Iberians (已結業)

西班牙係一個開心嘅地方、食嘢正👍🏻買嘢👍🏻唔知幾時先有得再去！西班牙火腿直頭係佢飲食文化嘅瑰寶。香港就賣得好貴、喺西班牙就好似當魚蛋燒賣咁喺街邊賣、真係好掛住你呀🤣今日既然有coupon就入去食吓、但係就唔係食火腿啦。其實間餐廳好細、個餐牌選擇不多、我本身因為你有個地中海紅蝦嘅拉麵所以入嚟、但係就賣晒、所以我就選擇咗龍蝦拉麵（其實有啲怪、因為西班牙係唔會攞嚟做拉麵）、另外就揀咗個大蜆。首先講吓個蒜蓉大蜆其實個蜆係好有鮮味、但係個蜆殼爛咗、進食時候就比較困難、食到我成頭都係蜆殼嘅碎片、除咗這個問題、味道係OK嘅。另外一提、佢碟野上面綠色嘅配菜、其實我唔知食唔食得、因為真係好硬、硬到一個點、所以我覺得係唔可以食、換咗佢會好啲！另外一個龍蝦拉麵$278蚊、其實個湯底好濃、好味！好味過一幻好多、佢哋轉左用烏冬麵、更加入味👍🏻、但係龍蝦🦞就一般、始終唔係新鮮野、但$278蚊又真係好難有新鮮龍蝦比你食、所以算做得好架啦。另外再加上可以用$200 coupon 所以今餐係滿意嘅🥰。