INN - I’m Not Nothing

營業中

休息中

有朋友生日，上網見到呢間餐廳喺工廈裏面，但環境舒服😌服務態度都好好，職員好細心提示放袋的位置。朋友生日，在open rice 訂位時寫上，職員也配合驚喜安排。朋友叫左薄荷青檸梳打，透心涼。士多啤梨藍莓奶昔，好好味👍濃濃的南瓜🎃湯，好creamy 蟹肉南瓜汁飯，粒粒有口感，值得一試西冷牛扒，好香牛味叫左7成，肉質軟身午市可加$19有pancake ,要左個香蕉士多啤利朱古力pancake 並寫上生日字句好靚呀

上星期約左朋友行D2 place，Shopping完梗係要搵地方醫肚啦😌😌上網睇到附近都有好多嘢食，但係比呢間西餐廳吸引咗，雖然係工廠大廈入面，不過都易搵，所以就上咗嚟試吓😎😎💡餐廳既環境好舒適，枱下面有滕攬比客人放袋；📝餐牌亦都唔好童話式，用公主王子做Background👸。嘢食既選擇算多，可以散叫，亦可以加$轉套餐🧐🧐我地order左以下食物💁‍♀️奶油大蝦嫩菠菜忌廉意粉hk$118好食指數: 🌟🌟🌟🌟🌟巴馬火腿牛肝菌扁意粉hk$128好食指數: 🌟🌟🌟🌟可樂2杯hk$26=1貼心指數: 🌟🌟🌟🌟🌟*餐廳需另收加一服務費*😎😎意粉即叫即做，上枱時熱辣辣❤️，仲好快就有得食😆。奶油大蝦嫩菠菜忌廉意粉好Creamy，🦐蝦大大隻好彈牙，食到停唔到囗🥳🥳。巴馬火腿牛肝菌扁意粉味道適中，唔會太咸🤤🤤。可樂有冰底杯跟埋，唔想食完嘢再飲既時候唔夠凍👍👍。價錢適中，嘢食份量同味道都岩岩好，環境坐得舒服，岩晒同朋友傾下偈食下嘢🥰

INN - I’m Not Nothing位於荔枝角工廠區。感覺不錯，舒服。我哋點了兩份午餐——是日餐湯為南瓜湯入口好順滑，我哋喺屋企久唔久都會整南瓜湯，用攪拌機。但係都好難做到搞到咁滑😊——-感覺惹味，少少辣。意粉有咬口香草嘅羅勒味及轉頭味嘅味道都好濃郁。虎蝦也幾好味，啖啖肉，有彈性。——-一碟有三大件羊架！我完全冇諗過有咁大件。煎得都好有油香，調味適中，加點芥末更好味清新。伴碟的紫薯蓉也好滑及好好味！薯蓉充滿牛油香，加埋菜及其他配菜一齊食更正——-感覺清新，奶味好香，士多啤梨加藍莓味道好夾。——-聞落去好香水果及玫瑰味，飲落去非常濃郁——-整體來說餐廳感覺不錯，食物都OK，亦係同朋友傾偈好地方

i’m not nothing! 真的是一個有意思的名字🤣話說之前在網絡上已經聽聞過INN既宮廷式裝修很適合打卡（聽說觀塘分店更猛）但是稍嫌位置之間的通道狹窄 其實不是太能打到卡 因為拍到的都是路人x100😂😂😂▪️crepe cake benedict with parma ham and rocket （$88）見這個陣容就知道是無敵的配搭😍鹹甜鹹甜的真是吸引人一口接一口🤣但是parma ham已經是鹹的了 再配上egg benedict的荷蘭醬有點過鹹的感覺 可能店家在調味方面可以留意喔

