Ikigai Concepts (已結業)

之前朋友食過呢間餐廳嘅鰻魚飯，話好特別又好好食。今日難得經過荃灣如心廣場，緊係要試試佢。好滿意餐廳既日式裝修，日系風格好有特色，空間環境好大，連座位方面都非常闊落，感覺好溫馨。今次就特登試左朋友推介既＄228 蒲燒鰻魚飯三食套餐，真係好特別，員正講解左三種食法，單食鰻魚飯啦，或者加溫泉蛋同海苔一齊許飯撈埋食，或者再加熱茶湯，就會係鰻魚茶泡飯。真係三食，有種食左三餐既感覺！鰻魚本身已經燒得好焦香，配埋鰻魚汁同日本米，絕配！套餐配埋味增湯，茶碗蒸，沙津，CP值好高！誠意推介！

餐廳裝修設計係日本嘅簡易主義風，餐廳嘅陳列架上面放咗好多日本工藝品，唔同地區嘅日本清酒。波浪設計牆壁非常有心思，餐廳分咗唔同嘅料理區域，有炭火燒專區，和食專區，酒吧區。整體感覺溫馨同舒服。點左燒原隻車海老釀蝦膠，呢個配搭出奇地好好食，加埋三文魚子蛋黃醬，大大粒魚子食落超甜，值得推薦！餐廳有香港小有炭牌，就試左佢哋嘅串燒，炭燒活鰻，紫蘇酸薑黑豚肉，同虎海老黑豚肉紫蘇卷。炭燒好有係日本食既感覺，鰻魚食落好新鮮，邊邊焦脆。黑豚肉串燒都好有驚喜，味道好有層次。

上網比我發現咗間好日本風格嘅餐廳，餐廳成個環境非常闊落，餐廳設計同裝修係簡約嘅日本風，擺設都好有心思同感覺溫馨。叫左個香煎北海道帆立貝配莎莎醬，帆立貝好大粒，廚師燒得岩岩好，好Juice，火候拿捏都好好，蘑菇都好食，配埋莎莎醬。好開胃！仲叫左招牌IKG卷物，卷物有好多好大既三文魚子再加上海膽，啖啖都係幸福感。海膽同三文魚子食落好新鮮，甜甜地。特登叫咗佢哋嘅串燒。虎海老黑豚肉紫蘇卷，紫蘇酸薑黑豚肉， 炭燒活鰻。炭燒鰻魚食落好新鮮，仲脆脆地。黑豚肉串燒都好有驚喜。所有菜式賣相都好心思，點影都好靚。

今日放假同朋友去食日本餐廳，餐廳整體氣氛好舒服，餐廳成個設計好有一種去左日本既感覺。我地各自點左一個午市套餐，秘製健康咖喱飯配吉列鹿兒島黑豚同溫泉蛋焗芝士咖哩雞飯。套餐有埋味增湯，沙律同茶碗蒸，份量好豐富。鹿兒島黑豚咖喱飯，黑豚肉都炸得好好，食到豚肉嘅肉汁。咖喱嘅味道好有層次。員工推介話，咖喱係主理人嘅袐方，主要用新鮮嘅蔬果去煮。好有心思！溫泉蛋焗芝士咖哩雞飯好大份，流心溫泉蛋好好食，雞都好嫩。沙律好新鮮開胃，茶碗蒸蛋味好香。感覺好飽好滿足！

之前朋友食過呢間餐廳嘅鰻魚飯，話好好食。今日難得同朋友行荃灣，就同朋友一齊嚟試試。呢間新餐廳環境一流，風格好特別，連菜式都好新穎。今次我哋點左特上壽司精選，鯛魚湯稻庭烏冬。特上壽司精選好抵食，有十件當季食材，有海膽同三文魚籽，好高質！最欣賞海膽，真係好鮮甜，完全冇腥味。三文魚子都好大粒，新鮮又有小小咸香。帶子好肥美，加埋魚子醬，真係好正！！日本鯛魚湯稻庭烏冬，佢個烏冬嘅湯底係鯛魚湯，完全係奶白色，魚味好重好香，鯛魚都好好食。呢間餐廳CP值真係高！食物都好有誠意！

