i kitchen (已結業)

觀塘工廈一直我都有去幫襯幾間餐廳，價錢合理，食物質素唔錯，環境裝修都幾好，今次呢間係第一次食晚餐，19：30前埋單有8折另外係因為佢免開瓶費，節日慶祝冇理由唔帶酒飲意大利青橄欖，水牛芝士田園沙律 $68水牛芝士唔夠多，未成為主角，不過佢仲有放無花果，係要讚香煎西班牙辣風腸 $68切得適中，煎得香脆，份量多，但本身幾鹹，最好加啲水果粒配一配更好，不過真係啱晒餸酒焗金文畢芝士配蕃茄羅勒餅 $78芝士暖暖地又軟軟地，切開好香芝士味，配埋蕃茄羅勒餅又另一種食法醬燒美國豬仔肋骨 $158個醬好深色好濃，不過食落又好滋味，酸酸甜甜，而豬肋骨應該係慢火焗到骨肉分離，一切就可以叉到啲肉，而且入味，肉唔會乾柴油封法國鴨脾伴煙肉煮白豆 $188呢個外脆，不過內裏比較乾，可能油封做法本身係咁！？味道較鹹，配埋蒜片白豆食就剛剛好抹茶千層蛋糕 $42碟同裝飾都好靚，抹茶味都好濃，非常圓滿去到7：30埋單時，連我地都只得3枱客，相信搵食艱難，希望大家食西餐都會考慮下，支持下小店

對上一次嚟「i Kitchen」已經差不多接近5年前嘅事，當時，已經有相當多餐廳進駐入觀塘廠廈，隨時間過去，就算喺疫情之下，餐廳嘅數目都好似有增無減，競爭應該都幾大，然而，仲喺屹立不倒，就自不然有其實力。同啲老友食飯，當然揀啲好嘅、有質素架啦。 再訪，感覺內裡嘅環境喺唔同咗少少，雖然，都仲喺以黑白為主色調，加上一啲藍光燈效，但可能基於疫情關係，搬走咗啲大梳化椅，啲枱櫈變得闊落咗，空間感多咗，感覺幾唔錯。雖然整體環境較昏暗，但裝置咗唔少聚焦燈，枱上又有小燭臺嚟營造氣氛，所以，不失情調。  翻一翻餐牌，分門別類為前菜、小食、湯品、意大利麵 / 意大利飯、薄餅、主菜、二人套餐、甜品及飲品，選擇依然多。 朱古力咖啡 $32 先嚟啲凍飲，小弟今晚就想飲飲朱古力咖啡，杯面唧咗好多忌廉，所以，睇落真喺唔錯，而朱古力跟咖啡嘅味道都好平衡，攪埋啲忌廉落去，就更香滑。棉花糖鮮奶朱古力 $32 我以為友人杯朱古力會跟我嘅差唔多，都喺唧層忌廉，但原來喺打咗層奶泡，撈均啲朱古力，佢話非常香滑，而朱古力味卻好濃郁。 抹茶鮮奶 $38 講到賣相靚，就應該以呢一杯抹茶鮮奶靚喇，因為一層翠綠色由上而下慢慢沉澱、變化。友

臨近聖誕節，很多朋友的飯局，今日嚟到觀塘這座工業大廈裏，搵一間人氣西餐廳一來到門口，很有聖誕氣氛，聖誕老人和大家打招呼我們兩個人來吃晚餐，看到有一個二人晚餐，但今日不太餓，二人晚餐似乎太多食物太飽了，叫兩個普通主菜算了點了一個香煎厚切鵝肝伴紐西蘭牛柳，再點了一個香草寶雲酥羊西冷，見到只需要加$38就可以升級成為套餐，有餐湯亦有飲品，決定兩個主菜都加今天的餐湯是甘筍湯，很清甜，上面配有一條餅乾條，浸在湯中，好滋味。主菜來了，鵝肝真的很厚切，咬落去有很重的回甘味，口感很好，有一點入口即溶化的感覺這道菜的擺盤很精緻，除咗鵝肝和牛柳，還有三個小伴菜，用唔同味道的醬汁，畫上一幅漂亮的圖畫似的牛柳很軟熟，牛肉味道濃郁，有豐富的牛肉汁，切一舊放入口中，整個牛香充滿着口腔，肉質鮮嫩，粉紅色的鮮嫩肉質，看見都很吸引另外的一個羊西冷也很特別，沒有很重的羊羶味，羊西冷上面有一層烤過的果仁碎，提升了羊肉的未到，層次感十足切開了之後，羊肉都很豐厚，叫了七成熟，仍然看到鮮粉紅的嫩滑羊肉，肉汁佈滿其中羊肉最好吃的就是配上一點薄荷醬，清新的薄荷，令到羊肉的味道更加突出最後來了兩杯飲品，套餐內還可以點是日特飲，這個特飲