朋友快要移民了！臨行前就陪這手作達人到深水埗一逛，我也買了不少配件！再和她到荔枝角逛逛，工廈這餐廳一直在我Wish List 😋南瓜濃湯很濃郁的南瓜味道，配上忌廉汁，更添香氣！香草鯛魚柳配熱熔芝士醬鯛魚柳肉夠嫩😗仲有兩大片魚柳👍🏼👍🏼抵食！配上香草和芝士醬後，令魚柳更添香氣😇豬肉眼野菌洋蔥芝士漢堡豬肉眼厚切又多汁，肉汁爆棚，再配上熱熔的芝士，更Juicy！配上野菌和洋蔥絲，令醬汁味道更有層次🥰薯條是新鮮炸起，配上不同的香料，脆卜卜、香噴噴！檸檬百香果茶酸酸甜甜，有檸檬百香果香氣👍🏼正Latte 正常發揮，咖啡味香濃😋奶味香午市套餐好抵吃！ 餐湯同主菜都出色，再配上飲品，不錯。下次會再來。

荔枝角港鐵站行2分鐘就到餐廳🍽假日餐單同平日一樣 ，Lunch set包餐湯、主菜、飲品，感覺都實惠~食物賣相美觀，味道不錯，肉類唔膩、士多啤梨藍妹奶昔唔會好甜😋至於芒果crepe就係薄蛋卷加水果同cream，不過不失，可能加雪糕會更好味~🍦店員貼心有禮，主動提供置物籃、上菜會講菜名、主動加水... 餐廳環境簡潔，冇卡位，如果人多可能會有啲pack~不過我到訪時客人不多 沒有問題 整體不錯 感覺可以encoure~!

由於工作關係，今日到訪荔枝角一家長者服務中心，事後都要搵餐晏仔，所以，過嚟工廠區一帶，先兜個圈，等過咗放飯嘅高峰時段。最後，嚟到「億利」嘅「INN - I’m Not Nothing」，一來廠廈啲樓上鋪無咁多人，二來年多前錯到訪過，知道其有番咁上下水準。無論門口，定室內，裝修得都幾骨子，一室以白為主調，放置咗啲羅馬柱，又擺放唔少植物，掛上細細盞嘅水晶吊燈，整體感覺休閒。加上過咗飯市，成場都喺得一、兩枱客，大家隔開啲坐，自己食得安心多啲。午餐嘅選擇都唔少，由輕怡嘅到重肉感都有，共10款，定價由$88-$148，包餐湯及餐飲，但餐飲只限選$28以下，轉飲其他嘅，就有半價優惠。此外，亦可以加配選項，如意粉、薯條、法式班戟。 是日餐湯今日喺南瓜忌廉湯，睇賣相已經好吸引，色澤鮮橙黃色，加上以忌廉拉咗少少花紋，確喺幾賞心悅目。入口熱焫焫，最怕啲餐湯不冷不熱，而且，南瓜味頗突出，口感柔滑，做得相當具水準。 虎蝦肉羅勒蒜辣扁意粉 $98揀咗一個中價位嘅蒜辣扁意粉，店員好細心，先問我食唔食得辣，因為，呢道意粉都幾有辣勁，不過，佢話可以揀小辣或走辣，最後要咗小辣，辣度恰到好處，有點點辣勁，卻喺點到即止，唔

今天要到荔枝角區辨事, 事前已找一間較為有名氣的餐廳食午餐. 餐廳位於一座工廠大廈內, 餐廳面積不大, 座位比較密集, 用餐時間只有70分鐘, 被安排入座後立即叫餐. 午餐包括餐湯, 主菜&飲品. 如經Open rice訂座，可享有9折或+$18換一份班戟甜品. 整體用餐感覺不錯😃 性價比也非常高👍👍南瓜湯, 味道普普通通虎蝦肉羅勒蒜辣扁意粉$98只看外表覺得味道淡淡的, 但當你食完第一口意粉就感到味道非常惹味少少辣🌶️ 虎蝦肉也爽口😋👍蟹肉南瓜意大利飯$108蟹肉分量比預期多, 南瓜汁, 食到一半已感到很飽肚. 味道都可以豬肉眼配金巴車厘子醬$118豬扒都算大塊都有成吋厚, 爽口不肥膩, 淨食豬扒味道較淡, 要靠醬汁, 車厘子醬&芥辣一齊伴食, 味道稍為豐富一點. 另外亦有伴菜甘筍仔, 粟米&薯蓉榛子朱古力香蕉士多啤梨忌廉班戟+$18優惠價換取(原價$68)甜品賣相不錯, 班戟內外香蕉份量也不少. 飯後食埋甜品更滿足😋😋

