i kitchen (已結業)

餐廳位於觀塘工業大廈樓上，一入到去環境完全唔似工廈，感覺高級得來帶點休閒set lunch款式好多，輕食Parma Ham去到意粉Risotto 扒類 海鮮等等款式都有，set價錢都係一百左右，午餐仲包埋沙律🥗餐湯🫕飲品🥤，好豐富香煎厚切鵝肝牛肝菌意大利飯意大利飯濃味得來唔會太膩，加左少少芝士🧀、香脆蒜片同埋牛肝菌味道同埋口感都多一種層次鵝肝非常厚，每邊表面煎成少少脆，入面保持鬆軟，非常香口餐廳每日都有唔同special甜品，今日就係Earl Grey朱古力凍餅配雪糕，可惜我同朋友都食完lunch太飽，下次嚟一定要試

又是忙碌帶小愛人放電的一天，去完攀石體力勞動後，要補充一下能量。但因為要到觀塘區交文件比朋友，所以先和小愛人在附近吃個午餐。朋友叫我去試試這間樓上餐廳，價錢丶質量都性價比。由APM行去約5分鐘。午餐餐牌種類有意粉丶飯類丶扒類齊全，價錢不貴。我倆點了午餐B及午餐F。沙律菜新鮮可口，配上芝士丶黑醋汁開胃可口！南瓜忌廉湯質地濃厚，味道清甜。伴著餅乾條，小愛人十分喜愛！這個《米蘭式海鮮意粉》，海鮮新鮮，帶子丶蝦仁及墨魚足料大件，彈口好味，意大利粉的海鮮醬汁濃郁，有點將龍蝦汁，十分入味。最欣賞這個《香煎紐西蘭肉眼》，牛扒厚切，肉質又淋又嫩，吃得出是優質的牛扒。還有很欣賞他們的伴碟，又靚又好吃，十分精緻。這裡的咖啡豆很不錯，如果換上cream milk便perfect了！整體而言這間餐廳可以再encore！還有值得一提是這餐廳播著悠揚的音樂，令你感到分舒適！贊！

今日難得同男朋友去撐枱腳，我哋鍾意食🍽西餐所以就今日揀咗一間西餐廳去食🍝男朋友係牛魔王佢就叫咗一個牛扒，我就鍾意食魚類所以就叫咗個三文魚子墨魚🐟野菌墨魚汁意粉。最後驚唔夠飽就叫多咗一個韓式炸雞球配芝士醬🐓男朋友揀咗澳洲穀飼料牛肉眼配黑松露燒汁，牛扒上到枱面擺盤擺得好靚好有心思，男朋友仔話食落🍽牛扒牛味好香濃，筋位唔算多，配上黑松露燒汁好夾我個三文魚子墨魚野菌墨魚汁🍝意粉入邊啲三文魚子一粒粒喺口裏面爆發出嚟，好鮮甜，配上墨魚汁意粉成個意粉鮮味好濃郁🐠韓式炸雞球🐓都做得唔錯，炸得好酥脆，雞球雞肉好滑身，配上芝士醬好惹味！今次男朋友揀呢間餐廳揀得幾好，如果拍拖想食下西餐呢間係唔錯嘅選擇

今日為咗慶祝母親節，雖然係後補慶祝，但係都希望可以搵到呢間佢鍾意食嘅餐廳同佢去食👩‍👧我哋叫咗四樣嘢食，叫左個煙三文魚牛油果薄餅做主食，🍽跟住叫咗幾個小食，有扒德國腸拼盤，香脆魷魚圈同意大利火腿胖 溫室皺皮瓜🍈。雖然好似叫得有啲多但係慶祝就嗌多啲啦🥢煙三文魚牛油果薄餅上面嘅三文魚分量俾得非常多！每一啖都食到三文魚同牛油果嘅存在🥑魷魚圈炸得十分香脆，唔會油冧冧，魷魚鮮味十足☝🏻個扒德國腸拼盤份量一黎到大到不得了，香腸鹹香味十足，一口接一口🌭最滿意嘅小食係意大利火腿溫室皺皮瓜，火腿包住瓜，鹹甜交織，比唔少酒店都做得好食！阿媽話今次好滿意想生日再嚟過添！

已經好一段時間沒有去過這餐廳…這天朋友說想在觀塘品嚐西餐，所以我馬上回憶到這裡！我這天品嚐了香煎美國黑豚豬肉眼套餐。餐湯味道不錯，不過最能吸引我的是那長條形的麵包。它質地是硬脆的，我覺得很特別。主菜-厚切豬肉眼肉質很棒。豬扒油香很誘人，配搭著黑醋醬能中和油膩感，是味道非常優秀的主菜！套餐還包括飲品，我選了熱茶，簡單不花俏。整體來說，我們這天沒有品嚐豪華西式大餐，但這裡的食物質量很好，所以簡單的套餐已經使我非常滿足滿意！