臨近12月尾，節日氣氛濃厚，約朋友當然要食餐好的，西餐無然是不二之選，觀塘就多好評又祗食的西餐就是有這間i kitchen。⊕ 1. 醬燒美國豬仔肋骨小妹其實對豬肋骨情有獨鍾，最欣賞骨與骨之間的濃濃肉香味，配合外層酸甜濃膩的燒烤醬，絕對一流。i kitchen 的豬肋骨啖啖肉，烹煮後肉質軟腍。同朋友一起分享，滋味又不覺膩。⊕ 2. 照燒穀飼牛肩胛另一主菜出場， 一看擺盆就見廚師的心思。照燒汁是由職員幫手另上的，確保為有需要的客人點上，照燒汁亦不會影響本身肉質味道。厚切的牛肩肉質鮮嫩，靚牛就能食出牛味濃回香，牛肩是整牛脂肪較少的部位，小妹就是喜歡牠充滿牛味又帶少許的嚼勁，清爽之餘又不會太油膩。⊕ （+$38轉套餐）加上$38就可主菜轉套餐，包了廚師餐湯、飲品。當日的餐湯是南瓜甘筍湯，濃湯有蓉蓉口感的南瓜，搭配一口意式麵包棒，好好食。寒冷的天氣飲用這暖笠笠的南瓜湯特別充滿幸福感。小妹覺得在工廈想搵一間環境氣氛好又好食的西餐， i kitchen 絕對取勝。場內燈光帶點情調，梳化位有空間感坐得舒適。行街後男士帶女朋友晚飯都可考慮下呢。

12月17日生日飯， 預早一星期前已 book好位， 說明有人生日， 要求安排窗口位， 點知去到佢安排咗我哋入去房食， 佢話因為full booking。 房入面嘈到一個點 好似去咗food court咁， 出去同佢再爭取佢就安排返大堂坐，明顯冇敷full booking，到埋單都不知幾多吉枱。食物質素一般， 意粉嘅份量少到一個點， 根本都唔飽，價錢偏貴， 用這個價錢，有大把正常餐廳選擇， 不用到工廈樓底又矮 環境又很一般。服務質素都係好一般， 同茶餐廳冇分別總結，永遠不會再去。

餐廳位於私人物業內，今晚預訂了七點半既檯，七點去到大廈管理處，管理員要求要用身份証登記，唔登記唔比上去；無奈因為朋友早一步到左，無需登記已經上左去，所以局住都要登記先肯放行。其實餐廳職員打電話黎confirm booking時應該都預告一聲，唔係等客人去到先知食飯要登記身份証呢回事，上到去同職員提及登記事情，職員態度當然麻麻，好似唔關佢地事咁，仲話係大廈要登記，唔關佢地事，食飯要登記身份証都係第一次，所以呢間餐廳真係以後都唔會再去！

上星期唔係太滿足呀今星期再ENCORE西餐呀見呢間之前黎過OK就再黎呀點左烤茄子.檻欖蕃茄長通粉長通粉煮得剛好唔會太硬身個汁唔會太酸OK WOR~西班牙辣肉腸呢個幾惹味呀夠咸香炒得亦夠香呀~炸雞槌本身想食炸薯條但賣晒呀即炸的好夠熱辣辣送酒又幾好呀

好一段時間沒在觀塘揾食，結果老公還是選擇I kitchen，就覺得氣氛好，坐得舒服，食物質素高，性價比高。所有主菜、意粉、薄餅和意大利飯加$38可升級為套餐（ 包括餐湯和餐飲），我們分別點了兩個套餐。今天的餐湯是甘筍湯，很香濃的甘筍味，口感細滑健康又美味 ，配了一條長餅乾佐湯食用，口感不錯。輕煎北海道刺身帶子黑松露墨魚汁意粉帶子三大粒，口感爽滑，濃郁奶香的忌廉汁夠creamy，吃下不油膩，還有菇作配料，也帶點黑松露的香味，意粉軟硬適中，整體不錯。香煎厚切鵝肝伴紐西蘭牛柳鵝肝口感細滑，入口即溶，外脆內軟，火喉恰到好處。西蘭牛柳5成熟，肉質鮮嫩多汁，切開還有血水流出，顏色粉粉嫩嫩，油脂均勻，牛味香濃，沾上醬汁，更覺滋味。

