i kitchen (已結業)

米蘭海鮮湯係由多種海鮮搭配蕃茄熬煮而成，濃郁又美味！烤虎蝦都幾大隻，蝦殼燒得十分香口，剝咗殼都幾大嚿肉😝意大利火腿味道冇西班牙火腿咁強烈，較為甘甜芳香，味道細緻。皺皮瓜同沙律香甜消暑又juicy👍🏻扒德國腸拼盤煎到脆卜卜，咔一聲咬開爆晒汁🤤 味道唔會死鹹，而係幾種唔同嘅鹹，各有特色。全部都大大條🙈 食完好飽肚！呢度嘅黑松露薯條係用個麵包籃盛住㗎，證明份量十足！面頭灑上香草碎，增添香味～有香氣濃郁嘅黑松露醬，亦都有傳統經典嘅茄汁💁🏻‍♀️ 我自己就鍾意點黑松露醬多啲，入口酥脆香濃🤤