Iberians (已結業)

呢度喺位於尖東嘅lberians，聽好多人都推介佢哋嘅午餐CP值好高，終於有機會去一試。佢哋嘅午市套餐包咗湯，主菜同餐飲。湯今日係忌廉蘑菇湯：蘑菇味好濃郁，食到啖啖嘅蘑菇蓉，可見用料十足。西班牙海鮮炒飯：呢度嘅西班牙炒飯好足料，見到飯面啲海鮮款式都好多，有魷魚圈有海蝦有青口等等。個飯底亦都好出色，飯身乾濕度得宜，食落好香。燒紐西蘭肉眼配燒汁：佢哋嘅扒類都可以選擇跟飯、意粉或者薯菜。肉眼牛扒燒得外脆內嫩，食落口感juicy，水準不錯。烤西班牙蛋餅：個蛋餅好厚身，蛋餅餡料豐富，有洋蔥，薯仔等增添口感，仲有西班牙臘腸為蛋餅增添咸香味，令味道口感都變得豐富。白酒煮藍青口：藍青口份量都幾足，又夠哂新鮮，無雪味，亦都好乾淨，唔會食到成口沙。佢哋用嘅白酒汁好香好好味，可以有效咁提昇藍青口嘅鮮味。

之前第一次食西班牙菜嘅時候已經一試愛上🥰因為佢地嘅tapas細細份，可以一餐裏面食幾款😋所以每逢見到西班牙餐廳都不能抗拒，一定會去試下🤣假日嚟到呢間餐廳，見到都有lunch set，即刻行入去試下✨🆃🅰🅿🅰🆂🍈巴馬火腿配哈密瓜 ($78)Parma ham肉質軟嫩，綿密的油脂分佈均勻，配搭香甜多汁嘅蜜瓜絕對係perfect match🥰🧀芝士火腿拼盤 ($168)巴馬火腿·莎樂美腸·金文拔芝士·埃文達芝士🧀金文拔芝士 (上)：嚟自法國嘅軟牛奶芝士，奶香醇厚，搭配風味濃郁嘅莎樂美腸相輔相成；🧀埃文達芝士 (下)：嚟自瑞士嘅半硬芝士，咸香味濃郁，奶香更勝金文拔芝士，配薄脆餅乾好夾，淡淡嘅味道更能襯托芝士嘅濃味🙈旁邊仲有碟🫒橄欖，呢個拼盤隨意配搭都咁好食，配埋杯sangria就真係最佳嘅佐酒小食🅼🅰🅸🅽 🅲🅾🆄🆁🆂🅴⧐隨餐附送是日餐湯及西班牙水晶麵包⧏🥣是日餐湯係🍄黑松露蘑菇忌廉湯，非常creamy同足料，食到粒粒蘑菇茸😍🥖水晶麵包超級鬆軟，平時唔太好餐包但呢個好鐘意👍🏻⧐扒類都可以選擇跟飯、意粉或者薯菜⧏🐖西班牙栗子豬梅頭配蜜糖芥末 跟薯菜($128)肉汁豐富，食落一啲都唔韌好有咬口，配搭

呢間西班牙菜假日都有午餐，而且價錢一啲都唔貴，食物水準仲相當高。午餐包是日餐湯，西班牙水晶麵包。餐湯好大碗，今日係蘑菇湯，好多蘑菇蓉，非常好飲。麵包非常香脆！▶️香草燒雞（半隻）$128燒雞新鮮燒起，外皮卜卜脆！雞肉非常之滑，帶雞油香好juicy，十分推介！可以跟返意粉或飯或薯蓉。揀咗薯蓉甜甜地幾得意。另外仲有沙律菜。▶️燒紐西蘭肉眼配燒汁$128呢個都係揀咗配薯蓉，肉眼夠林，有牛香。午餐包基本飲品，加$15可以飲hazelnut latte ～好飲！另外單點咗Tapas。▶️伊比利亞火腿(36個月）$138非常咸香好食，配有火箭菜中和！▶️加利西亞章魚🐙$78賣相精緻，有四件，八爪魚下邊有薯仔片。整餐飯覺得性價比高！

尖沙咀新文華中心有一間食西班牙菜既餐廳 餐廳裝修風格都好似置身喺西班牙咁 決定入去試吓除咗set lunch 仲有好多其他小食選擇 花多潦亂簡左紐西蘭肉眼扒 個牛非常juicy 而且厚肉 配埋意粉蒜蓉汁 好好食 另外order 左豬梅頭蜜糖芥末 我最鍾意係個sauce 配埋豬肉好淋好惹味 另外叫左36個月iberia ham 果然時間足夠令到火腿好有油香 入口即溶 加比利亞章魚好有驚喜 下層係薯片上面章魚 估唔到可以咁夾 最後餐飲ice mocha 同 hazelnut latte perfect drink