去觀塘食來食去都係啲大集團餐廳，確實有啲厭，所以決定上網搵一啲特別啲嘅美食誤打誤撞搵到一間位於工業大廈入邊嘅西餐廳餐廳完全無任何特別既門面裝飾招來，起初以為自己嘅錯地方 但入到餐廳入面就係另一番景象唔係簡單既西餐裝飾 播放著柔和嘅音樂 感覺截然不同餐廳座位唔算多 夠寬闊 一係係梳化位 提供兩份午餐Menu 算係好多選擇，及後餐廳話有一份Menu係每個星期轉款一次餐湯係大蒜薯仔蓉湯湯夠熱，有濃郁薯仔味道同好滑口田園沙律配黑醋及芝士碎 ，菜新鮮夠及fresh我太太點既香煎美國極黑豬肉眼配意大利黑醋單在配菜上既擺盤都有啲心思。佢係用咗裝飾咗既南瓜醬 、番茄醬及豆蓉，配既蔬菜都係暖暖地 ，適合冬天唔怕凍傷喉嚨而更值得一讚係呢度嘅黑豬肉眼 外面燒到好靚既網紋 入面係厚厚又juicy既肉汁 而且豬味濃郁，相信整呢個豬肉眼需要一定技巧 呢度既烹調確實一絕輕煎北海道帶子刺身黑松露意大利飯帶子非常大粒厚身，由於帶子嘅表面只係輕輕煎過，所以保留左原來嘅鮮味 入邊依然保持嫩滑口感，意大利飯做到傳統嘅半生半熟效果配埋獨特嘅黑松露濃郁香味 簡直色香味俱全 非常高分之作最後送埋甜品黑芝麻豆腐餅 ，為午餐劃上完美嘅

觀塘工廈出名多美食，不過自己唔係住近呢邊，所以好少過來。呢日難得去開呢頭買嘢，就去左之前朋友介紹呢間餐廳晚餐，估不到工廈西餐都甘有質素。.松露忌廉煮鮑魚 $138鮑魚好新鮮，肉質爽甜彈牙，配上味道濃郁的松露和幼滑的忌廉，滲透入鮑魚之中，還帶有滿滿的菌香味。.照燒美國穀飼牛肩胛 $168餐點裝飾精美，而牛肩胛肉質紮實，🐮牛味濃厚，食落帶一點彈牙口感，而且照燒後，有外微脆內嫩的感覺。配上黑椒汁，食落更惹味。.巴馬臣芝士煙肉蛋黃醬意大利粉 $108意粉煮得剛剛好，軟硬適中，食落口感彈牙。每條意粉都沾滿了蛋黃醬汁，好creamy，而且入面還有好多煙肉和蘑菇。.+$38轉套餐(廚師餐湯 加 餐飲)南瓜湯 & 伯爵紅茶南瓜味香濃，口感creamy，入面還有滿滿的南瓜蓉；伯爵紅茶就用上Twinings茶包。

呢間餐廳係工廠大廈上2樓，店內裝修好有格調，同朋友相聚嘅好地方。可以點選套餐，我同朋友選擇散點，飯後仲嗌咗2個甜品，今餐夠哂滿足 呢個好食【松露牛油芝士焗生蠔 $108】香濃牛油芝士味，伴埋松露醬，新鮮生蠔焗到有8成熟，鮮味濃郁嘅生蠔，肉質軟嫩，伴碟有沙律菜 + 車厘茄 份量超多，2個人食真係好滿足【扒德國腸拼盤 $158】有巴雷特豬肉腸、維也納腸、芝士雞肉腸，切開即爆哂啲芝士出嚟、蘇寶力腸，每款都夠juicy，德國腸味道偏咸及偏重 遠遠已經聞到陣陣黑松露味【黑松露牛肝菌意大利飯 $108】香濃黑松露意大利飯，份量多嘅牛肝菌，意大利飯夠creamy 最後每人嗌咗仈飯後甜品【自家製焦糖蘋果批伴雲呢拿雪糕 $68】焦糖蘋果批外層係用酥皮做，仲焗得好香脆，內裡滿滿蘋果新鮮軟綿綿，仲伴埋球冰凍嘅雲呢拿雪糕，一熱一凍，配搭一流。【意大利芝士餅 $58】Tiramisu凍冰冰，味道幾好 i kitchen觀塘巧明街106號冠力工業大廈201室