之前食過呢間餐廳嘅午市套餐鰻魚三色，已經被驚訝到。所以今次特登約埋男朋友一齊嚟試其他菜式。今次我哋點左招牌IKG卷，網上睇相都唔夠現實見到咁誇張，真係滿滿嘅三文魚子，仲有埋海膽， 性比價真係好高。試咗三文魚子同海膽，真係好鮮甜，完全一啲腥味都冇！另外點左雜錦天婦羅，都係餐廳推介之一， 天婦羅既炸粉夠薄，蝦好有味，蝦頭好好食。另外炭燒澳洲m4和牛扒肉質好嫩，肉仍然有少少鮮紅，單食都已經滿滿肉味，真係好好食。食多幾件都唔會覺得油膩。好想Encore！下次要再黎過！

之前朋友帶過我去食過一次晚餐，今次喺荃灣行街經過，就嚟試吓佢哋嘅午市套餐先～今次先發現原來餐廳有自助清酒機，有成30款不同特色嘅日本清酒，好適合中意飲清酒既人。餐廳方面午市套餐嘅選擇都有好多，聽員工嘅介紹，試咗溫泉蛋焗芝士咖哩雞飯同日本鯛魚湯稻庭烏冬。套餐會有沙律，味增湯同茶碗蒸，份量好豐富。溫泉蛋焗芝士咖哩雞飯，雞好嫩滑，咖哩好有層次，感受到餐廳既誠意。日本鯛魚湯稻庭烏冬，湯底完全係奶白色，鯛魚有先煎過，好香！估唔到午餐都咁高質素👍 好有驚喜！

難得放假期決定約朋友一齊聚一聚，大家都喜愛食日本菜，所以一致決定要去我食過，覺得好食既日本餐廳。之前已經去過一次，試過佢哋嘅壽司，非常新鮮。所以今次就試吓其他菜式，點左特上刺身盛，香煎北海道帆立貝配莎莎醬，牛油果同吞拿魚他他配魚子醬，免治雞肉棒。牛油果同吞拿魚他他配魚子醬，賣相好靚，黎到島發現居然有金箔同魚子醬，好驚喜，成個配搭食落好夾，味道好有層次。特上刺身盛刺身方面一如既往地都好新鮮又厚身。香煎北海道帆立貝配莎莎醬，完全唔干，蘑菇都好好食，正！免治雞肉棒，雞肉好嫩，炭火燒完，更加香！

平日係荃灣搵lunch食 發現呢間係如心廣場既日本餐廳 之前網上面介紹 以為佢得omakase 所以一直無咩留意但原來佢既lunch menu都幾多選擇有燒肉丼 炸物丼 壽司 烏冬價錢唔算平 但佢環境係幾大幾舒服耐唔耐食一個好既 可以考慮我今次叫左個炸多天婦羅蝦餅飯 $128 （近排有免加一）Set另有茶碗蒸同沙律蛋同飯都註明係用日本產既隻蛋既蛋黃好吸引 用黎撈飯好好味塊天婦羅蝦餅都明顯會見到有蝦肉粒另外蝦餅仲有野菜去炸 所以好大塊 食到最後食唔哂😅見到menu上仲有鯛魚湯烏冬 又有咖喱炸鹿兒島豬扒飯 燒牛舌丼都好想食 決定下次再去試

今日同同事一齊食lunch，岩岩好見到如心廣場開左間新餐廳，緊係要試試。去到餐廳已經幾乎滿座，好彩仲有位姐。環境同擺設好日式，座位都好大。午市套餐選擇都有好多，我就點左午市套餐，$128 既炸蛋天婦羅蝦餅丼套餐，會有沙律，茶碗蒸，味增湯。沙律新鮮好開胃，茶碗蒸蛋味好香，好食！味增湯既咸度岩岩好，紫菜好香。天婦羅蝦餅好好食，天婦羅炸粉好薄，食落口完全唔會好似食緊炸粉多過炸蝦咁，另外有埋個流心蛋，炸得岩岩好，撈埋飯一齊食。超級正！服務員好貼心，會一一介紹菜單，加水都好勤。