話說小編最近閉關，趁閉關前一定要好好食一餐。朋友話想食西班牙菜。而見到OPENRICE呢間餐廳都好評如潮。由於最近疫情嚴重，所以淨係得返午市有堂食。餐廳人唔算多而且好闊落，所以都坐得好舒服。先點左個Prama ham配蜜瓜。蜜瓜嘅甜加上火腿嘅咸香。簡直令人回味無窮。再點多個Prama ham配芝士餅乾。芝士香味芳香四溢。酥香鬆脆，口感細膩。主菜點左牛配紫薯，牛入口即溶。令人難以抗拒。紫薯味道層次分明，甜而不膩。西班牙海鮮飯。海鮮非常新鮮，而且飯粒粒粒分明，配埋個汁簡直係一流。整體成餐飯食得好舒服，味道亦都有相當高嘅水準。推薦程度爆晒燈。

星期六去尖東行吓揾下野食😋咁呢間新開嘅西班牙餐廳喺新文華中心餐廳風格帶有西班牙特色，有當地色彩，環境寬敞，坐得幾舒服Lunch hour餐牌選擇幾多餐湯係南瓜忌廉湯，口感creamy，濃郁南瓜味，好好味！西班牙Tapas有好多選擇，每款都好有特色啊😋烤西班牙蛋餅必點啊！蛋餅用煎pan上，熱辣辣好好味中間夾住洋蔥🧅、火腿、芝士等等香口之餘，而且鹹香味濃，口感豐富😋酥炸魚柳即叫即炸，好香口啊😍西班牙海鮮炒飯💛炒飯一人份量，配料有大蝦、魷魚圈、青口 大蝦爽口鮮甜西班牙炒飯味道酸甜，好開胃，調味適中🤤豬梅頭配蜜糖芥末醬 配薯菜必點🥰西班牙出名豬肉豬梅頭扒大大塊，淋上蜜糖芥末醬，係perfect match 啊豬扒非常淋身🤤肉質嫩滑爽口，半肥瘦適中薯菜係配紫薯蓉 好特別啊

西班牙餐廳位於尖沙咀午市套餐据個扒都係$100左右是日餐湯有南瓜忌廉湯口感creamy, 忌廉味較濃整體豐富抵食呀👍🏻-🥩燒西班牙肉眼配燒汁（$128，包餐湯及飲品）牛扒揀咗7成熟肉質粉嫩軟稔，牛味香濃！配上燒汁更顯肉香呢！伴菜揀咗薯菜喺紫薯同沙律，顏色鮮艷又健康😁另可選意粉或飯喔！🇪🇸西班牙海鮮炒飯（$108，包餐湯及飲品）以平底鐵板鑊仔上權熱辣辣香噴噴面頭鋪滿海鮮，款式多樣又豐富有青口、魷魚圈、大蝦飯粒仲混和咗青豆、橄欖同西班牙臘腸粒飯粒幾香口，好好味喔💕🥚烤西班牙蛋餅（$78）蛋漿加入煙肉碎、洋蔥、火腿粒、薯仔等咬落蛋餅厚身，好有口感👍🏻蛋香味濃郁呀！🐟酥炸魚柳（$88）魚柳粗身香脆面頭加咗炸南瓜絲🎃擺盤有心思又igable喔📸

本來都擔心來這間西班牙餐廳要等位不過疫情對飲食界餐廳打擊實在太大午飯時間竟然都沒有什麼客人如果在安全的情況下還是幫襯一下食肆吧我見餐廳員工清潔抹野都幾勤快深灰色的風格帶有一份型格感地上是頗有異國特色的拼花階磚其實都真是坐得幾悠閒舒適說回食物,由於我是全日早餐腔所以一看到餐牌幾乎都不用多想點了個西班牙全日早餐看看西班牙有什麼不一樣的特別味道不過主菜來之前先飲碗前湯及來一客前菜碗湯的忌廉味頗重入口好creamy亦都有南瓜味那件小小配包外脆內軟蘸點湯汁同食口感幾特別至於前菜巴馬火腿配哈密瓜火腿頗油潤入口帶點鹹香配以清甜哈密瓜真係好夾仲可以夾埋青橄欖、黑橄欖一齊食至於主菜全日早餐一上檯感覺佢份量好多女生太細食可能會覺得好飽黑醋沙律以火箭菜為主仲有西班牙薯仔沙律、油醃蕃茄及酸種麵包不過我喜歡的例是肉厚鮮味又多汁的大啡菇巴馬火腿配哈密瓜雖然剛剛已食不過這種爽口瓜類配火腿真的好吃比較有特色的是烤香腸及西班牙蛋餅原本我以為腸仔及蛋餅應該又是好咸但又不算是啊,腸仔確有少少醃燻味,不過不太咸蛋餅整得幾厚身,有蛋香亦有咸香最後飲返杯美味拿鐵這餐西班牙LUNCH好悠閒,好滋味

