Ikigai Concepts (已結業)

之前朋友食過呢間餐廳嘅鰻魚飯，話好好食。今日難得同朋友行荃灣，就同朋友一齊嚟試試。呢間新餐廳環境一流，風格好特別，連菜式都好新穎。今次我哋點左特上壽司精選，鯛魚湯稻庭烏冬。特上壽司精選好抵食，有十件當季食材，有海膽同三文魚籽，好高質！最欣賞海膽，真係好鮮甜，完全冇腥味。三文魚子都好大粒，新鮮又有小小咸香。帶子好肥美，加埋魚子醬，真係好正！！日本鯛魚湯稻庭烏冬，佢個烏冬嘅湯底係鯛魚湯，完全係奶白色，魚味好重好香，鯛魚都好好食。呢間餐廳CP值真係高！食物都好有誠意！