🐒烤焗紐西蘭羊架配燒汁💰$148一上枱真係🤩淨係見到都開心，一碟有三大件，件件口感都好軟熟，配埋個燒汁同芥末好夾，另外個底仲有啲薯蓉同配菜，所以份量都幾多👍🏼。🐒全日早餐(牛油果，牛仔腸(豬肉)，煙肉，忌廉炒蛋，茄汁豆，蒜蓉牛油多士，鮮果沙律)💰$128個日三點去到仲有靚早食😆All day breakfast既好處就係咩都有啲，岩哂我有選擇困難，我將牛肉果同炒蛋放上去個Toast到食，一啖咬勁滿足❤️沙律係黑醋汁，好開胃，生果係密瓜，勁juicy。🐒餐湯(忌廉南瓜湯)included係個Set包埋，細細碗熱辣辣，飲落南瓜味唔算好重，反而係好順滑既奶味質感都唔算好杰。🐒飲品👉🏻士多啤梨藍莓奶昔$24(跟餐50%off)勁濃郁，完全唔係化學味🦠而係真係飲得到果肉🍓🫐強推！💯👉🏻Cappuccino(Hot)$19(跟餐50%off)

今日同朋友去咗荔枝角呢間INN I’m not Nothing食晏，之前都食過幾次佢元朗嘅分店，無論係環境定嘢食都令人好滿意，所以知道荔枝角都有分店就再嚟食啦～兩點鐘黎，人流唔多，坐得更加舒服！餐牌依舊，以迪士尼公主作為主題，有心思，靚！晏晝嘅價錢比起夜晚更加實惠，我同朋友就分別叫咗虎蝦肉羅勒蒜辣扁意粉同南瓜蟹肉意大利飯，我哋兩個都揀咗士多啤梨藍莓奶昔。餐湯係粟米湯，有粒粒粟米，唔係罐頭味，有誠意。扁意粉簡直深得我心，意粉質感好好，辣得過癮，有蒜香，虎蝦彈牙，食到我舐舐脷。朋友話南瓜意大利飯都唔錯。我前幾日喺另一間餐廳飲咗一樣嘅奶昔，高下立見，另一間餐廳唔會有上面嘅cream同埋薄荷葉作為裝飾，INN除咗重視食物嘅味道，亦都對美感外觀有追求，係一間有誠意做好食物嘅餐廳。呢個價錢呢個質素，冇得唔encore啦!

之前嘅Emily in Paris，我諗唔少娘娘睇完都好鐘意個種法式風情🇫🇷，悠閑嘅感覺，慢活生活就緊係要嘆個靚景下午茶啦☕️今次就嚟到荔枝角，除咗有打卡景、靚靚花茶，仲有得要甜品畫碟🙆🏻‍♀️慶祝生日又多個選擇喇😋～💂🏼《英式炸魚薯條》 $92炸魚超大份！薯條都好脆，係一個好基本但又唔係度度好食嘅下午茶常見餐單🤣佢個炸魚嘅炸粉漿好薄，入面魚肉都好滑✨配沙律醬或者就咁點檸檬汁兩個食法都唔錯👍🏻！評分: 80/100💂🏼《黑松露忌廉野菌意粉》 $92第一啖食落去黑松露味就好濃，加上野菌佔嘅比重都唔少，所以野菌味都係好濃，同黑松露個味都幾夾🍝✨！評分：80/100💂🏼《派對白桃烏龍茶》 $48個茶係有淡淡嘅白桃味，然後茶味相對比較濃嘅一個熱茶，慢慢嘆茶個feel 就真係夠曬悠閑，加上個茶壺同茶杯都好靚🍵🫖，打卡一流！！評分：82.5/100💂🏼《法式班戟》 $68加埋甜品畫碟，成個班戟碟就好大個，同娘娘慶祝生日都唔失禮🙆🏻‍♀️！而且班戟嘅Cream同榛子朱古力都係甜而不膩，加埋Fresh嘅士多啤梨中和下，恰到好處😋～評分：85/100總結：食完之後我諗打卡都可以比各位娘娘打番成個鐘，同埋發現野