今日同朋友喺尖沙咀行街，諗住順便添置一啲防疫用品。俾我哋經過一間幾有情調嘅西班牙餐廳，所以我哋就諗住入去食個午餐補充體力。加利西亞章魚一直都覺得西班牙人係其中一個最識享受美食嘅民族，從佢哋精緻嘅小食就能體現出嚟。呢道加利西亞章魚賣相精美，望上去就好似一個個小蛋糕咁。以馬鈴薯視覺作為基調，配上爽口彈牙嘅章魚塊，令人感受到西班牙嘅風情。酥炸魚柳呢道酥炸魚柳，將大大嚿嘅魚柳炸得金黃酥脆，將魚肉嘅鮮甜肉汁鎖喺魚肉入邊。配上雕琢精巧嘅炸蘿蔔絲，賣相同味道都甘香酥脆、金碧輝煌。而佢之所以咁好食，當然唔少得沙律醬嘅功勞。香草燒雞配意粉呢道香草燒雞配意粉絕對顯示出廚師嘅功架。大大份嘅雞胸同雞全翼外皮燒成微微金黃色，而雞肉卻係非常嫩滑，肉汁非常鮮甜。配上意粉同埋沙律，係一道令人十分享受嘅主菜。軟殼蟹配茄汁燴意粉我最欣賞一道菜嘅意粉。茄汁嘅酸甜同意粉配合得天衣無縫。茄汁嘅質感唔會太過濃稠、唔會有喧賓奪主嘅感覺。配上微微香脆、富有鹹香嘅軟殼蟹，令到呢度主菜提升到另個層次。

📌蒜香橄欖油大蝦 $58用小煎pan上，蝦肉大大隻，都爽甜彈牙，充滿橄欖油香同蒜香，幾好食！.📌加利西亞章魚 $58章魚一般，好靭！.📌帕德龍辣椒 $38我唔食椒的，No comment🤷🏻‍♀️.📌Iberico Ham ( 36 months) $138太咸，一般！.📌西班牙橡果黑豚梅肉 $238黑豚梅肉煎得香口，生熟度剛好，食落juicy! .📌Mojito $89 📌Sangria red $89📌Sangria white $89三杯入面，最中意Mojito，White又比Red好飲🤣.Overall，環境夠大，坐得舒服！最鐘意西班牙野既其中一個原因就係tapas 細細份，可以試多幾款🤤食物質素唔錯！可以回頭👍🏻.=========================.食物：8/10環境：8.5/10抵食度：7.5/10回頭度：8.5/10.📌 Iberians (尖沙咀)尖沙咀科學館道14號新文華中心地下82-83 及85號舖

呢日黎到呢間iberian 食Semi-buffet! 放假又可以食正野真係好開心, 呢個semi buffet係前菜任食, 跟住可以一人叫一個main dish, 佢既tapas 同snacks都係任叫! 真係夠哂正! 佢D tapas 款式都有好多, 仲有parma ham with melon! 真係驚喜, 叫親都黎得好快!, 薯條配松露醬都好正! 松露味夠哂出, 最重要係薯條熱辣辣! 又夠脆口! 真係愈食愈開心!佢既大蝦都真係好大隻, 仲有勁香蒜味, 同埋蝦勁彈牙, 食到停唔到口!餐廳既食物質素都真係高同夠哂誠意~ Main course 我地就叫左豬鞍同埋牛板腱, 夠哂香豬同牛味, 真係冇揀錯! 兩份旁邊都會有薯蓉, 薯蓉勁creamy! 超好食!甜品我地就一人揀左一樣, 分別係cheesecake 同埋奶凍, 真係冇揀錯! 超香cheese 味同奶味! 下次真係要再黎

