方面，有得揀$68(每位一碟牛)或$98(無限添牛)，兩個價錢都係包自助火鍋配料、炸物、水果及雪糕甜品，另外再計加一。我地就揀左$68。前菜：中華沙律、味付螺肉及八爪魚正常質素。另外仲有幾款沙律，不過無試。熟食雞脾菇、脆肉瓜、南瓜天婦羅、炸餃子、章魚丸、春卷、豬腸同炒飯正常，惟冬菇天婦羅比較硬。睇得出大部份熟食都係善用火鍋配料。火鍋醬料有豉油、炸蒜、生蒜、辣椒、蔥、芝蔴醬、韓式辣醬等等。我地揀左泡菜湯底，湯底係無任何配料，連一條泡菜都無。(反而前菜有泡菜拎)尼一盤已經係2 人份既肥牛，但超級硬，解凍解唔夠，最後成盤肥牛放落個鍋。質素一般，不及日式連鎖火鍋店。我地最鐘意既火鍋配料係蟹柳、韓國魚片同辛辣麵。尼3樣配料哂湯底，好正。而且辛辣麵係半個半個咁拎，就唔怕一個麵會食唔哂咁浪費。蘿白淥到最後先食，好腍，無乜渣，好食。花膠唔會太厚切，容易淥得腍。手打烏冬好煙韌，但打邊爐我就鐘意最普通、價格最平個款烏冬。墨魚丸、豬肉丸、牛丸、紅腸同金菇正常。”友人”覺得日式餃子同雲吞唔錯。芝士腸同泡菜
前菜：中華沙律、味付螺肉及八爪魚
正常質素。另外仲有幾款沙律，不過無試。
熟食
雞脾菇、脆肉瓜、南瓜天婦羅、炸餃子、章魚丸、春卷、豬腸同炒飯正常，惟冬菇天婦羅比較硬。睇得出大部份熟食都係善用火鍋配料。
火鍋醬料有豉油、炸蒜、生蒜、辣椒、蔥、芝蔴醬、韓式辣醬等等。
我地揀左泡菜湯底，湯底係無任何配料，連一條泡菜都無。(反而前菜有泡菜拎)
尼一盤已經係2 人份既肥牛，但超級硬，解凍解唔夠，最後成盤肥牛放落個鍋。質素一般，不及日式連鎖火鍋店。
我地最鐘意既火鍋配料係蟹柳、韓國魚片同辛辣麵。尼3樣配料哂湯底，好正。而且辛辣麵係半個半個咁拎，就唔怕一個麵會食唔哂咁浪費。
蘿白淥到最後先食，好腍，無乜渣，好食。
花膠唔會太厚切，容易淥得腍。
手打烏冬好煙韌，但打邊爐我就鐘意最普通、價格最平個款烏冬。
墨魚丸、豬肉丸、牛丸、紅腸同金菇正常。
”友人”覺得日式餃子同雲吞唔錯。
芝士腸同泡菜餃子麻麻，後者無乜泡菜味。
十八禁地獄餃子超辣，我地都食唔到。法蘭克福腸口感好柴，難食，不推介。
生果
”友人”表示有驚喜，唔似雪左好耐，都幾新鮮。
飲品
甜品
有大腳板，雀巢豆豆樂同韓國牌子既雪糕雪條。
(個人口味S: 3.2/5)(個人口味E: 3.4/5)
環境都幾大，客人唔多既關係，2人都可以坐4人枱，比較鬆動。$68加一可以任食3個鐘真係超級抵食，如果你對肥牛既要求唔高既話。但係打邊爐真係好少會食足3個鐘，我地都係食左90分鐘就走了，不過勝在無時間壓力，如果同朋友聚會吹水都會係唔錯既選擇。
題外話/補充資料：
之前睇食評見到午市前菜係有紫薯同雞翼，但當日就見唔到。問左侍應，佢話前菜熟食既款式係由廚師安排，未必日日相同。
(以上食評乃用戶個人意見 , 並不代表OpenRice之觀點。)
張貼