今日同朋友約左去荃灣行街買衫，朋友咁岩上網睇到如心廣場開左新餐廳，緊係要去試試啦。餐廳環境好靚，門口好有日本感覺，擺設同設計都好特別。座位空間都好大。我地點左稻庭烏冬，餐廳用咗日本嘅烏冬麵，湯底好香，蘿蔔煮得好軟，食落好甜，成個人都暖曬 。香煎北海道帆立貝配莎莎醬，廚師燒得岩岩好，帆立貝又大粒，完全唔會干，蘑菇都好好食再加埋個醬。好開胃！另外燒原隻車海老釀蝦膠，個配搭好有創意，出奇地好食，碗埋三文魚子蛋黃醬，大大粒魚子食落超甜，好新鮮，一D都唔腥！員工知道我地第一次黎，都好親切介紹招牌菜，下次會再黎過。

今日難得得閒，男朋友帶左我去食一間新日本料理餐廳。原來餐廳有自助清酒機，有成30款不同地區嘅日本清酒，好適合我同男朋友，因為我地好中意飲酒！Scan code仲可以睇到曬所有清酒既特點同味道，好方便。飲清酒緊係要配刺身，壽司啦～ 我地點左特上海鮮丼套餐，特上壽司精選。海膽壽司真係超級鮮甜，完全冇腥味，三文魚子好大粒，一咬落去卜卜聲，好鮮甜，帶子肥美。特上海鮮丼有成十款左右既海鮮刺身，有鮑魚，帶子，海膽。鮑魚好好味。刺身好厚身，魚表面有燒過，魚油出曬黎，配埋清酒好正。

星期六同我老公一齊去撐枱腳，屋企隔離開咗間新嘅日本料理餐廳，特登同老公一齊去試新野。餐廳都好大間，門口嘅裝修同擺設都好有特色，放咗好多日本工藝品。經過員工既介紹，我地叫左招牌IKG卷，牛油果同吞拿魚他他配魚子醬，日本鯛魚湯稻庭烏冬，免治雞肉棒，厚切牛舌。IKG卷賣相好靚，有好多三文魚子同海膽，一啖都食唔曬。海膽同三文魚子好新鮮好甜，完全冇腥味。牛油果同吞拿魚他他配魚子醬，係埋金箔同魚子醬，味道好有層次，好正！厚切牛舌好香，免治雞肉棒，雞肉好嫩滑。日本鯛魚湯稻庭烏冬，個湯是奶白，飲落好濃郁，魚都好新鮮。

難得放假，就諗緊帶媽媽出去食個飯，朋友推薦左呢間日本料理餐廳。餐廳空間好大，設計簡約舒適，同隔離枱都有一定嘅距離，坐得好舒服，擺設都好特別，睇得出好用心。餐廳午市都有很多選擇，我點左特上海鮮丼套餐，套餐有沙律，茶碗蒸，味增湯。 有成十款左右既海鮮刺身，有埋鮑魚同海膽，鮑魚味道好突出，完全係意料之外。刺身本身都好厚身，表面燒過，啖啖都是魚味，配埋飯，好好食。媽媽見天氣凍凍地，就點左日本鯛魚湯稻庭烏冬，湯底係奶白鯛魚湯，飲落好濃郁好香魚味，成個人都暖曬，魚都好新鮮。呢個餐廳環境好，食物都好食，我同媽媽都好滿足。

天氣愈黎愈凍，好想飲湯，咁岩同事去試左間新日本料理餐廳，仲推薦左我。緊係一放假就去試試啦～餐廳是日式風格，所有既裝飾同擺設都好有居有日本特色。連菜式方面既賣相都好靚，最岩打卡。我地叫左日本鯛魚湯稻庭烏冬，特上刺身盛，原隻車海老釀蝦膠。 佢個烏冬嘅湯底係鯛魚湯，奶白色，味道好濃郁，魚都非常好食，加埋日本烏冬。好高質素。刺身盛有5款刺身，好新鮮都好厚身，魚味好突出。帶子同蝦好鮮甜！原隻車海老釀蝦膠，加新鮮三文魚子蛋黃醬，魚子真係好大粒，食落超甜。強推強推！！💪💪💪💪💪