觀塘工業區嘅一間隱世餐廳, 雖然冇海景嘅陪襯, 但餐廳嘅環境氣氛十分浪漫，音樂柔和，係同朋友去慶祝生日或者係慶祝拍拖紀念日嘅好地方 香煎西班牙香風腸香辣辣鹹鹹地風乾嘅香腸，十分惹味，喺口慢慢咀嚼，回甘味十， 配紅酒白酒或者佐酒一流 香煎鵝肝伴牛柳鵝肝中嘅鵝肝油 香煎過後鎖住係入面，仲有honey mustard嘅配襯 ，可以中和鵝肝油膩感，再加上香軟牛柳，牛香味十足，仲有唔同嘅醬汁任君選擇 油封鴨髀煮煙肉白豆大大隻鴨髀，一啲都唔韌，一條條金黃色嘅鴨肉髀絲， 肉質鬆軟帶點鹹香味，白豆豆香上充滿鴨香， 還有一絲絲嘅煙肉混合在一起，齒頰留香

今日同朋友兩個放工嚟到觀塘嘅工廈區搵隱世美食，之前聽人講呢間野，今次第一次食。上到嚟2樓嘅工廈，餐廳環境都幾隱蔽，但裝修唔輸蝕，有格調，同朋友傾偈係幾合適嘅選擇。餐廳有二人餐，不過我哋為散叫，食物種類有薄餅、意粉、意大利飯、扒同埋小食。我哋點左個香腸拼盤，由唔同嘅腸組成，份量非常大，大概有八條腸，每款有兩條，味道唔算鹹，有沙律配菜，沙律都幾新鮮。主菜方面，我哋有個牛肩胛，賣相唔錯，啲醬汁都幾特別，牛肉嘅肉質鮮美，有啲肉汁。一共有兩塊，唔算好大塊，不過薄薄地幾林。仲有個帶子甜淑意大利飯，飯都幾香口，加埋嗰啲意大利汁。份量唔係好大，但係會覺得係飽肚嘅。最後埋單大概$250一個人，都幾豐富幾滿足，下次都會考慮幫襯。

放工同朋友去觀塘搵食，結果去左間近APM一間工廈的西餐廳，兩個人點左三樣菜，第一碟已經嚇一跳，係個香腸拼盤，好彩兩個男人都應付到。另外再叫意大利飯及牛肩胛，飯的味道不錯。

觀塘區工廈一向卧虎藏龍，有不少優質餐廳。今晚和友人試試這家西餐廳。工廈餐廳門口雖不起眼，但內𥚃裝修是雅致的。餐牌選擇不少，與友人貪吃點了數款分著吃。香脆魷魚圈: 餐前小食點了份魷魚圈，一碟有10件，份量十足。魷魚圈炸得非常香脆，配上泰式辣醬很惹味。旁邊的沙律亦很有誠意，上面刨了我最愛的Parmesan Cheese。作為餐前小食非常不錯。黑松露野菌茸湯: 想飲一個熱湯暖暖胃但怕太飽，點了一客一起分享。湯中飲到啖啖野菌茸，非常香濃，愛菇之人要試。輕煎北海道刺身帶子•黑松露墨魚汁意粉: 其中一個主食點了意粉。刺身帶子輕輕煎過，外邊帶點焦香內𥚃仍保持軟滑。意粉是完美的Al dente，汁醬creamy並加了洋蔥和蒜提升香味，不錯。照燒美國穀飼牛肩胛(+$68配厚切鵝肝): 我倆既想吃牛又想吃鵝肝，但又不太喜歡牛柳，決定選牛肩胛另加錢配鵝肝。牛肩胛職員表示因部位關係故只能做約7成，未能做到5成效果，來到的時候切開中間其實仍是漂亮的粉紅色，生熟度對個人來說其實剛好，嫩滑且有牛味，帶陣陣炭燒香，不沾醬也很好吃。鵝肝有脂香，可能擺放了一會熟了一點，上桌即吃相信會更岀色。整體質素不錯，價錢合理，選擇亦