今日約咗一個舊同事去到觀塘撐枱腳🥢🍻舊同事係觀塘嘅地膽好鍾意喺觀塘搵唔同嘅地方及唔同嘅餐廳去搵食🥢🥢佢問我有咩想食？我就答佢西餐🥖跟住佢就搵一間佢成日都會去食嘅餐廳同我去食🍝呢間觀塘嘅西餐廳🍴裝修好特別好有情調，我地叫左🍝黑松露牛肝菌意大利飯，小食就叫左意大利火腿胖 溫室皺皮瓜同埋香脆魷魚圈🍽個意大利火腿胖🍈溫室皺皮瓜最快上枱，一嚟到我哋比個份量嚇親，意大利火腿份量多到完全覆蓋晒啲瓜，火腿連住🍈一齊食鹹香四溢，魷魚圈炸得好香脆，唔會油淋淋，做得好有水準！🥢黑松露牛肝菌意大利飯個黑松露比得好足，每一啖都食到好濃烈嘅黑松露味，撈落意大利飯一齊食淡淡都好濃郁！🍛今餐我同朋友都食得好開心，大家約定下次帶埋其他朋友一齊食👩‍👩‍👧‍👧

最近轉咗工，轉左去觀塘商業區返工，嗰度寫字大樓好密集，都係轉左呢度返工先知原來附近有好多特色嘅餐廳，仲要係新同事介紹俾我我先至有呢啲餐廳。今日公司難得有得放下晝，咁就同同事一齊去happy hour 🍺chill下順便傾吓計。由於我哋得三個女仔，晏晝午飯又食咗好飽，所以我哋嗌咗啲小食同嘢飲，點知發現原來呢間餐廳係有酒賣的！🥂🍻我地左個黑松露炸薯條$48，同埋一個扒德國腸拼盤$158做小食，諗住要來送酒咁食🥢黑松露薯條以一籃竹籃嘅形式上菜，旁邊附上一小碟嘅黑松露沙律醬，等客人可以自由沾醬🥄，亦令到薯條唔會太容易變淋👍🏻扒德國腸🌭拼盤緊隨其後好快都送到上枱，飲啤酒梗係要用香腸送，所以我就叫咗一支啤酒🍺啤啤佢放鬆一下工作嘅疲勞🥂睇來以後喺觀塘返工多咗個chill一chill的好地方！

黑松露牛肝菌意大利飯煮得啱啱好唔會太腍，收汁十分出色令每一粒飯都掛上濃凋嘅醬汁。雖然望落好似好heavy咁，但係食完都唔會好漏～北海道帶子紅椒意大利飯嘅刺身級帶子略煎唔過火，少許油潤令味道更強衝擊，突顯出佢本身嘅清甜鮮美😋呢度嘅西班牙海鮮飯好抵食，因為出面好多做到四人份量嘅，起碼都要三百幾😳 更何況係有咁多海鮮喺面😍 啲海鮮全部都好好食，各有各嘅鮮味，唔會乾爭爭。薯條即叫即炸熱辣辣，炸到外脆內軟。個松露醬好足料，令每次都可以沾上粒粒黑松露蓉，口腔入面香氣四溢🥰香脆魷魚圈同樣都係即叫即炸，炸漿唔太厚，香脆可口。魷魚軟嫩彈牙，再點上泰式酸辣醬，惹味至極🤤

油封鴨髀係法國南部嘅一道傳統經典菜餚。呢度嘅鴨脾都成功做到其特色：肉質酥軟味道濃香嘅效果🤤🤤 伴隨煙肉煮白豆入口，口感更加順滑柔軟。韓式炸雞球炸粉夠薄雞肉夠厚，咬開肉質鮮嫩多汁。個芝士醬好香濃，非常滋味🥰 唔會輸比出面啲專賣韓式炸雞嘅店舖！香煎厚切鵝肝牛肝菌意大利飯鵝肝體積頗大，煎到金黃色😍 外皮香脆，入口即溶，香氣十足～而個飯就好適合香港人口味，夠creamy得嚟仲保持到飯粒嘅口感，唔會淋pat pat👏🏻今次用餐體驗非常滿意，侍應服務態度好好，價錢合理且食物質素高。另外一個加分位，就係呢間位於工廈入面嘅餐廳，有獨立嘅男女洗手間。就係喺呢個裝飾架後面，真係好方便食客👍🏻👍🏻

米蘭海鮮湯係由多種海鮮搭配蕃茄熬煮而成，濃郁又美味！烤虎蝦都幾大隻，蝦殼燒得十分香口，剝咗殼都幾大嚿肉😝意大利火腿味道冇西班牙火腿咁強烈，較為甘甜芳香，味道細緻。皺皮瓜同沙律香甜消暑又juicy👍🏻扒德國腸拼盤煎到脆卜卜，咔一聲咬開爆晒汁🤤 味道唔會死鹹，而係幾種唔同嘅鹹，各有特色。全部都大大條🙈 食完好飽肚！呢度嘅黑松露薯條係用個麵包籃盛住㗎，證明份量十足！面頭灑上香草碎，增添香味～有香氣濃郁嘅黑松露醬，亦都有傳統經典嘅茄汁💁🏻‍♀️ 我自己就鍾意點黑松露醬多啲，入口酥脆香濃🤤