久違了西班牙菜🤓呢間餐廳位於尖東，最鍾意果度人唔太多，可以靜靜地同朋友傾下計☺️今次主攻tapas都已經夠幾個人食！🥘雞肉西班牙燴飯因為朋友🤰🏻所以有非海鮮類真係好！好足料而且個飯唔太硬，濕度亦都剛剛好。最怕硬到好似食石仔咁🤯🍟香辣番茄炸薯條真心係小小辣😆加埋溫泉蛋一齊食👍🏻🍴西班牙可樂餅大推🤩新鮮炸起而且裡面薯蓉好綿！連塔塔醬一齊食，差啲想encore添！🐙加利西亞章魚相對失色，章魚硬得濟太有嚼口🤔。同可樂餅比呢個可以直接省略👌🍄威士忌風味炒蘑菇蘆筍炒得好好味威士忌味基本上揮發曬！如果要講佢稍微油左啲🙃

睇到我標題嘅人一定心諗 邊套西班牙劇呀～係Money Heist呀 最近睇埋最新個集就一路都好想搵西班牙菜食 🤣🤣🤣以下叫咗嘅菜係聽完個Staff介紹咗之後嘅結果❤️當然有啲係自己想食嘅嘢 但有人推薦真係好好😉⭐️法式龍蝦湯係極香濃嘅龍蝦味 好足料 一定花好多時間煮🤤⭐️煙三文魚凱撒沙律食主菜前叫翻個starter去fresh咗個嘴先😏⭐️香辣蒜香橄欖油大蝦啲蒜味唔夠 對比其他菜唔夠出色 唔試都得⭐️西班牙橡果豬鞍配蜜糖芥末醬好香 咬落去唔硬 好juicy 我本人都好常叫黑毛豬對比其他呢間做得唔錯嘅 配埋蜜糖芥末係甜咸甜咸嘅配搭 鍾意咁配就需要叫豬鞍啦！⭐️鹽殼麵包烤馬友我開頭以為麵包食得嘅 敲吓發現好硬 原來吃不得𥚃面魚肉好soft 咸咸香香 油脂比例都唔錯 推薦😊

今日黎到係尖東既Iberians~呢一間走西班牙風既餐廳裝飾好decent~有bar 枱位，有卡位長枱，似乎情侶或一大棚親朋友黎都適合～我地就坐bar枱chill一chill~餐廳可以單點又可以叫semi buffet~semi buffet就有main, tapas, snacks, drinks, 仲有個餐湯，而唔同main係唔同價錢～是日餐湯係黑松露蘑菇忌廉湯蘑菇湯香味撲鼻，而且有豐富蘑菇texture，同creamy。西班牙水晶飽軟熟而且有微熱溫度。小食方面，先黎炸魷魚蘇同炸雞翼，溫度同脆口程度都一流。烤西班牙蛋餅蛋餅以傳統既外形呈現，味道很有趣，口感鬆軟。巴馬火腿配哈密瓜經典配搭搭當然唔少得， 鹹香火腿同哈密瓜呢個組合，係定律黎。🤣 西班牙海鮮炒飯配上魷魚圈，大蝦，青口等等， 食材新鮮，炒飯當然好食。 而重中之中，要說這個澳洲安格斯牛板腱牛肉 肉鮮嫩肥美，腱位比其他部位更爽口彈牙。而且搭配令人耳目一新的蕃薯茸。十分讚！ semi buffet既甜點完全不失禮，無論是芝士蛋糕還是焦糖奶凍，水準都是十分高。很想encore再黎！

西班牙係一個開心嘅地方、食嘢正👍🏻買嘢👍🏻唔知幾時先有得再去！西班牙火腿直頭係佢飲食文化嘅瑰寶。香港就賣得好貴、喺西班牙就好似當魚蛋燒賣咁喺街邊賣、真係好掛住你呀🤣今日既然有coupon就入去食吓、但係就唔係食火腿啦。其實間餐廳好細、個餐牌選擇不多、我本身因為你有個地中海紅蝦嘅拉麵所以入嚟、但係就賣晒、所以我就選擇咗龍蝦拉麵（其實有啲怪、因為西班牙係唔會攞嚟做拉麵）、另外就揀咗個大蜆。首先講吓個蒜蓉大蜆其實個蜆係好有鮮味、但係個蜆殼爛咗、進食時候就比較困難、食到我成頭都係蜆殼嘅碎片、除咗這個問題、味道係OK嘅。另外一提、佢碟野上面綠色嘅配菜、其實我唔知食唔食得、因為真係好硬、硬到一個點、所以我覺得係唔可以食、換咗佢會好啲！另外一個龍蝦拉麵$278蚊、其實個湯底好濃、好味！好味過一幻好多、佢哋轉左用烏冬麵、更加入味👍🏻、但係龍蝦🦞就一般、始終唔係新鮮野、但$278蚊又真係好難有新鮮龍蝦比你食、所以算做得好架啦。另外再加上可以用$200 coupon 所以今餐係滿意嘅🥰。