而家疫情比較嚴重，好耐都冇出過去食飯，今日係特別節日，所以中午就搵咗一間靚靚嘅西餐廳試吓。呢間餐廳喺荔枝角工廠大廈入面，環境裝修好別緻，充滿少女情懷，有啲田園氣息，黎食飯打卡都幾好。今次叫咗個帶子忌廉燴意大利飯，帶子大大粒，上下面層煎得好香口，裏面好juicy。意大利飯嘅醬汁亦都好香濃，每一粒飯都俾濃濃嘅醬汁包裹着。另外叫左個crepe，配料有香蕉士多啤梨朱古力醬等等，個皮有好香嘅蛋香，非常軟熟，作為甜品一流。

裝修充滿特色，睇落以為餐廳環境好大🙈但其實裏面好細，座位坐得唔算舒服，不過食物質素唔錯，味道真係幾好食😋原本諗住可以喺度影多啲相，但見環境咁細，入面唔算多影相位，所以最後都冇影相📸️唯獨是覺得食物質素好食之外，下次唔會嚟呢間分店🙉

繼上次喺元朗嘅INN一人晚餐後，回味無窮～～於是同朋友喺聖誕節前夕嚟買荔枝角嘅分店，發現喺樓上嘅INN環境更大，氣氛更chill更適合打卡！門口已經有白色聖誕嘅氣氛☺️嗰日係平日嘅七點左右，疫情關係店內唔算多客人，燈光暗暗地環境都幽靜，啱晒兩個人傾偈食飯。英式炸魚薯條配上他他醬及茄汁講真呢塊炸魚大到嚇親我。質素絕對唔係快餐店嗰種炸魚柳。外皮薄脆，一咬就碎，而且熱辣辣上，感覺係新鮮炸起！魚肉大塊厚身，咬落啖啖肉唔似其他粉醬多過肉咁～揸得剛剛好，魚肉依然滑溜，做到外脆內軟。點乜嘢醬，風味唔同，任君選擇。墊底嘅薯條都相當出色，粗薯新鮮炸起，口感更好。奶油大蝦配煙肉菠菜意粉賣相已經相當吸引～可以話佢將每一種材料都配搭得好好～奶油鋪滿晒每一條意粉，口感creamy濃厚奶味重而不膩，偶爾可以食到啲煙肉菠菜碎～隻蝦都幾爽脆，事前處理得唔錯肉桂蘋果班戟配雪糕個人鍾意佢嘅肉桂醬汁同埋上面嘅杏仁片，分量唔算好多，做飯後甜品一流

好少寫食評，但呢間餐廳不得不推介第一讚👍🏻員工超有禮貌💁🏻‍♂️感覺好似去左五星級酒店咁既服務第二讚👍🏻食物超好味😋味道係唔好西餐既我都想再食第三讚👍🏻環境超舒服📷影相打卡好地方第四讚👍🏻物超所值，食物勁大份，份炸魚薯條大到嚇死你，仲要下面鋪滿薯條第五讚👍🏻我好鐘意飲茶，呢間餐廳的檸茶好香茶味，高質我唔識用好靚的字眼去形容今次的餐膳經驗，只可以講我好回味，一定會番去再幫襯