餐廳位於觀塘市中心， 地方便利， 鄰近觀塘地鐵站，出地鐵站後車步行約10分鐘便可到達。 小編當日是到餐廳吃午餐，餐廳內環境感覺頗有格調 ，相信是因為餐廳本身亦是酒吧的原因，相信夜晚去吃晚餐的話會有另一番情調。小編今日叫set lunch, 點了一客 厚切美國黑安格斯牛扒，七成熟，另外，同行友人叫了一客 韓風泡菜魷魚意大利飯。 牛扒的伴碟擺設頗有趣， 由於小編不想吃太生的牛扒，所以七成熟剛剛好，切開肉看不見血水，牛肉嫩，咬下有肉汁。 跟餐配有炒雜菜，雜菜帶有蒜香，配搭牛肉剛好平衡只吃肉的油膩感， 份量剛剛好。另外，友人的韓風泡菜意大利焗飯亦頗有驚喜， 飯粒飽滿，每一口飯都吸收了泡菜的味道， 同時帶有魷魚的鹹香鮮味，十分有趣。 至於餐飲，我們選擇了espresso 和特色果茶，是日的果茶是士多啤梨特飲， 起初小編還會擔心士多啤梨味果茶會有藥水的味道，但飲後發覺有驚喜，甜甜酸酸的，很開胃!

今日老公放工之後車左我去觀塘既 i kitchen,話要兩公婆一齊浪漫💕一下喎！老公話鋸下扒先叫浪漫💕於是就點左個澳洲穀料牛肉眼😋肉眼食得出非常靚料，肉眼嫩滑有光澤同唔老身，咬落去好juicy,配合埋濃郁個黑松露汁非常好食😋食完牛扒，我哋點左個黑松露炸薯條🍟薯條炸得好脆同有黑松露香，我地食完一條再一條！之後我哋再要左個黑松露牛肝菌意大利飯同香煎美式蟹肉餅半香梨田園沙律🥗意大利飯煮得好軟身，同黑松露一齊食簡直好味到極致，黑松露既香味係口入面散發晒出嚟，而蟹肉餅亦煎得好好食，蟹肉鮮甜，疏菜清新！我地食到好滿足！

I Kitchen位於觀塘巧明街冠力工業大廈二樓，餐廳設有酒吧，夜晚可以嚟碰碰杯🍷🥂香煎美式蟹肉餅伴香梨田園沙律$88蟹肉餅煎得好完整冇鬆散，外皮金黃酥脆，新鮮蟹肉鮮甜無比。香梨甘甜爽脆，蔬菜添上黑醋夠晒開胃，可以清新味蕾迎接跟住落嚟嘅主菜🤗三文魚子墨魚野菌墨魚汁意粉$148我都係第一次食墨魚汁意粉，食到個咀黑蚊蚊，非常搞笑。意粉口感一流，都幾掛汁。墨魚汁風味獨特，一試愛上😍👍🏻 另外估唔到會俾咁多三文魚子！總括而言，呢間餐廳俾到我驚喜，性價比極高👏🏻 見到隔離枱個甜品賣相好吸引，生日仲有得畫碟添！已經決定好嚟緊男朋友生日帶佢嚟食🙆🏻‍♀️💕

砌到成座山咁嘅意大利火腿實在令人食慾大動！火腿鹹香十足，連同皺皮瓜田園沙律進食，別有風味又唔dry🤗西班牙海鮮辣肉腸雞肉燉飯一上枱見到個賣相已經流晒口水🤩 啲海鮮多到突晒出嚟，連個鍋都擺唔落！用咗蝦頭熬成嘅湯嚟燉飯，海鮮味濃縮晒喺個飯入面😋 海鮮啖啖肉冇腥臭，加埋辣肉腸同雞肉，令到個層次超級豐富！回味無窮🤤🤤又有煙三文魚又有牛油果嘅薄餅真係啱晒我口味！煙三文魚軟嫩又油潤，仲有勁fresh嘅牛油果醬喺底，超好味😋😋 我鍾意佢個批邊夠薄，整體夠light易入口，食完都唔會好滯。香脆魷魚圈炸皮口感鬆脆，魷魚爽口彈牙夠厚肉👏🏻👍🏻 冇諗到呢度連炸嘢都咁出色！

香煎美式蟹肉餅伴香梨田園沙律$88食蟹唔洗剝殼，咬落每一啖都係蟹肉，呢個咁幸福嘅滋味就係蟹餅🤤 係我最愛，而呢度嘅蟹餅絕對冇令我失望，仲有驚喜添！外層香脆可口，食到啖啖蟹肉鮮甜味美😋 配搭香梨、車厘茄同沙律菜，再拌上少許芝士碎，為整個田園沙律增添咗味道～意大利火腿伴溫室皺皮瓜$98意大利火腿芳香開胃，皺皮瓜爽甜多汁，中和咗火腿嘅油膩感，又增加咗口感同層次🥰煙三文魚牛油果薄餅$148煙三文魚鋪滿晒表面，肉質幼滑且富油香。牛油果醬creamy又清新～兩者好夾👏🏻餐廳裝修環境都好decent，座位闊落又舒適，係個同朋友傾計食飯嘅好地方。